သတင်းနှင့် လှုပ်ရှားမှုများ

      စားသုံးသူရေးရာဦးစီးဌာန၊ဇလွန်မြို့နယ်ဦးစီးမှူးသည် ပြန်ကြားရေးနှင့်ပြည်သူ့ဆက်ဆံရေးဦးစီး ဌာန၊ အခြေခံပညာဦးစီးဌာနတို့နှင့်ပူးပေါင်း၍(၉.၈.၂၀၂၅)နေ့ နံနက်(၁၀:၀၀)နာရီ အချိန်တွင် ဇလွန်မြို့၊ ဗျည်းညားကျေးရွာရှိ အခြေခံပညာမူလတန်းကျောင်းတွင် ဆရာ၊ဆရာမ နှင့် ကျောင်းသား/ကျောင်းသူ ၁၃၀ ဦးအား စားသုံးသူကာကွယ်ရေးအသိပညာပေးခြင်းနှင့် စာဖတ်ရှိန်မြှင်တင်ရေး အသိပညာပေး ဟောပြောပွဲကို ဆောင်ရွက်ခဲ့ပါသည်။

          အဆိုပါဟောပြောပွဲတွင် မြို့နယ်ဦးစီးမှူး ဦးသန့်ဇင်ဦးက အစားအသောက်များတွင် ပါဝင်သော ဓါတုဆိုးဆေး၏ ဆိုးကျိုးများအကြောင်း၊ မြန်မာဘာသာဖြင့် ကုန်အညွှန်းဖော်ပြထားခြင်းမရှိသော အစားအသောက်များနှင့် လူသုံးကုန်ပစ္စည်းများ ဝယ်ယူအသုံးပြုရာတွင် သတိပြုလိုက်နာဆောင်ရွက်ရ မည့်အချက်များ၊ စားသုံးသူကာကွယ်ရေးဥပဒေပါ စားသုံးသူ အခွင့်အရေးနှင့် တာဝန်များအကြောင်း၊ ဝယ်ယူအသုံးပြုခဲ့သော ကုန်စည်နှင့်ဝန်ဆောင်မှုများကြောင့်နစ်နာဆုံးရှုံးမှုများဖြစ်ပေါ်လာပါက ပြောဆို တင်ပြတိုင်ကြားခွင့်နှင့်ပြန်လည်ကုစားနိုင်ခွင့်များအကြောင်း ကို အကျယ်တဝင့် ရှင်းလင်းဆွေးနွေးခဲ့ပြီး၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာန မှ မြို့နယ်ဦးစီးမှူးက စာဖတ်ရှိန်မြှင်တင်ရေး  အသိပညာ ပေး ပြုလုပ်ရခြင်း၏ ရည်ရွယ်ချက်များအကြောင်း ရှင်းလင်းဆွေးနွေးခဲ့ပြီး နံနက်(၁၁:၃၀)အချိန်တွင် ဟောပြောပွဲကို ရုပ်သိမ်းခဲ့ကြောင်း သိရှိရပါသည်။

(DOCA ဧရာဝတီ)

        စားသုံးသူရေးရာဦးစီးဌာန၊ မအူပင်ဦးစီးမှူးရုံးမှ ဒု-ခရိုင်ဦးစီးမှူးနှင့် ဝန်ထမ်း(၂)ဦး၊ သက်ဆိုင်ရာမိတ် ဖက်ဌာနများဖြစ်သော မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့၊ တို့နှင့်ပူးပေါင်း၍ (၁၁-၈-၂၀၂၅)ရက်နေ့နံနက် (၁၀:၀၀)နာရီအချိန်တွင် မအူပင်မြို့(၁)ရပ်ကွက် ပေါ်ရှိ သင့်အစားအစာခေါက်ဆွဲခြောက်နှင့် အသင့်စား ဗူးသွပ် ဟင်းလျာအမျိုးမျိုး လက်လီ/လက္ကား ရောင်းချ နေသော ကုန်စုံဆိုင်(၈)ဆိုင်သို့ သွားရောက်၍ မြန်မာနိုင်ငံစားသုံးသူကာကွယ်ရေးကော်မရှင်၏ ( ၂/၂၀၁၉ )ပါ ကုန်အညွှန်း အမှတ်အသားသတ်မှတ်ချက်များနှင့် ကိုက်ညီမှုရှိ/မရှိ၊ တရားမဝင်ကုန်စည်များ ရောင်းချခြင်းရှိ/မရှိ ဈေးကွက်စောင့်ကြည့်စစ်ဆေး ဆောင်ရွက်ခဲ့ကြသည်။

        ဈေးကွက်စောင့်ကြည့်စစ်ဆေးရာတွင် ဦးအောင်ဇော်ဦး (စစ်ဆေးရေးအရာရှိ)က ကုန်စုံဆိုင်များ၌ရောင်းချနေသော သင့်အစားအစာခေါက်ဆွဲခြောက်အမျိုးမျိုး၊ အရန်သင့်စား ဗူးသွပ်ဟင်းလျာ အများစုမှာ မြန်မာနိုင်ငံစားသုံးသူကာကွယ်ရေး ကော်မရှင်၏ (၂/၂၀၁၉) ပါ ကုန်အညွှန်းအမှတ် အသားသတ်မှတ်ချက်များနှင့် ကိုက်ညီမှုရှိ မရှိကို စစ်ဆေးခြင်း၊  တရား မဝင်ကုန်စည်များရောင်းချရောင်းချနေမှု မရှိစေရန် ပြောကြားခြင်း၊ ကုန်အညွှန်း အမှတ်အသား သတ်မှတ်ချက်များနှင့် ကိုက်ညီမှုရှိသည့်စားသောက်ကုန်ပစ္စည်းများကိုသာ တင်သွင်းရောင်းချကြ ရန်၊ စီးပွားရေးလုပ်ကိုင်ရာတွင် စီးပွားရေးကျင့်ဝတ်၊ စည်းကမ်းများနှင့်အညီ ဖြောင့်မတ်မှန်ကန်စွာ ဆောင်ရွက် ကြရန် ၊ တရားမဝင်ကုန်စည်များရောင်းချခြင်းမပြုကြရန်နှင့် တရားမဝင် ကုန်စည်များ ရောင်းချခြင်း၏ ဆိုးကျိုးများအား အသိပညာပေး ဈေးကွက်စောင့်ကြည့်စစ်ဆေး ဆောင်ရွက်ခဲ့ ကြောင်း သတင်းရရှိ ပါသည်။

DOCA(ဧရာဝတီ)

       စွမ်းအင်ဝန်ကြီးဌာန၊ ရေနံထွက်ပစ္စည်းကြီးကြပ်စစ်ဆေးရေးဦးစီးဌာန၊ မြို့နယ်အထွေထွေ အုပ်ချုပ်ရေးဦးစီးဌာန၊ မြို့နယ်စားသုံးသူရေးရာဦးစီးဌာန၊ မြို့နယ်အရံမီးသပ်တပ်ဖွဲ၊ မြန်မာနိုင်ငံရဲတပ်ဖွဲ၊  တာဝန်ရှိသူများပါဝင်သည့် ဓနုဖြူမြို့နယ်အတွင်းရှိ စက်သုံးဆီအရောင်းဆိုင် များသို့ ရှောင်တခင်ဝင်ရောက်စစ်ဆေးခြင်းများ ဆောင်ရွက်ခဲ့သည်။

     ထိုသို့ ရှောင်တခင်စစ်ဆေးစဉ် ခွင့်ပြုထုတ်ပေးသည့် စက်သုံးဆီအမျိုးအစားနှင့် ပမာဏများအတိုင်း အရောင်းဆိုင်သို့အမှန်ရောက်ရှိခြင်း ရှိ/ မရှိ၊ သတ်မှတ်အရည်အသွေးနှင့် အခြင်အတွယ် ကိုက်ညီမှန်ကန်မှု ရှိ/ မရှိ၊ ရည်ညွှန်းဈေးနှုန်းများအတိုင်း ရောင်းချခြင်း ရှိ/ မရှိ၊ သတ်မှတ်ညွှန်ကြားချက်များနှင့်အညီ စနစ်တကျရောင်းချခြင်း ရှိ/ မရှိ၊ မီးဘေးအန္တရာယ် ကာကွယ်ရေးကိစ္စရပ်များ ကြိုတင်ဆောင်ရွက်ထားခြင်း ရှိ/ မရှိ၊ သတ်မှတ်ရည်ညွှန်းဈေးဖြင့် ရောင်းချခြင်းရှိ/မရှိ၊ နေ့စဉ် ဈေးနှုန်း များကို ဆိုင်းဘုတ်ဖြင့် ဖော်ပြ၍  ရောင်းချခြင်း ရှိ/မရှိတို့ကို စစ်ဆေးခဲ့ပြီး လိုအပ်သည်များ မှာကြားခဲ့ပြီး အလားတူ ရှောင်တခင်စစ်ဆေးမှုများအား မကြာခဏဆောင်ရွက်သွားမည်ဖြစ်ကြောင်း ၊ ဆီသိုလှောင်ကန်များကို ကြည်ရှုစစ်ဆေးခြင်း၊ ဆီတစ်နေရောင်းချမှု ၊ ဆီလက်ကျန်နှင့် ဆီကားဝင်ရောက်မှုမှတ်တမ်းများကို စားသုံးသူရေးရာဦးစီးဌာနမှ ကြည်ရှု စစ်ဆေးခဲ့ကြောင်း သတင်းရရှိသည်။

DOCA(ဧရာဝတီ)

     ၂၀၂၅ခုနှစ်၊ ဩဂုတ်၊ ၁၁ရက်၊ နံနက် ၁၀:၀၀အချိန် ညောင်တုန်းမြို့နယ်၊ စက္ကော့တောင်ကျေးရွာအုပ်စု၌ ၂၀၂၅ ခုနှစ်၊ တက္ကသိုလ်ဝင်စာမေးပွဲတွင်ထူးချွန်စွာ အောင်မြင်ခဲ့ကြသော ကျောင်းသား/ကျောင်းသူများနှင့် ဂုဏ်ထူးရရှိ အောင်သင်ကြားပေး သောဆရာ/ဆရာမများအား ဂုဏ်ပြုပွဲ အခမ်းအနားကို အဆိုပါ ကျေးရွာအုပ်ချုပ်ရေးမှူးရုံး၌ ကျင်းပရာ မြို့နယ်စီမံခန့်ခွဲ‌ရေးနှင့် အုပ်ချုပ်ရေး‌ကော်မတီဥက္ကဋ္ဌနှင့် ကော်မတီဝင်များ၊ မြို့နယ်အဆင့် ဌာနဆိုင်ရာအကြီးအကဲများ၊ လူမှုရေးအသင်းအဖွဲ့များ၊ ဆရာ/ဆရာမများနှင့် ကျောင်းသား/သူများ၊ ကျေးရွာ အုပ်ချုပ်ရအဖွဲ့ဝင်များ၊ ကျောင်းသားမိဘများ စုစု‌ပေါင်းအင်အား(၁၈၂)ဦးခန့် တက်ရောက်ခဲ့ကြောင်း သိရသည်။

      ကျောင်းသား/ကျောင်းသူများကို စားသုံးသူရေးရာဦးစီးဌာန၊ မြို့နယ်ဦးစီးမှူး ဦးအောင်လွင်က အားပေးစကား ပြောကြားခဲ့ရာ ချီးမြှင့်ပွဲအတွင်း ကျောင်းသား လူငယ်များသည် နောင်တစ်ချိန် နိုင်ငံအတွက် ပုခုံးပြောင်း ထမ်းဆောင်မည့် သူငယ်များဖြစ်ကြ၍ မိမိတို့ ဝါသနာပါရာနှင့် မိမိတို့ ထူးချွန်သော ပညာရပ်ဖြင့် ပညာလေ့လာရမည့် အချိန်တွင် ပညာရပ်ကို လေ့လာရန် လိုအပ်ကြောင်း၊ ပညာရှာသလို အတက်ပညာကိုလည်း ရှာဖွေတက်ရန်လိုအပ်ကြောင်း၊ ဆုချီးမြှင့်ပွဲတွင် လာရောက်ချီးမြှင့်ကြသူ လူကြီးများသည်လည်း ယခင်အချိန်က ကျောင်းသား လူငယ်ဖြစ်ခဲ့သလို ယနေ့၌ နိုင်ငံတာဝန်များကို အုပ်တစ်ချပ် သဲတစ်ပွင့်ဖြင့် သက်ဆိုင်ရာ ကဏ္ဍနသီးသီးမှ တာဝန်ထမ်းဆောင်နေမှုကို မြင်ရမည်ဖြစ်ကြောင်း၊ လူငယ်များ ဆက်လက်သင်ယူရမည့် ဘဝအတွေ့အကြုံနှင့် သင်ခန်းစာများကို ကောင်းမွန်စွာ လေ့လာသင်ယူကြရန် မှာကြားပြောကြားခဲ့ပြီး ထူးချွန်သော လူငယ်များကို ဆုချီမြှင့်ပေးအပ်ခဲ့ ကြောင်း သိရပါသည်။

DOCA(ဧရာဝတီ)

          ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် မော်ကျွန်းမြို့နယ် တာဝန်ခံ ဦးမင်းဇော်လတ်နှင့်ဝန်ထမ်းများသည်  (၇.၈.၂၀၂၅)ရက်နေ့ နေ့လယ် (၁၃:၀၀) အချိန်တွင် မော်ကျွန်းမြို့နယ်၊ ရေလိမ်ကျေးရွာရှိ သာသနပါလကျောင်းတွင် စားသုံးသူအသိပညာပေး  ဟောပြောဆောင်ရွက်ခဲ့ပါသည်။

         ထိုသို့ဟောပြောဆွေးနွေးရာတွင် စားသုံးသူရေးရာဦးစီးဌာန၊ မော်ကျွန်းမြို့နယ်တာဝန်ခံမှ မိတ်ဆက် စကားပြောကြားပြီး စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော စားသုံးသူကာကွယ်ရေး ဥပဒေ (၂၀၁၉)ပါ ပြဌာန်းချက်များမှ စားသုံးသူ၏အခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏တာဝန်များ၊ တားမြစ်ချက်များ၊ ပြစ်မှုပြစ်ဒဏ်များ၊ စားသုံးသူကာကွယ်ရေးဥပဒေ အခန်း(၁၈)ပါ ပုဒ်မခွဲ(ခ)နှင့်(ဆ)တို့ပါ ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့်ဖြစ်၊ မြန်မာဘာသာနှင့် အခြားဘာသာတစ်ခု သို့မဟုတ် တစ်ခုထက်ပို၍ တွဲလျက်ဖြစ်စေရေးသားဖော်ပြရမည် ဖြစ်ကြောင်းဟောပြောဆွေးနွေးခဲ့ပါသည်။ စားသုံးသူကာကွယ်ရေး ဥပဒေပါ အချက်အလက်များသိရှိလိုပါက ခရိုင်စားသုံးသူရေးရာဦးစီးမှူးရုံးတွင်လည်းကောင်း၊ စားသုံးသူရေးရာဦးစီးဌာန ရုံးချုပ်၏ www.doca. mm.website တွင်  လည်းဝင်ရောက်ကြည့်ရှုလေ့လာနိုင်ပါကြောင်း၊ စားသုံးသူများနစ်နာမှု ရှိပါက စားသုံးသူ သတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ CICC သို့ လူကိုယ်တိုင်ဖြစ်စေ တယ်လီဖုန်းဖြင့်ဖြစ်စေတိုင်ကြားနိုင်ပါကြောင်း အသိပေးဟောပြောခဲ့ပြီး  ထို့ဟောပြောပွဲသို့ စားသုံးသူပြည်သူ လူထု စုစုပေါင်း(၁၅၀)ဦး တက်ရောက်ခဲ့ကြောင်း သိရှိရပါသည်။

DOCA(ဧရာဝတီ)