သတင်းနှင့် လှုပ်ရှားမှုများ

     စားသုံးသူရေးရာဦးစီးဌာန၊ ရန်ကုန်တောင်ပိုင်းခရိုင်ဦးစီးမှူးရုံး၏ ညွှန်ကြားချက်နှင့်အညီ ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်ရှိ ဆေးဆိုင်များတွင် ဖြန့်ဖြူးရောင်းချပေးလျက်ရှိသော ဆေးဝါးများ၏ ဈေးနှုန်းအခြေအနေအား  ဇွန်လ(၉)ရက်နေ့၊ နံနက်(၀၉:၀၀)နာရီ အချိန်တွင် ရပ်ကွက်များနှင့် စည်ပင်သာယာမြို့မဈေး အတွင်း/အပြင်ရှိ ဆေးဆိုင်များသို့ ဌာနဆိုင်ရာ တာဝန်ရှိသူများ ပူးပေါင်းအဖွဲ့ဖြင့် ကွင်းဆင်းစစ်ဆေးခဲ့ကြောင်း သိရှိရပါသည်။

    ထိုသို့ ကွင်းဆင်းစစ်ဆေးခဲ့ရာတွင် မြို့နယ်စားသုံးသူရေးရာဦးစီးဌာနမှ မြို့နယ်တာဝန်ခံ ၊ မြို့နယ်ကျန်းမာရေးဦးစီးဌာနမှ တာဝန်ရှိသူများနှင့် မြို့နယ်စည်ပင်သာယာရေးအဖွဲ့မှ ဈေးတာဝန်ခံတို့ ပူးပေါင်းအဖွဲ့သည် ရပ်ကွက်များနှင့် စည်ပင်သာယာမြို့မဈေးအတွင်း/အပြင်ရှိ ဖြန့်ဖြူးရောင်းချလျက်ရှိသော ဆေးဆိုင်များတွင် စားသုံးသူပြည်သူများ အသုံးများသော ဆေးဝါးများအနေဖြင့် ယခင်လဈေးနှုန်း အခြေအနေ အတက်အကျ ဈေးနှုန်းတို့အား စာရင်းကောက်ယူကွင်းဆင်း စစ်ဆေးခဲ့ပြီး ဆေးဆိုင်ပိုင်ရှင် စီးပွားရေးလုပ်ငန်းရှင်များအား သက်တမ်း ကုန်လွန်သော ဆေးဝါးများ၊ ဆရာဝန်ညွှန်ကြားမှုမရှိသည့်စပ်ဆေးများ၊ စံမညီဆေးဝါးများအား ဝယ်ယူဖြန့်ဖြူး ရောင်းချခြင်းများ မပြုလုပ်ကြရန်နှင့် စားသုံးသူဘေးအန္တရာယ် ကင်းရှင်းစေရေး၊ ထုတ်ကုန်များ လုံခြုံစိတ်ချရမှုရှိစေရေးတို့အတွက် လစဉ်လတိုင်း ဌာနဆိုင်ရာ တာဝန်ရှိသူများ ဈေးကွက်စောင့်ကြည့် ကွင်းဆင်းစစ်ဆေးသွားမည် ဖြစ်ကြောင်း စားသုံးသူကာကွယ်ရေး အသိပညာပေး ဆွေးနွေးပြောကြားခဲ့ကြောင်း သိရှိရပါသည်။

DOCA (ရန်ကုန်)

     ရန်ကုန်တိုင်းဒေသကြီး၊ သန်လျင်ခရိုင်၊ သန်လျင်မြို့နယ်တွင် စားသုံးသူရေးရာဦးစီးဌာနမှ ဒုဦးစီးမှူးနှင့် ဝန်ထမ်းများသည် စားသုံးသူများ ဘေးအန္တရာယ်ကင်းရှင်းစေရန်အတွက် ထုတ်ကုန် များ လုံခြုံစိတ်ချရမှုရှိစေရေးနှင့် ဈေးကွက်အတွင်းရှိ ကုန်စည်ပေါ်တွင် ကုန်အညွှန်းအမှတ် အသားများ ပြည့်စုံမှုရှိ/မရှိအား ဇွန်လ (၆)ရက်နေ့၊ နေ့လယ် (၁၂:၃၀)နာရီအချိန်တွင်  ကွင်းဆင်း ၍ ဈေးကွက်စောင့်ကြည့် စစ်ဆေးခဲ့ကြောင်း သိရှိရပါသည်။

     ထိုသို့ ဈေးကွက်‌စောင့်ကြည့် စစ်ဆေးရာတွင် Orange Super Market သို့ သွားရောက်၍ စားသုံးဆီအမျိုးမျိုးတို့တွင် ကုန်အညွှန်းအမှတ်အသားများအား မြန်မာဘာသာဖြင့်သော်လည်း ကောင်း၊ မြန်မာဘာသာနှင့် အခြားဘာသာတစ်ခု(သို့မဟုတ်) တစ်ခုထက်ပို၍ တွဲလျက်ဖြစ်စေ မဖြစ်မနေ ဖော်ပြရမည့်အချက်များ ပါဝင်မှုရှိ/မရှိ ဈေးကွက်စောင့်ကြည့် စစ်ဆေးခြင်းနှင့် ကုန်အညွှန်းအမှတ်အသား ပြည့်စုံစွာဖော်ပြထားခြင်း မရှိသည့် စားသုံးဆီအမျိုးမျိုးတို့အား ရောင်းချခြင်းမပြုလုပ်ကြရန် ဆိုင်တာဝန်ခံ မန်နေဂျာနှင့် ဝန်ထမ်းများ တွေ့ဆုံ၍ အသိပညာပေး ပြောကြားခဲ့ပြီး ကုန်အညွှန်းအမှတ်အသား ပြည့်စုံစွာမပါရှိသည့် ကုန်စည်များအား ရောင်းချခြင်း တွေ့ရှိပါက စားသုံးသူကာကွယ်ရေး ဥပဒေနှင့်အညီ အရေးယူဆောင်ရွက်သွားမည် ဖြစ်ကြောင်း ကွင်းဆင်းစစ်ဆေးခဲ့ကြောင်း သိရှိရပါသည်။

DOCA (ရန်ကုန်)

     ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်တွင် စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံး၏ ညွှန်ကြားချက်နှင့်အညီ စားသုံးသူများ ဘေးအန္တရာယ် ကင်းရှင်းစေရန်အတွက် ဈေးကွက်မရောက်မီ စားသုံးဆီအမျိုးမျိုးဗူးဆီများတွင်    ကုန်အညွှန်း အမှတ်အသားရှိ/မရှိအား ဇွန်လ (၉)ရက်နေ့၊ နေ့လယ် (၁၂:၀၀)နာရီအချိန်တွင်  စားသုံးသူရေးရာဦးစီးဌာနမှ မြို့နယ်တာဝန်ခံနှင့် မြို့နယ်စည်ပင်သာယာရေးအဖွဲ့များ ပူးပေါင်း၍ ဈေးကွက် စောင့်ကြည့် စစ်ဆေးခဲ့ကြောင်း သိရှိရပါသည်။

     ထိုသို့ ဈေးကွက်စောင့်ကြည့် စစ်ဆေးရာတွင် စည်ပင်သာယာမြို့မဈေးအတွင်း ရောင်းချနေသော စားသုံးဆီဗူးဆီအမျိုးမျိုးတွင် ကုန်အညွှန်းအမှတ်အသားများ ပြည့်စုံမှုရှိ/မရှိနှင့် ကုန်စည်များတွင် မြန်မာဘာသာဖြင့်သော်လည်းကောင်း၊ မြန်မာဘာသာနှင့် အခြားဘာသာ တစ်ခု(သို့မဟုတ်)တစ်ခုထက်ပို၍ တွဲလျက်ဖြစ်စေ မဖြစ်မနေ ဖော်ပြရမည့်အချက်များ ပါဝင်မှု ရှိ/မရှိတို့အား ဈေးကွက်စောင့်ကြည့် စစ်ဆေးခြင်းနှင့် ဈေးကွက်အတွင်း ကုန်အညွှန်းအမှတ်အသားများ မပါရှိသည့် စားသုံးဆီများအား ရောင်းချခြင်းများ မပြုလုပ်ကြရန်နှင့် ရောင်းချခြင်းများ ပြုလုပ်ပါက စားသုံးသူကာကွယ်ရေး ဥပဒေနှင့်အညီ အရေးယူဆောင်ရွက်သွားမည်ဖြစ်ကြောင်း အသိပညာပေး ကွင်းဆင်းစစ်ဆေး ဆောင်ရွက်ခဲ့ကြောင်း သိရှိရပါသည်။

DOCA (ရန်ကုန်)

     ၂၀၂၅ခုနှစ်၊ ဇွန်လ(၅)ရက်နေ့ နံနက်(၁၀:၄၅)နာရီအချိန်တွင် စားသုံးသူရေးရာဦးစီးဌာန၊ အင်္ဂပူမြို့နယ်တာဝန်ခံသည် မြို့နယ်ဦးစီးမှူးရုံး၌ အိမ်ဆောက်ပစ္စည်းအရောင်းဆိုင်လုပ်ငန်းရှင်များအား စားသုံးသူကာကွယ်ရေးဆိုင်ရာ အသိပညာဗဟုသုတများရရှိစေရန်နှင့် စီးပွားရေးလုပ်ငန်းရှင်များအနေ ဖြင့် လိုက်နာကျင့်သုံးရမည့် တာဝန်ဝတ္တရာများကိုလည်း နားလည်သိရှိနိုင်စေရန် တွေ့ဆုံဆွေးနွေးခြင်း ကို ဆောင်ရွက်ခဲ့ပါသည်။

      ထိုသို့ဆွေးနွေးရာတွင်  အင်္ဂပူမြို့နယ်တာဝန်ခံ ဦးဘိုဘို က စားသုံးသူရေးရာဦးစီးဌာနအနေဖြင့် စားသုံးသူကာကွယ်ရေးလုပ်ငန်းများကိုအောင်မြင်စွာအကောင်အထည်ဖော်ဆောင်ရွက်ရာတွင် မျှော်မှန်း ချက်၊ ရည်မှန်းချက်များချမှတ်၍ ဆောင်ရွက်လျက်ရှိပါကြောင်း၊  ယခုလိုအိမ်ဆောက်ပစ္စည်း ရောင်းဝယ် ရေးလုပ်ငန်းရှင်များနှင့်တွေ့ဆုံရခြင်းမှာ ဈေးကွက်အတွင်းရောင်းးချလျက်ရှိသော ဘိလပ်မြေဈေးနှုန်း များ မြှင့်တင်ရောင်းချမှုမရှိစေရေး၊ ဈေးကစားရန် ရည်ရွယ်ချက်ဖြင့် သိုလှောင်ထားမှုမရှိစေရေး၊ ထုတ် လုပ်သူနှင့် ဖြန့်ဖြူးသူတို့၏ မမှန်မကန်လုပ်ဆောင်မှုများမှကာကွယ်ရန်၊  ကုန်စည် သို့မဟုတ် ဝန်ဆောင် မှုများနှင့် စပ်လျဉ်း၍ အရည်အသွေး၊ အဆင့်အတန်း မပြည့်မီခြင်းမှ ကာကွယ်နိုင်ရန်အတွက် စားသုံးသူ ကာကွယ်ရေးလုပ်ငန်းများကို ဆောင်ရွက်နေခြင်းဖြစ်ကြောင်း၊ စီးပွားရေးလုပ်ငန်းရှင်များမှ စောင့်ထိန်း ရမည့် စီးပွားရေးဆိုင်ရာ ကျင့်ဝတ်များကို လိုက်နာကျင့်သုံးသွားရန် အသိပညာပေးဆွေးနွေးခဲ့ပါသည်။

DOCA (ဧရာဝတီ)

       ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်တွင် သဘာဝပတ်ဝန်းကျင်ကာကွယ်ထိန်းသိမ်းရေးနေ့အား ကြိုဆိုဂုဏ်ပြုသောအားဖြင့် ဇွန်လ (၆)ရက်နေ့၊ နံနက်(၀၈:၀၀) နာရီအချိန်တွင် တွံတေးခရိုင်၊ ကော့မှူးမြို့နယ်၊ ရှာဘွားကျေးရွာအုပ်စုရှိ ရန်ကုန်တိုင်းဒေသကြီး အစိုးရအဖွဲ့ပိုင် ဆူးကလပ်မွေးမြူရေးဇုန် လမ်းဘေးဝဲ/ယာတစ်လျှောက်၌ ၂၀၂၅ ခုနှစ် မိုးရာသီ သစ်ပင်စိုက်ပျိုးပွဲတော် (ပထမအကြိမ်)အား ကျင်းပြုလုပ်ခဲ့ပါသည်။

          အဆိုပါ အခမ်းအနားသို့ ရန်ကုန်မြို့တော်စည်ပင်သာယာရေးကော်မတီ ဌာနမှူး ဦးစောလင်း၊ ခရိုင်စီမံအုပ်ချုပ်ရေးအဖွဲ့ ဥက္ကဌ ဦးညွှန့်နွယ်နှင့် အဖွဲ့ဝင်များ၊ မြို့နယ်စီမံ အုပ်ချုပ် ရေးအဖွဲ့ ဥက္ကဌ ဦးမျိုးမင်းနှင့် အဖွဲ့ဝင်များ၊ မြို့နယ်အဆင့် ဌာနဆိုင်ရာများ၊ မြို့နယ်စားသုံးသူရေးရာဦးစီးဌာနမှမြို့နယ်တာဝန်ခံ၊ မြို့နယ်သစ်တောဦးစီးဌာနမှ ဝန်ထမ်းများ၊ မြို့နယ်မိခင်နှင့် ကလေးအသင်းဝင်များ၊ အမျိုးသမီးရေးရာအဖွဲ့ဝင်များ၊ မြို့နယ်ကြက်ခြေနီတပ်ဖွဲ့ဝင်များ၊ မြို့နယ်စစ်မှုထမ်းဟောင်းအဖွဲ့ဝင်များ၊ ရပ်ကွက်/ကျေးရွာအုပ်ချုပ်ရေးမှူး (၆၂)ဦးနှင့် အဖွဲ့ဝင်များ၊ ပြည်သူများ စုစုပေါင်းအင်အား (၃၀၀)ဦးခန့် တက်ရောက်ခဲ့ကြပြီး ခရိုင်စီမံအုပ်ချုပ်ရေး အဖွဲ့ဥက္ကဌမှ အဖွင့်အမှာစကား ပြောကြားပြီး ရန်ကုန်မြို့တော် စည်ပင်သာယာရေးကော်မတီမှ ဌာနမှူး ဦးစောလင်း၊ ခရိုင်စီမံအုပ်ချုပ်ရေးအဖွဲ့နှင့် ဥက္ကဌနှင့် မြို့နယ်သစ်တောဦးစီးဌာန၊ မြို့နယ် ဦးစီးမှူးတို့မှ ပျိုးပင်ပေါက်များ အားပေးအပ်၍ မိုးရာသီ သစ်ပင်စိုက်ပျိုးပွဲတော်သို့ တက်ရောက် လာသူများနှင့်အတူ ပျိုးပင်များ စိုက်ပျိုးခဲ့ကြရာ (၀၈း၃၀)နာရီအချိန်တွင် မိုးရာသီ စိုက်ပျိုးပွဲ အခမ်းအနားပြီးမြောက်ခဲ့ပြီး မန်ကျန်ရှားပျိုးပင် စုစုပေါင်း (၃၅၀၀)ပင်တို့အား စိုက်ပျိုးပြီးစီးခဲ့ကြောင်း သိရှိရပါသည်။

DOCA (ရန်ကုန်)