သတင်းနှင့် လှုပ်ရှားမှုများ

     စားသုံးသူရေးရာဦးစီးဌာန၊ ဟင်္သာတခရိုင်ဦးစီးမှူးရုံးမှ မြို့နယ်(၆)မြို့နယ်နှင့်Onlineစနစ်ဖြင့် ဆောင်ရွက်သော ဝန်ထမ်းစွမ်းဆောင်ရည်မြှင့်တင်ရေးသင်တန်းကို (၂၆.၅.၂၀၂၅)ရက်နေ့ နံနက် (၁၀:၃၀)နာရီအချိန်တွင် စားသုံးသူရေးရာဦးစီးဌာနမှအမှုထမ်း(၁၉)ဦးကို လူ့စွမ်းအားအရင်းအမြစ်များ တိုးတက်လာစေခြင်း၊ ဌာန၏လုပ်ငန်းဆောင်ရွက်ချက်များ လွယ်ကူလျင်မြန်သွက်လက်လာစေရန် ရည်ရွယ်ခြင်း၊ မိမိတို့ဆောင်ရွက်နေသော ဌာနခွဲများ၏ လုပ်ငန်းစဉ်များကို အခြေခံကျောင်းသား/သူ၊ တက္ကသိုလ်ကျောင်းသား/သူများ၊ ကျေးလက်နေပြည်သူများ၊ မြို့ပြနေပြည်သူများ၊ ဌာနဆိုင်ရာ ဝန်ထမ်းများ၊ စီးပွားရေးလုပ်ငန်းရှင်များအား၊ အသိပညာပေးဆွေးနွေးခြင်း၊ လုပ်ငန်းစဉ်များကို ချပြရှင်းလင်း ဟောပြောနိုင်ရေးကိုရည်ရွယ်၍ ဆောင်ရွက်ခဲ့ပါသည်။

      အဆိုပါ ဝန်ထမ်းစွမ်းဆောင်ရည်မြှင့်တင်ရေးသင်တန်းကို နံနက်(၁၀:၃၀)နာရီခန့်အချိန်တွင် စတင်ဖွင့်လှစ်ခဲ့ပြီး စားသုံးသူရေးရာဦးစီးဌာန၊ ဟင်္သာတခရိုင်ဦးစီးမှူးဦးဇော်မင်းက ဝန်ထမ်းများ၏ စွမ်းဆောင်ရည်မြင့်မားလာစေရေးအတွက် ရုံးလုပ်ငန်းဆိုင်ရာတာဝန်ဝတ္တရားများနှင့် အသိပညာများ   အမြဲမပြတ်   ကြိုးစားသင်ယူလေ့လာရန်   လိုအပ်ကြောင်းကိုလည်းကောင်း၊ မြန်အောင်မြို့နယ် တာဝန်ခံဦးမြင့်အောင်မှ  စားသုံးသူကာကွယ်ရေးဥပဒေပါ စစ်ဆေးရေးအရာရှိ၏လုပ်ငန်းတာဝန်(၁၁)ချက်အား အကျယ်တဝင့် ရှင်းလင်းဆွေးခြင်း၊  သင်တန်းဆရာများ၏ ဆွေးနွေးပို့ချချက်များအပြီးတွင် သင်တန်းသားများမှ မရှင်းလင်းသည်များကို မေးမြန်းခြင်းအပေါ် ပြန်လည်ရှင်းလင်းပြောကြားခြင်းအစီအစဉ်ကို ပြုလုပ်ခဲ့ပြီး နေ့လယ်(၁၂:၀၀)နာရီတွင် သင်တန်းဆင်း အခမ်းအနား ဆောင်ရွက်ခဲ့ကြောင်း သိရှိရပါသည်။ အဆိုပါသင်တန်းသို့ဟင်္သာတခရိုင်ဦးစီးမှူးရုံးမှဝန်ထမ်း(၁၉)ဦး တက်ရောက်ခဲ့ကြောင်း သတင်းရရှိပါသည်။

 (DOCA ဧရာဝတီ)

            ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်ရှိ Mobile Phone အရောင်းဆိုင်များသို့ မေလ(၂၃)ရက်နေ့၊ နေ့လယ် (၁၂:၀၀) နာရီအချိန်တွင် စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံး၏ ညွှန်ကြားချက်နှင့်အညီ Mobile Phone များရောင်းချနေသော အရောင်းဆိုင်များသို့ ကုန်အညွှန်းအမှတ်အသား စစ်ဆေးခြင်း အသိပညာပေးခြင်း၊ တင်သွင်း ဖြန့်ဖြူးရောင်းချလျက်ရှိသည့် အခြေအနေအား ကွင်းဆင်းစစ်ဆေးခဲ့ကြောင်း သိရသည်။ 

            ထိုသို့ ဈေးကွက်အတွင်း ကွင်းဆင်းစစ်ဆေးခဲ့ရာတွင် မြို့နယ်စည်ပင်သာယာရေးအဖွဲ့မှ ဦးအေးသွင်နှင့် စားသုံးသူရေးရာဦးစီးဌာနမှ မြို့နယ်တာဝန်ခံ ဦးတင်မင်းတို့သည် ကြယ်စင် ဖုန်းနှင့် ဖုန်းအပိုပစ္စည်းရောင်းဝယ်ရေး ဆိုင်ပိုင်ရှင် စီးပွားရေးလုပ်ငန်းရှင်နှင့် တွေ့ဆုံကာ Mobile Phone အမျိုးမျိုးတို့အား ဝယ်ယူဖြန့်ဖြူး ရောင်းချရာတွင် ကုန်အညွှန်းအမှတ်အသား ဖော်ပြပါရှိရမည့် အမျိုးအမည်၊ အရွယ်အစား၊ အရေအတွက်၊ အသားတင်ပမာဏ သုံးစွဲပုံ နည်းလမ်း၊ ဘေးထွက်ဆိုးကျိုးတို့အား မြန်မာဘာသာဖြင့် ဖြစ်စေ၊ မြန်မာဘာသာနှင့် အခြား ဘာသာတစ်ခု (သို့မဟုတ်) တစ်ခုထက်ပို၍ တွဲလျက်ဖြစ်စေ မဖြစ်မနေ ကုန်အညွှန်းအမှတ်အသား ပြည့်စုံစွာဖော်ပြပါရှိသော လက်ကိုင်ဖုန်းအမျိုးမျိုးတို့ကိုသာ ဝယ်ယူဖြန့်ဖြူးရောင်းချ နေမှုအခြေအနေတို့အား ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ရန်ကုန်)

           ရန်ကုန်တိုင်းဒေသကြီး၊ သန်လျင်ခရိုင်၊ သုံးခွမြို့နယ်အတွင်းရှိ အိမ်ဆောက်ပစ္စည်း ရောင်းချသောဆိုင်များတွင် ဘိလပ်မြေများ ပစ္စည်းပြတ်လပ်မှုရှိ/မရှိနှင့် ဈေးနှုန်းမြှင့်တင် ရောင်းချနေခြင်းရှိ/မရှိ အခြေအနေအား မေလ (၂၄)ရက်နေ့၊ နံနက် (၀၉:၃၀)နာရီအချိန်တွင် ပူးပေါင်းအဖွဲ့ဖြင့် ကွင်းဆင်း စစ်ဆေးခဲ့ကြောင်း သိရသည်။

            ထိုသို့ ဈေးနှုန်းဈေးကွက် အခြေအနေအား ကွင်းဆင်းစုံစမ်း စစ်ဆေးခဲ့ရာတွင် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်ရဲတပ်ဖွဲ့နှင့် စားသုံးသူရေးရာဦးစီးဌာနတို့ ပူးပေါင်း၍ အမှတ်(၄)ရပ်ကွက် အောင်ဇေယျလမ်းရှိ ဦးအင်းရွှေနှင့်ညီမ ဒေါ်အေးကြည် အိမ်ဆောက်ပစ္စည်း ဆိုင်နှင့် အမှတ်(၃)ရပ်ကွက်ရှိ ရတနာတောင် အိမ်ဆောက်ပစ္စည်းဆိုင်များသို့ ဘိလပ်မြေများ ပစ္စည်းပြတ်လပ်မှုရှိ/မရှိ၊ ဝယ်ယူရရှိမှု အခြေအနေ၊ ရောင်းချမှုအခြေအနေနှင့် ဈေးနှုန်းမြှင့်တင် ရောင်းချခြင်းရှိ/မရှိ ကွင်းဆင်းစစ်ဆေးခဲ့ပါသည်။ ထို့အပြင် အခြားအိမ်ဆောက်ပစ္စည်းများ ဖြစ်သည့် အုတ်၊ သဲ၊ ကျောက်၊ သံချောင်း ဈေးနှုန်းအခြေအနေအား ဘိလပ်မြေအပါအဝင် အခြားအိမ်ဆောက်ပစ္စည်းများအား ဈေးနှုန်းမြှင့်တင် ရောင်းချခြင်းများ မပြုလုပ်ကြရန်၊ ဘိလပ်မြေများအား ဈေးကစားရန်ရည်ရွယ်ချက်ဖြင့် သိုလှောင်ထားခြင်း မပြုလုပ်ကြရန် အသိပညာပေး ဆွေးနွေးခဲ့ပြီး ကွင်းဆင်းစစ်ဆေး ဆောင်ရွက်ခဲ့ကြကြောင်း သိရှိရပါသည်။

DOCA(ရန်ကုန်)

     စားသုံးသူရေးရာဦးစီးဌာန၊ ဇလွန်မြို့နယ်တာဝန်ခံနှင့်ဝန်ထမ်းများသည် ၁၆.၅.၂၀၂၅ ရက်နေ့ နံနက်(၁၀:၃၀)နာရီအချိန်တွင် သက်ဆိုင်ရာအဖွဲ့များနှင့်ပူးပေါင်း၍ ဇလွန်မြို့၊ ဒူးယားလမ်း၊ လမ်းမ တော်(မ)ရပ်ကွက်ရှိ “One Star” ရေခဲစက်နှင့် ကွက်သစ်လမ်း၊ ဆန်တန်းရပ်ကွက်ရှိ “အောင်ကြီးပွား” ရေခဲစက်သို့ သွားရောက်၍   သန့်ရှင်းမှုနှင့် ဘေးအန္တရာယ်ကင်းရှင်းမှုရှိစေရေး ဈေးကွက်စောင့်ကြည့်စစ်ဆေးခြင်းကို ဆောင်ရွက်ခဲ့ပါသည်။

    ထိုသို့ကွင်းဆင်းရာတွင် ပူးပေါင်းအဖွဲ့သည် ပြည်သူများအသုံးပြုရန် ထုတ်လုပ်လျက်ရှိသော ရေခဲများတွင် ဘေးအန္တရာယ်ကင်းရှင်းမှုရှိ/မရှိ၊ စားသုံးရန် သို့မဟုတ် အသုံးပြုရန် သင့်/မသင့် စစ်ဆေးခဲ့ပြီး၊ သက်ဆိုင်ရာဌာန၏ထောက်ခံချက်များရရှိကာ စက်မှုလုပ်ငန်းမှတ်ပုံတင်ထားကြောင်း တွေ့ရှိရပါသည်။ စားသုံးသူမိဘပြည်သူများ ဘေးအန္တရာယ်ကင်းရှင်းစွာအသုံးပြုနိုင်စေရန်  လုပ်ငန်းအတွင်း/အပြင်၌ သန့်ရှင်းစေရေး၊ရေစီးရေလာကောင်းမွန်စေရန်နှင့် သတ်မှတ်အရည်အသွေးပြည့်မီသော ကုန်စည်များကိုသာရောင်းချရန် အလေးထားဆောင်ရွက်စေလိုကြောင်း ရှင်းလင်းဆွေးနွေးခဲ့ပြီး ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြောင်း သိရှိရပါသည်။

 (DOCA ဧရာဝတီ)

     စားသုံးသူရေးရာဦးစီးဌာန၊ လေးမျက်နှာမြို့နယ်တာဝန်ခံသည် (၁၆.၅.၂၀၂၅)ရက်နေ့ နံနက် (၁၀:၀၀)အချိန်တွင် လေးမျက်နှာမြို့နယ်၊ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာန(Community Centre)ခန်းမ၌ ကုန်စည်နှင့်စပ်လျဉ်း၍ အာမခံချက်ပေးခြင်းအကြောင်း စားသုံးသူရေးရာအသိပညာပေးTalk Showအစီအစဉ်ကို ဆောင်ရွက်ခဲ့ပါသည်။

     အဆိုပါအစီအစဉ်တွင် မြို့နယ်တာဝန်ခံ ဦးအောင်သန်းဌေးက  စားသုံးသူရေးရာဦးစီးဌာန၏ စားသုံးသူကာကွယ်ရေးဥပ‌ဒပါ စီးပွားရေးလုပ်ငန်းရှင်များအနေဖြင့် ရောင်းချသည့်ကုန်စည်နှင့် စပ် လျဉ်း၍အာမခံချက်ပေးခြင်းများအကြောင်းရှင်းလင်းဆွေးနွေးခဲ့ပါသည်။ဆက်လက်၍ စီးပွားရေးလုပ် ငန်းရှင်များသည် ကုန်စည်နှင့် စပ်လျဉ်း၍ အာမခံချက်ပေးရာတွင် စားသုံးသူကလက်ခံသုံးစွဲနိုင်သော အရည်အသွေးရှိခြင်း၊ ဘေးအန္တရာယ်ကင်းရှင်းစေခြင်း၊ ကုန်စည်၏အချိန်အတွယ်ပမာဏ နှင့်အလေး ချိန်မှန်ကန်မှုရှိခြင်း၊ အာမခံချက်ပေးထားသောဖော်ပြမှုများနှင့်အညီ စားသုံးသူများ ဘေးအန္တရာယ် ကင်းရှင်းစွာအသုံးပြုနိုင်စေရေး စသည်တို့ကို အကျယ်တဝင့် ရှင်းလင်းဆွေးနွေးခဲ့ကြောင်း သိရှိရပါသည်။

 ( DOCA ဧရာဝတီ)