မအူပင်ခရိုင်ဦးစီးမှူးရုံး၊ ပန်းတနော်မြို့နယ်တာဝန်ခံနှင့် ဝန်ထမ်းများသည် ၂၀၂၆ခုနှစ် ၁ ရက်နေ့ နေ့လည် ၂နာရီအချိန်က က ပန်းတနော်မြို့နယ် မြို့ကွက်သစ်-၂ရပ်ကွက်ရှိ ဖိုးလမင်းဆန်စက်၊ မြသိန်းတန်(၁) နှင့် (၂) ဆန်စက်၊ မိဘဂုဏ်ရည်ဆန်စက်သို့ ပတ်ဝန်းကျင်ထိန်းသိမ်းရေးဦးစီးဌာနနှင့် စက်မှုကြီးကြပ်ရေးနှင့် စစ်ဆေးရေးဦးစီးဌာနဦးဆောင် စားသုံးသူရေးရာဦးစီးဌာနမှ လိုက်ပါ ကွင်းဆင်း၍ ဆန်စက် ကြိတ်ခွဲ ထုတ်လုပ်မှု နှင့် စပါး ဆန်ရောင်းဝယ်မှု၊ ဆန်စက်လုပ်ငန်းဖွံ့ဖြိုးတိုးတက်ရေး ကွင်းဆင်းစစ် ဆေးခဲ့ကြ သည်။
ကွင်းဆင်းစစ်ဆေးရာတွင် ဖိုးလမင်းဆန်စက်ပိုင်ရှင် တာဝန်ခံများနှင့် တွေ့ဆုံ၍ ဆန်စက်တွင် စပါးဝယ်ယူမှု၊ စပါးကြိတ်ခွဲ၊ သိုလှောင်မှုနှင် ဆန်/စပါးသိုလှောင်ရုံမှတ်ပုံတင်ထားရှိမှု များကို စစ်ဆေး ဆောင်ရွက်ခဲ့ပြီး စက်ရုံမှ ထွက်လာသော စွန့်ပစ်ပစ္စည်းများ၊ ဖုန်မှုန့်နှင့် အခိုးအငွေ့များ စံချိန်စံညွှန်း ကိုက်ညီမှု ရှိ/မရှိ စစ်ဆေးခြင်း၊ ဆန်စက်များ၏ ကြိတ်ခွဲမှု အခြေအနေနှင့် သိုလှောင်မှု စနစ်များ မှန်ကန်မှု ရှိ/မရှိ ကြည့်ရှုခြင်း၊ မြို့နယ်အတွင်း ဒေသထွက် ဆန်စပါးကြိတ်ခွဲရန် မှတ်ပုံတင်ထားရှိပြီးသော ဆန်စက် အကြီး အနေဖြင့် မြစ်ချောင်းများအတွင်း စပါးခွံများ ၊ Bio GAS စွန့်ပစ်ပစ္စည်းများ စက်ဖွဲပြာများ စွန့်ပစ်မှုမပြုလုပ်ရန် အသိပေး မှာကြားပြီး ဆန်စက်မှ ဆန်များကို ရောင်းဝယ်မှုအခြေအနေနှင့် ဒေသအတွင်း ရောင်းချ ပေးနေ မှုအခြေအနေများကို ရှင်းလင်းပြောပြ ခဲ့ပါသည်။ ဆန်စက်များမှ စွန့်ပစ်ရေဆိုးမြောင်းနှင့် ရေပိုက်မှ စပါးခွံများ မြစ်အတွင်း စွန့်ပစ်မှုကို ကြည့်ရှုစစ်ဆေးတားမြစ်ခဲ့ပြီး မြစ်ချောင်းများ သဘာဝဂေဟစနစ် မပျက်သုဉ်းရေး အတွက်မှာကြားဆွေးနွေးခဲ့ကြောင်း သိရပါသည်။
DOCA(ဧရာဝတီ)