မြင်းခြံကုန်စည်ဒိုင်တွင် ပဲမျိုးစုံ၊ကြက်သွန်နီနှင့် ဆီထွက်သီးနှံမျိုးစုံ ရောင်းဝယ်လျက်ရှိ သည့်အနက် ဆောင်းမြေပဲသီးနှံများကိုလည်း နေ့စဉ်အရောင်းအဝယ် ဖြစ်လျက်ရှိကြောင်း၊ ၂၀၂၆ခုနှစ်၊ မတ်လ၌ မြေပဲ S1လုံးဆံတစ်တင်းလျှင် (၁၅၀၀၀၀)ကျပ်၊ မြေပဲS1ဆီဆံ တစ်တင်း လျှင်(၁၃၆၀၀၀)ကျပ်၊ ပြန့်လုံးဆံတစ်တင်းလျှင်(၁၄၈၅၀၀) ကျပ်၊ ပြန့်ဆီဆံတစ်တင်းလျှင် (၁၄၄၀၀၀) ကျပ်ခန့် ပေါက်ဈေးများဖြင့် အရောင်းအဝယ်ဖြစ်လျက်ရှိကြောင်း၊ ယခင် ဖေဖော်ဝါရီလ၌ မြေပဲ S1လုံးဆံတစ်တင်းလျှင် (၁၃၃၀၀၀)ကျပ်၊ မြေပဲS1ဆီဆံ တစ်တင်း လျှင်(၁၂၀၀၀၀)ကျပ်၊ ပြန့်လုံးဆံတစ်တင်းလျှင်(၁၃၂၀၀၀) ကျပ်၊ ပြန့်ဆီဆံတစ်တင်းလျှင် (၁၃၀၀၀၀)ကျပ်ခန့်ပေါက် ဈေးများဖြင့် အရောင်းအဝယ်ဖြစ်ခဲ့ကြောင်း၊ ယခင်လနှင့် နှိုင်းယှဉ်ပါက ယခုလတွင်မြေပဲ S1လုံးဆံ တစ်တင်းလျှင် (၁၇၀၀၀)ကျပ်၊ မြေပဲS1ဆီဆံ တစ်တင်း လျှင်(၁၆၀၀၀)ကျပ်၊ ပြန့်လုံးဆံ တစ်တင်း လျှင်(၁၆၅၀၀) ကျပ်၊ ပြန့်ဆီဆံတစ်တင်းလျှင် (၁၄၀၀၀)ကျပ် ကျပ်ခန့် ဈေးနှုန်း မြင့်တက်ခဲ့ ကြောင်း၊ အရောင်းအဝယ်ဖြစ်မှုအနေဖြင့် နေ့စဉ်အိတ်ရေ (၂၀၀-၃၀၀)အိတ်ခန့် အရောင်းအဝယ် ဖြစ်လျက်ရှိကြောင်း၊ ဝယ်လိုအားများသောကြောင့် ဈေးနှုန်းမြင့်တက်ခြင်းဖြစ်ကြောင်း၊ ဈေးကွက် တင်ပို့မှုအနေဖြင့် ရန်ကုန်မြို့၊ မန္တလေးမြို့သို့ တင်ပို့ကြောင်း၊ ယာဉ်သယ်ယူစရိတ် နှုန်းထားများအနေဖြင့် မြင်းခြံမြို့မှ ရန်ကုန််မြို့သို့ တင်ပို့ရာတွင်မြေပဲ တစ်တင်းခွဲတစ်အိတ်လျှင် (၄၀၀၀) ကျပ်ဖြစ်ကြောင်း၊ မြင်းခြံမြို့၊မန္တလေးမြို့သို့ တင်ပို့ရာတွင် တစ်တင်းခွဲတစ်အိတ်လျှင် (၂၅၀၀) ကျပ်ခန့် နှုန်းထားများရှိကြောင်း လုပ်ငန်းလုပ်ကိုင်သူတစ်ဦး ပြောပြချက် အရသိရှိရသည်။
Doca(မန္တလေး)