၂၀၂၆ ခုနှစ်၊ ဩဂုတ်လ ၁၇ ရက်နေ့၌ ကမ္ဘာ့ကောက်ပဲသီးနှံနှင့် ဆီထွက်သီးနှံဈေးကွက် သည် ဈေးနှုန်းအတက်အကျများစွာ ဖြစ်ပေါ်လျက်ရှိကြောင်း၊ ချီကာဂိုကုန်စည်ဒိုင် (CBOT)တွင် စက်တင်ဘာလအတွက် ပြောင်းအကြိုခန့်မှန်းဈေးနှုန်းသည် ၁.၃၁ ရာခိုင်နှုန်း မြင့်တက်ခဲ့ပြီး တစ်တန်လျှင် ၁၈၃.၀၈ ဒေါ်လာအထိ ရောက်ရှိခဲ့ကာ နိုဝင်ဘာလအတွက် ပဲပုပ်အကြို ခန့်မှန်း ဈေးနှုန်းမှာ ၁.၉၇ ရာခိုင်နှုန်း မြင့်တက်ခဲ့ပြီး တစ်တန်လျှင် ၄၄၆.၈၀ ဒေါ်လာအထိ ရောက်ရှိခဲ့ ကြောင်း၊ စက်တင်ဘာလတွင် နူးညံ့သောဆောင်းဂျုံနီ (SRW)ဈေးနှုန်းမှာမူ ပြောင်းလဲမှု မရှိဘဲ တစ်တန်လျှင် ၂၄၇.၉၂ ဒေါ်လာတွင် ရှိနေခဲ့ကြောင်း သိရှိရပါသည်။
အမေရိကန်၏ အားကောင်းသော ပို့ကုန်တင်ပို့မှုနှင့် သီးနှံအခြေအနေ အနည်းငယ် ကျ ဆင်းသွားခြင်းသည် ပြောင်းဈေးနှုန်းကို အထောက်အကူဖြစ်စေခဲ့ပြီး အမေရိကန်အနေဖြင့် သီတင်း တစ်ပတ်အတွင်း ပြောင်းတန်ချိန် ၁.၉၁ သန်း တင်ပို့ခဲ့သဖြင့် ယခုဘဏ္ဍာရေးနှစ်တွင် တင်ပို့မှု စုစု ပေါင်းမှာ တန်ချိန် ၈၀.၉၅ သန်းသို့ ရောက်ရှိခဲ့ရာ ယခင်နှစ် ကာလတူထက် ၂၆ ရာခိုင်နှုန်း မြင့် တက်လာခဲ့ကြောင်း၊ ကောင်းမွန်သည့်အဆင့်မှ အလွန်ကောင်းမွန်သည့်အဆင့်ဟု သတ်မှတ်ထား သည့် ပြောင်းစိုက်ဧရိယာ၏ အချိုးအစားမှာ ၁ ရာခိုင်နှုန်းမှတ် လျော့ကျသွားပြီး ၆၀ ရာခိုင်နှုန်းသို့ ရောက်ရှိခဲ့ကြောင်း သိရှိရပါသည်။
အမေရိကန်တွင် ပဲပုပ်သီးနှံများ လျင်မြန်စွာဖွံ့ဖြိုးကြီးထွားနေသော်လည်း ပဲပုပ်ဈေးနှုန်း မှာ ၂ ရာခိုင်နှုန်းနီးပါး မြင့်တက်ခဲ့ကြောင်း၊ ဩဂုတ်လ ၁၆ ရက်နေ့အထိ ပဲပုပ်စိုက်ခင်းများ၏ ၈၅ ရာခိုင်နှုန်းတွင် အသီးတောင့်များ စတင်သီးနေပြီဖြစ်ပြီး ပျမ်းမျှ ၅ နှစ်ထက် ၅ ရာခိုင်နှုန်းမှတ် ပိုမိုများနေကြောင်း၊ သို့သော် လည်း ကောင်းမွန်သည့်အဆင့်မှ အလွန်ကောင်းမွန်သည့်အဆင့်ဟု သတ်မှတ်ထားသည့် သီးနှံအချိုးအစားမှာ ၆၁ ရာခိုင်နှုန်းသို့ လျော့ကျသွားခဲ့ကြောင်း၊ ၂၀၂၅-၂၀၂၆ သီးနှံဈေးကွက်နှစ် စတင်ချိန်မှစ၍ အမေရိကန်၏ ပဲပုပ်တင်ပို့မှုမှာ တန်ချိန် ၄၀.၀၄ သန်းသို့ ရောက်ရှိခဲ့ပြီး ယခင်နှစ် ကာလတူထက် ၁၈.၂ ရာခိုင်နှုန်း လျော့နည်းခဲ့ကြောင်း သိရှိရပါသည်။
ဂျုံဈေးကွက်မှာ တိကျရှင်းလင်းသည့် ဦးတည်ချက်မရှိသည်ကို တွေ့ရှိရပြီး ချီကာဂိုရှိ SRW ဆောင်းဂျုံဈေးနှုန်းများမှာ သိသိသာသာပြောင်းလဲမှု မရှိခဲ့ဘဲ Kansas မြို့တွင် မာကျောသော ဆောင်းဂျုံနီ (HRW) ဈေးနှုန်းမှာ မြင့်တက်ခဲ့ကာ Minneapolisဒေသတွင်မူ နွေဦးဂျုံဈေးနှုန်း ကျ ဆင်းခဲ့ကြောင်း၊ ယခုဈေးကွက်နှစ် စတင်ချိန်မှ စ၍ အမေရိကန်၏ ဂျုံတင်ပို့မှု စုစုပေါင်းမှာ တန် ချိန် ၃.၈၉ သန်းရှိခဲ့ပြီး ယခင်နှစ် ကာလတူထက် ၁၉.၃ ရာခိုင်နှုန်း ကျဆင်းခဲ့ကြောင်း သိရှိရပါ သည်။
ပြင်သစ်နိုင်ငံတကာ အနာဂတ်စာချုပ်ဈေးကွက် (MATIF)တွင် ဩဂုတ်လ ၁၇ ရက်နေ့၌ စက်တင်ဘာလအတွက် ဂျုံဈေးနှုန်းသည် ၀.၈၅ ရာခိုင်နှုန်း ကျဆင်းခဲ့ပြီး တစ်တန်လျှင် ၂၂၅.၂၅ ယူရိုသို့ ရောက်ရှိခဲ့ကာ နိုဝင်ဘာလအတွက် ပြောင်းဈေးနှုန်းမှာ ၁.၀၅ ရာခိုင်နှုန်း မြင့်တက်ခဲ့ပြီး တစ်တန်လျှင် ၂၅၄.၅၀ ယူရိုသို့ ရောက်ရှိခဲ့ကြောင်း၊ ဥရောပသမဂ္ဂ (EU) ၏ ပို့ကုန်နှေးကွေးနေ ခြင်းက ဥရောပဂျုံဈေးကွက်အပေါ် ဆက်လက်ဖိအားဖြစ်စေခဲ့ပြီး ၂၀၂၆-၂၀၂၇ ဈေးကွက်နှစ် စတင်ချိန်မှစ၍ EU သည် နူးညံသောဂျုံပျော့ (Soft wheat) တန်ချိန် ၁.၀၁ သန်းသာ တင်ပို့နိုင်ခဲ့ သဖြင့် ယခင်နှစ် ကာလတူထက် ၅၇ ရာခိုင်နှုန်း ကျဆင်းခဲ့ကြောင်း သိရှိရပါသည်။
Source: UkrAgroConsult, 18 August 2026(လယ်ယာထွက်ကုန်များနှင့် အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)