သတင်းနှင့် လှုပ်ရှားမှုများ

      ဘိုကလေးမြို့နယ် စားသုံးသူရေးရာဦးစီးဌာန မြို့နယ်တာဝန်ခံနှင့် ဝန်ထမ်းတို့သည် ၂၀၂၅ ခုနှစ်၊ ဩဂုတ်လ (၈) ရက်နေ့၊ နံနက် (၁၀:၃၀) နာရီ အချိန်တွင် (၁) ရပ်ကွက်၊ ဗိုလ်ဗထူးလမ်းရှိ “မိုး” သုံးထောင့်မုန့် လုပ်ငန်းသို့ ထုတ်ကုန်လုံခြုံစိတ်ချရမှုရှိစေရေးအတွက် ကွင်းဆင်းစိစစ်ခဲ့ကြပါသည်။

          “မိုး” သုံးထောင့်မုန့် လုပ်ငန်း မှ ထုတ်လုပ်မှုအနေဖြင့် တစ်နေ့လျှင် သုံးထောင့်မုန့် ဘူး(၂၅၀) ခန့် ထုတ်လုပ်လျက်ရှိပါသည်။ တစ်ဘူးလျှင် (၅) ခုပါဝင်ပြီး ဈေးနှုန်းအနေဖြင့် (၂၇၀၀) ကျပ်ဖြင့် ဖြန့်ဖြူးရောင်းချပေးလျက်ရှိပါသည်။ ပါဝင်ပစ္စည်းများမှာ ဂျုံ၊သကြား၊ ကြက်ဥ၊ ဆီ၊ ရေသန့် တို့ဖြစ်ကြ ပါသည်။ လုပ်သားဦးရေ (၄) ဦးခန့်ရှိပြီး လုပ်ခနှုန်းထားအနေဖြင့် တစ်လလျှင် (၂) သိန်းဖြင့် စားစရိတ်ငြိမ်းပေးချေရပါသည်။ဈေးကွက်အနေဖြင့် ဖျာပုံ၊ မော်ကျွန်း၊ စက်စု နှင့် အနီးတဝိုက်ရှိ ကျေးရွာများသို့ ဖြန့်ဖြူးရောင်းချလျက်ရှိပါသည်။

          ထို့နောက် မြို့နယ်တာဝန်ခံမှ ထုတ်လုပ်သော ကုန်စည်နှင့်ပက်သက်၍ စားသုံးသူများ ဘေးအန္တရာယ်ကင်းရှင်းစေရေးနှင့်ထုတ်ကုန်လုံခြုံစိတ်ချရမှုရှိစေရေးအတွက် ကွင်းဆင်းစိစစ်ခဲ့ကြောင်း သတင်းရရှိပါသည်။

(Doca ဧရာဝတီ)

      ဧရာဝတီတိုင်းဒေသကြီး၊ ဖျာပုံခရိုင်၊ ဒေးဒရဲမြို့နယ်သည် ဆန်/စပါးကို အဓိကထား စိုက်ပျိုးထုတ်လုပ်ပြီး အခြားတိုင်းဒေသကြီးများသို့ ဆန်တင်ပို့ ရောင်းချခြင်း လုပ်ကိုင်လျက်ရှိပါသည်။ ဒေးဒရဲမြို့နယ်၊ လမုဝကျေးရွာရှိ အောင်နန်းတော် ဆန်စက်မှ မြိတ်မြို့သို့ ဧည့်မထ ဆန်တင်ပို့လျက်ရှိသည့် လုပ်ငန်းများကို မြို့နယ်တာဝန်ရှိသူများက ကွင်းဆင်းစစ်ဆေးခဲ့ကြပါသည်။

          အဆိုပါကွင်းဆင်းစစ်ဆေးခြင်းကို မြို့နယ်အုပ်ချုပ်ရေးမှူး ဦးဆောင်၍ မြို့နယ်စားသုံးသူရေးရာဦးစီးဌာနနှင့် သက်ဆိုင်ရာဌာနဆိုင်ရာများက ၂၀၂၅ ခုနှစ်၊ ဩဂုတ်လ (၇) ရက်နေ့၊ နံနက် (၈:၀၀) နာရီအချိန်တွင်  အောင်နန်းတော် ဆန်စက်မှ ဧည့်မထ (ရက် ၉၀) ဆန် (၂၈၀၀) အိတ် ရေယဉ်ပေါ်သို့ တင်ဆောင်ထားရှိမှု၊ ရေယဉ်ကြံခိုင်မှု၊ ဆန်များသယ်ဆောင်ရာတွင် ကန့်သတ်ပစ္စည်းများ သယ်ဆောင် ခြင်းမရှိစေရေးနှင့် သက်ဆိုင်ရာဌာနမှ ထောက်ခံချက်များ ပြည့်စုံမှုရှိ/မရှိနှင့် တရားဥပဒေနှင့်အညီ ညီညွတ်မှုမရှိသည့် ကိစ္စရပ်များ ဖြစ်ပွားမှုမရှိစေရေးတို့ကို ကွင်းဆင်းစစ်ဆေးခဲ့ပြီး လိုအပ်သည်များကို မှာကြားဆွေးနွေးခဲ့ကြောင်း သတင်းရရှိပါသည်။

(Doca ဧရာဝတီ)

    ဒေးဒရဲမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံ ဦးသိန်းမောင်သည် စိုက်ပျိုးရေး ဘဏ်နှင့် ပူးပေါင်း၍ တောင်သူများအား စိုက်/ဘဏ်ရုံးတွင် Myro သိုလှောင်ရုံ မှတ်ပုံတင်ခြင်းနှင့် ပက်သက်၍ အသိပညာပေး ဟောပြောခြင်းကို ၂၀၂၅ ခုနှစ် ၊ ဩဂုတ်လ (၇) ရက်နေ့၊ နေ့လယ် (၁၂:၀၀) နာရီအချိန်တွင် ပြုလုပ်ဆောင်ရွက်ခဲ့ပါသည်။

  စားသုံးသူရေးရာ မြို့နယ်တာဝန်ခံမှ Myro တွင် ဆန်/စပါး သိုလှောင်ရုံ မှတ်ပုံတင်ခြင်း ဆောင် ရွက်ရသည့် ရည်ရွယ်ချက်များ၊ Myro တွင် ဆန်/စပါး သိုလှောင်ရုံ မှတ်ပုံတင်ခြင်းကို ၂၀၂၃ ခုနှစ်၊ နိုဝင်ဘာလ မှ စတင်ဆောင်ရွက်ခဲ့ကြောင်း၊ Online စနစ်ဖြင့် မှတ်ပုံတင်ဆောင်ရွက်ရကြောင်း၊ စပါး(၂၅၀၀) နှင့် အထက်၊ ဆန်အိတ် (၅၀၀) နှင့် အထက် သိုလှောင်သူ လုပ်ငန်းရှင်များ အနေဖြင့် မှတ်ပုံတင်ပြုလုပ်ရမည်ဖြစ်ပြီး ဖော်ပြပါ ပမာဏ အထက် သိုလှောင်သူများကို ညွှန်ကြားချက်နှင့်အညီ မှတ်ပုံတင်ပြီး မိမိတို့ အင်အားရှိသလောက် လွတ်လပ်စွာ သိုလှောင်နိုင်ကြောင်း၊ Myro နှင့် ပက်သက်၍ ကောလဟာလ ထွက်ပေါ်နေသည့် သတင်းများမှာ မဟုတ်မမှန်ကြောင်း စပါးတင်း(၂၅၀၀) အောက်နှင့် ဆန်အိတ်ရေ (၅၀၀) အောက် သိုလှောင်သူများ၊ တောင်သူများ အနေဖြင့် မှတ်ပုံတင်ရန် မလိုသေးကြောင်း လွတ်လပ်စွာ သိုလှောင်နိုင်ကြောင်း အသိပညာပေး ဟောပြောခဲ့ပြီး အဆိုပါ အခမ်းအနားသို့ တောင်သူ (၅၀) ဦးခန့် တက်ရောက်ခဲ့ကြောင်း သိရသည်။

(Doca ဧရာဝတီ)

    ဖျာပုံခရိုင်၊ ဒေးဒရဲမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းတို့သည် ၂၀၂၅ ခုနှစ်၊ ဩဂုတ်လ (၆) ရက်နေ့၊ နံနက် (၁၀:၀၀) နာရီအချိန်တွင် ဒေးဒရဲမြို့နယ်ရှိ ဘိလပ်မြေအရောင်းဆိုင်များသို့ ကွင်းဆင်း၍ ဈေးနှုန်းဈေးကွက် အခြေအနေတို့ကို စိစစ်ခဲ့ကြပါသည်။

    ကြံနှစ်ကောင် ဘိလပ်မြေတစ်အိတ်လျှင် (၂၃၀၀၀) ကျပ်၊ Alpha ဘိလပ်မြေ တစ်အိတ်လျှင် (၂၃၀၀၀) ကျပ်၊ ဖြင့် အရောင်းအဝယ်ဖြစ်လျက်ရှိကြောင်းသိရသည်။ယခင်ဇူလိုင်လ ဘိလပ်မြေနှုန်းနှင့် နှိုင်းယှဉ်ပါက ကြံနှစ်ကောင် ဘိလပ်မြေနှင့်  Alpha ဘိလပ်မြေ ဈေးနှုန်းတို့မှာ သိသိသာသာ ပြောင်းလဲမှုမရှိဘဲ  အရောင်းအဝယ်ဖြစ်လျက်ရှိကြောင်း သိရသည်။

(Doca ဧရာဝတီ)

      ၁၀-၈-၂၀၂၅ရက်နေ့ နံနက် (၁၀:၃၀)နာရီတွင် မအူပင်မြို့နယ်အကျဉ်းဦးစီးဌာန အစည်းအဝေးခမ်းမတွင် ဝန်ထမ်းနှင့် ဝန်ထမ်းမိသားစု(၄၀)ဦးအား အွန်လိုင်းရောင်းဝယ်ခြင်းနှင့် ပါတ်သက်၍ သိကောင်းစရာများဟောပြော ဆွေးနွေးမှုကို ဟောပြောခဲ့ကြောင်း သိရသည်။

     ဟောပြောရာတွင် မအူပင်ခရိုင်ဦးစီးမှူးရုံးမှ ဒေါ်ခိုင်ခိုင်လင်း ဒုဦးစီးမှူးက စားသုံးသူတို့သည် လိုအပ်ချက်အရ ကုန်စည်များကို ယနေ့ခေတ်တွင် အိမ်အရောက်စနစ်ဖြင့် ဝယ်ယူနေကြပြီး စားသုံးသူထိခိုက်နစ်နာမှုများ ရှိနေကြောင်း ၊ အွန်လိုင်းရောင်ချမှု ဖောင်းပွနေသဖြင့် ထိန်းကြောင်းဆောင်ရွက်ရန်အတွက် အွန်လိုင်း စနစ်ဖြင့် ရောင်းချသူများ မှတ်ပုံတင် လက်မှတ် လျှောက်ထားရမည့် e - Commerce Registration (Online) System နှင့်စပ်လျဉ်း ၍ မှတ်ပုံတင် လက်မှတ် လျှောက်ထားရာတွင် လိုက်နာရမည့်ကိစ္စရပ်များကို သိရှိနိုင်ရန် ရှင်းလင်းပြောကြားခြင်း၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၏  အမိန့် ကြော်ငြာစာအမှတ် (၅၁/၂၀၂၃) အရ အွန်လိုင်းစနစ်ဖြင့် ကုန်စည်သို့မဟုတ် ဝန်ဆောင်မှုရောင်းချသူများ အားလုံးသည် မှတ်ပုံတင် လက်မှတ်လျှောက်ထားရန် အကျုံးဝင်ပြီးမှတ်ပုံတင်လက်မှတ် လျှောက်ထားလိုသူများသည် ရုံး၊ ဌာနများသို့ လူကိုယ်တိုင် လာရောက်ဆောင်ရွက်ရန်မလိုအပ်ဘဲ www.ecomreg.gov.mm မှ တစ်ဆင့်ယနေ့မှစတင်၍ အွန်လိုင်းစနစ်ဖြင့် လျှောက်ထားဆောင်ရွက်နိုင်မည်ဖြစ်ကြောင်း တို့ကို ရှင်းလင်းဆွေးနွေး ဟောပြောပြီး သိလိုသည်မျးကို ထောင်ဝန်ထမ်းမိသားစုများက  မေးမြန်းကြပြီး ပြန်လည်ဖြေကြားဆွေးနွေးကာ ဟောပြောပွဲကို ၁၀:၃၀ အချိန်က ရုပ်သိမ်းခဲ့ကြောင်း သိရသည်။

DOCA(ဧရာဝတီ)