Online Talk Show အစီအစဉ်ဖြင့် စားသုံးသူကာကွယ်ရေး အသိပညာပေး ဆွေးနွေးပွဲဆောင်ရွက်
စားသုံးသူရေးရာဦးစီးဌာနအနေဖြင့် စားသုံးသူကာကွယ်ရေးဥပဒေပါ ပြဋ္ဌာန်းချက်များအပေါ် စားသုံးသူပြည်သူများ ကျယ်ကျယ်ပြန့်ပြန့်သိရှိနိုင်ရေးအတွက် အသိပညာပေးဆွေးနွေးပွဲများကို ရပ်ကွက်/ ကျေးရွာများ၊ အခြေခံပညာကျောင်းများ၊ အဆင့်မြင့်ပညာတက္ကသိုလ်ကျောင်းများနှင့် အစိုးရရုံးဌာနများသို့ သွားရောက်၍ ဟောပြောပွဲများဆောင်ရွက်လျက်ရှိသလို ပြန်ကြားရေးနှင့် ပြည်သူ့ဆက်ဆံရေးဦးစီးဌာနနှင့်ပူးပေါင်း၍ Online Talk Show အစီအစဉ်မှတစ်ဆင့်လည်း အသိပညာပေးဆွေးနွေးပွဲများ ဆောင်ရွက်လျက်ရှိပါသည်။
စားသုံးသူရေးရာဦးစီးဌာန၊ ပြည်မြို့နယ်တာဝန်ခံ ဦးထွန်းနိုင်လင်းသည် (၁၅.၁.၂၀၂၆) ရက်နေ့၊ နေ့လယ် (၁၄:၀၀)နာရီအချိန်တွင် ပြည်ခရိုင်၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာန ရုံး၊ ရိုက်ကူးရေးခန်းမ၌ ကျင်းပပြုလုပ်သည့် Online Talk Show အစီအစဉ်တွင် ဌာန၏ ဆောင်ရွက်လျက်ရှိသော လုပ်ငန်းစဉ်များထဲမှ ဆန်စပါးသိုလှောင်ထားရှိမှုအား ခေတ်မီဒီဂျစ်တယ်နည်းစနစ်ဖြင့် မှတ်ပုံတင်စာရင်းရေးသွင်းသည့် Myro အကြောင်း သိကောင်းစရာခေါင်းစဉ်ဖြင့် ဆွေးနွေးခဲ့ကြောင်း သိရပါသည်။
ထိုသို့ဆွေးနွေးရာတွင် မြန်မာဆန်စပါးအွန်လိုင်း (Myro)ကို စီးပွားရေးနှင့်ကူးသန်းရောင်း ဝယ်ရေးဝန်ကြီးဌာနနှင့် မြန်မာနိုင်ငံဆန်စပါးအသင်းချုပ်တို့ ပူးပေါင်းတည်ထောင်ထားကြောင်း၊ ရည်ရွယ်ချက်အနေဖြင့် ဆန်စပါးစီးပွားရေးလုပ်ငန်းများအား ခေတ်မီဒီဂျစ်တယ်နည်းပညာဖြင့် အသွင်းကူးပြောင်း၍ စနစ်တကျ စီမံခန့်ခွဲဆောင်ရွက်နိုင်ရန်၊ တောင်သူလယ်သမားများ၊ ကုန်သည်၊ စက်ပိုင်လုပ်ငန်းရှင်များ၊ ပြည်တွင်း၊ ပြည်ပဝယ်သူ/ ရောင်သူများ၊ ကျွမ်းကျင်ပညာရှင်များ၊ သုတေသီများ၊ စားသုံးသူများအပါအဝင် ဆန်စပါးလုပ်ငန်းနှင့် ဆက်နွယ်သည့် Stakeholder များအတွက် တစ်နေရာတည်းတွင် သတင်းအချက်အလက်များ၊ ဝန်ဆောင်မှုများ မှတ်ပုံတင်သည့်လုပ်ငန်းများကို အချိန်တိုအတွင်းဆောင်ရွက်နိုင်ရန်၊ နိုင်ငံတော်၏ ဆန်စပါးလုပ်ငန်းဆိုင်ရာ မူဝါဒလမ်းညွှန်ချက်များကို ခေတ်မီဒီဂျစ်တယ်နည်းပညာကို အသုံးပြု၍ အကောင်အထည်ဖေါ်ဆောင် ရွက်နိုင်ရန်၊ သိုလှောင်ရုံကုန်အပ်စနစ်ဖြင့် ဘဏ်ချေးငွေများ စနစ်တကျ ထုတ်ပေးသည့်စနစ် ဆောင်ရွက်နိုင်ရန်ဖြစ်ကြောင်း၊ သိုလှောင်ရုံ မှတ်ပုံတင်ခြင်းနှင့် စပ်လျဉ်း၍ ဆန်တန်ချိန် (၂၅)တန်၊ စပါးတင်း(၂၅၀၀)နှင့် အထက် သိုလှောင်နိုင်ပါက သိုလှောင်ရုံမှတ်ပုံတင်ခြင်းဆောင်ရွက်ရမှာဖြစ်ကြောင်း၊ လုပ်ငန်းရှင်များအနေဖြင့် ဆန်စပါးသိုလှောင်ရုံ မှတ်ပုံတင်လိုပါက သိုလှောင်ရုံပိုင်ရှင်၏ မှတ်ပုံတင်ရှေ့/ နောက်၊ ဖုန်းနံပါတ်၊ အိမ်ထောင်စုဇယား၊ နေရပ်လိပ်စာ၊ E mail၊ Passport ဓါတ်ပုံ၊ စက်မှုလိုင်စင်၊ သိုလှောင်ရုံတည်နေရာလိပ်စာ၊ Google Map သိုလှောင်ရုံ၏ ရှေ့၊ နောက်၊ ဘေးဝဲယာ၊ အတွင်းဓါတ်ပုံ၊ သိုလှောင်ရုံတာဝန်ခံ၏ မှတ်ပုံတင်မိတ္တူနှင့် ဖုန်းနံပါတ်၊ လိပ်စာ၊ သိုလှောင်ရုံတည်နေရာမှန်ကန်ကြောင်းထောက်ခံစာနှင့် ဝန်ခံကတိပြုစာများလိုအပ်မည်ဖြစ်ပါကြောင်း၊ ဆန်စပါးသိုလှောင်ရုံအကျယ်အဝန်းအလိုက် မှတ်ပုံတင်ကြေးသတ်မှတ်ထားကြောင်း၊ အနိမ့်ဆုံး (၅၀၀၀၀)ကျပ်မှ အမြင့်ဆုံး (၂၀၀၀၀၀)ကျပ်အထိရှိပါကြောင်း၊ မှတ်ပုံတင်သက်တမ်းကာလမှာ (၁)နှစ်ဖြစ်ပါကြောင်းနှင့် သက်တမ်းတိုးဆောင်ရွက်မည်ဆိုပါက သက်တမ်းမကုန်ဆုံးမီ (၂)လကြိုတင်၍ လျှောက်ထားနိုင်ကြောင်း၊ လုပ်ငန်းရှင်များအနေနှင့် လစဉ် လဆန်း(၁)ရက်နေ့မှ (၇)ရက်နေ့အတွင်း ကုန်ရ၊ ကုန်ထုတ်၊ ကုန်လက်ကျန်စာရင်းများအား Myro Website ရှိ မိမိ Account တွင် စာရင်းရေးသွင်းဖို့လိုမှာဖြစ်ကြောင်း၊ ဆန်စပါးသိုလှောင်ထားရှိမှု အခြေအနေနှင့် စပ်လျဉ်း၍ သက်ဆိုင်ရာအစိုးရဌာန၊ အစိုးရအဖွဲ့အစည်း၏ လမ်းညွှန်ချက်များနှင့်အညီ လိုက်နာဆောင်ရွက်ရမည်ဖြစ်ပါကြောင်းနှင့် သိုလှောင်ရုံမှတ်ပုံတင်လက်မှတ် ပယ်ဖျက်လိုပါက မှတ်ပုံတင်ထားခြင်းကို ပယ်ဖျက်ရန် လျှောက်ထားချက်သည် ခိုင်လုံသောအကြောင်းပြချက်ရှိရန် သို့မှသာ ပယ်ဖျက်နိုင်မှာဖြစ်ပါကြောင်း ဆွေးနွေးခဲ့သိဟုသိရှိရပါသည်။
DOCA( ပဲခူး)
