သတင်းနှင့် လှုပ်ရှားမှုများ

            ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်အနေဖြင့် စားသုံးသူပြည်သူများ ဘေးအန္တရာယ်ကင်းသော ကုန်စည်များကို အသုံးပြုနိုင်ရန်အတွက် လုပ်ငန်းရှင်များကို အသိပညာပေးခြင်း၊ ဟောပြောဆွေးနွေးခြင်း၊ ဈေးကွက်အတွင်း ကုန်စည်များဘေးအန္တရာယ်ကင်းရှင်းသော ကုန်စည်များရောင်းချနိုင်ရန် စစ်ဆေးခြင်းလုပ်ငန်းတို့ကို ဆောင်ရွက်ခဲ့ပြီး လုပ်ငန်းရှင်တို့က ကိုယ်တိုင်ထုတ်လုပ်သောကုန်စည်တွင် ကုန်အညွှန်းအမှတ်အသားဖော်ပြချက်နှင့် ကိုက်ညီမှုရှိ/ မရှိကို စားသုံးသူရေးရာဦးစီးဌာနသို့ တင်ပြလာပြီး ဈေးကွက်အတွင်း ဖြန့်ဖြူးရောင်းချနိုင်ရန်အတွက် K & H သဘာဝပြားရည်ထုတ်ကုန်  မအူပင်မြို့နယ်မှ ခရိုင်ဦးစီးမှူးရုံးသို့ တင်ပြလာမှုအပေါ် ၉.၆.၂၀၂၅ ရက်နေ့က  စိစစ်ဆောင်ရွက်ပေးခဲ့ကြောင်း သိရသည်။

               မအူပင်ခရိုင်စားသုံးသူရေးရာဦးစီးဌာန ဒုခရိုင်ဦးစီးမှူး ဦးအောင်ဇော်ဦးက  မအူပင်မြို့နယ်မှ ထုတ်လုပ်သော K & H သဘာဝပြားရည် လုပ်ငန်းမှ လုပ်ငန်းရှင် လျောက်ထားလာမှုကို  ထုတ်လုပ်သူအား စားသုံးသူကာ ကွယ်ရေးဥပဒေ ၂၀၁၉ ဥပဒေပါ အချက်အလက်များကို ရှင်းလင်းဆွေးနွေးပြီး ဈေးကွက်အတွင်း ဖြန့်ဖြူးရောင်းချမည့် ကုန်စည်နှင့်ပတ်သက်၍ အမိန့်၊ ညွှန်ကြားချက်ပါ အချက်အလက်များကို ကုန်စည်များတွင် ထည့်သွင်းဖော်ပြရမည့် ကုန်အညွှန်းအမှတ်အသား ဆိုင်ရာသတ်မှတ်ချက်များ၊ ကုန်စည်အမျိုးအစားအလိုက် မြန်မာဘာသာဖြင့် ထည့်သွင်းဖော်ပြရမည့်အချက်များနှင့် လုပ်ငန်းရှင်များလိုက်နာရမည့်တာဝန်များအား ရှင်းလင်းဆွေးနွေးခြင်း ကုန်အညွှန်းအမှတ်အသား စိစစ်ဆောင်ရွက် နိုင်ရေးအတွက် လုပ်ငန်းရှင်၏ တံဆိတ်အမှတ်အသား အမျိုးအစား ပုံစံ ၃ခု၊ ကိုယ်တိုင်ရေး တင်ပြလျောက်ထားစာနှင့် အခြားသောအချက်အလက်များကို ပူးတွဲ၍ ဇွန်လအတွင်း တိုင်းဒေသကြီးဦးစီးမှူးရုံးသို့  ဆက်လက်တင်ပြ ဆောင်ရွက်ခဲ့ကြောင်း သိရှိရပါသည်။

DOCA(ဧရာဝတီ)

     ၂၀၂၅ ခုနှစ် ဇွန်လ ၃ ရက်နေ့ နံနက် ၉:၃၀ အချိန်တွင် ကော့သောင်းမြို့ပေါ်ရှိ ကုန်စုံဆိုင်(၄) ဆိုင်တို့အား ကော့သောင်းခရိုင်စားသုံးသူရေးရာဦးစီးဌာန၊ မြို့နယ်စီမံအုပ်ချူပ်ရေး အဖွဲ့၊ ခရိုင်ပြည်သူ့ကျန်းမာရေးဦးစီးဌာန၊ မြို့နယ်စည်ပင်သာယာ‌ရေးအဖွဲ့တို့နှင့် အတူပူးပေါင်း၍ စျေးကွက်အတွင်း Coca-Cola Beverages Myanmar (CCPBM) ကုမ္ပဏီမှ ထုတ်လုပ်သည့် Sprite အချိုရည်ကို တုပ၍ ထိုင်းဘာသာဖြင့် ကုန်အညွှန်းအမှတ်အသား ဖော်ပြထားပြီး အစားအသောက်နှင့်ဆေးဝါးကွပ်ကဲရေးဦးစီးဌာန၏ ထောက်ခံချက်မပါရှိသော အစိမ်းရောင်ပလတ်စတစ်ဘူးများ ဈေးကွက်အတွင်း ရောင်းချမှုများရှိလာပါသဖြင့် ဈေးကွက်အတွင်း၌ အဆိုပါအမှတ် တံဆိပ်နှင့်ပုံစံတူ Sprite အချိုရည်ဘူးများ ရောင်းချခြင်းရှိ/မရှိ၊ အစားအသောက်နှင့်ဆေးဝါး ကွပ်ကဲရေးဦးစီးဌာနတွင် မှတ်ပုံတင်ထားခြင်းရှိ/မရှိ၊ မြန်မာဘာသာဖြင့် ကုန်အညွှန်းအမှတ် အသား ဖော်ပြထားခြင်းရှိ/မရှိတို့အား စျေးကွက်စောင့်ကြည့်စစ်ဆေးလုပ်ငန်းများ ဆောင်ရွက်ခဲ့ပါသည်။

     ကွင်းဆင်းစစ်ဆေးဆောင်ရွက်ရာတွင် ထိုင်းဘာသာဖြင့် ကုန်အညွှန်းအမှတ်အသား ဖော်ပြထားပြီး အစားအသောက်နှင့်ဆေးဝါးကွပ်ကဲရေးဦးစီးဌာန၏ ထောက်ခံချက် မပါရှိသော အစိမ်းရောင် ပလတ်စတစ်ဘူးများ ဈေးကွက်အတွင်း ရောင်းချမှုများ မတွေ့ရှိရပဲ Coca-Cola Beverages Myanmar (CCPBM)ကုမ္ပဏီမှ ထုတ်လုပ်သည့် Sprite အချိုရည်ဘူးများကိုသာ ရောင်းချကြောင်း စစ်ဆေးတွေ့ရှိခဲ့ရပြီး ကုန်စုံဆိုင်ရှင်များအား ကုန်အညွှန်းအမှတ်အသားများ ပြည့်စုံစွာဖော်ပြထားသော ကုန်စည်များကိုသာရောင်းချရန်နှင့် စီးပွားရေးလုပ်ငန်းရှင်၏တာဝန်များ၊ ပြစ်မှု၊ ပြစ်ဒဏ်များ၊ တားမြစ်ချက်များအကြောင်းကို အသေးစိတ်ရှင်းလင်း ပြောကြားခဲ့ကြောင်း သိရသည်။

DOCA(တနင်္သာရီ)

            ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် လပွတ္တာမြို့နယ်တာဝန်ခံ ဦးမြင့်ဌေးနှင့် ဝန်ထမ်းများသည် (၁၀.၆.၂၀၂၅)ရက်နေ့ နံနက်(၁၀း၃၀)နာရီအချိန်တွင် လပွတ္တာမြို့နယ်အတွင်းရှိ ကုန်မျိုးစုံဆိုင်နှင့် မုန့်မျိုစုံဆိုင်များတွင် ရောင်းချနေသော Sprite အချိုရည်ဘူးများတွင် ကုန်ညွှန်းအမှတ်အသားပြည့်စုံစွာ ဖော်ပြထားခြင်းရှိ/ မရှိကွင်းဆင်းစစ်ဆေးခဲ့ပါသည်။     

                ထိုသို့ကွင်းဆင်းစစ်ဆေးဆောင်ရွက်ရာတွင် လပွတ္တာမြို့နယ်တာဝန်ခံမှ လပွတ္တာမြို့နယ်အတွင်းရှိ ကုန်မျိုးစုံ ဆိုင် များနှင့် မုန့်ဆိုင်များတွင်ရောင်းချနေသော Sprite အချိုရည်ဘူးများတွင် ကုန်ညွှန်းအမှတ်အသား ဖော်ပြခြင်း ပြည့်စုံမှု ရှိ/မရှိစစ်ဆေးခဲ့ရာ မြန်မာစာနှင့်Spriteအကြည်ဘူးများသာ ရောင်းချခြင်းရှိကြောင်းစစ်ဆေးတွေ့ရှိပြီး၊ ကုန်မျိးစုံ ဆိုင်ပိုင်ရှင်များအား စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော စားသုံးသူ ကာကွယ်ရေးဥပဒေ ၂၀၁၉ပါပြဌာန်းချက်များမှ အခန်း(၁၈)ပါ ကုန်ညွှန်းအမှတ်အသား ဖော်ပြခြင်း နှင့်စပ်လျဉ်း၍ မည်သည့်စီးပွားရေးလုပ်ငန်းရှင်မဆို ပုဒ်မ၄၁ ပုဒ်မခွဲ(ခ)နှင့် (ဆ)တို့ပါ ကုန်ညွှန်းအမှတ်အသား ဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့်အခြားဘာသာတစ်ခု (သို့) တစ်ခုထက်ပို၍ တွဲလျက်ဖြစ်စေ ရေးသား ဖော်ပြရမည်ဖြစ်ပြီး၊ စီးပွားရေးလုပ်ငန်းရှင်များအနေဖြင့် ကုန်စည်အမျိုးအစား အလိုက်သတ်မှတ်ထားသည့် ဥပဒေညွှန်ကြားချက်များအား လိုက်နာဆောင်ရွက်ကြရန် ဈေးကွက်အတွင်း ရောင်းချနေသော ကုန်စည်များတွင် ကုန်အညွှန်းအမှတ်အသား ဖော်ပြချက်၊ ပြည့်စုံမှုရှိ/ မရှိအားဌာနအနေဖြင့် ဈေးကွက်စောင့်ကြည့် စစ်ဆေးမှုများ စဉ်ဆက်မပြတ်ဆောင်ရွက်သွားမည်ဖြစ်ကြောင်း သိရှိရပါသည်။

DOCA(ဧရာဝတီ)

   ကော့သောင်းခရိုင်ဆန်ကုန်သည်များအသင်းသည် ကော့သောင်းခရိုင်အတွက် လိုအပ်သည့်ဆန်များကို ရန်ကုန်တိုင်းဒေသကြီးမှ ဆန်တန်(၁၃၅၀)၊ အိတ်ရေ(၂၇၀၀၀) အား MV ဇမ္ဗူအောင် စက်လှေဖြင့် (၉.၆.၂၀၂၅) ရက်နေ့တွင် ကော့သောင်းမြို့သို့ ရောက်ရှိလာကြောင်း သိရှိရပါသည်။

    အဆိုပါ ရောက်ရှိလာသော ဆန်အိတ်များကို ကော့သောင်းခရိုင်စားသုံးသူရေးရာဦးစီးဌာန မြို့နယ်အကောက်ခွန်ဦးစီးဌာန၊ ကော့သောင်းကုန်သွယ်ရေးဦးစီးဌာန၊ မြို့နယ်ရဲတပ်ဖွဲ့ တို့ပါဝင်သောအဖွဲ့များဖြင့် ကုန်စည်စီးဆင်းမှုမှန်ကန်မြန်ဆန်စေရေး ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(တနင်္သာရီ)

     စားသုံးသူရေးရာဦးစီးဌာန၊ ဟင်္သာတမြို့နယ်တာဝန်ခံသည် (၅.၆.၂၀၂၅)ရက်နေ့၊ နေ့လည် (၁၃:၀၀) နာရီအချိန်တွင် ဟင်္သာတမြို့နယ်၊ လယ်တော်ကျေးရွာ၊ အဝေးပြေးကားဝန်းအတွင်းရှိ ဆီကုန် သည်နှင့်ဆီလုပ်ငန်းရှင်အသင်းရုံး၌ ကျေးရွာ/ရပ်ကွက် အုပ်ချုပ်ရေးမှူးများ၊ ကုန်စုံဆိုင်လုပ်ငန်းရှင်များ နှင့် တွေ့ဆုံဆွေးနွေးခြင်း၊ စားသုံးသူကာကွယ်ရေးအသိပညာပေးဟောပြောခြင်းဆောင်ရွက်ခဲ့ပါသည်။

     ဟောပြောပွဲတွင် ဟင်္သာတမြို့နယ်တာဝန်ခံ ဦးမိုးကျော်မှ စားအုန်းဆီဝယ်ယူခွင့်စာအုပ်များ ဖြင့် ကျေးရွာ/ရပ်ကွက်အတွင်းရောင်းချရာတွင်အုပ်ချုပ်ရေးမှူးများအနေဖြင့် ကုန်စုံဆိုင်ပိုင်ရှင်များမှတစ်ဆင့် အိမ်ထောင်စုများအား ဆီရောင်းချရာတွင်စနစ်တကျဖြန့်ခွဲပေးနိုင်ရေး၊ ပြည်သူလူထုလက်ထဲသို့ အရောက်ပေးပို့နိုင်ရေး၊ စားအုန်းဆီရောင်းချသောကုန်စုံဆိုင်များတွင် သတ်မှတ်ရည်ညွှန်းဈေးပါ ဗွီနိုင်း များကို ဆိုင်ရှေ့တွင် ချိတ်ဆွဲထားရန်၊ အိမ်ထောင်စုစာရင်းကိုင်ဆောင်ထားသည့် အိမ်ထောင်စုတိုင်းကို ရောင်းချပေးရန်၊ အဆင်မပြေမှုများရှိလာလျှင်လည်း မိမိကိုယ်တိုင် ကျေးရွာများသို့ လာရောက်ပြီး လုပ် ဆောင်ပေးမည်ဖြစ်ကြောင်း ဟောပြောခဲ့ပြီး ကျေးရွာအုပ်ချုပ်ရေးမှူးများနှင့် ကုန်စုံဆိုင်လုပ်ငန်းရှင်များ ဘက်မှလည်း သိလိုသည်များ မေးမြန်း၍အပြန်အလှန် ဆွေးနွေးခဲ့ကြောင်း သိရှိရပါသည်။

DOCA (ဧရာဝတီ)