စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကျောက်ပန်း တောင်းမြို့နယ်တာဝန်ခံ ဒေါ်မြသန္တာထွန်း(ဒု-ဦးစီးမှူး)သည် အထွေထွေအုပ်ချုပ်ရေးဦးစီးဌာန၊ ပြည်သူ့ကျန်းမာရေးဦးစီးဌာန၊ မီးသတ်ဦးစီးဌာန၊ မြို့နယ်စည်ပင်သာယာရေးအဖွဲ့တို့နှင့် အတူ (၂၅.၈.၂၀၂၆) ရက်နေ့၊ နံနက် (၀၈:၃၀)နာရီအချိန်တွင် ကျောက်ပန်းတောင်းမြို့ မြို့မစည်ပင်သာယာ ဈေးအတွင်းအပြင်ရှိ အစားအသောက်ရောင်းချသော ဈေးဆိုင်များအား လုံခြုံစိတ်ချရမှုရှိစေရေး၊ ဘေးအန္တရာယ်ကင်းရှင်းစေရေး၊ ဝမ်းပျက်ဝမ်းလျောရောဂါမဖြစ်ပွားစေရေးတို့အတွက် ဈေးကွက် စောင့်ကြည့်စစ်ဆေးခြင်းများဆောင်ရွက်ခဲ့ကြပါသည်။
ပူးပေါင်းအဖွဲ့သည် ဈေးအတွင်းအပြင်တွင်ရောင်းချလျက်ရှိသော အစားအစာများ၌ သက်ဆိုင်ရာဌာန ထောက်ခံချက်နှင့် စားသုံးသူကာကွယ်ရေးဥပဒေပါ ကုန်စည်အမျိုး အစားအလိုက် ဖော်ပြပါဝင်ရမည့် သတ်မှတ်ထားသော ကုန်အညွှန်းအမှတ်အသားများပြည်စုံမှန်ကန် မှုရှိ/မရှိ၊ သန့်ရှင်းလတ်ဆတ်သော အစားအစားများနှင့်စနစ်တကျထားသိုသိမ်းဆည်းမှုရှိ/မရှိ၊ ယင်နားစာများ၊ မသန့်ရှင်းသော၊ သတ်မှတ်ချက်များနှင့်မညီသော၊ ဘေးအန္တရာယ်ဖြစ်စေနိုင်သော အစားအစာများ ရောင်းချမှုမရှိစေရေး၊ သန့်ရှင်းကောင်းမွန်သောမုန့်များ၊ သက်ဆိုင်ရာဌာနများမှ သတ်မှတ်ထားသော သတ်မှတ်ချက်များနှင့်အညီရောင်းချစေရေး၊ လုံခြုံစိတ်ချရမှုရှိပြီး၊ ဘေးအန္တရာယ်ကင်းရှင်းစေရန်နှင့် ထိခိုက်နစ်နာဆုံးရှုံးမှုများ မဖြစ်ပေါ်စေရေး၊ လတ်တလော ဒေသအချို့၌ ဝမ်းပျက်ဝမ်းလျောရောဂါများ ဖြစ်ပွားလျက်ရှိရာ မိမိတို့ဒေသ၌ မဖြစ်ပွားစေရေးတို့အတွက် သက်ဆိုင်ရာဌာနဖြင့် ကွင်းဆင်းစစ်ဆေး အသိပညာပေးခြင်းများဆောင်ရွက်ခဲ့ကြောင်း သိရသည်။
DOCA(မန္တလေး)