သတင်းနှင့် လှုပ်ရှားမှုများ

           စားသုံးသူရေးရာဦးစီးဌာန၊ မြင်းခြံခရိုင်ဦးစီးမှူးရုံးမှ  ဒု-ခရိုင်ဦးစီးမှူးနှင့် စားသုံး/ထုတ်လုံဌာနခွဲ တာဝန်ခံသည် ၂၃.၂.၂၀၂၆ ရက်နေ့၊ နေ့လည်(၁၄:၀၀)အချိန်တွင် မြင်းခြံမြို့၊ အမှတ်(၅)ရပ်ကွက်ရှိ ‘‘ဆုထူးပန်’’ အမှတ်တံဆိပ် အာလူးကြော်နှင့်အကြော်စုံထုတ်လုပ်ဖြန့်ဖြူးရောင်းချသည့် လုပ်ငန်းရှင်မှ ကုန်စည်များတွင် ထည့်သွင်းဖော်ပြရမည့် ကုန်အညွှန်းအမှတ်အသားများနှင့်ပတ်သက်၍ လာရောက် တွေ့ဆုံရာ ရှင်းလင်းဆွေးနွေး ခဲ့ပါသည်။

          ဒု-ခရိုင်ဦးစီးမှူးနှင့်တာဌာခွဲတာဝန်ခံတို့မှ စီးပွားရေးလုပ်ငန်းရှင်များအနေဖြင့် ကုန်စည်များ ထုတ်လုံဖြန့်ဖြူးရောင်းချမည်ဆိုပါက ၂၀၁၉ စားသုံးသူကာကွယ်ဥပဒေပါ စီးပွားရေးလုပ်ငန်းများ၏ တာဝန်များ၊ ကုန်အညွှန်းအမှတ်အသား ဖော်ပြရာတွင် ကုန်စည်၏ အမျိုးအမည်၊ အရွယ်အစား၊ အရေအတွက်နှင့်အသားတင်ပမာဏ၊ ထားသိုသိမ်းဆည်းမှုအညွှန်း၊ သုံးစွဲပုံနည်းလမ်း၊ ကျန်းမာရေး ဆိုင်ရာဘေးထွက်ဆိုးကျိုး၊ ဓာတ်မတည့်ကြောင်းဖော်ပြချက်နှင့် ကြိုတင်သတိပေးချက်တို့ကို ထည့်သွင်းဖော်ပြပေးရန်လိုအပ်ကြောင်းနှင့် မြန်မာနိုင်ငံစားသုံးသူကာကွယ်ရေးကော်မရှင်မှ ထုတ်ပြန် ထားသော ညွှန်ကြားချက်အမှတ်(၂/၂၀၁၉)ပါ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ မိမိ ထုတ်လုပ်သော ကုန်စည်အမျိုးအစားပေါ်လိုက်၍ လိုအပ်သည့်အချက်အလက်များအား မြန်မာ ဘာသာဖြင့်ဖြစ်စေ၊ မြန်မာဘာသာနှင့်အခြား ဘာသာတစ်ခု သို့မဟုတ် တစ်ခုထက်ပို၍ တွဲလျက်ဖြစ်စေ သိသာထင်ရှားစွာ ဖော်ပြရမည့်အချက်များအား အသိပညာပေးဆွေးနွေးခဲ့ပါသည်။ စားသုံးသူရေးရာ ဦးစီးဌာနအနေဖြင့် ဈေးကွက်များအတွင်း ကုန်စည်များ၊ ကုန်စည်ထုတ်လုပ်သောနေရာများတွင် ဈေးကွက်စောင့်ကြည့်စစ်ဆေးခြင်းများကို အစဉ်တစိုက်ဆောင်ရွက်နေသည့်အတွက်သော်လည်း ကောင်း၊ စားသုံးသူကာကွယ်ရေးအကြောင်းများကို နေရာစုံ၊ နည်းလမ်းပေါင်းစုံဖြင့် အသိပညာများပေးသည့်အတွက်သော်လည်းကောင်း စားသုံးသူများအပြင် လုပ်ငန်းရှင်များပါ သိရှိလိုက်နာမှုများရှိလာ ကြောင်း သိရှိရသည်။           

  DOCA(မန္တလေး)       

           စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံးအနေဖြင့် ပြည်သူများ ဘေးအန္တရာယ်ကင်းရှင်းသော အစားအသောက်များ ဝယ်ယူနိုင်ရန်အတွက် ၂၀၂၆-ခုနှစ် ဖေဖော်ဝါရီလ (၁၈) ရက်နေ့တွင် ဒုခရိုင်ဦးစီးမှူး ဦးအောင်ဇော်ဦး ဦးဆောင်၍ အစားအသောက် ဝန်ဆောင်မှုပေးသည့် လုပ်ငန်းများဖြစ်သည့် စားသောက်ဆိုင်များသို့ ပူးပေါင်းဌာနများဖြစ်သည့် ခရိုင် FDA , ခရိုင်ကျန်းမာရေးဦးစီးဌာန၊ မြို့နယ်အထွေထွေအုပ်ချုပ်ရေးဦးစီးဌာနနှင့် မြို့နယ်စည်ပင်သာယာရေးအဖွဲ့ဝင်များဖြင့် ကွင်းဆင်းစစ်ဆေးခြင်းအား ဆောင်ရွက်ခဲ့ပါသည်။

       ထိုသို့စစ်ဆေးရာတွင် စားသောက်ဆိုင် တစ်တော့လုပ်ငန်းမှ အစားအသောက်ချက်ပြုတ်သူများ၊ အစားအသောက်ဝန်ဆောင်မှုပေးသူ များ၏ ကျန်းမာရေး၊ သား၊ ငါး၊ အသီးအရွက် သန့်ရှင်းလပ်ဆပ်မှု၊ ထားသိုသိမ်းဆည်ထားရှိမှု အစားအသောက်ချက်ပြုတ်ရာနေရာများ သန့်ရှင်းမှု ရှိ/ မရှိ စသည်တို့ လတ်ဆတ်မှုရှိ/ မရှိ စသည်များအား စစ်ဆေးခဲ့ပါသည်။ ဆိုင်ပတ်ဝန်းကျင် ရေစီးရေလာကောင်းမွန်စေရေး စစ်ဆေးခြင်း၊ ဆက်လက်၍ ဆိုင်ရှင်များအား အစားအသောက်ရောင်းချရာတွင် အဓိက သန့်ရှင်းသပ်ရပ်မှုရှိစေရေးမှာ အစားအသောက်များ၏ ဈေးနှုန်း ကြိုတင်သတိပေးချက် မီနူးထားရှိမှုကို သိသာထင်ရှားစွာ ဖော်ပြထားခြင်း ရှိ/မရှိ ကြည်ရှု့ခဲ့ပြီး သိသာထင်ရှားစွာ ဖော်ပြထားရှိရေး၊ ဆိုင်အတွင်း ဝန်ဆောင်မှုကောင်းမွန်စေရေး အသိပညာပေးခြင်း၊ ဝန်ဆောင်မှုများကို အချိန်နှင့် တပြေးညီ ဆောင်ရွက်ပေးနိုင်ရေး စားသုံးသူအခွင့်အရေး အပြည့်အဝရရှိစေရေး ဆွေးနွေးမှာကြားခြင်းများ ဆောင်ရွက်ခဲ့ပြီး လက်ကမ်းစာစောင်များဖြန့်ဝေပေးခဲ့ကြောင်း သိရှိရပါသည်။

DOCA(ဧရာဝတီ)

         စားသုံးသူရေးရာဦးစီးဌာန၊ ပန်းတနော် မြို့နယ်တာဝန်ခံသည် (၁၈.၂.၂၀၂၆)ရက်နေ့ နေ့လယ် (၁၃း၀၀) နာရီအချိန်တွင် ပန်းတနောမြို့နယ်၊ စည်ပင်သာယာရေးအဖွဲ့ ရုံးခန်းမတွင် ပြည်တွင်းကုန်သွယ်မှုဖွံ့ဖြို့ရေးနှင့် SME လုပ်ငန်းများဖွံ့ဖြိုးတိုးတက်စေရေး တွေ့ဆုံဆွေးနွေးခြင်းကို  ဆောင်ရွက်ခဲ့ပါသည်။

          ထိုသို့တွေ့ဆုံဆွေးနွေးရာတွင် မအူပင်ခရိုင်ဦးစီးမှူး ဦးဇော်မင်းမှ ဦးဆောင်ဖိတ်ကြား၍ ဆန်စက်လုပ်ငန်းရှင်နှင့် ဆန်ဆိုင်လုပ်ငန်းရှင်များကို မိမိတို့ဆန်စက်မှ ဆန်များကို ဒေသတွင်းနှင့် အခြားဒေသသို့ ရောင်းချရာတွင်  မြန်မာနိုင်ငံဆန်စပါးအသင်းချုပ် MRF မှ လအလိုက် ထုတ်ပြန်ပေးသော သင့်တင့်မျှတသော ဈေးကွက်ဈေးနှုန်းဖြင့်  ဆန်များဖြန့်ဖြူး ရောင်းချနိုင်ရေးကိုကြော်ငြာချက်ပါ ဆန်ဈေးနှုန်းများနှင့် အညီ ရောင်းချရန် နှင့် ဈေးနှုန်းမြှင့်တင်‌ရောင်းချခြင်း၊ အရည်အသွေးမမှန် မကန်ရောင်းချခြင်းများ မပြုလုပ်ရန် ဆွေးနွေးခဲ့ပြီး  စီးပွားရေးလုပ်ငန်းရှင်များအနေဖြင့် ဆန်ဈးကွက်ရှိရာ မြို့နယ်အတွင်းနှင့် အခြားဒေသများသို့  ချိတ်ဆက်တင်ပို့ရောင်းချရာတွင် ကုန်တင်လွှာစနစ်ဖြင့် တင်ပို့ရောင်းချခြင်းများအား ပူးပေါင်းဆောင်ရွက်ရန်လိုအပ်ကြောင်း၊ သက်ဆိုင်ရာဌာနများ၏ ထုတ်ပြန်ထားသော အမိန့်၊ ညွှန်ကြားချက်များအတိုင်း လိုက်နာ ဆောင်ရွက်ရန်၊ ဆန်စပါးကဏ္ဍဖွံ့ဖြိုး တိုးတက်စေရေး ပူးပေါင်းဆောင်ရွက်သွားရန်၊  လစဉ် ကုန်ရ၊ ကုန်ထုတ်၊ လက်ကျန်စာရင်းများ ပုံမှန်ဖြည့်သွင်း ဆောင်ရွက်ရန်ကိုထည့်သွင်းပြီး  စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်များအကြောင်း၊ တားမြစ်ချက်များအကြောင်းနှင့် ပြစ်မှုပြစ်ဒဏ်များအကြောင်း စသည့်တို့ကို အသိပညာပေး ဆွေးနွေးခဲ့ကြောင်း ဆန်စက်လုပ်ငန်းရှင် ၂၅ ဦး ဆန်ဆိုင်လုပ်ငန်းရှင် ၁၅ ဦး တက်ရောက်ခဲ့ကြောင်း သိရှိရပါသည်။

DOCA(ဧရာဝတီ)

      စားသုံးသူရေးရာဦးစီးဌာန၊ မိုးညှင်းခရိုင်ဦးစီးမှူးရုံးမှ ဦးဝင်းသိန်းဦး(ရုံးအုပ်) ဦးဆောင်၍  ဒေါ်စွဲ့ဇင်မာဖွေး(အကြီးတန်းစာရေး)တို့သည် (၅-၃-၂၀၂၆)ရက်နေ့(၁၀:၀၀)နာရီအချိန်တွင် မိုးညှင်းခရိုင် ဦးစီးမှူးရုံး၌ အလှဆင်မီးဆိုင်းအမျိုးမျိုး ရောင်းဝယ်ရေး လုပ်ငန်းရှင်များနှင့် တွေ့ဆုံဆွေးနွေးခဲ့ပါသည်။

          ထိုသို့ ဆွေးနွေးရာတွင် စားသုံးသူကာကွယ်ရေး ဥပဒေတွင်ပါရှိသော စီးပွားရေးလုပ်ငန်းရှင်၊ ကုန်စည်၊ ဝန်ဆောင်မှုနှင့် ကုန်သွယ်မှုတို့၏ အဓိပ္ပာယ်ဖွင့်ဆိုချက်များအကြောင်း၊ အခန်း(၁၀)ပုဒ်မ(၂၁)ပါ စီးပွားရေးလုပ်ငန်းရှင်၏ တာဝန်များဖြစ်သော ကုန်စည် သို့မဟုတ် ဝန်ဆောင်မှု၏အာမခံချက်၊ သတ်မှတ်ချက်များနှင့် စပ်လျဉ်း၍ ရိုးရှင်းမှန်ကန်သော သတင်းအချက်အလက်များပေးခြင်း၊ စားသုံးသူ ကိုခွဲခြားမှုမရှိဘဲ ဖြောင့်မတ်မှန်ကန်စွာဆက်ဆံခြင်း၊ စီးပွားရေးလုပ်ငန်း လုပ်ကိုင်ရာတွင် စီးပွားရေး ကျင့်ဝတ်၊ စည်းကမ်းနှင့်အညီ ဖြောင့်မတ်မှန်ကန်စွာ ဆောင်ရွက်ခြင်း၊ အရည်အသွေးစမ်းသပ်ရန် လိုအပ်သော ကုန်စည်နှင့်စပ်လျဉ်း၍ ဝယ်ယူခြင်းမပြုမီ စားသုံးသူများကို စမ်းသပ်နိုင်သည့် အခွင့်အရေး ပေးခြင်း စသည့်အချက်များအကြောင်းနှင့် ကုန်စည်/ဝန်ဆောင်မှုနှင့် စပ်လျဉ်း၍ အာမခံချက်ပေးခြင်း အကြောင်း၊ ကုန်စည် သို့မဟုတ် ဝန်ဆောင်မှုအပေါ် တာဝန်ရှိမှု ၊ တားမြစ်ချက်များ၊ ပြစ်မှုပြစ်ဒဏ်များ အကြောင်း၊ကုန်အညွှန်းအမှတ်အသား‌ ဖော်ပြခြင်းနှင့်စပ်လျဉ်း၍ သိသာထင်ရှားစွာဖော်ပြရမည့် အချက် များအကြောင်း၊အရေးကြီးကုန်စည်နှင့်ဝန်ဆောင်မှုဥပဒေအကြောင်းတို့အား ရှင်းလင်းဆွေးနွေးခဲ့ကြောင်း သတင်း ရရှိပါသည်။  

DOCA(ကချင်)

        စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့နယ် ဦးစီးမှူးရုံးမှ မြို့နယ်ဦးစီးမှူး ဦးအောင်ကျော်သက် နှင့် ဝန်ထမ်းများ ၂၀၂၆ခုနှစ် ဖေဖော်ဝါရီလ ၁၈ ရက်နေ့ (၈)နာရီအချိန်က ပန်းတနော်မြို့နယ် ကုန်မျိုးစုံအရောင်းဆိုင်၊ မုန့်မျိုးစုံအရောင်းဆိုင်၊ ဆေးဆိုင်၊ City Marth နှင့် ဈေးရုံ၊ ဈေးတန်းရှိ အလေးအဟာရမုန့် အရောင်းဆိုင်သို့ သွားရောက်၍ ကုန်စည်ဈေးကွက်စောင့်ကြည့် စစ်ဆေးခဲ့ကြပါသည်။

       ကွင်းဆင်းစစ်ဆေးရာတွင် မြို့နယ်အတွင်းရှိ စတိုးဆိုင်နှင့် ကုန်မျိုးစုံ၊ မုန့်မျိုးစုံအရောင်းဆိုင်များတွင် ရောင်းချသော ကလေးအဟာရမှုန့် များသည် ကုန်အညွှန်းအမှတ်အသား ပြည်စုံစွာဖော်ပြပါဝင်းခြင်းရှိ/ မရှိကို စစ်ဆေးခဲ့ကြပြီး ကုန်အညွှန်းအမှတ်အသားဖော်ပြပါဝင်သော ကုန်စည်အချို့ကိုသာ ရောင်းချနေကြောင်း တွေ့ရှိရပါသည်။  ဆိုင်ရှင်များကို သက်တမ်းလွန်ကုန်စည်များရှိပါက စားသုံးသူအား လိမ်လည်လှည်ဖြား၍ ရောနှောရောင်းချခြင်းမပြုရန် စစ်ဆေးရေး တာဝန်ရှိသူနှင့် မိတ်ဖက်တာဝန်ရှိစစ်ဆေးသူများမှ ဌာနတို့၏ ခွင့်ပြုချက်၊ ထုတ်လုပ်မှု အမှတ်စဉ်နှင့်၊ ထောက်ခံချက်၊ ဖော်ပြရန်သတ်မှတ်ထားသောအချက်များ၊  ကုန်အညွှန်းဖော်ပြထားသော ကုန်စည်များကိုရောင်းချကြပြီး လိုက်နာဆောင်ရွက်ခြင်းမရှိပါက အရေးယူဆောင်ရွက်ခြင်းခံရမည်ဖြစ်ကြောင်းကို အသိပညာပေးခဲ့ကြောင်း သတင်းရရှိပါသည်။

DOCA(ဧရာဝတီ)