ပြည်ပကုန်သွယ်မှုသတင်းများ

         မလေးရှားနိုင်ငံသို့ အသားတင်ပို့မှုနှင့်ပတ်သက်၍ ဝန်ကြီးချုပ်ကော်မတီ၏ အဆင့်မြင့်အစည်းအဝေးတစ်ခုကို ကျင်းပပြုလုပ်ခဲ့ပြီး အဆိုပါအစည်းအဝေးကို ဝန်ကြီးချုပ်အထူးလက်ထောက်ဆိုသူ (SAPM) Haroon Akhtar Khan နှင့် စီးပွားရေးရာပြည်ထောင်စုဝန်ကြီး Jam Kamal Khan တို့က ပူးတွဲဥက္ကဌ အဖြစ်ဆောင်ရွက်ခဲ့ကြောင်း သိရပါသည်။ အဆိုပါ အစည်းအဝေးတွင် ပြည်သူလူထုနှင့် ပုဂ္ဂလိကမှ ရှယ်ယာကိုင်ဆောင်သူများကို အချက်အခဲများ ပြန်လည်သုံးသပ်ရန်၊ လမ်းညွှန်မှုများပေးရန်နှင့် မလေးရှားနိုင်ငံသို့ အသားတင်ပို့မည့် မြှင့်တင်နိုင်မည့် ပါကစ္စတန်နိုင်ငံ အနာဂတ်လမ်းကြောင်းများကို ဖန်တီးနိုင်ရန်အတွက် ခေါ်ယူဆွေးနွေးခဲ့ကြောင်း သိရပါသည်။ အဆိုပါ အစည်းအဝေးတွင် ကော်မတီက မလေးရှားနိုင်ငံသို့ အမေရိကန်ဒေါ်လာ ၂၀၀ သန်းခန့်တန်ကြေးရှိသော အသားများတင်ပို့နိုင်ရန် အဆိုပြုခဲ့ကြောင်းသိရပါသည်။ ဝန်ကြီး Jam Kamal Khan ကလည်း ပို့ဆောင်မှုမြန်ဆန်ချောမွေ့ အဆင်ပြေစေရန်အတွက် ပုဂ္ဂလိကပို့ကုန် လုပ်ငန်းရှင်များနှင့် အတူ စီးပွားရေးပူးပေါင်းဆောင်ရွက်မှုပုံစံတစ်ခု ဖန်တီးသွားမည်ဖြစ်ကြောင်း အထူးအလေးပေး ပြောကြားခဲ့ပါသည်။ ထို့အပြင် ၎င်းက ပါကစ္စတန်နိုင်ငံ၏ စီးပွာရေးနယ်ပယ်များ ကိုချဲ့ထွင်ရန် လိုအပ်ကြောင်းနှင့် FMD ကာကွယ်ဆေးဓာတ်ခွဲခန်းတည်ဆောက်ရန်နှင့် တင်ပို့ကုန်လုပ်ငန်းရှင် များအတွက် ပစ်မှတ်ထား သောမက်လုံများ မိတ်ဆက်ရန်အတွက် အထူးအလေးထားပြောကြားခဲ့ပါသည်။ SAPM Haroon Akhtar Khan ကလည်း ပြည့်စုံသောတင်ပို့မှုနည်းဗျူဟာကို ဝန်ကြီးချုပ်လမ်းညွှန်ချက်နှင့်အညီ ရေးဆွဲနေကြောင်း ပြန်လည်အတည်ပြုခဲ့ပါသည်။ ထို့အပြင် ၎င်းက ပါကစ္စတန်နိုင်ငံသည် အရိုးမပါသော အသားတင်ပို့မှုအတွက် ကမ္ဘာလုံးဆိုင်ရာ စံချိန်စံညွှန်းများနှင့် ကိုက်ညီမှုရှိစေရန် ပြင်ဆင်နေကြောင်း ပြောကြားခဲ့ပါသည်။ Haroon က အပြည်ပြည်ဆိုင်ရာဈေးကွက်များတွင် ပါကစ္စတန်နိုင်ငံ၏ ယှဉ်ပြိုင်မှုများ အဆင့်မြှင့်တင်ရန်အတွက် တင်သွင်းထုတ်လုပ်မှုယန္တရားများ၊ အအေးခဲအဆောက်အဦးများနှင့် ထုတ်ပိုးမှုစနစ်များ တိုးတက်အောင်ပြုလုပ်ခြင်းသည် အရေးပါကြောင်း အထူးအလေးထားပြောကြားခဲ့ပါသည်။ အစည်းအဝေးအဆုံးသတ်တွင် Jam Kamal Khan က အသစ်ဖန်တီးထားသော စီးပွားရေးပုံစံတစ်ခုကို ဝန်ကြီးချုပ်အား တင်ပြသွားမည်ဟု နိဂုံးချုပ် အမှာစကားပြောကြားခဲ့ကြောင်း သိရပါသည်။

Source: Brecorder.com                                                              

DOCA (ရန်ကုန်)

          နီပေါနိုင်ငံသည် ၂၀၂၅-၂၀၂၆ ဘဏ္ဍာရေးနှစ်၏ ပထမလေးလတာ ကာလအတွင်း နိုင်ငံခြားကုန်သွယ်မှုသည် ယခင်နှစ် အလားတူကာလထက် ၂၄.၁၈ ရာခိုင်နှုန်း တိုးတက်မှုရှိခဲ့ကြောင်း အစိုးရသတင်းဌာနမှ နိုဝင်ဘာလ ၂၃ ရက်နေ့တွင် ထုတ်ပြန်ခဲ့ပါသည်။

          ပို့ကုန်နှင့် သွင်းကုန်နှစ်ခုလုံးတိုးတက်လာမှုကြောင့် ပြီးခဲ့သည့်ဘဏ္ဍာရေးနှစ်အလားတူ ကာလက ရူပီး ၅၆၆.၀၅ ဘီလီယံ ရှိခဲ့ရာမှ ယခုနှစ် ဇူလိုင်လအလယ်မှ နိုဝင်ဘာလလယ်အတွင်း စုစုပေါင်းကုန်သွယ်မှု ပမာဏသည် နီပေါရူပီး ၇၀၂.၉၄ ဘီလီယံ အထိ ရောက်ရှိခဲ့ကြောင်း အကောက်ခွန်ဦးစီးဌာနက အစီရင်ခံတွင် ဖော်ပြထားပါသည်။

          ပို့ကုန်ပမာဏသည် ရူပီး ၉၃.၄၉ ဘီလီယံအထိ ၇၇.၅၁ ရာခိုင်နှုန်း မြင့်တက်ခဲ့ပြီး၊ သွင်းကုန်ပမာဏမှာ ရူပီး ၆၀၉.၄၅ ဘီလီယံ ၁၈.၇၁ ရာခိုင်နှုန်း တိုးတက်မှုရှိခဲ့ကြောင်း ဦးစီးဌာနက ထပ်‌လောင်းပြေားကြားခဲ့ကြောင်း သိရှိရပါသည်။

Source : Xinhua                                                                                 

DOCA (ရန်ကုန်)

        ကမ္ဘောဒီးယားနိုင်ငံမှ တင်သွင်းသည့် ဒီဇယ်လောင်စာဆီ၊ ဓာတ်ဆီနှင့် လောင်ကျွမ်းဓာတ်ငွေ့ စုစုပေါင်းတန်ဖိုးမှာ ၂၀၂၅ ခုနှစ် ပထမ ၁၀ လပတ်တွင် အမေရိကန်ဒေါ်လာ ၂.၀၂ ဘီလီယံရှိပြီး တစ်နှစ်ထက်တစ်နှစ် ၁၁.၅ ရာခိုင်နှုန်း လျော့နည်းသွားကြောင်း ကမ္ဘောဒီးယား နိုင်ငံ၏စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၏ ဖော်ပြချက်အရသိရသည်။ ကမ္ဘောဒီးယားနိုင်ငံသည် ယခုနှစ် ဇန်နဝါရီလမှ အောက်တိုဘာလအတွင်း ဒီဇယ်ဆီတင်သွင်းမှုအတွက် ဒေါ်လာ ၁.၀၇ ဘီလီယံ သုံးစွဲခဲ့ပြီး တစ်နှစ်ထက်တစ်နှစ် ၁၁ ရာခိုင်နှုန်း ကျဆင်းခဲ့သည်။ ဓာတ်ဆီအတွက် ဒေါ်လာ ၆၇၅ သန်း၊ လောင်ကျွမ်းသောဓာတ်ငွေ့အတွက် ဒေါ်လာ ၂၇၅ သန်း တိုးလာကြောင်း အစီရင်ခံစာအရ သိရသည်။ လက်ရှိတွင် ကမ္ဘောဒီးယားနိုင်ငံသည် ရေနံနှင့် သဘာဝဓာတ်ငွေ့ တင်သွင်းမှုအပေါ် မှီခိုနေရပြီး ၎င်း၏ ပင်လယ်ကြမ်းပြင်၏ ရေနံသိုက်များကို အမြတ်ထုတ်ခြင်း မရှိသေးကြောင်း သိရသည်။ ဖနွမ်းပင်တက္ကသိုလ်၏ နိုင်ငံတကာလေ့လာရေးနှင့် ပြည်သူ့မူဝါဒဆိုင်ရာ အင်စတီကျုမှ ကထိကတစ်ဦးဖြစ်သူ Thong Mengdavid က ကမ္ဘောဒီးယားနိုင်ငံ၏ လောင်စာဆီတင်သွင်းမှုကျဆင်းမှုသည် ကမ္ဘာ့ရေနံစျေးနှုန်းများ လျှော့ချပေးခြင်း၊ စွမ်းအင်ထိရောက်မှု မြှင့်တင်ပေးခြင်းနှင့် ပြည်တွင်းစားသုံးမှုတွင် ပြန်လည်ပြည့်ဖြိုးမြဲ စွမ်းအင်နှင့် ရေအားလျှပ်စစ်၏ အခန်းကဏ္ဍတိုးလာကြောင်း ပြောကြားခဲ့ဟုသိရှိရပါသည်။

Source: Xinhua      

DOCA (ရန်ကုန်)

        ၂၀၂၅ ဘဏ္ဍနှစ် ပထမ လေးလတာကာလအတွင်း ပါကစ္စတန်နိုင်ငံ၏ အစားအသောက်တင်သွင်းမှု ကုန်ကျငွေသည်  အမေရိကန်ဒေါ်လာ ၃ ဘီလီယံခန့်ရှိခဲ့ကြောင်းနှင့် ယခင်အလားတူကာလတွင် ကုန်ကျခဲ့သော တင်သွင်းမှုကုန်ကျစရိတ် အမေရိကန်ဒေါ်လာ ၂.၃၄၀ ဘီလီယံထက် ၃၁.၃၈ ရာခိုင်နှုန်းခန့် မြင့်တက်လာကြောင်း သိရပါသည်။ အဆိုပါမြင့်တက်လာမှုသည် ပြည်တွင်းထုတ်လုပ်မှုနှင့် ထောက်ပို့မှုအခက်အခဲများကြားတွင် အစားအသောက်ကုန်ပစ္စည်းများတင်သွင်းမှုအပေါ် မှီခိုမှုကြီးထွားလာခြင်းကို အထူးအလေးပေးဖော်ပြနေကြောင်း သိရပါသည်။ အဆိုပါ မြင့်တက်လာခြင်းသည် ပြည်တွင်းလိုအပ်ချက်များကိုက်ညီရန်အတွက် သကြား၊ စားအုန်းဆီနှင့်  လက်ဖက်တင်သွင်းမှုများ မြင့်တက်လာခြင်းကြောင့်ဖြစ်ကြောင်း သိရပါသည်။ ပါကစ္စတန်နိုင်ငံ စာရင်းအင်းဌာနမှ ထုတ်ပြန်သော အချက်အလက်များအရ စားအုန်းဆီတင်သွင်းမှုသည် ပဲအမျိုးမျိုး၊ လက်ဖက်၊ ပဲပိစပ်ဆီနှင့် သကြားတင်သွင်းမှုများ အကြားတွင် အများဆုံးတင်သွင်းမှု ဖြစ်ကြောင်း သိရပါသည်။ ပါကစ္စတန်နိုင်ငံသည် ယခုဘဏ္ဍာနှစ် လေးလတာကာလအတွင်းတွင် သကြားတန်ချိန် ၂၃၁၃၉၀ မက်ထရစ်တန်ခန့်တင်သွင်းခဲ့ကြောင်း သိရပါသည်။ အမေရိကန်နိုင်ငံနှင့် လက်မှတ်ရေးထိုးခဲ့သော ကုန်သွယ်ရေးသဘောတူညီမှုတစ်စိတစ်ပိုင်းအနေဖြင့် ပါကစ္စတန်နိုင်ငံသည် ဇူလိုင်လမှ အောက်တိုဘာလအတွင်းတွင် ပဲပိစပ်ဆီတင်သွင်းမှု အမေရိကန်ဒေါ်လာ ၆၆.၁၀၈ သန်းခန့်ရောက်ရှိခဲ့ပြီး ယခင်နှစ်အလားတူကာလတွင် တင်သွင်းခဲ့သော တင်သွင်းမှု အမေရိကန်ဒေါ်လာ ၅၈.၅၀၉ သန်းထက် ၁၂.၉၉ ရာခိုင်နှုန်းခန့်မြင့်တက်လာကြောင်း သိရပါသည်။ အဆိုပါမြင့်တက်မှုသည် စားအုန်းဆီလိုအပ်မှုကို လျော့ချရန်နှင့် အမေရိကန်နိုင်ငံ၏ စိုက်ပျိုးရေးကဏ္ဍတွင် ကုန်သွယ်ရေးပူးပေါင်းဆောင်ရွက်မှုများ ပိုမိုလေးနက်လာစေရန်ဖြစ်ကြောင်း သိရပါသည်။ စားအုန်းဆီတင်သွင်းမှုပမာဏသည်လည်း အမေရိကန်ဒေါ်လာ ၁.၃၂၅ ဘီလီယံအထိ ရောက်ရှိခဲ့ပြီး အရင်နှစ်အလားတူကာလတွင် တင်သွင်းခဲ့သော အမေရိကန်ဒေါ်လာ ၁.၀၂၄ ဘီလီယံထက်၂၉.၃၇ ရာခိုင်နှုန်းမြင့်တက်လျက်ရှိကြောင်း သိရပါသည်။ စားသုံးမှုများ မြင့်တက်သော်လည်း ပဲအမျိုးမျိုးတင်သွင်းမှုသည် ယခင်နှစ်တွင် အမေရိကန်ဒေါ်လာ ၂၉၇.၈၀၀ သန်းခန့်ရှိရာမှ ယခုနှစ်တွင် အမေရိကန်ဒေါ်လာ ၂၅၅.၄၆၁ သန်းခန့်တင်သွင်းခဲ့ကာ ၁၄.၂၂ ရာခိုင်နှုန်းခန့် ကျဆင်းခဲ့ကြောင်း သိရပါသည်။ ပါကစ္စတန်နိုင်ငံ၏ တစ်ခြားသော အစားအသောက်တင်သွင်းမှုများသည် ယခင်နှစ်တွင်တင်သွင်းခဲ့သော အမေရိကန်ဒေါ်လာ ၁.၀၂၄ ဘီလီယံမှ ယခုနှစ်တွင် အမေရိကန်ဒေါ်လာ ၁.၃၂၅ ဘီလီယံအထိရောက်ရှိခဲ့ပြီး ၂၉.၃၇ ရာခိုင်နှုန်းခန့်မြင့်တက်လာကြောင်း ပါကစ္စတန်နိုင်ငံ စာရင်းအင်းဌာန၏ ထုတ်ပြန်ချက်များအရ သိရှိရပါသည်။

Source: Dawn

DOCA (ရန်ကုန်)

                  အိန္ဒိယနိုင်ငံသို့ Afghanistan နိုင်ငံ Kabul ပြည်နယ်မှ ပန်းသီးများ ကွန်တိန်နာ ၁၂ လုံးခန့် တင်ပို့တော့မည်ဖြစ်ကြောင်း သိရပါသည်။ အဆိုပါကုန်သွယ်မှုသည် အမေရိကန်ဒေါ်လာ ၂၅၀၀၀၀ ခန့်တန်ကြေးရှိပြီး Afghan ကုန်သည်များနှင့် ညှိနှိုင်း၍ အိန္ဒိယနိုင်ငံသို့ တင်ပို့သွားမည် ဖြစ်ကြောင်း သိရပါသည်။ Afghanistan နိုင်ငံမှ အိန္ဒိယနိုင်ငံသို့ သစ်သီးခြောက်တင်ပို့မှုတွင် အလုပ်လုပ်ဖုးသော အိန္ဒိယနိုင်ငံမှ စီးပွားရေးသမားများသည် ၎င်းတို့အနေဖြင့် Afghanistan နိုင်ငံမှ သစ်သီးများ အထူးသဖြင့် ပန်းသီးများဝယ်ယူရန်အတွက် စိတ်ဝင်စားမှုများရှိနေကြောင်း ပြောကြား ခဲ့ပါသည်။ အိန္ဒိယနိုင်ငံသားကုန်သည် Murtaza Mansoor က “၎င်းတို့အနေဖြင့် အိန္ဒိယအစိုးရအား ကျေးဇူးတင်ရှိကြောင်းနှင့် Afghanistan အစိုးရကိုလည်း နှစ်နိုင်ငံကြား လွတ်လပ်စွာကုန်သွယ်ခွင့် ခွင့်ပြုခဲ့သည့်အတွက် အထူးကျေးဇူးတင်ရှိကြောင်း” ပြောကြားခဲ့ ပါသည်။ အဆိုပါသဘောတူညီ မှုသည် နှစ်နိုင်ငံကြားကုန်သွယ်ရေးချဲ့ထွင်ခြင်းနှင့် ဖွံ့ဖြိုးတက်ခြင်း တို့ကို ဖန်တီးပေးကြောင်း ၎င်းက ထပ်ပေါင်းပြောကြားခဲ့ပါသည်။ Afghan ကုန်သည်အချို့ ကလည်း အဆိုပါကနဦး လုပ်ဆောင်ချက်၏ ရည်မှန်းချက်သည် Afghanistan နိုင်ငံ၏ ထုတ်ကုန်များအတွက် စျေးကွက်များ ဖွင့်လှစ်စေနိုင်ကြောင်းနှင့် အိန္ဒိယနိုင်ငံသည် Afghanistan နိုင်ငံ၏ ကုန်ပစ္စည်းများ၊ အထူးသဖြင့် သစ်သီးများအတွက် အားကောင်းသောစျေး ကွက်ဖြစ်လာနိုင်ကြောင်း ပြောကြားခဲ့ပါသည်။ Afghanistan နိုင်ငံသားကုန်သည်တစ်ဦး Abdul Malik Montazer က “အိန္ဒိယနိုင်ငံ ရင်းနှီး မြှုပ်နှံသူများအနေဖြင့် Afghanistan နိုင်ငံတွင် ပိုမိုရင်းနှီးမြှုပ်နှံသင့်ကြောင်းနှင့် အိန္ဒိယနိုင်ငံသို့ အလည်သွားသည့် စက်မှုလက်မှုနှင့် စီးပွားရေးရာ ဝန်ကြီးအနေဖြင့် လေကြောင်းနှင့်ကုန်းကြောင်း လမ်းများဖန်တီး၍ တင်ပို့မှုအခွင့်အလမ်းများ ပြန်လည်ယူဆောင်လာရန်အတွက် ၎င်းတို့အနေဖြင့် မျှော်မှန်းကြောင်း ပြောကြားခဲ့ပါသည်။ Afghanistan နိုင်ငံမှ စိုက်ပျိုးရေးခြံပိုင်ရှင်များသည်လည်း ၎င်းတို့အနေဖြင့် အိန္ဒိယနိုင်ငံသို့ တင်ပို့မှုအခွင့်အလမ်းများပေါ်ပေါက်လာသည့်အတွက် ကျေနပ်မှု ရှိကြောင်းနှင့် တစ်ခြားနိုင်ငံများ သို့ သစ်သီးနှင့်တစ်ခြားသော စိုက်ပျိုးရေးထွက်ကုန်များတင်ပို့နိုင် ရန်လမ်းကြောင်းများကို ပိုမိုဖွင့်လှစ်သင့်ကြောင်း အထူးအလေးပေးပြောကြားခဲ့ပါသည်။ အဆိုပါ တင်ပို့မှုသည် စီးပွားရေးရာဒုတိယဝန်ကြီးနှင့် Afghanistan နိုင်ငံမှကုန်သည်များနှင့် စက်မှုလုပ်ငန်းရှင် များနှင့်အတူ ပြုလုပ်ခဲ့သော အစည်းအဝေးအပြီးတွင် ပေါ်ပေါက်လာခြင်းဖြစ်ကြောင်း သိရပါသည်။

 DOCA (ရန်ကုန်)