မြိတ်ဒေသထွက် ဆေးဖက်ဝင်ကမ်းဇော်ဆီနှင့် စျေးနှုန်းစျေးကွက်
ကမ်းဇော်ပင်ကို မြန်မာနိုင်ငံတောင်ဘက်ရှိ တနင်္သာရီတိုင်းဒေသကြီး၊ မြိတ်မြို့နယ်၊ ကျွန်းစု မြို့နယ်၊ တနင်္သာရီမြို့နယ်၊ ဘုတ်ပြင်းမြို့နယ်တို့ရဲ့ သစ်တောများ၏ မြေနိမ့်ချိုင့်ဝှမ်းအတွင်း ရွှံ့နွံပေါ ပြီး ရေရရှိသော စွတ်စိုသည့်ဒေသများမှာ အလေ့ကျပေါက်ရောက်တဲ့ နှစ်ရှည်ပင်တစ်မျိုးဖြစ်ပါတယ်။ ကမ်းဇော်ပင်ဟာ ရာသီဥတုဒဏ်ကိုခံနိုင်ပြီး အရိပ်ရအပင်လည်းဖြစ်ပါတယ်။ ဆေးဝါးများ၊ စက်မှုကုန် ကြမ်းများ၊ လူသုံးကုန်ပစ္စည်းများအဖြစ်လည်း ကမ်းဇော်ပင်ရဲ့ အစေ့နှင့် ကမ်းဇော်ဆီမှ ထုတ်လုပ်ရရှိ သဖြင့် နိုင်ငံခြားသို့ တင်ပို့ရောင်းချနိုင်ပြီး ဝင်ငွေများရရှိနိုင်ကြောင်း လေ့လာသိရှိရပါတယ်။
ကမ်းဇော်ပင်သည် နှစ်ရှည်သီးနှံဖြစ်၍ အပင်၏သက်တမ်းမှာ (၁ဝ)နှစ်အရွယ်တွင် အသီးများ စတင်သီးပွင့်ပြီး မိုးများသည့်ဒေသဖြစ်သည့်အတွက် (၃)နှစ်မှတစ်ကြိမ်သာ အသီးသီးလေ့ရှိပါသည်။ ကမ်းဇော်ပင်သည် တပို့တွဲ-တပေါင်းလများတွင် အပွင့်ပွင့်ပြီး၊ တပေါင်း-တန်ခူးလတွင် အစိမ်းရောင် ရှိသော အသီးများသီးကာ ကဆုန်-နယုန်လ၌ အသီးများကြွေချိန်တွင် အစေ့များကို ကောက်ယူရ ပါတယ်။ ကမ်းဇော်စေ့၏ အရောင်မှာ အညိုရင့်ရောင်ရှိပြီး အစေ့၏ ပုံစံမှာ ပြောင်ချော၍ မာကျော သည့်ပုံစံရှိပါတယ်။ ၎င်းအစေ့ကို အခြောက်ခံပြီးကြိတ်ပါက ဆေးဖက်ဝင်သော ကမ်းဇော်ဆီကို ရရှိမှာဖြစ်ပါတယ်။ ကမ်းဇော်ပင်တစ်ပင်၏ အသီးထွက်ရှိမှုမှာ တင်း(၂ဝ) မှ (၃ဝ)ခန့်ထွက်ရှိပြီး ပြည်ချင်အားဖြင့် (၃ဝဝ)နီးပါး ခန့်ထွက်ရှိပါတယ်။ ဒေသထွက်ကမ်းဇော်ဆီကို အရည်အသွေးမြင့် ထုတ်ပိုးရောင်းချလျက်ရှိပြီး ရန်ကုန်နှင့် အခြားပြည်နယ်များသို့တင်ပို့ရောင်းချကြကြောင်း သိရှိရပါ သည်။ မြိတ်မြို့တွင်ဖြစ်ပေါ်နေသောစျေးနှုန်းအရ ကမ်းဇော်ဆီ အကြည် ၅ကျပ်သား တစ်ဗူးလျှင် ၄၂၀၀၀ကျပ်၊ ၁၅ကျပ်သားတစ်ဗူးလျှင် ၁၂၀၀၀၀ကျပ်နှင့် ၄၅ ကျပ်သားတစ်ဗူးလျှင် ၃၆၀၀၀၀ကျပ် ရှိပြီး ကမ်းဇော်ဆီ အနစ်ပါ ၅ကျပ်သား တစ်ဗူးလျှင် ၃၆၀၀၀ကျပ်၊ ၂၀ကျပ်သားတစ်ဗူးလျှင် ၁၄၀၀၀၀ကျပ်နှင့် ၄၀ ကျပ်သားတစ်ဗူးလျှင် ၂၈၀၀၀၀ကျပ်ရှိကြောင်း သိရှိရပါသည်။
DOCA(တနင်္သာရီ)
