ပြည်တွင်းကုန်သွယ်မှုသတင်း

    မန္တလေးတိုင်းဒေသကြီး၊ ကျောက်ဆည်မြို့နယ်အတွင်းရှိ တောင်သူများသည် စပါး၊ပဲ၊ပြောင်း၊ နှမ်း၊ငရုတ်စသည့် သီးနှံမျိုးစုံစိုက်ပျိုးကြသည့်အပြင် ရုံးပတီသီးကိုလည်း တစ်ပိုင်တစ်နိုင်စိုက်ပျိုးလာ ကြပြီး ယခုအချိန်တွင် တောင်သူများသည် ရုံးပတီသီးကို စီးပွားဖြစ်စိုက်ပျိုး လာကြပါသည်။ ရုံးပတီသီး ကိုရာသီမရွေးစိုက်ပျိုးနိုင်သောကြောင့် တောင်သူများတွက်ခြေကိုက်သောသီးနှံတစ်မျိုးဖြစ်ပါသည်။ ရုံးပတီသီးကို သံချပ်ကုန်း၊ အုတ်ဖို နှင့် ရွာပုလဲကျေးရွာများတွင် အများဆုံး စိုက်ပျိုးကြပါသည်။ စိုက်ပျိုးသောမျိုးများမှာ ပင်ပုမျိုး ၊ ပင်လတ်မျိုး နှင့် ပင်မြင့်မျိုးများကို အများဆုံးစိုက်ပျိုးကြပြီး (၁)ဧကလျှင် မျိုးစေ့(၁၂)ထုပ် စိုက်ပျိုးရပြီး မျိုးစေ့တစ်ထုပ်လျှင် (၂၈၀၀၀/-)ကျပ်ပေးရကြောင်း၊ (၁)ဧက ကုန်ကျစရိတ်အနေဖြင့် မျိုး၊သွင်းအားစု၊လုပ်သားခအပါအဝင် စုစုပေါင်း(၆၃၀၀၀၀/-)ကျပ် ဝန်းကျင်ကုန်ကျကြောင်း၊ စိုက်ပျိုးပြီး(၄၅)ရက်အကြာတွင် စတင်ခူးဆွတ်ရပြီး တစ်ရက်ခြား တစ်ကြိမ် ခူးဆွတ်ပေးရကြောင်း၊ သက်တမ်းအနေဖြင့်(၂)လအထိ ခူးဆွတ်ရကြောင်း၊ ဈေးနှုန်းအနေဖြင့် ဖောက်သည်ဈေး တစ်ပိဿာလျှင်(၁၈၀၀)ကျပ်၊ လက်လီဈေးနှုန်းအနေဖြင့် တစ်ပိဿာလျှင် (၂၀၀၀/-)ကျပ်ဈေးနှုန်းဖြင့် အရောင်းအဝယ်ဖြစ်နေကြောင်း၊ ယခင်အပတ်ထက် စျေးနှုန်းအနည်းငယ် ကျဆင်းသွားကြောင်း ကုန်စိမ်းသီးနှံ ဖြစ်သည့်အတွက်ဈေးနှုန်းအတက်အကျရှိကြောင်း၊ အကျိုး အမြတ်အနေဖြင့်(၇၀၀၀၀၀/-) ကျပ်ခန့်မြတ်ကြောင်း၊ စိုက်ခင်းသို့လာရောက် ဝယ်ယူသော ကုန်စိမ်း ပွဲစားများအား ရောင်းချသည့်အပြင် မြို့မဈေးနှင့် အေးမြကြည်လင်ဈေးများသို့လည်း တင်ပို့ ရောင်းချကြကြောင်း၊ ရုံးပတီသီးစိုက်ပျိုးသော တောင်သူတစ်ဦး၏ ပြောကြားချက်အရ သိရှိရပါသည်။

DOCA(မန္တလေး)

   မန္တလေးတိုင်းဒေသကြီး ၊ ကျောက်ဆည်ခရိုင်သည် စိုက်ပျိုးရေးကို အဓိကထား လုပ်ကိုင် ဆောင်ရွက်သော ဒေသတစ်ခုဖြစ်ပြီး သီးနှံမျိုးစုံ စိုက်ပျိုးဖြစ်ထွန်းလျက်ရှိရာ ဈေးကွက်ဝယ်လိုအား ရှိသော ဖရဲသီးနှံကိုလည်း စိုက်ပျိုးလျက်ရှိကြောင်း၊ ဖရဲစိုက်ပျိုးမှုအနေဖြင့် မျိုးစေ့ဝယ်၍ ပျိုးထောင် စိုက်ပျိုးရကြောင်း၊ ပျိုးသက်တမ်း (၂၀)ရက်တွင် စိုက်ခင်းထဲသို့ ပြောင်းရွေ့စိုက်ပျိုးရကြောင်း၊ မျိုးစေ့ကို စိုက်ပျိုးရေးဆေးဆိုင်များမှ ဝယ်ယူစိုက်ပျိုးကြကြောင်း၊ ဖရဲမျိုးစေ့တစ်ထုတ်လျှင်(၃၀၀၀၀ -၃၅၀၀၀) ကျပ်ဖြင့် ဝယ်ယူရကြောင်း၊ တစ်ဧကမျိုးထုပ် (၁၀)ထုပ် စိုက်ပျိုးရကြောင်း၊ တစ်ဧက ကုန်ကျစရိတ်အနေဖြင့် မျိုး၊သွင်းအားစု၊ လုပ်သားခ၊ ပလပ်စတစ်လိပ်ဖိုးများအပါအဝင် စုစုပေါင်း (၄၀၀၀၀၀၀/-)ကျပ်ခန့် ကုန်ကျကြောင်း၊ သွင်းအားစုများ ပိုမိုသုံးစွဲပါက ကုန်ကျစရိတ် ပိုမိုများပြားနိုင်ကြောင်း၊ စိုက်ပျိုးပြီး ရက်(၃၀)အကြာတွင် ပန်းများစတင်ပွင့်ပြီး ပန်းပွင့်ပြီး (၂၅)ရက်၊ (၃၀) ရက်တွင် အသီးများစတင်ခူးခွတ်နိုင်ပြီးဖြစ်ကြောင်း၊ စိုက်ပျိုးမှု မျိုးအနေဖြင့် ကျောက်စိမ်း ဖရဲ၊ ဒုံးကျည်ဖရဲနှင့် 855 ဖရဲမျိုးများ စိုက်ပျိုးကြကြောင်း၊ တစ်ဧကအထွက်နှုန်းအနေဖြင့် အလုံး ပေါင်း (၆၀၀၀)ခန့် ထွက်ရှိကြောင်း၊ ခရိုင်အတွင်း လက်ရှိစိုက်ပျိုးမှု အနည်းငယ်သာရှိပြီး ထွက်ရှိ သောရွာမှာ ရှင်ငယ်ပြေးရွာဖြစ်ကြောင်း၊ ယခုလက်ရှိဈေးကွက်အတွင်း ဝင်ရောက်နေသော ဖရဲသီး များမှာ မြို့နယ်အတွင်း ထွက်ရှိသော အသီးများ၊  ဝမ်းတွင်းမြို့နယ်၊ ဆည်ရွာမှ ထွက်ရှိသော ဖရဲများ ဖြစ်ပြီး ကျောက်စိမ်းဖရဲသီး တစ်လုံးလျှင် အလုံးသေး (၂၃၀၀/-)ကျပ်၊ အလုံးကြီး (၃၅၀၀/-) ကျပ်၊ 855 ဖရဲတစ်လုံးလျှင် အလုံးကြီး(၄၀၀၀/-) ၊ အလုံးသေး (၃၀၀၀/-) ကျပ်တို့ဖြင့် ရောင်းဝယ်လျက်ရှိကြောင်း၊ ရောင်းဝယ်လျက်ရှိကြောင်း၊ ဈေးကွက်အနေဖြင့် မြို့ပေါ်ရှိ သစ်သီးဆိုင်များ၊ သစ်သီးပွဲရုံများနှင့် ဈေးများသို့ ရောင်းချလျက်ရှိပြီး ပွဲရုံများမှ တစ်ဆင့် မန္တလေးမြို့၊ ရန်ကုန်မြို့များသို့ တင်ပို့လျက်ရှိကြောင်း၊ သစ်သီးဆိုင်များမှ စိုက်ခင်းထဲအရောက် လာရောက် ဝယ်ယူသူများ လည်း ရှိကြောင်း သိရှိရပါသည်။

DOCA(မန္တလေး)

     ကျောက်ဆည်ခရိုင် ကျောက်ဆည်မြို့နယ်တွင်နွေ၊ မိုး ၊ ဆောင်း ဥတုသုံးပါး ညီမျှခြင်းကြောင့် သီးပင်၊ စားပင်များအား စိုက်ပျိုးဖြစ်ထွန်းလျက်ရှိရာ ၎င်းသီးနှံများအနက် ခရမ်းချဉ်သီး သီးနှံကို လွယ်ကူစွာ စိုက်ပျိုးလျှက်ရှိပါသည်။ ယခုအချိန်တွင် ရှမ်းပြည်နယ်၊အောင်ပန်း၊ အင်းလေးမှ ထွက်ရှိ သော ခရမ်းချဉ်သီးများ ကျောက်ဆည်ခရိုင်အတွင်းသို့ ဝင်ရောက်လျက်ရှိသလို ၊ မြို့နယ်အတွင်း စိုက်ပျိုးထားသော ခရမ်းချဉ်သီး သီးနှံများလည်း ထွက်ပေါ်နေပြီဖြစ်ပါသည် ။ ခရမ်းချဉ်သီး‌ စျေးနှုန်းအနေဖြင့် ဇန်နဝါရီလတွင် ဗမာခရမ်းချဉ်သီး တစ်ပိဿာလျှင် (၅၀၀၀-၆၀၀၀)ကျပ် ၊ ခရမ်းချဉ်သီး(ရှမ်း) (၁)ပိဿာလျှင် (၄၅၀၀-၅၀၀၀)ကျပ် ရှိခဲ့ရာမှ ဖေဖော်ဝါရီလ ပထမပတ်တွင် ဗမာခရမ်းချဉ်သီး တစ်ပိဿာလျှင်(၄၀၀၀-၄၅၀၀) ကျပ် ၊ ခရမ်းချဉ်သီး‌(ရှမ်း) (၁)ပိဿာလျှင် (၃၅၀၀-၄၀၀၀)ကျပ် စျေးနှုန်းများဖြင့် ရောင်း ဝယ်လျက်ရှိပြီး ယခင်လနှင့်ယခုအပတ်နှိုင်းယှဉ်ပါက ခရမ်းချဉ်သီးစျေးနှုန်းများ ကျဆင်းလျက်ရှိကြောင်း ခရမ်းချဉ်သီးရောင်းချသည့် စျေးသည်များထံမှ သိရှိရပါသည်။

DOCA(မန္တလေး)

    မန္တလေးတိုင်းဒေသကြီး၊ကျောက်ဆည်မြို့နယ်ထားဝယ်ကျေးရွာတွင် မိသားစုစားဝတ်နေရေးအတွက် တစ်ဖက်တစ်လမ်းမှ အထောက်အကူပြုစေသည့် ဆူးပုတ်ပင်များကို တစ်ပိုင်တစ်နိုင်စိုက်ပျိုးလာကြ သည်ကိုသိရှိရပါသည်။ ဆူးပုတ်ပင်ကိုအပင်(၃၀၀)ခန့်စိုက်ပျိုးထားရှိရာ စိုက်ပျိုးပြီး (၆) လအကြာတွင်ခူးဆွတ်ရောင်းချကြောင်း ဆူးပုတ်ရွက်ကို(၂)ရက်တစ်ကြိမ် ခူးဆွတ်ရပြီး အစည်း ရေ(၂၀၀)ကျော် ခန့်ထွက်ရှိကြောင်း၊ ရာသီဥတုပေါ်မူတည်ပြီး ရေသွင်းခြင်းနှင့် ဆေးဖျန်းပေး ရကြောင်းသိရှိရပါသည်။ ဆူးပုတ်ရွက်(အကြီး) (၁)ပိဿာလျှင် လက်ကားဈေး(၁၇၀၀၀)ကျပ် ၊ လက်လီ(၂၅)ကျပ်သားလျှင် (၅၀၀၀) ကျပ် နှင့် ဆူးပုတ်ရွက်(အသေး) (၁)ပိဿာလျင် လက်ကားဈေး (၂၇၀၀၀) ကျပ် ၊ လက်လီ (၂၅) ကျပ်သားလျင် (၇၅၀၀)ကျပ် နှုန်းဖြင့်ဈေးများတွင် ဖောက်သည်သွင်းရောင်းချသလို ကိုယ်တိုင်လည်း ရောင်းချကြကြောင်း၊ ဆူးပုတ်ရွက်ကို အကုန်မညှပ်ဘဲ ဈေးကောင်း သည့်အချိန်မှဖမ်းညှပ်သလို ပုံမှန်ဝင်ငွေရသော်လည်း ထိန်းညှပ်ရတာလည်းရှိကြောင်းနှင့် အချို့ကျေး ရွာများတွင်လည်း ကျယ်ကျယ်ပြန့်ပြန့်စိုက်ပျိုးလာကြောင်း ဆူးပုတ်ရွက်စိုက်ပျိုးသူတစ်ဦး၏ ပြောပြချက်အရ သိရှိရပါသည်။

DOCA(မန္တလေး)

     ကျောက်ဆည်ခရိုင်အတွင်းရှိ တောင်သူဦးကြီးများသည် စားဖိုဆောင်သီးနှံများဖြစ်သော ကြက်သွန်ဖြူ၊ကြက်သွန်နီ၊ ပဲမျိုးစုံနှင့်နှမ်း၊နေကြာ စသည့် ဆီထွက်သီးနှံများအပြင် မိသားစု အပိုဝင်ငွေရရှိရေးအတွက် ကျေးလက်တောရွာများ၌ သဘာဝအလျှောက်ပေါက်ရောက်သည့် စားသုံးပင်ဖြစ်သလို ခြံစည်းရိုးများတွင်စိုက်ပျိုးသည့် ဆူးခြုံပင်တစ်မျိုးဖြစ်သော ကင်ပွန်းချဉ် ပင်ကိုလည်း စိုက်ပျိုးလာကြပါသည် ။ ကင်ပွန်းချဉ်ပင်စိုက်ပျိုးရာတွင် အစေ့မှမျိုးယူ၍စိုက်ပျိုး ရကြောင်းသိရှိရပါသည် ။ ကင်ပွန်းချဉ်ရွက်သည် အစာအိမ်ရောဂါ နှင့် ဝမ်းချုပ်ခြင်းကိုလည်း သက်သာစေကြောင်း ၊ ဆံသားပျက်စီးမှုကို သဘာဝအတိုင်းပြန်လည်ကုသပေးနိုင်ခြင်း၊ ကင်ပွန်းချဉ်ရွက်ကို ခေါင်းလျော်ရည်နှင့်ရေချိုးဆပ်ပြာများပြုလုပ်ရာတွင်လည်းအသုံးပြုနိုင်ပါ ကြောင်း၊အရေပြားရောဂါများကုသရာတွင်လည်းအသုံးပြုနိုင်ပါကြောင်း ကျန်းမာရေးဗဟုသုတ များအရသိရှိရပါသည် ။ ကျောက်ဆည်မြို့ ၊ အေးမြကြည်လင်စျေးတွင် ကင်ပွန်းချဉ်ရွက်(၂၅) ကျပ်သားလျှင်(၅၀၀၀/-)ကျပ်၊(၁)ပိဿာလျှင်(၁၈၀၀၀/-)ကျပ်စျေးနှုန်းများဖြင့်ရောင်းဝယ်လျှက် ရှိကြောင်းသိရှိရပါသည်။ ကင်ပွန်ချဉ်ရွက်ကိုကြော်စားခြင်း ၊ ဟင်းချိုချက်၍သောက်သုံးခြင်း ၊ အချဉ်ရည်ဟင်းပြုလုပ်၍လည်း ချက်ပြုတ်စားသုံးကြသောကြောင့် မိသားစု အပိုဝင်ငွေရရှိရေး အတွက်စိုက်ပျိုးထားသင့်ပါကြောင်း ရေးသားတင်ပြအပ်ပါသည်။

DOCA(မန္တလေး)