စားသုံးသူရေးရာဦးစီးဌာနနှင့် သက်ဆိုင်ရာဌာနများ (စည်ပင်သာယာရေးအဖွဲ့၊ အထွေထွေအုပ်ချုပ်ရေးဦးစီးဌာန) ပူးပေါင်းအဖွဲ့များသည် ဈေးကွက်အတွင်းရှိ အသင့်သောက်ကော်ဖီနှင့် မုန့်မျိုးစုံတို့ကို ကုန်အညွှန်းအမှတ်အသားပြည့်စုံမှု၊ သက်တမ်းလွန်မှုနှင့် စားသုံးရန်မသင့်သော အစားအစာများ ရောင်းချခြင်းမပြုရန် ကွင်းဆင်းစစ်ဆေးမှုများကို ပုံမှန်ပြုလုပ်လျက်ရှိကြောင်း သိရသည်၊၊
မြို့နယ်စားသုံးသူရေးရာဦးစီးဌာန၊ စစ်ဆေးရေးမှူး ဒေါ်ချိုမီဇင်မှ ၅.၆.၂၀၂၆ ရက်နေ့ နံနက်(၁၀း၀၀)နာရီအချိန်တွင် ညောင်တုန်းမြို့ပေါ်ရှိ ကုန်စုံဆိုင်၊ စတိုးဆိုင်နှင့် မီနီမက်များသို့ ကွင်းဆင်း၍ ရောင်းချနေသော အသင့်ဖော်ကော်ဖီနှင့် မုန့်မျိုးစုံတို့တွင် မြန်မာဘာသာဖြင့် ဖော်ပြရမည့် ထုတ်လုပ်သည့်ရက်စွဲ၊ သက်တမ်းကုန်ဆုံးမည့်ရက်စွဲ၊ ပါဝင်ပစ္စည်းများ၊ ထုတ်လုပ်သူ၏ အမည်နှင့်လိပ်စာများ ပြည့်စုံစွာပါဝင်ခြင်း ရှိ/မရှိ စစ်ဆေးခြင်း၊ စားသုံးရန် သက်တမ်းလွန်သွားသော ကော်ဖီထုပ်နှင့် မုန့်များကို ဈေးကွက်အတွင်း ရောနှောရောင်းချခြင်း ရှိ/မရှိ စစ်ဆေးခြင်း၊ အများပြည်သူ ကျန်းမာရေးကို ထိခိုက်စေနိုင်သည့် ဓာတုဆိုးဆေးများ၊ တားမြစ်ထားသော ပါဝင်ပစ္စည်းများပါရှိခြင်း ရှိ/မရှိ စစ်ဆေးခြင်း၊ စီးပွားရေးလုပ်ငန်းရှင်များအနေဖြင့် စားသုံးသူကာကွယ်ရေးဥပဒေပါ ပြဋ္ဌာန်းချက်များကိုလိုက်နာရန် အသိပညာပေးခြင်း၊ အများပြည်သူ အန္တရာယ်ဖြစ်စေနိုင်သည့် စားသောက်ကုန်များ၊ သက်တမ်းလွန် အသင့်စား အစားအစာများရောင်းချမှု ရှိ/ မရှိ လိုက်လံစစ်ဆေးခြင်း၊ စားသုံးသူကာကွယ်ရေးဥပဒေပါ ကုန်အညွှန်းအမှတ်အသား ဖော်ပြပါဝင်ရမည့် အချက်အလက်များနှင့် ကိုက်ညီသောမုန့်များနှင့် စီးပွားရေးလုပ်ငန်းရှင် လိုက်နာရန်အချက်များအကြောင်းတို့ကို ဆိုင်ရှင်များအား ရှင်းလင်းအသိပေးခဲ့ကြောင်း သိရှိရပါသည်။
DOCA(ဧရာဝတီ)