ဓနုဖြူမြို့နယ်အတွင်း ဆေးဝါးများကို စနစ်တကျရောင်းချနိုင်ရေးနှင့် ပြည်သူများအနေဖြင့် အရည်အသွေး ပြည့်မီပြီး လုံခြုံစိတ်ချရသော ဆေးဝါးများ ဝယ်ယူသုံးစွဲနိုင်ရေးအတွက် ဓနုဖြူမြို့ အမှတ်(၁၀) ရပ်ကွက်ရှိ ဆေးဆိုင် (၈)ဆိုင်အား ၂၀၂၆ ခုနှစ် စက်တင်ဘာလ ၁ ရက်နေ့တွင် မြို့နယ်ကျန်းမာရေး ဦးစီးဌာနနှင့် ပူးပေါင်းကွင်းဆင်း စစ်ဆေးခဲ့ကြောင်း သိရသည်။
ဈေးကွက်စောင့်ကြည့်စစ်ဆေးရာတွင် ဓနုဖြူမြို့နယ် စားသုံးသူရေးရာဦးစီးဌာနမှ စစ်ဆေးရေးအရာရှိနှင့် မြို့နယ်ကျန်းမာရေးဦးစီးဌာနမှ တာဝန်ရှိသူတို့က ဆေးဆိုင်များအား စစ်ဆေးဆောင်ရွက်ရာ ဆေးဆိုင်များ၌ ရောင်းချ လျက်ရှိသော ဆေးဝါးများသည် သက်ဆိုင်ရာ မှတ်ပုံတင်ခွင့်ပြုချက်များ ရှိ/မရှိကို စိစစ်ခဲ့ပြီး၊ သက်တမ်း ကုန်ဆုံး သွားသည့် ဆေးဝါးများကို ရောင်းချရန်အတွက် ထားရှိခြင်း သို့မဟုတ် ရောနှောရောင်းချခြင်း ရှိ/မရှိတို့ကိုလည်း စစ်ဆေးခဲ့ပြီး ရောင်းချနေသော ဆေးဆိုင်များမှ သက်ဆိုင်ရာဌာနများ၏ စစ်ဆေးဆောင်ရွက်စဉ် လမ်းညွှန်းချက်များအတိုင်း ရောင်းချနေကြောင်း စစ်ဆေးတွေ့ရှိရပြီး လုပ်ငန်းလိုင်စင်များ သက်တမ်းမှန်ကန်မှုရှိ/မရှိ၊ သက်တမ်းကုန်ဆုံးနေသည့် လိုင်စင်များအားသက်တမ်းတိုးမြှင့်ထားရှိမှုရှိ/မရှိနှင့်သက်ဆိုင်ရာ စည်းမျဉ်းစည်းကမ်းများနှင့်အညီ လုပ်ငန်းဆောင်ရွက်နေမှုရှိ/မရှိတို့ကိုထပ်မံစစ်ဆေးခဲ့ကြောင်းသိရသည်။ပူးပေါင်းအဖွဲ့မှ ဆေးဆိုင်လုပ်ငန်းရှင်များအား ဆေးဝါးများကို စနစ်တကျသိုလှောင်ထားရှိရန်၊ သက်တမ်းလွန်ဆေးဝါးများကိုရောင်းချခြင်းမပြုရန်၊ မှတ်ပုံတင်ခွင့်ပြုထားသော ဆေးဝါးများကိုသာ ရောင်းချရန်နှင့် လုပ်ငန်းလိုင်စင်များကို သတ်မှတ်ချက်များနှင့်အညီ သက်တမ်းတိုးထားရှိရန် အသိပညာပေးလမ်းညွှန်ခဲ့ပြီး သတ်မှတ်ချက်များအတိုင်း လိုက်နာဆောင်ရွက်ခြင်းမရှိပါက ကျန်မာရေး ဦးစီးဌာန ဥပဒေနှင့် အရေးကြီးကုန်စည်နှင့် ဝန်ဆောင်မှုဥပဒေများအရ အရေးယူဆောင်ရွက်သွားမည် ဖြစ်ကြောင်း အသိပေးဈေးကွက်စောင့်ကြည်စစ် ဆေးခဲ့ကြောင်း သိရသည်။
DOCA(ဧရာဝတီ)