သတင်းနှင့် လှုပ်ရှားမှုများ

  ဧရာဝတီတိုင်းဒေသကြီး၊ မြန်အောင်ခရိုင်၊ မြန်အောင်မြို့နယ်ကုန်ဈေးနှုန်းတည်ငြိမ်ကျဆင်းရေး ကော်မတီမှ ဦးဆောင်ကာ(၉.၆.၂၀၂၅)ရက်နေ့ နံနက်(၀၈:၀၀)အချိန်မှစတင်၍ အခြေခံစားသောက်ကုန်  ဆန်၊ ဆီ၊ ကြက်ဥများအား ဈေးနှုန်းသက်သာစွာဖြင့် ပြည်သူများဝယ်ယူအသုံးပြုနိုင်ရေး ရောင်းချပေး လျက်ရှိပါသည်။ ဆန်၊ ကြက်ဥနှင့် စားအုန်းဆီများရောင်းချပေးရာတွင် မြို့နယ်စီမံအုပ်ချုပ်ရေးအဖွဲ့ ဥက္ကဌ၊ မြို့နယ်စည်ပင်သာယာရေးအဖွဲ့၊ စားသုံးသူရေးရာဦးစီးဌာန မြို့နယ်ဦးစီးမှူး ဦးမြင့်အောင်နှင့် မြန်အောင်ခရိုင်ဆီကုန်သည်နှင့် ဆီလုပ်ငန်းရှင်များအသင်းမှ ပူးပေါင်းဆောင်ရွက်ခဲ့ကြောင်းသိရသည်။

  ထိုသို့ရောင်းချရာတွင် ပြည်သူများအား သက်သာသော ဈေးနှုန်းဖြင့် ဝယ်ယူစားသောက်နိုင်ရန် ကြက်ဥ တစ်လုံးလျှင် ၃၀၀/- ကျပ်ဖြင့် အလုံး ၅၀၀ ကို လည်းကောင်း၊ စားအုန်းဆီ တစ်ပိဿာလျှင် ၇၀၀၀/- ကျပ်နှုန်းဖြင့် ပိဿာချိန် (၅၀)နှင့် ဆင်းသုခ ဆန်တစ်ပြည်လျှင် ၂၀၀၀/- ကျပ် တစ်ဦးလျှင် (၂)ပြည်နှုန်းဖြင့် ရောင်းချပေးခဲ့ကြောင်း သိရှိရပါသည်။ ထိုသို့ရောင်းချခြင်းကို ယမန်နေ့ နံနက်ပိုင်းမှ စတင်ရောင်းချခဲ့ပြီး ပြည်သူများ ဈေးနှုန်းသက်သာစွာ ဝယ်ယူနိုင်ရေး ဆက်လက်ရောင်းချသွားမည်ဖြစ် ကြောင်း သတင်းရရှိပါသည်။

DOCA (ဧရာဝတီ)

စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီးဦးစီးမှူးရုံး၏ ကြီးကြပ်မှုဖြင့် မုံရွာမြို့ရှိ ဆန်/ဆီကုန်သည်များက ငလျင်ဘေးဒဏ်သင့် စစ်ကိုင်းမြို့ရှိ ပြည်သူများသို့ ဆန်၊ ဆီ၊ ကြက်သွန်နီ၊ အသားတု၊ ဟင်းသီးဟင်းရွက်နှင့် ကုန်မျိုးစုံအားသက်သာသောဈေးနှုန်းဖြင့်( ၅၄ )ရက်မြောက်နေ့ အဖြစ် ရောင်းချပေးလျက်ရှိပါသည်။

၂၀၂၅ ခုနှစ်၊ မတ်လ ၃၁ ရက်နေ့မှ ဇွန်လ ၁၀ ရက်နေ့အထိ 6S / 3038၊ 8A/ 8484၊ 4S/ 2246၊ 7N/ 9803 ဈေးကား(၄) စီးဖြင့် နံနက်ပိုင်း တွင်( ၁) ကြိမ်၊ မွန်းလွဲပိုင်းတွင် (၁)ကြိမ် ရောင်းချပေးခဲ့ရာ ယနေ့ ၁၀.၆.၂၀၂၅ ရက်နေ့တွင် ဆန် (၇၂) ပြည်၊ ဆီ (၄၀)ပိဿာ၊ ဆား(၄)ပိဿာ၊ ကုလားပဲ(၁၀)ဘူး၊ ငါးပိ(၂)ပိဿာ၊ ငါးခြောက် (၁)ပိဿာ၊ ပုဇွန်ခြောက်(၃၀) ကျပ်သား၊ ကြက်ဥ (၇၅)လုံး၊ ဘဲဥ(၂၀)လုံး၊ ကြက်သွန်နီ (၈) ပိဿာနှင့် အသားတု(၂)ပိဿာတို့ကို ရောင်းချပေးခဲ့ပြီး  ယနေ့အထိ ရောင်းချမှုများမှာ ဆန်(၉၅၈၅)ပြည်၊ ဆီ (၆၅၉၃) ပိဿာ ၊ ဆား(၁၅၇) ပိဿာ၊ ကုလားပဲ(၆၂၈)ဘူး၊ ငါးပိ(၅၆)ပိဿာ၊ ငါးခြောက် (၄၇)ပိဿာ၊ ပုဇွန်ခြောက်(၁၅)ပိဿာ ၊ ကြက်သွန်နီ (၇၁၂) ပိဿာ၊ အသားတု( ၆၇ ) ပိဿာ၊ ကြက်ဥ (၇၈၃၃) လုံး၊ ဘဲဥ (၈၂၉)လုံး တို့နှင့် ရေသန့် ၁ လီတာဘူး (၂၀၀) ကဒ်တို့ကို ဖြစ်ကြောင်း သိရသည်။

ယနေ့ ရောင်းချရာတွင် ငလျင်ဘေးဒဏ်သင့် ပြည်သူများရှိသည့်  စစ်ကိုင်းမြို့ရှိ ခရိုင်/ မြို့နယ်စာရင်းစစ်ရုံးတွင်  သက်သာသောဈေးနှုန်းဖြင့် ရောင်းချပေးခဲ့ကြောင်း သိရှိရပါသည်။

Doca(စစ်ကိုင်း)

   ဧရာဝတီတိုင်းဒေသကြီး၊ ဖျာပုံခရိုင်၊ ကျိုက်လတ်မြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံ ဦးမိုးမင်းသန်းနှင့် ဝန်ထမ်းတို့သည် ၂၀၂၅ ခုနှစ်၊ ဇွန်လ (၆) ရက်နေ့၊ နံနက် (၁၁:၀၀) နာရီအချိန်တွင် အမှတ်(၃) ရပ်ကွက်ရှိ ပြည်သူ (၁၂) ဦးအား ကျိုက်လတ်မြို့နယ်စားသုံးသူရေးရာဦးစီး ဌာန မြို့နယ်တာဝန်ခံရုံးတွင် Online Sale နှင့်ပက်သက်၍ အသိပညာပေးဟောပြောခဲ့ပါသည်။

      မြို့နယ်တာဝန်ခံ ဦးမိုးမင်းသန်းက လူထုဆက်သွယ်ရေး နည်းလမ်းများ ဖြစ်သော Facebook page ၊ Tik Tok  အစရှိသော သတင်းမီဒီယာများတွင် Online စနစ်ဖြင့် ရောင်းချလျက်ရှိသော ကုန်ပစ္စည်းများနှင့် ပက်သက်၍ Online မှတ်ပုံတင်ရမည်ဖြစ်ကြောင်း၊ Online ပေါ်တွင် လိမ်လည်မှုများ ဖြစ်ပေါ်နေ၍ စားသုံးသူပြည်သူများ နစ်နာဆုံးရှုံးမှု မဖြစ်ပေါ်စေရေးအတွက် Online မှတ်ပုံတင်ခြင်း၊  မိမိတို့၏ ကုန်ပစ္စည်းနှင့် မိမိလုပ်ငန်းများအား တာဝန်ယူ၊ တာဝန်ခံခြင်းဖြင့် လုပ်ငန်းရှင်ဘက်မှ လိုက်နာဆောင်ရွက်ကြရန် Online မှတ်ပုံတင်ခြင်းဆိုင်ရာ အချက်အလက်များကို အကျယ်တဝင့် ရှင်းပြခြင်း၊ Online မှတ်ပုံတင်ရာတွင် website မှဝင်ရောက်၍ လျှောက်လွှာရေးသွင်း မှတ်ပုံတင်နည်း အဆင့်တို့အား ရှင်းလင်းပြောကြားခဲ့ပြီး စားသုံးသူများ နစ်နာဆုံးရှုံးမှု ဖြစ်ပေါ်လာပါက Call Centre 1535 သို့ ဆက်သွယ်တိုင်ကြားနိုင်ကြောင်း အသိပညာပေးဟောပြောခဲ့ပါသည်။

       ထို့အပြင် စားသုံးသူများသာမက ကုန်စည်နှင့် ဝန်ဆောင်မှု ထုတ်လုပ်ဖြန့်ဖြူးရောင်းချနေသော လုပ်ငန်းရှင်များပါ စားသုံးသူကာကွယ်ရေး ကိစ္စရပ်များနှင့် ပက်သက်၍ သိရှိလိုသည်များကို မည်သူမဆို မေးမြန်းနိုင်ပါကြောင်း၊ စားသုံးသူနစ်နာဆုံးရှုံးမှု တစ်ရပ်ရပ်ကို တိုင်ကြားလိုပါက လူကိုယ်တိုင် သော်လည်းကောင်း၊ လူထုဆက်သွယ်ရေး နည်းလမ်းတစ်ခုခုဖြင့်သော်လည်းကောင်း၊ သက်ဆိုင်ရာ ဦးစီးမှူးရုံးသို့ သက်သေခံအထောက်အထားနှင့်အတူ တိုင်ကြားနိုင်ပါကြောင်း အသိပညာပေးဟော ပြောခဲ့မှုအပေါ် သတင်းရရှိပါသည်။

DOCA(ဧရာဝတီ)

      ၂၀၂၅ ခုနှစ်၊ ဇွန်လ ၁၁ ရက်နေ့၊ နေ့လယ် ၁၄း၀၀ နာရီအချိန်တွင် တနင်္သာရီတိုင်းဒေသကြီး၊ ပတ်ဝန်းကျင်ထိန်းသိမ်း‌ရေးဦးစီးဌာန၊ အစည်းအဝေးခန်းမ၌ တနင်္သာရီတိုင်းဒေသကြီး ထားဝယ်မြို့နယ် တရားရုံးမှ ရွာကြီးအမှတ် ၁၁၈၇/၂၀၂၄ နှင့် ရွာကြီး ၁၁၈၈/၂၀၂၄ ဖြင့် အမိန့််ချမှတ်ပြီးနောက် ထားဝယ် မြို့မရဲစခန်းမှတစ်ဆင့် ‌ရေနံထွက်ပစ္စည်းကြီးကြပ်စစ်ဆေးရေးဦးစီးဌာန(တနင်္သာရီတိုင်းဒေသကြီးသို့အပ် နှံလာသည့်ဖမ်းဆီးရမိ ပြည်သူ့ဘဏ္ဍာသိမ်းပစ္စည်းများဖြစ်သော ဒီဇယ်ဆီအဖြစ်သို့သုံးစွဲရန် မသင့်တော် သည့် ဆီပျော်အမျိုးအစားဖြစ်သောကြောင့် သဘာဝပတ်ဝန်းကျင်ထိခိုက်မှုမရှိဘဲ ဖျက်ဆီးနိုင်ရေးအတွက် ပြည်သူ့ဘဏ္ဍာသိမ်းပစ္စည်းများအား ကနဦးစိစစ်ရေးအဖွဲ့မှ အစည်းအဝေးကျင်းပခဲ့ရာ အဖွဲ့ဝင် စားသုံးသူရေးရာဦးစီးဌာန၊ တိုင်းဦးစီးမှူးမှ တက်ရောက်ခဲ့ပါ‌ကြောင်း သိရှိရပါသည်။

DOCA(တနင်္သာရီ)

       ဖျာပုံခရိုင် အထွေထွေအုပ်ချုပ်ရေးဦးစီးဌာနရုံးတွင် ခရိုင်အုပ်ချုပ်ရေးမှူး ဦးတင်လင်း၊ ခရိုင်ရဲတပ်ဖွဲ့မှူးရုံးမှ ရဲမှူးအောင်မင်း၊ စည်ပင်သာယာရေးအဖွဲ့မှ အမှုဆောင် အရာရှိ ဦးတိုးမြင့်အောင်၊ ကျန်းမာရေး ဦးစီးဌာနမှ ဦးရဲဝင်း၊ ဖျာပုံခရိုင်စားသုံးသူရေးရာဦးစီးဌာနမှ ခရိုင်ဦးစီးမှူး ဦးထွေးသိမ်းနှင့် ဝန်ထမ်းတို့သည် စားသုံးသူရေးရာ ကော်မတီအစည်းအဝေး၁/၂၀၂၅ ကို ၂၀၂၅ ခုနှစ် ၊ (၆) ရက်နေ့၊ နံနက် (၁၀) နာရီအချိန်တွင် ကျင်းပပြုလုပ်ခဲ့ပါသည်။

       အခမ်းအနားပြုလုပ်ရခြင်း၏ ရည်ရွယ်ချက်အနေဖြင့် စားသုံးသူကာကွယ်ရေးလုပ်ငန်းများ ဖြစ် သည့် ပြည်သူများနှင့် လုပ်ငန်းရှင်များအား အသိပညာပေးဟောပြောခြင်း၊ တိုင်ကြားမှုများ ဖြေရှင်း ဆောင်ရွက်နိုင်ရေး၊ စားသုံးသူကာကွယ်ရေးဥပဒေနှင့်အညီ ခန့်အပ်တာဝန်ပေးထားသော စစ်ဆေးရေး မှူးများသည် ဈေးကွက်အတွင်းရောင်းချလျက်ရှိသည့် ကုန်စည်များတွင် ကုန်အညွှန်းအမှတ်အသား ပြည့်စုံခြင်းရှိ/မရှိ ကွင်းဆင်းစိစစ်တွေ့ရှိချက်များကို ကော်မတီမှ အရေးယူဆောင်ရွက်နိုင်ရေးနှင့် ရှေ့ဆက်လက်ဆောင်ရွက်မည့် လုပ်ငန်းစဉ်များ ချမှတ်နိုင်ရေး အတွက်ရည်ရွယ်ကျင်းပရခြင်း ဖြစ်ပါ သည်။

      ထို့နောက် အစားအသောက်များတွင် ဖော်မလင်နှင့် တာရှည်ခံဆိုးဆေးများ သုံးစွဲမှုများရှိလာ သည့်အတွက် စားသုံးသူရေးရာဦးစီးဌာန ကျိုက်လတ်မြို့နယ်တာဝန်ခံ ဦးမိုးမင်းသန်းက ယခင် ဘဏ္ဍာနှစ်တွင် FDA မှ ဈေးကွက်အတွင်းရှိ ပဲပြား၊ မုန့်ဟင်းခါးဖတ်၊ သရက်ချဉ် စသည့် စားသောက်ကုန်များတွင် တာရှည်ခံဆေးနှင့် ဆိုးဆေးများ ပါဝင်ခြင်း ရှိ/မရှိ၊ ဈေးကွက် နမူနာ ကောက်ယူ၍ စစ်ဆေးခြင်းကို ဆောင်ရွက်ပြီး စစ်ဆေးတွေ့ရှိပါက ဈေးကွက်အတွင်းမှ သိမ်းဆည်း ခြင်းကို ဆောင်ရွက်မည် ဖြစ်ပါကြောင်း ရှင်းလင်းပြောကြားခဲ့ပြီး တရားမဝင်ကုန်သွယ်မှု တိုက်ဖျက်ရေးအဖွဲ့မှ ဆောင်ရွက်သည့် ကိစ္စရပ်များတွင် စားသုံးသူရေးရာဦးစီးဌာနမှ ပူးပေါင်းပါဝင် ဆောင်ရွက်လျက်ရှိပါကြောင်း ၊ စားသုံးသူရေးရာကော်မတီ၏ ရှေ့ဆက်လက်ရမည့် လုပ်ငန်းစဉ် များတွင် ဆက်လက်ပေါင်းစပ်ညှိနှိုင်းဆောင်ရွက်ပေးကြပါရန်  မေတ္တာရပ်ခံခဲ့ပြီး အစည်းအဝေးကို  နံနက် (၁၁:၃၀) တွင် ရုပ်သိမ်းခဲ့ကြောင်း သတင်းရရှိပါသည်။

DOCA(ဧရာဝတီ)