ပြည်တွင်းကုန်သွယ်မှုသတင်း

    မြိတ်ခရိုင်တွင် နွေရာသီဒေသစားကုန်အဖြစ်အုန်းပင်များတစ်ပိုင်တစ်နိုင်စိုက်ပျိုးကြပြီး စီးပွား ဖြစ် လုပ်ကိုင်လျက်ရှိကြပါသည်။ အုန်းပင်ကို ကျေးရွာများတွင်အဓိကထားစိုက်ပျိုးကြပြီး မြို့များရှိ ခြံ များ၌ လည်း စိုက်ပျိုးကြလေ့ရှိပါသည်။ အုန်းပင်ကို အမျိုးမျိုးအသုံးပြုကြလေ့ရှိသည်။ အရွက်အရိုးကို ပန်းဂုံးပြုလုပ်ပြီး၊ အရွက်ကို နေကာအဖြစ်အသုံးပြုကြလေ့ရှိသည်။ အုန်းပင်မှ ထွက်ရှိသော အုန်းသီး သည် မုန့်အမျိုးမျိုးပြုလုပ်ရာတွင်မပါမဖြစ်သော အရာဖြစ်ပြီး အုန်းသီးနုများကို ကျန်းမာရေး အရ သောက်သုံးကြလေ့ရှိသည်။ မြိတ်မြို့တွင် ဒေသထွက်အုန်းပင်များ စျေးကောင်းရရှိလျက်ရှိပြီး နွေရာသီရောက်လျှင် အုန်းသီးများရှားပါးလျက်ရှိသည်။ အုန်းသီးကို အုန်းသီးနု၊ အုန်းသီးခြောက်အဖြစ် ခွဲ၍ ရောင်းချကြပြီး အရွယ်အစား အရေအတွက်ပေါ်မူတည်၍ စျေးကောင်းရလျက်ရှိသည်။  မြိတ် ဒေသတွင် အုန်းသီးခြောက်လက်ကားစျေးလျှင် ၁၈၀၀ကျပ်ရှိပြီး အုန်းသီးနု‌လက်ကားစျေးနှုန်းမှာ ၁၅၀၀ကျပ်ခန့်စျေးရရှိကြောင်း သိရှိရပါသည်။ အုန်းသီးလက်လီအရောင်းဆိုင်များနှင့် စျေးများတွင် ရောင်းချသောစျေးနှုန်းအရ အုန်းသီးခြောက်တစ်လုံးစျေးနှုန်းမှာ ၅၀၀၀ကျပ် ခန့်ရှိပြီး အုန်းသီးနု တစ်လုံးစျေးနှုန်းမှာ ၃၀၀၀ ကျပ်ခန့်စျေးရရှိကြောင်းသိရှိရပါသည်။

DOCA(တနင်္သာရီ)

            ဂန္ဓာမာပန်းသည် တစ်နှစ်ပတ်လုံး ထွက်ပေါ်သည့်ပန်းပျိုးဖြစ်သည်။ ပန်းအများဆုံး ထွက်ပေါ်ချိန် တွင် ဈေးကျတတ်ပြီး အခြားသော သစ္စာပန်း ၊ပန်းတိမ်ငိုပန်းများ ထွက်ပေါ်ချိန်ဖြစ်၍ ဂန္ဓာမာပန်း ဈေးကွက် အေးနေကြောင်း သိရှိရသည်။ ဂန္ဓာမာပန်းပွင့်ကြီးမျိုး၊ ပွင့်သေးမျိုး၊ အဝါရောင်၊ ခရမ်းရောင်၊ နီညိုရောင် စသည်ဖြင့် အရောင်မျိုးစုံရှိသည်။ ဂန္ဓာမာပန်းအဖြူရောင်၏ အဓိပ္ပာယ်သည် “ငြိမ်းချမ်းပါစေ” ဟူ၍ ဖြစ်သည်။ ဂန္ဓာမာပန်း အဝါရောင်သည် “သတိရနေမယ်” ဟု သင်္ကေတ အမှတ်အသားဖြစ်သည်။ ဂန္ဓာမာပန်း အဖြူရောင်နှင့် အဝါရောင် ကို လူကြိုက်များပြီး ရောင်းအားကောင်းကြောင်း သိရှိရသည်။ ဂျပန်တွင် ကျင်းပသော ဂန္ဓာမာပန်းပွဲတော်သည် ပျော်ရွှင်ခြင်းတို့၏ ပွဲတော် “Festival of Happines” ဟု အမည်တွင်ပါသည်။ ဂန္ဓာမာပန်း ရနံ့မကြွယ်သော အလှပန်းဖြစ်သည်။ ဂန္ဓာမာပန်းတွင် ပါဝင်သော “Pyrethum” ဆိုသည် ပိုးသတ်ဆေး ဒြပ်ပေါင်းသည်ခြင်းမတွေ၏ အာရုံကြောကို အကျိုးသက်ပြီး ခြင်ကိုက်ခြင်းကို တားဆီးပေးနိုင်ပါသည်။ခြင်မတွေ့ကသာ လူ့သွေးကို စုတ်ယူကြသည့် အတွက်ကြောင့် ဂန္ဓာမာ ခြင်နိုင်ဆေးအဖြစ် ထုတ်လုပ်ရောင်းချကြောင်း လေ့လာသိရှိရသည်။ပန်းတို့၏ အဓိပ္ပာယ်ပန်းတို့၏ သဘာဝအလှပေါ်မူတည်၍ ဝယ်ယူမှုရှိကြောင်း သိရှိရသည်။မန္တလေးဈေးကွက်အတွင်းသို့ ပြင်ဦးလွင်ဒေသထွက် ဂန္ဓာမာပန်းများ ဝင်ရောက်လျှက်ရှိပြီး ဂန္ဓာမာပန်းပွင့်သေးမျိုး လက်ဆုပ် တစ်ဆုပ် တစ်စည်း လျှင် (၁၅၀၀/၂၀၀၀)ကျပ် ဂန္ဓာမာပန်း ပွင့်ကြီး မျိုး(၁၀)ခိုင်ပါ တစ်စည်းလျှင် (၂၀၀၀/၃၀၀၀) ကျပ် ဖြင့်ရောင်းချလျှက်ရှိကြောင်း ပန်းမျိုးစုံ အရောင်းဆိုင်မှ သိရှိရသည်။

DOCA(မန္တလေး)

         ရွက်လှပန်းပင်သည် အပွင့်မဟုတ်ဘဲ အရွက်များသာရှိပြီး အရွက်များလှပတင့်တယ် ခြင်းကြောင့် ရွက်လှပန်းဟု ခေါ်ဆိုခြင်း ဖြစ်ပါသည်။ ရွက်လှပန်းသည်လည်း သပြေညွှန့်၊ ကံ့ကော်ညွှန့်တို့ကို ပန်းဟုခေါ်သကဲ့သို့ခေါ်ဆိုကြခြင်းဖြစ်ပါသည်။ ရွက်လှရွက်များသည် အရောင်စုံ၍ စိုပြေလှပ သည့်အပြင် အလွန်မာကျောကာ အထားခံသောကြောင့် လူကြိုက်များကြပါသည်။ အပင်တစ်ပင် တည်းပင်လျှင် အရွက်ကိုလိုက်၍ အဆင့်ဆင့်အရောင် ပြောင်းတတ်သော အပင် တစ်မျိုး လည်းဖြစ်ပါသည်။ ရွက်လှပင်များသည် မြေမရွေးဘဲ စိုက်ပျိုးဖြစ်ထွန်းခြင်း၊ ရာသီဥတု ဒဏ်ကိုလည်းခံနိုင်ရည်ရှိပါသည်။  အရိပ်အသင့်အတင့်အနည်းငယ်ရသော နေရာများတွင် စိုက်ပျိုးရ ခြင်းဖြင့် ထွက်ပေါ်လာသောအရောင်များနှင့် နေရောင်ခြည်နှင့် တိုက်ရိုက်ထိတွေ့နိုင်သောနေရာ တွင် စိုက်ပျိုး၍ထွက်ပေါ်လာသော အရွက်အရောင်များမှာ ကွဲပြားခြားနားမှုရှိပါသည်။ ရွက်လှပန်း ပင်များကို ပန်းအိုးဖြင့်လည်းကောင်း၊ သံပုံးများဖြင့်လည်းကောင်း၊ စည်ပိုင်းများဖြင့်လည်းကောင်း စိုက်ပျိုး၍ရသော်လည်း မြေပေါ်တွင်စိုက်ပျိုးသည်က ပိုမို၍ဖြစ်ထွန်းပါသည်။ မြေကြီးပေါ်တွင် စိုက်ပျိုးသည့်အပင်သည် ပန်းအိုးထဲစိုက်ပျိုးသည့်အပင်ထက် အမြစ်များပို၍ ထိုးထွက်သဖြင့် အကိုင်း အခက်အလက်အတက်အရွက်များလည်း ဝေဆာစွာလှပပါသည်။ ထိုသို့လှပသော ရွက်လှပန်းပင် များကို ရုံးဝန်းအတွင်း၊ ရုံးမျက်နှာစာ၊ စာသင်ကျောင်းဝန်းအတွင်းများ၊ ဘုန်းကြီးကျောင်းဝန်း အတွင်းများ၊ ဟိုတယ်များ စသည့်ဖြင့်နေရာစုံ အလှစိုက်ပျိုးမှုများကြောင်း သိရပါသည်။ ပုသိမ်ကြီး မြို့တွင် ရွက်လှပန်းပင်ဈေးနှုန်းများမှာ အပင်အသေးတစ်ပင်လျှင် (၁၅၀၀/၂၀၀၀)ကျပ်၊ အလတ်စား တစ်ပင်လျှင် (၂၅၀၀/၃၀၀၀)ကျပ်နှင့် အကြီးတစ်ပင်လျှင် (၄၅၀၀/၅၀၀၀)ကျပ်များဖြင့် အရောင်း အဝယ်ဖြစ်လျက်ရှိကြောင်း သိရပါသည်။

DOCA(မန္တလေး)

      အာလူးကို မြန်မာနိုင်ငံရှိ ဧရာဝတီတိုင်းဒေသကြီး၊ မန္တလေးတိုင်းဒေသကြီး၊ မကွေးတိုင်းဒေသ ကြီးနှင့် ရှမ်းပြည်နယ်တွင်စိုက်ပျိုးလျက်ရှိပြီး ‌မြေနီ၊ နုန်းတင် မြေနု၊ ခဲမြေနက် မြေမျိုးတွင်စိုက်ပျိုး နိုင်သည်။ တနင်္သာရီတိုင်းဒေသတွင် မစိုက်ပျိုးနိုင်ခြင်းကြောင့် ရန်ကုန်ကုန်စည်ဒိုင်များမှ ပြန်လည် မှာယူလျက်ရှိပြီး ဒေသတွင်း အစားအသောက်များချက်ပြုတ်ရန်နှင့် အားလူးကြော် ထုတ်ကုန်အဖြစ် ထုတ်လုပ်ရာတွင် အဓိကသုံးစွဲလျက်ရှိပါသည်။ ဒေသထုတ်ကုန် (SME) မှတ်ပုံတင်ဖြင့် ထုတ်လုပ်ကြ လျက်ရှိပြီး အခြားတိုင်းနှင့်ပြည်နယ်များသို့ ရောင်းချလျက်ရှိကြပါသည်။

       မြိတ်မြို့တွင် ၂၀၂၅ခုနှစ်၊ နိုဝင်ဘာလ၌ အာလူးကြော်တစ်ထုပ်လျှင် ၁၅၀၀ခန့်စျေးရရှိပြီး စားသောက်ဆိုင်များတွင် အာလူးပွကြော်တစ်ပွဲလျှင် ၅၀၀၀ကျပ်ခန့်စျေးရရှိကြောင်း သိရှိရပါသည်။

DOCA(တနင်္သာရီ)

          ဇွန်ပန်း၏ ရနံ့ကစိတ်ကိုကြည်လင်အေးမြလန်းဆန်းစေပြီး စိတ်ဖိစီးမှုကို လျော့နည်း စေပါသည်။ ဇွန်ပန်း၏ နှင်းလိုဖြူဆွတ်တဲ့ အရောင်၊ မွှေးပျံ့ချိုမြိန်တဲ့ရနံ့၊ လှပတဲ့ပန်းပွင့်တွေကြောင့် လူအများကြိုက်နှစ်သက်ကြပါသည်။ မိုးရာသီရောက်ပြီဆိုသည်နှင့် စံပယ်ပန်းပြီးလျှင် ဇွန်ပန်းများ ထွက်ပေါ် လာပြီ ဖြစ်ပါသည်။ ဇွန်ပန်းများကို သီကုံး၍ ဈေးကွက်သို့ တင်ပို့ရောင်းချကြပြီး လူကြိုက်များ၍ ဝယ်ယူမှုများသော ပန်းကလေးများ ဖြစ်ပါသည်။ ဘုရားပန်းကပ်လှူရန်နှင့် အမျိုး သမီးများ ခေါင်းတွင် ပန်ဆင်ရန်အတွက်  အရောင်းသွက်လှပါသည်။ဇွန်ပန်းပင်သည် တစ်ခါစိုက် ထားလျှင် အခါခါခူးယူရသော ကြာရှည်ခံအပင်တစ်မျိုးဖြစ်ပါသည်။ မိမိအိမ်ခြံဝန်းတွင်  ပန်းအိုးနှင့် အလှစိုက်ပျိုးကြသလို စီးပွားဖြစ်ခြံနှင့်စိုက်ပျိုးသူများလည်း ရှိပါသည်။ တိုးတက်လာတဲ့ ခေတ်နှင့် အညီ ဖုန်းတစ်ချက်ဆက်လိုက်ရုံဖြင့် အိမ်တိုင်ရာရောက်လာရောက် ပို့ဆောင်ရောင်းချမှုများလည်း ရှိပါသည်။ ဇွန်ပျိုးပင်တစ်ပင်လျှင်(၁၀၀၀/၁၅၀၀)ကျပ်၊(၁၀)ပင်ဈေးနှုန်းအနေဖြင့်(၈၀၀၀/၁၂၀၀၀)ကျပ်၊ဇွန်ပန်းကုံးဈေးနှုန်းမှာ(၁၀)ကုံးပါ တစ်တွဲလျှင်(၁၀၀၀)ကျပ်ဖြင့်အရောင်း အဝယ်ဖြစ်ကြောင်း သိရှိရသည်။

DOCA(မန္တလေး)