သတင်းနှင့် လှုပ်ရှားမှုများ

   မအူပင်ခရိုင်ဦးစီးမှူးရုံးအနေဖြင့် ဒေသတွင်းရောင်းချသော အမှတ်တံဆိပ်ပါ ဗူးသွပ်ဆီများ ကုန်အညွှန်အမှတ်အသားပြည်စုံမှု ရှိ/မရှိနှင့် ပြည်သူများ ဘေးအန္တရာယ်ကင်း ရှင်းလုံခြုံစွာ အသုံးပြုနိုင်ရေးအတွက် ဈေးကွက်စောင့်ကြည့်စစ်ဆေးခြင်းလုပ်ငန်းကို လစဉ် အပါတ်စဉ် စစ်ဆေးဆောင်ရွက်လျှက်ရှိသည်။

   ၁-၁၀-၂၀၂၅ ရက်နေ့ နံနက်(၁၀)နာရီအချိန်က ညောင်တုန်းမြို့နယ်ဦးစီးမှူးရုံးမှ ဒေါ်ချီမီဇင် ဒု-ဦးစီးမှူးနှင့် ဝန်ထမ်းများ မြို့နယ်စည်ပင်သာယာရေးအဖွဲ့နှင့်အတူ ညောင်တုန်း ၅ရပ်ကွက်၊ ၃ရပ်ကွက်၊ ၈ ရပ်ကွက်များရှိ ဗူးသွပ်ဆီ အရောင်းဆိုင်(၆)ဆိုင်အား ဈေးကွက်စောင့်ကြည့် စစ်ဆေးခဲ့ရာ  ကုန်အမှတ်တံဆိပ်အမျိုးမျိုးဖြင့် ထုတ်လုပ်ဖြန့်ဖြူးရောင်း ချ လျက်ရှိသော ဆီဗူးများတွင်  ဟင်းသီးဟင်းရွက်ဆီ ( Vegetable Oil , Cooking Oil ) ဟုသာ ဖော်ပြထားခြင်းများ စစ်ဆေးဆွေ့ရှိရပါသည်။ လုပ်ငန်းရှင်များကို ရောင်းချနေ‌သော ဆီဗူးများတွင် စားသုံးသူကာကွယ်ရေးဥပဒေပါ ကုန်အညွှန်းအမှတ်အသားဖော်ပြခြင်းဆိုင်ရာ ပြဌာန်းချက် အချက်အလက်များ ပါဝင်မှ ရောင်းချရန် ညွှန်ကြားချက်အမှတ် (၁/၂၀၂၁) လုပ်ငန်းရှင်များ တိကျစွာလိုက်နာဆောင်ရွက်ရန် အသိပညာပေးခြင်း၊ ကုန်စည်ရောင်းချသူများအနေဖြင့် မိမိတို့ရောင်းချသော ကုန်စည်နှင့်ပတ်သက်သော ကုန်အညွှန်းအမှတ်အသားဆိုင်ရာ သတင်းအချက်အလက်များကိုသိရှိရန်နှင့် ထုတ်ပြန်ထားသောညွှန်ကြားချက်များနှင့်အညီ လိုက်နာဆောင်ရွက်ရန် လိုက်နာမှု မရှိပါက အရေးယူဆောင် ရွက်သွားမည်ဖြစ်ကြောင်း လုပ်ငန်းရှင်များကို သိရှိကြောင်း မှတ်တမ်းရေးသွင်း၍ ဈေးကွက်စောင့်ကြည့်စစ်ဆေးခဲ့ကြောင်း သိရသည်။

DOCA(ဧရာဝတီ)

   စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံးမှ ခရိုင်ဦးစီးမှူးနှင့် ဝန်ထမ်းများသည် ၁-၁၀-၂၀၂၅ ရက်နေ့ နံနက်(၁၀:၃၀)နာရီအချိန်က ခရိုင် အစားအေသာက်နှင့် ဆေးဝါးကွပ်ကဲ ရေးဦးစီးဌာန၊ ကျန်းမာရေးဦးစီးဌာန၊ စည်ပင်သာယာရေးအဖွဲ့တို့နှင့် တွေ့ဆုံ၍ အခြေခံကုန်ဈေးနှုန်းနှင့် အသင့်စားမုန့်အမျိုးမျိုး ပစ္စည်းများ၏ ဈေးနှုန်းများ မြင့်တင်မှုမရှိစေရေးဈေးနှုန်းပြောင်းလဲမှုကို ထိန်ကြောင်း ဆောင်ရွက် နိုင်ရန်အတွက် ဝါလကင်းလွတ် သီတင်းကျွတ်အချိန်အခါသို့ ရောက်ရှိပြီဖြစ်၍ အသင့်စားမုန့်များ ဘေးအန္တရာယ်ကင်းရှင်းရေး၊ ကုန်အညွှန်းအမှတ်အသားပြည်စုံစွာဖော်ပြပါဝင်မှု ရှိမရှိနှင့်၊ သက်ဆိုင်ရာထောက်ခံချက်များ ပါဝင်မှု ရှိမရှိ ကွင်းဆင်း စစ်ဆေးခဲ့ကြသည်။

    ကွင်းဆင်းစစ်ဆေးရာတွင် မအူပင်ခရိုင်ဦးစီးမှူး ဦးဇော်မင်းက လုပ်ငန်းရှင်တို့ကို ဌာန၏ လမ်းညွှန်ချက်များကို လိုက်နာဆောင်ရွက်ပြီး မိမိတို့ဒေသအတွင်း အခြေခံကုန်ဈေးနှုန်း ၊ အသင်းစားမုန့်အမျိုးမျိုး ပစ္စည်းများ၏ ဈေးနှုန်းများ မြင့်တင်မှုမရှိစေရေး ဈေးနှုန်းပြောင်းလဲမှုကို ထိန်ကြောင်း ဆောင်ရွက်နိုင်ရန် အတွက်ရပ်ကွက်နှင့် ဈေးအတွင်း ဖွင့်လှစ်သော ဆိုင်များကို အလှည့်ကျ အပါတ် စဉ်စစ်ဆေးဆောင်ရွက် ခြင်းဖြစ်ကြောာင်း၊  ကုန်ဈေးနှုန်း တည်ငြိမ်ရေးအတွက် မိတ်ဖက်အဖွဲ့အစည်းများ ပူးပေါင်း ဆောင်ရွက်ပြီး မြေပြင်ဖြစ်ပေါ်မှု အခြေအနေမှန်များကို ကွင်းဆင်းစစ်ဆေးခြင်း ဈေးနှုန်းတည်ငြိမ်ရေးကို သတ်မှတ်ချက်နှင့်အညီ လိုက်နာဆောင်ရွက်ရန် ကို လုပ်ငန်းရှင် များကို လည်း လေးစားလိုက်နာဆောင်ရွက်ရန် အသိပညာပေးခြင်းနှင့် ကုန်စည်များကို စစ်ဆေးဆောင်ရွက်ခဲ့ကြောင်း သိရသည်။

DOCA(ဧရာဝတီ)

   ဧရာဝတီတိုင်းဒေသကြီး၊ မအူပင်ခရိုင်အတွင်း ဆီပေပါထုတ်ယူမှု လုပ်ငန်း အခက်အခဲများ ကြန့်ကြာမှုမရှိစေရန် စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံးတွင် ဒုခရိုင်ဦးစီးမှူး ဦးအောင်ဇော်ဦးနှင့် မအူပင်ခရိုင် စားအုန်းဆီ လက်ကားဖြန့်ဖြူးရောင်းချသည့် ဆီကိုယ်စားလှယ်များ တွေ့ဆုံဆွေးနွေးခြင်း ကို ၁-၁၀-၂၀၂၅ ရက်နေ့ နေ့လည် ၂နာရီအချိန်တွင် မအူပင်ခရိုင် ဦးစီးမှူးရုံး၌ တွေ့ဆုံကာ ဆီထုတ်ယူမှုနှင့် ရောင်းချနိုင်မှု အခြေအနေများအား တွေ့ဆုံဆွေးနွေးခဲ့ကြသည်။

   ဆွေးနွေးရာတွင်  မအူပင်ခရိုင်အနေဖြင့် မြို့နယ်မျးအတွက် ကုမ္ပဏီများမှ စားအုန်းဆီခွဲတမ်းရရှိမှုအပေါ် စက်တင်ဘာလ ဆောင်ရွက်ပြီး စီးမှူးနှင့် အောက်တိုဘာလအတွက် လုပ်ငန်းဆောင်ရွက်မှုများကို သတ်မှတ်ချက်များနှင့်အညီ ဆက်လက်ဆောင်ရွက်သွားရန်ကို ဆွေးနွေးပြီး ၊ မအူပင်ခရိုင်အနေဖြင့် မြို့နယ်အလိုက် ဆီထုတ်ယူရမည့် အရေအတွက်ပေပါ စက်တင်ဘာလအတွက် ၈၃ ပေပါကို Central Myanmar International Tradingကုမ္ပဏီမှ ရက်အလိုက် စနစ်တကျထုတ်ယူပြီး သတ်မှတ်နေရာများသို့ အမှန်တကယ်ရောက်ရှိစေရေး ဆောင်ရွက်နိုင်ရန်ကိုလည်းကောင်း၊  Myanmar Top Notch ကုမ္ပဏီမှ စက်တင်ဘာလ မြို့နယ်အလိုက် ထုတ်ယူရမည့် ပေပါ ၇၂၃ နှင့်၊ Resources Group Trading ကုမ္ပဏီမှ မြို့နယ်အလိုက် ထုတ်ယူရမည့် ဆီပေပါ ၂၄၆၁ ပေပါကိုလည်ကောင်း၊ စုစုပေါင်း ကုမ္ပဏီ ၃ခုမှ ဆီပေပါ ၃၂၆၇ ပေပါကို သတ်မှတ်ရက်အတွင်း ဆီရောက်ရှိမှုအပေါ်  ငွေပေးချေ၍ ငွေရပြေစာများကို သိမ်းဆည်းကာ ရထုတ်ကျန် စာရင်းများနေစဉ် ပြုစုရေးသွင်းပြီး သတ်မှတ်နေရာများသို့  အမှန်တကယ်ရောင်းချပေးသွားနိုင်ရန်ကို ပြောကြားပြီး ဆီကိုယ်စားလှယ်များနှင့် စာရင်းများတိုက်ဆိုင်စစ်ဆေးခြင်း ပြုလုပ်ခဲ့သည်။

   ကုမ္ပဏီများမှ ကျန်းမာရေးနဲ့ညီညွတ်တဲ့ စားသုံးဆီတွေ တင်သွင်းရရှိရေး၊ ပြည်တွင်း စားသုံးဆီ ဖူလုံ‌ရေး၊ စားသုံးသူတွေကို သင့်တင့်မျှတတဲ့ဈေးနှုန်းနဲ့ သုံးစွဲနိုင်ရေး စီစဉ်ဆောင်ရွက် ပေးလျှက်ရှိကြောင်း ရောက်ရှိလာတဲ့ဆီတွေကို သက်ဆိုင်ရာတာဝန် ရှိသူတွေ စမ်းသပ်စစ်ဆေးပြီးမှ ဖြန့်ဖြူးရောင်းချရန်နှင့် ဆီပေပါများ ကိုလည်း ဟောင်းနွမ်းပါက အသစ်လဲလှယ်နိုင်ရန်၊ ပေပါများကိုလည်း ဆေးကျော၍ သန့်ရှင်စွာ အသုံးပြုရန် လုပ်ငန်းအခက်အခဲရှိပါက ဆွေးနွေးနိုင်ပါကြောင်း ပြောကြားခဲ့သည်။ မအူပင်ဆီကိုယ်စားလှယ်များမှ ရရှိသောဆီခွဲတမ်းများကို စနစ်တကျ ထုတ်ယူပြီး ရောင်းချပေး နိုင်ရန် ဆီအရောင်းကိုယ်စားလှယ်များထံ စနစ်တကျ ခွဲဝေချထားပေးပြီး သတ်မှတ်ဈေးအတိုင်း သတ်မှတ်ချက် နှင့်အညီ ရောင်းချရန် ကွင်းဆင်းကြပ်မတ်လျှက်ရှိကြောင်းနှင့် စားသုံးသူတွေ လက်ဝယ် တိုက်ရိုက်ဖြန့်ဖြူး ရောင်းချပေးနေကြောင်း ရောင်းချသူများ သတ်မှတ်ချက် လိုက်နာဆောင်ရွက်ခြင်းမရှိကလည်း ထိရောက်စွာအရေး ယူဆောင်ရွက်မည်ဖြစ်ကြောင်းကို ထည့်သွင်းဆွေးနွေးခဲ့ကြောင်း သိရသည်။

DOCA(ဧရာဝတီ)

   ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ်အတွင်း အသုံးပြုလျက်ရှိသည့် Gasifier ဆန်စက်များအား ၂-၁၀-၂၀၂၅ ရက်နေ့  ၉ နာရီအချိန်က ကွင်းဆင်းစစ်ဆေးခဲ့ကြောင်း သိရသည်။

   ယင်းသို့ ကွင်းဆင်းစစ်ဆေးမှုများဆောင်ရွက်ရာတွင် မြို့နယ်စီမံအုပ်ချုပ်ရေးအဖွဲ့၏ စီမံညွှန်ကြားမှုဖြင့် ဒုတိယမြို့နယ်အုပ်ချုပ်ရေးမှူး  မြို့နယ်စည်ပင်သာယာရေးအဖွဲ့၊ စာသုံးသူရေးရာဦးစီးဌာန၊ မီးသတ်ဦးစီးဌာနတိုမှ ပူးပေါင်း၍ ညောင်တုန်းမြို့နယ် အတွင်း အသုံးပြုလျက်ရှိသည့် Gasifier ဆန်စက် ၃၆ စက်မှ ရွှေပြည်ကျော်ဆန်စက် ကွင်းကလေးကျေးရွာ၊ မဟာဆန်စက် ကွင်းကလေးကျေးရွာ၊ တော်ဝင်ဆန်စက် စက္ကော့ကျေးရွာ၊ ဇာမဏီဆန်စက် လက်ပံချောင်‌ကျေးရွာရှိ ဆန်စက်တို့အား ကွင်းဆင်းကြည့်ရှုစစ်ဆေးရာ Gasifier အသုံးပြု၍လည်ပတ်နေသည့် ဆန်စက်များအနေဖြင့် သဘာဝပတ်ဝန်းကျင်ထိခိုက်မှု မရှိစေရေးအထူးအလေးထားဆောင်ရွက်ရန်၊ Gasifier စနစ်မှထွက်ရှိသည့် ရေဆိုးများကို ရေစစ်ကန်စနစ်ဖြင့် ဆောင်ရွက်ထားရှိမှု အခြေအနေများ၊ ပိုမိုကောင်းမွန်သည့် ရေသန့်စင်စနစ်များ အသုံးပြုစေရေး စစ်ဆေး၍ လိုအပ်သည်များ လမ်းညွှန်မှာကြားခဲ့ကြောင်း သိရသည်။

DOCA(ဧရာဝတီ)

    စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ရုံးမှ စစ်ဆေးရေးအရာရှိ ဦးသိန်းထွန်း နှင့်ဝန်ထမ်းများသည် အွန်လိုင်းစနစ်ဖြင့်ရောင်းချခြင်းလုပ်ငန်းများ မှတ်ပုံတင်လက်မှတ်စိစစ် ထုတ်ပေးခြင်း၊ မြေပြင်လုပ်ငန်းနှင့်မှတ်ပုံတင်ထားရှိမှု ကိုက်ညီမှုရှိ/မရှိ၊ လုပ်ငန်းလိပ်စာမှန်ကန်မှု ရှိ/မရှိကို(၂.၁၀.၂၀၂၅)ရက်နေ့၊ နံနက်(၁၀:၀၀)နာရီအချိန်တွင် မြောက်ဥက္ကလာပမြို့နယ်၊ သိရိရတနာဈေးအတွင်း သွားရောက်၍ ZENITH INFRASTRUCTURE Co.Ltd အား  Online Sale မှတ် ပုံတင်မြေပြင်စစ်ဆေးခြင်းဆိုင်ရာ အချက်အလက်များ ကိုက်ညီမှုရှိ/မရှိကို စစ်ဆေးခဲ့ပြီး စစ်ဆေး ရေးအရာရှိက မြေပြင်ကွင်းဆင်း စစ်ဆေးပြီးမှသာ Online Sale လုပ်ငန်းမှတ်ပုံတင်လက်မှတ်များ ထုတ်ပေးသွားမှာဖြစ်ကြောင်း ပြောကြားခဲ့ပြီး စားသုံးသူကာကွယ်ရေးဥပဒေပါအခန်း ၁၁၊ ပုဒ်မ ၂၃အရ စီးပွားရေးလုပ်ငန်းရှင်၏ အာမခံချက်များ အချက်အလက်များကိုလည်းကောင်း စားသုံး သူကာကွယ်ရေးဥပဒေပါ  အခန်း(၁၈)ရှိ ကုန်အညွှန်းအမှတ်အသားဖော်ပြခြင်းနှင့်ပတ်သတ်၍ အသိပေးပြောကြားခဲ့ကြောင်း သိရှိရပါသည်။

DOCA (ရန်ကုန်)