သတင်းနှင့် လှုပ်ရှားမှုများ

        ရွှေဝါနဒီဆန်စက်သည် ဧရာဝတီတိုင်းဒေသကြီး၊ မအူပင်ခရိုင် ၊ညောင်တုန်းမြို့နယ်၊ အရွဲကျေးရွာအုပ်စု၊ ရန်ကုန်၊ပုသိမ်လမ်းမကြီး၊မိုင်တိုင် ၁၉/၃-၁၉/၅ အကြားတွင် တည်ရှိပါသည်။

          ရွှေဝါနဒီဆန်စက်အကျယ်အဝန်းမှာ( ၁၆.၂၆ )ဧကခန့် ရှိပြီး၊ ၂၀၂၄-၂၀၂၅ ခုနှစ်တွင် စပါးများ ကိုစတင်ကြိတ်ခွဲ ထုတ်လုပ်ခဲ့ပါသည်။ ရင်းနှီးမြှုပ်နှံမှုတန်ဖိုး(၁၀၈၅၄.၇၁/-) ကျပ်သန်း ရင်းနှီးမြုပ်နှံထားရှိကြောင်းနှင့် ဝန်ထမ်းဦးရေ (၁၂၀) ဦး လုပ်သားဦးရေ  (၅၀၀) ခန့် တို့ဖြင့် လုပ်ကိုင်ဆောင်ရွက်လျက်ရှိကြောင်း ရွှေဝါနဒီ ဆန်စက်ပိုင်ရှင် ဦးလူမြင့်မောင်မှ သိရသည်။

          မအူပင်ခရိုင်စားသုံးသူရေးရာဦးစီးဌာနမှ ခရိုင်ဦးစီးမှူး ဦးဇော်မင်း၊မြို့နယ်ဦးစီးမှူး ဦးအောင်လွင် နှင့် ဝန်ထမ်းများကို ၂၀၂၅ ခုနှစ် ၊နိုဝင်ဘာလ တတိယပတ်တွင် ရွှေဝါနဒီစက်ရုံသို့ ကွင်းဆင်းလေ့လာဆောင်ရွက်မှုတွင် ရွှေဝါနဒီဆန်စက်ပိုင်ရှင် ဦးလူမော်မြင့်မောင်မှ လိုက်လံ ရှင်းလင်း ဆွေးနွေးတင်ပြခဲ့ပါသည်။

          ဆန်စက်တွင် စပါးအခွံချွတ်စက်၊ Husker ( SATAKE, JAPAN ) ဆန်အချောထုတ်လုပ်စက်၊ Rice Mill (SATAKE, JAPAN )၊ ဆန်ကွဲပြန်လည် သန့်စင်ဆန် (China ) များတပ်ဆင်အသုံးပြု ထားပြီး၊ တန်းမြင့် ဆန်များထုတ်လုပ်၍ ပြည်တွင်းဈေးကွက်သာမက နိုင်ငံခြားဈေးကွက်အထိ အရည် အသွေးမြှင့်ဆန်များထုတ်လုပ် ဆောင်ရွက်မှုများကို ရှင်းလင်းပြေပြသည်။

          ရွှေဝါနဒီဆန်စက်၏ စက်ကြိတ်ခွဲအင်အားနှင့် သိုလှောင်နိုင်မှု အင်အားများကို ထပ်မံရှင်းပြရာ ဆန်စက်စက်ကြိတ်အင်အားအနေဖြင့် (၂၄) နာရီလျှင် (၄၄၀) တန်ကြိတ်ခွဲနိုင်ပြီး၊ ပြန်လည်သန့်စင် ခြင်းအနေဖြင့် (၂၄) နာရီလျှင် (၁၂၀) တန်ထိ ထုတ်လုပ်နိုင်ကြောင်း၊ စားသုံးသူရေးရာဦးစီးဌာန၊ မအူပင်ခရိုင်ဦးစီးမှူး ဦးဇော်မင်းမှ ရွှေဝါနဒီဆန်စက်၏ တန်မြင့် ဆန်ထုတ်လုပ်နေမှု ၊နိုင်ငံခြားဈေးကွက်ရရှိမှုနှင့် တောင်သူများ၏ စပါးအရည်အသွေး အလိုက် ဈေးကောင်းပေးဝယ်ယူမှုတို့အပေါ် အားရကျေနပ်မှုရှိကြောင်းနှင့် ဧရာဝတီတိုင်းဒေသကြီး၊ မအူပင် ခရိုင်တွင် ပြည်ပပို့ကုန်တင်ပိုနိုင်သည့် လုပ်ငန်းတစ်ခု အဖြစ်ရပ်တည်ဆောင်ရွက်နိုင်သည်ဖြစ်၍ တွန်းအားပေး တန်ဖိုးမြှင့်ထုတ်ကုန်ထုတ်လုပ်နိုင်ရေးကို ဆွေးနွေးခဲ့ကြောင်း သိရသည်။

DOCA(ဧရာဝတီ)

           ကျောက်ဆည်ခရိုင်၊ စားသုံးသူရေးရာဦးစီးဌာနသည် စားသုံးသူများ ဘေးအန္တရာယ် ကင်းရှင်း စေရေး၊ ထုတ်ကုန်များလုံခြုံစိတ်ချရမှုရှိစေရေးအတွက် စားသုံးသူကာကွယ်ရေး အသိပညာပေး ဟောပြောဆွေးနွေးပွဲများကျင်းပခြင်းနှင့် စျေးကွက်စောင့်ကြည့်စစ်ဆေးခြင်းလုပ်ငန်းတို့ကို စဉ်ဆက် မပြတ်ဆောင်ရွက်လျှက်ရှိရာ နိုဝင်ဘာ(၂၅)ရက်နေ့တွင် ကျောက်ဆည်မြို့၊အမှတ်(၂)အခြေခံပညာ အထက်တန်းကျောင်း၌ စားသုံးသူကာကွယ်ရေးအသိပညာပေး ဟောပြောဆွေးနွေးပွဲ ကျင်းပြုလုပ် ခဲ့ပါသည်။ အဆိုပါ‌ဆွေးနွေးပွဲ၌ ကျောက်ဆည်ခရိုင်စားသုံးသူရေးရာဦးစီးဌာနမှ ဦး‌ဇော်မင်းလတ် (ဒု-ခရိုင်ဦးစီးမှူး)က တက်ရောက်လာသည့် ဆရာ/ဆရာမများ နှင့် ကျောင်းသား/ကျောင်းသူများအား စားသုံးသူကာကွယ်ရေးဥပဒေနှင့်ပတ်သက်သည့် ရည်ရွယ်ချက်များ ၊ စားသုံးသူကာကွယ်ရေး ဥပဒေပါ အချက်အလက်များဖြစ်သည့် စားသုံးသူများ၏ အခွင့်အရေးနှင့်တာဝန်များ ၊ ကုန်စည်ဝန်ဆောင်မှုနှင့် စပ်လျဉ်း၍ အာမခံပေးထားမှုအပေါ် စားသုံးသူက တောင်းဆိုနိုင်သည့် အခွင့်အရေးများ နှင့် စားသုံးသူများ နစ်နာဆုံးရှုံးမှုများ ဖြစ်ပေါ်ပါက တိုင်းဒေသကြီး / ပြည်နယ်များရှိ Consumer Information & Complaint Center (CICC)များ နှင့် Consumer Call Center ဖြစ်သည့်(1535)သို့ ခေါ်ဆိုတိုင်ကြားနိုင်သည့်အပြင် စားသုံးသူရေးရာဦးစီးဌာန၏ Website ဖြစ်သော www.doca.gov.mm ထဲသို့ ဝင်‌ရောက်ပြီး တိုင်ကြားနိုင်ပါကြောင်း ဆွေးနွေးပြောကြားခဲ့ပြီး ပြည်သူ့ကျန်းမာရေးဦးစီးဌာန သားဖွားဆရာမ ဒေါ်ဇာဇာဝင်းမှ ဓါတုဆိုးဆေးများပါဝင်သော အစားအစာများအား ဝယ်ယူစားသုံးခြင်း မပြုရန် အကျယ်တဝင့် ရှင်းလင်းပြောကြားခဲ့ပါသည် ။ အသိပညာပေးဟောပြော ဆွေးနွေးပွဲသို့ ဆရာ/ဆရာမများ နှင့် ကျောင်းသား / ကျောင်းသူများ ၊ စုစုပေါင်း(၃၀၀)ဦး တက်ရောက်ခဲ့ကြပြီး တက်‌ရောက်လာသော ဆရာ / ဆရာမများ နှင့် ကျောင်းသား / ကျောင်းသူများအား  စားသုံးသူ အသိပညာပေး လက်ကမ်းစာစောင်များ ဖြန့်ဝေပေးခဲ့ပြီး ကျောင်းမုန့်စျေးတန်းရှိ မုန့်ဆိုင်များအား စစ်ဆေးခဲ့ကြောင်း သတင်းရရှိပါသည်။

DOCA(မန္တလေး)       

     ဧရာဝတီတိုင်းဒေသကြီး၊ မအူပင်ခရိုင် မအူပင်မြို့နယ်စားသုံးသူရေးရာဦးစီးဌာနမှ မအူပင်မြို့နယ်၊ ရေလဲလမ်းရှိ ကျော်မင်းစိုး ဆန်/စပါးသိုလှောင်ရုံအား ဆန်စပါး သိုလှောင်မှု နှင့် ထုတ်ကုန်လုံခြုံစိတ်ချရမှုအတွက် ကွင်းဆင်းလေ့လာ စီစစ်ခြင်းကို ပြုလုပ်ဆောင်ရွက်ခဲ့ကြပါသည်။

       ထိုသို့ကွင်းဆင်းစစ်ဆေးဆောင်ရွက်ရာတွင် ကျော်မင်းစိုး သိုလှောင်ရုံ ပိုင်ရှင်နှင့်တွေ့ဆုံ၍ စပါးဝယ်ယူမှု သိုလှောင်ရုံမှ စပါးများ ဆန်စက်တွင် ကြိတ်ခွဲမှု လုပ်ငန်းများကို မေးမြန်းပြီး ဒေသတွင်းရောင်းချမှုနှင့် ရန်ကုန်ဈေးကွက်သို့တင်ပို့ခြင်း၊ ဆန်/စပါးဈေးနှုန်းဈေးကွက်အခြေအနေများ၊ ဆန်စက်မှထွက်ရှိလာသောဆန်/ဆန်ကွဲ၊ ဖွဲ့နု များကို ရန်ကုန်ဘုရင့်နောင် တင်ပို့မှုအခြေအနေများကို ဆွေးနွေးခဲ့ပြီး သိုလှောင်ရုံ စပါး/ဆန် လက်ကျန်အခြေအနေများကို ကြည်ရှု့လေ့လာခဲ့ပြီး လုပ်ငန်းရှင်တို့၏ ကုန်စည်အပေါ် အာမခံချက်ပေးနိုင်ခြင်းနှင့်စပ်လျဉ်၍ ဆွေးနွေးခြင်း၊ လုပ်ငန်းရှင်လိုက်နာရမည့်တာဝန်၊ တားမြစ်ချက်များ၊ ပြစ်မှုနှင့် ပြစ်ဒဏ်များအကြောင်းများကို အပြန်အလှန်ရှင်းလင်းဆွေးနွေးခဲ့ကြကြောင်း သတင်းရရှိပါသည်။

DOCA(ဧရာဝတီ)

      ဧရာဝတီတိုင်းဒေသကြီး၊ စားသုံးသူရေးရာဦးစီးဌာန မအူပင်ခရိုင်ဦးစီးမှူးရုံးအောက်ရှိ ညောင်တုန်းမြို့နယ်ဦးစီးမှူးရုံးမှ မြို့နယ်ဦးစီးမှူး ဦးအောင်လွင်နှင့်ဝန်ထမ်း များသည် ညောင်တုန်း မြို့နယ် ညောင်ဝိုင်ကြီးကျေးရွာ အုပ်ချုပ်ရေးမှူးရုံးတွင် မြို့နယ်စည်ပင်သာယာရေးအဖွဲ့၊ စက်မှုကြီးကြပ်ဌာန၊ ရပ်ကွက်ကျေးရွာ ရပ်မိရပ်ဖများ ညောင်တုန်းဆီလုပ်ငန်းရှင်များနှင့် တွေ့ဆုံ၍ (၂၁.၁၁.၂၀၂၄) ရက်နေ့ ၊ နံနက် (၁၁:၀၀) နာရီ အချိန်တွင် စားသုံးသူကာကွယ်ရေးအသိပညာပေး ဟောပြောခြင်း ဆောင်ရွက်ခဲ့ပါသည်။

    ဟောပြောပွဲတွင် ညောင်တုန်းမြို့နယ်ဦးစီးမှူး ဦးအောင်လွင်က စားသုံးသူမိဘပြည်သူများ ဘေးအန္တရာယ် ကင်းရှင်းစေရန်အတွက် မြန်မာနိုင်ငံစားသုံးသူကာကွယ်ရေးကော်မရှင်မှ ထုတ်ပြန် ကြော်ငြာထားသော ညွှန်ကြားချက်အမှတ် (၂/၂၀၁၉) နှင့်အညီ မြန်မာဘာသာဖြင့် ပြည်စုံစွာဖော်ပြ ထားသော ကုန်စည်များ ကိုသာရောင်းချရန်နှင့် စီးပွားရေးလုပ်ငန်းရှင်များ အနေဖြင့် ထုတ်ပြန်ထားသော ညွှန်ကြားချက်များအတိုင်း လိုက်နာဆောင် ရွက်ရန်၊  ကုန်စည်နှင့်စပ်လျဉ်း၍ အာမခံချက် ပေးရာတွင် စားသုံးသူများ စိတ်ကျေနပ်မှုရှိစေရေးနှင့် သတ်မှတ်အရည်အသွေး ပြည့်မီသောကုန်စည် များကိုသာရောင်းချရန်၊ စားသုံးသူကာကွယ် ရေးဥပဒေပါ စီးပွားရေးလုပ်ငန်းရှင်၏ တာဝန်များ အကြောင်း၊ တားမြစ်ချက်များအကြောင်းနှင့် ပြစ်မှုပြစ်ဒဏ်များအကြောင်း၊ စားသုံးသူမိဘပြည်သူ များ အနေဖြင့်လည်း စားသုံးသူရေးရာဦးစီးဌာန၏ လုပ်ငန်းဆောင်ရွက်ချက်များအကြောင်း သိရှိလို ပါက  Website တွင် ဝင်ရောက် လေ့လာနိုင်ကြောင်း၊ Consumer Call Center 1535 သို့ လုပ်ငန်းရှင်နှင့် စပ်လျဉ်းသည့် စားသုံးသူကာကွယ်ရေးလုပ်ငန်းစဉ်နှင့် စပ်လျဉ်း၍ သိရှိလိုပါက ဆက်သွယ်မေးမြန်းနိုင်ကြောင်းကို အသိပညာပေးဟောပြောခဲ့ပြီး ဆီလုပ်ငန်းရှင် (၁၇)ဦးတက် ရောက်ခဲ့ကြပြီး တက်ရောက်လာသော လုပ်ငန်းရှင်များဘက်မှလည်း သိရှိလိုသည်များအား ပြန်လည် မေးမြန်းဆွေးနွေးခဲ့ကြကြောင်း သိရှိရပါသည်။

DOCA(ဧရာဝတီ)                                   

         ကျောက်ဆည်ခရိုင် ၊ စားသုံးသူရေးရာဦးစီးဌာနရှိ ဝန်ထမ်းများသည် နိုဝင်ဘာလ(၂၁) ရက်နေ့တွင် မြို့နယ်စည်ပင်သာယာရေးအဖွဲ့နှင့်ပူးပေါင်းပြီး  မြစ်သားမြို့နယ် ၊ ကူမဲမြို့ရှိ ပြည်စုံဆန်ဆိုင်အား ကွင်းဆင်းစစ်ဆေးခဲ့ပါသည် ။ ထိုသို့စစ်ဆေးရာတွင် မြန်မာ့ဆန်စပါး အွန်လိုင်း (Myanmar Rice On line My Ro) တွင် ၂၀၂၃ ခုနှစ် ၊ နိုဝင်ဘာလ (၃)ရက်နေ့မှစ၍ ဆန်တန်ချိန်(၂၅) နှင့် အထက် သိုလှောင်ရုံ (သို့မဟုတ်) စပါးတင်း(၂၅၀၀)နှင့်အထက် သိုလှောင်ရုံတစ်မျိုးမျိုးကို ပိုင်ဆိုင်သူ စီးပွားရေးလုပ်ငန်းရှင်များအနေဖြင့် www.myro.com.mm တွင် မှတ်ပုံတင်ခြင်းလုပ်ငန်း များကိုဆောင်ရွက်ရမည်ဖြစ်ကြောင်း၊ ဆန်များရောင်းချရာတွင် လစဉ်ထုတ်ပြန်သော သတ်မှတ်ရည်ညွှန်းဆန်စျေးများဖြင့် ရောင်းချရန်လိုအပ်ကြောင်း ကွင်းဆင်းအသိပေး ပြောကြားခဲ့ကြောင်း သိရှိရပါသည်။

DOCA(မန္တလေး)