သတင်းနှင့် လှုပ်ရှားမှုများ

     ၂၀၂၅ ခုနှစ်နိုဝင်ဘာလ ၂၀ ရက်နေ့ နံနက် ၉:၀၀ အချိန်တွင် ကော့သောင်းခရိုင်ဦး စီးမှူးရုံးမှ ဝန်ထမ်းမျာသည် ဆက်သွယ်ရေးညွှန်ကြားမှုဦးစီးဌာနမှ တာဝန်ရှိသူများနှင့်အတူ ဦးစား ပေး စစ်ဆေးရမည့် ဝန်‌ဆောင်မှုကဏ္ဍအနေဖြင့် စားသုံးသူ နစ်နာမှုမရှိစေရေးအတွက် MPTအင် တာနက် ဝန်ဆောင်မှုအား မြေပြင်ကွင်းဆင်းစစ်ဆေးဆောင်ရွက်ခဲ့ပါသည်။

    ထိုသို့ ပူးပေါင်းအဖွဲ့ဖြင့် MPT ဆက်သွယ်ရေး အော်ပ‌ရေတာရုံးခွဲသို့ စစ်ဆေးရာတွင် ဆက် သွယ်ရေးညွှန်ကြားမှုဦးစီးဌာန၏ သတ်မှတ်ထားသည့် လုပ်ထုံးလုပ်နည်းများနှင့်အညီ လိုက်နာ ဆောင်ရွက်ရန်၊ စားသုံးသူများ အင်တာနက်ဝန်ဆောင်မှု သုံးစွဲရာတွင် အရည်အသွေးပြည့်မီသည့် အင်တာနက်ဝန်ဆောင်မှုရရှိစေရေး၊ စားသုံးသူပြည်သူများထိခိုက်နစ်နာမှု မရှိစေရေးကို MPT အင်တာဝန်ဆောင်မှုနှုန်းထားများအား အများပြည်သူလွယ်ကူစွာသိရှိနိုင်အောင်ဆောင်ရွက်စေ ရေး၊ ဆက်သွယ်ရေးကုမ္ပဏီများမှ အင်တာနက်ဝန်ဆောင်မှုများနှင့် ပတ်သက်ပြီး လိုအပ်သည့် သ တင်းအချက်အလက်ပြည့်စုံမှန်ကန်စွာ စားသုံးသူများကြိုတင်ရှင်းလင်း အသိပေးဆောင်ရွက်စေ ရေး စားသုံးသူမှ အင်တာနက်ဝန်ဆောင်မှု သုံးစွဲရာတွင် စားသုံးသူအခွင့်အရေးတရပ်အနေဖြင့် အ ခြေခံလိုအပ်ချက်များအပေါ် စိတ်ကျေနပ်မှု မရှိပါက တိုင်ကြားနိုင်သည့်အကြောင်း၊ စီးပွားရေး လုပ်ငန်းမှလည်း ကျင့်ဝတ်နှင့်အညီ တာဝန်ယူဆောင်ရွက်ပေးရမည်ဖြစ်ကြောင်း အသိပညာပေး ခြင်း ဆက်သွယ်ရေးဝန်ဆောင်မှု ကဏ္ဍအား စျေးကွက်စောင့်ကြည့်စစ်ဆေးခြင်းများဆောင်ရွက်ခဲ့ သည့်ဟု သိရှိရပါသည်။

DOCA(တနင်္သာရီ)

         စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် စားသုံးသူကာကွယ်ရေး အသိပညာပေးဟောပြောပွဲများ၊  စီးပွားရေးလုပ်ငန်းရှင်များနှင့် တွေ့ဆုံပြီး ဥပဒေ၊ အမိန့်နှင့် ညွှန်ကြားချက်များအား ရှင်းလင်းဆွေးနွေးခြင်းများ ဆောင်ရွက်လျက်ရှိသည့်အပြင် ထုတ်ကုန်များလုံခြုံ စိတ်ချရမှုရှိစေရေးနှင့် ကုန်အညွှန်းအမှတ်အသားများ ပြည့်စုံစွာထည့်သွင်းဖော်ပြရေးအတွက် ဈေးကွက်စောင့်ကြည့်စစ်ဆေးခြင်းများကို လစဉ်ဆောင်ရွက်လျက်ရှိရာ ရွှေဘိုခရိုင်စားသုံးသူရေးရာဦးစီးဌာနမှ ဒု-ခရိုင်ဦးစီးမှူးဦးဆောင်၍ ရွှေဘိုမြို့နယ်တာဝန်ခံ၊ စားသုံးသူရေးရာဌာနခွဲတာဝန်ခံနှင့် ထုတ်ကုန်လုံခြုံစိတ်ချရမှုဌာနခွဲတာဝန်ခံတို့သည် (၂၀.၁၁.၂၀၂၅)ရက်နေ့၊ နံနက် (၁၀:၀၀)နာရီအချိန်တွင် ရွှေဘိုမြို့၊ အမှတ်(၅)ရပ်ကွက်၊ မင်းရပ်ရှိ ဒေါ်ကြင်မိ ဆီနှင့်ကုန်မျိုးစုံ ရောင်းဝယ်ရေးဆိုင်ရှိ  စားသုံးဆီအမှတ်တံဆိပ်အမျိုးမျိုးအား ဈေးကွက်စောင့်ကြည့် စစ်ဆေးခဲ့ပါသည်။

         ထိုသို့ဈေးကွက်စောင့်ကြည့်စစ်ဆေးရာတွင် ဒု-ခရိုင်ဦးစီးမှူးက ဌာနအနေဖြင့် ထုတ်ကုန်များ လုံခြုံစိတ်ချရမှုရှိစေရေးအတွက် ဈေးကွက်ရောက်ပြီးကုန်စည်များအပြင် ဈေးကွက်မရောက်မီကုန်စည်များကိုလည်း ဈေးကွက်စောင့်ကြည့်စစ်ဆေးလျက်ရှိကြောင်း၊ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏တာဝန်များ၊ ကုန်အညွှန်းအမှတ်အသားဖော်ပြခြင်းအကြောင်းများ၊ ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉)ပါအကြောင်းများ၊ စားသုံးဆီနှင့်ပတ်သက်၍ ညွှန်ကြားချက်အမှတ်(၁/၂၀၂၁)ပါအကြောင်းများ၊ စားသုံးသူများသာမက စီးပွားရေးလုပ်ငန်းရှင်များအနေဖြင့် ဌာနမှဆောင်ရွက်နေသောလုပ်ငန်းများကို သိရှိလိုပါက ရုံးဖွင့်ရက်ရုံးချိန်အတွင်း Consumer Call Center No 1535 လိုင်းခွဲ(၁)၊ (၂)၊ (၃)သို့ ဆက်သွယ်မေးမြန်းနိုင်သည့် အကြောင်းများကို ရှင်းလင်းဆွေးနွေးခဲ့ကြကြောင်း သတင်းရရှိပါသည်။

DOCA(စစ်ကိုင်း)

                      စားသုံးသူရေးရာဦးစီးဌာန၊‌ ညောင်ဦးခရိုင်တာဝန်ခံ ဦးတင်မျိုးခိုင်(ဦးစီးအရာရှိ)က ဦးဆောင် ၍ ညောင်းဦးမြို့နယ် မဏိစည်သူဈေးအတွင်းရှိ ဆန်လက်လီလက်ကားရောင်းချသောဝင်းစတားဆန်ဆိုင်သို့ (၂၁-၁၁-၂၀၂၅)ရက်နေ့ နံနက် ၁၀ နာရီအချိန်တွင် မြို့နယ်စည်ပင်သာယာရေးပူးပေါင်းအဖွဲ့ဖြင့်ကွင်းဆင်းစစ်ဆေးခဲ့ကြောင်းသိရှိရသည်။ထိုသို့ကွင်းဆင်းဆောင်ရွက်ရာ၌ ဝင်းစတား ဆန်လက်လီလက်ကား အရောင်းဆိုင်တွင် ရောင်းချနေသော ဆန်အမျိုးအစားများမှာ ရွှေဘိုပေါ် ဆန်း(၂၄) ပြည်တစ်အိတ်လျှင် (၁၉၃၀၀၀) ကျပ်၊ ဧရာပဒေသာ (၂၄) ပြည်တစ်အိတ်လျှင် (၁၄၃၀၀၀) ကျပ်၊ မနောသုခဆန် (၂၄)ပြည်တစ်အိတ် လျှင်(၈၀၀၀၀)ကျပ်၊ ဧည့်မထဆန်(၂၄)ပြည် တစ်အိတ် လျှင်(၇၀၀၀၀)ကျပ်ဖြင့် သင့်တင့်မျှတ သောဈေးနှုန်းများဖြင့် ရောင်းချလျက်ရှိကြောင်း စစ်ဆေး တွေ့ရှိရပြီး၊ ဝင်းစတားဆန်ဆိုင် ပိုင်ရှင်အားဈေးကွက်အတွင်းဆန်များ ပြတ်လပ်မှုမရှိစေရေး၊ ဈေးနှုန်းကြီးမြင့်မှုမရှိစေရေး၊ ဈေးနှုန်းများတည်ငြိမ်စေရေး၊ ဈေးနှုန်းမြှင့်တင် ရောင်းချခြင်းများ မပြုလုပ်ရန်၊ ဈေးကစားရန် ရည်ရွယ်ချက်ဖြင့် သိုလှောင်းခြင်းများ မပြုလုပ်ရန်နှင့် ဆန်သိုလှောင် ရုံမှတ်ပုံတင်သက်တမ်းပြည့်ပါက My RO တွင် ဆက်လက်မှတ်ပုံတင် သက်တမ်းတိုးသွားရန် စသည်တို့ကိုဆွေးနွေး ပြောကြားခဲ့ကြောင်းသိရှိရသည်။

DOCA(မန္တလေး)

        စစ်ကိုင်းတိုင်းဒေသကြီး အစိုးရအဖွဲ့ဦးဆောင်ပြီး အသက်မွေးဝမ်းကျောင်း အထောက်အကူပြု ကြွေပြားကပ်လုပ်သားအဆင့်(၁)သင်တန်းနှင့် ပိုက်ဆက်လုပ်သားအဆင့်(၁)သင်းတန်းဖွင့်ပွဲကို ၂၀၂၅ခုနှစ်၊ နိုဝင်ဘာလ(၂၄)ရက်နေ့ နေ့လယ် (၁၄း၀၀)နာရီအချိန်တွင် စစ်ကိုင်းမြို့ မြို့တော်ခန်းမ၌ လူမှုရေးဝန်ကြီး ဦးညွန့်ဝင်းမှ အဖွင့်အမှာစကားပြောကြားပြီး ဆောက်လုပ်ရေးဦးစီးဌာနမှ ကျောင်းအုပ်ကြီးနှင့် ခရိုင်/ မြို့နယ် အဆင့်ဌာနဆိုင်ရာများ၊ စားသုံးသူရေးရာဦးစီးဌာနမှ ခရိုင်ဦးစီးမှူးနှင့် ဝန်ထမ်း(၂)ဦးတို့ တက်ရောက်ခဲ့ပြီး အဆိုပါသင်တန်းတွင် ကြွေပြားကပ် လုပ်သားအဆင့်(၁) သင်တန်းသား (၂၀)ဦးနှင့် ပိုက်ဆက်လုပ်သားအဆင့်(၁) သင်းတန်းသား (၂၀)ဦး စုစုပေါင်း(၄၀)ဦး တက်ရောက်ခဲ့ကြောင်း သတင်းရရှိပါသည်။

DOCA(စစ်ကိုင်း)

           စားသုံးသူရေးရာဦးစီးဌာန၊ စစ်ကိုင်းခရိုင်၊ ခရိုင်ဦးစီးမှူးနှင့် ဝန်ထမ်း(၂)ဦးတို့သည် ၂၀၂၅ခုနှစ်၊ နိုဝင်ဘာလ ၂၁ ရက်နေ့ နံနက်(၁၀:၃၀)နာရီအချိန်တွင် စစ်ကိုင်းမြို့၊ သာစည်ရပ်၊ သိင်္ဂီစန်း ပိုးစစ်ချိတ်ထည်ရက်ကန်းလုပ်ငန်းရှင်နှင့်တွေ့ဆုံမေးမြန်းခဲ့ရာ ကုန်ကြမ်းများကို မန္တလေး (အမရပူရ)မှ ဝယ်ယူရာ “ပိုး” တစ်ပိဿာလျှင် ကျပ်(၇)သိန်း(၅)သောင်း ဝယ်ယူရရှိကြောင်း၊ ပိုးချိတ်တစ်ထည် ရက်လုပ်ရန် တစ်စင်လျှင် ရက်ကန်းရက်သူ(၂)ဦးဖြင့် လက်ရက်ကန်းစင် (၁၀)စင်ရှိပြီး ရက်လုပ်ရာအချိန် (၂)လခန့်ကြာပြီး၊ ပိုးချိတ်တစ်ထည် လုပ်အားခ တစ်ဦးလျှင် ကျပ်(၄)သိန်း ပေးရကြောင်း၊ ပိုးစစ်ချိတ်တစ်ထည် စုစုပေါင်းကုန်ကျစရိတ်မှာ ကျပ်(၂၀) သိန်းခန့် ကုန်ကျကြောင်း၊  ပိုးစစ်ချိတ် တစ်ထည်ရောင်းဈေးနှုန်းများမှာ ကျပ်(၂၅)သိန်းမှ ကျပ်(၃၀)သိန်း ပေါက်ဈေးအသီးသီးရှိပါကြောင်း မန္တလေးမြို့၊ သိင်္ဂီရွှေဝါနှင့် သင်းညိုမြန်မာ့ပိုးထည်ဆိုင်ကြီးများသို့ တင်ပို့ရောင်းချသည့်အပြင် အမှာစာများရှိပါကလည်း ရက်လုပ်ကြောင်း သိင်္ဂီစန်းရက်ကန်း လုပ်ငန်းရှင်ထံမှ သိရှိရပါသည်။

DOCA(စစ်ကိုင်း)