ပြည်ပကုန်သွယ်မှုသတင်းများ

               ရုရှားနိုင်ငံ၏ ကုန်သွယ်မှုပိုလျှံမှုသည် ၂၀၂၅ ခုနှစ် ဇန်နဝါရီလမှ သြဂုတ်လအတွင်းတွင် ယခင်နှစ်ကထက် ၁၄.၁၃ ရာခိုင်နှုန်း ကျုံ့သွားပြီး အမေရိကန်ဒေါ်လာ ၈၆.၃ ဘီလီယံသို့ ရောက်ရှိသွားကြောင်း ရုရှားနိုင်ငံ၏ Federal Customs Service မှ အောက်တိုဘာလ ၁၀ ရက်နေ့က ပြေားကြားခဲ့ပါသည်။

          အကောက်ခွန်ဌာန၏ စာရင်အချက်အလက်များအရ ရုရှားနိုင်ငံ၏ ၂၀၂၅ ခုနှစ် ဇန်နဝါရီလမှ သြဂုတ်လအတွင်း စုစုပေါင်း နိုင်ငံခြားကုန်သွယ်မှုတန်ဖိုးသည် အမေရိကန်ဒေါ်လာ ၄၄၂.၁ ဘီလီယံ ထိရှိပြီး ယခင်နှစ်အလားတူ ကာလနှင့်နှိုင်းယှဉ်ပါက ၃.၂ ရာခိုင်နှုန်း ကျဆင်းခဲ့ပါသည်။ အထူးသဖြင့် ပို့ကုန်သည် အမေရိကန်ဒေါ်လာ ၂၆၄.၂ ဘီလီယံ ထိ ရှိပြီး ၅.၂  ရာခိုင်နှုန်း ကျဆင်းခဲ့ကာ သွင်းကုန်သည် အမေရိကန်ဒေါ်လာ ၁၇၇.၉ ဘီလီယံ ထိရှိခဲ့ပြီး ၀.၁ ရာခိုင်နှုန်း ကျဆင်းခဲ့ကြောင်း  Federal Customs Service ဌာန၏ ထုတ်ပြန်ချက်တွင် ဖော်ပြထားပါသည်။

          ၂၀၂၄ ခုနှစ် ပထမ ၈ လ အတွင်း ရုရှားနိုင်ငံ၏ နိုင်ငံခြားကုန်သွယ်မှု အပိုငွေသည် အမေရိကန်ဒေါ်လာ ၁၀၅.၅ ဘီလီယံ ရှိခဲ့ပါသည်။ အာရှနိုင်ငံများသည် ၂၀၂၅ ခုနှစ် ဇန်နဝါရီလမှ သြဂုတ်လအထိ ရုရှား၏ စုစုပေါင်းနိုင်ငံခြားကုန်သွယ်မှုတန်ဖိုး ၇၂.၈ ရာခိုင်နှုန်းကို ပိုင်ဆိုင်ခဲ့ပါသည်။ ထိုနိုင်ငံများနှင့် ကုန်သွယ်မှုပမာဏသည် ၂၀၂၄ ခုနှစ်အလားတူကာလနှင့် နှိုင်းယှဉ်ပါက ၁.၆ ရာခိုင်နှုန်း ကျဆင်းခဲ့ပါသည်။ ဥရောပနိုင်ငံများသည်လည်း ရုရှား၏ နိုင်ငံခြားကုန်သွယ်မှု ၁၉ ရာခိုင်နှုန်း ပိုင်ဆိုင်ခဲ့ပြီး ကုန်သွယ်မှု ပမာဏသည် ၉ ရာခိုင်နှုန်း ကျဆင်းခဲ့ပါသည်။

Source : Xinhua 

DOCA (ရန်ကုန်)                                                                                

          ခေတ်မီနည်းပညာများကျွမ်းကျင်ရန်အားထုတ်မှုအနေဖြင့် ထိုင်းအစိုးရသည် လုပ်သား ၁၀၀၀၀၀ ၏ကျွမ်းကျင်မှုမြှင့်တင်ပေးရန် စီစဉ်နေကြောင်း သိရပါသည်။ ဘဏ္ဍာရေးဝန်ကြီး Ekniti Nitithanprapas ၏အဆိုအရ ရင်းနှီးမြှုပ်နှံသူများသည် ထိုင်းနိုင်ငံကကျွမ်းကျင်သည့် လုပ်သားနည်းပါးသည်ဟု ယူဆနေခြင်းက အဓိကပြသနာတစ်ရပ်ဖြစ်ကြောင်း သိရပါသည်။ ဝန်ကြီးက အစိုးရသည် ဘတ် ၁၀ ဘီလီယံဘက်ဂျက်ရှိသည့် Competitiveness Enhancement Fund ကို အသုံးပြု၍ လေ့ကျင့်ရေးပရိုဂရမ်များ အကောင်အထည်ဖော်သွားမည်ဖြစ်ကြောင်းနှင့် လေ့ကျင့်မှုသည် ဈေးကွက်လိုအပ်ချက်အပေါ် အခြေခံမည်ဖြစ်ကြောင်း ပြောကြားခဲ့ပါသည်။ ထိုင်းနိုင်ငံရင်းနှီးမြှုပ်နှံမှုဘုတ်အဖွဲ့သည် ဘဏ္ဍာငွေကို စီမံခန့်ခွဲမည်ဖြစ်ပြီး စီးပွားရေးလုပ်ငန်းများအား ၎င်းတို့လိုအပ်သည့် လုပ်သားကျွမ်းကျင်မှု အမျိုးအစားကိုဆုံးဖြတ်ရန်အတွက် ညှိနှိုင်း ဆွေးနွေးသွားမည်ဟု သိရပါသည်။ ဘုတ်အဖွဲ့သည် စံနှုန်းရှိသောလေ့ကျင့်‌ရေးပရိုဂရမ်များ ရေးဆွဲရန်အတွက် ပညာရေးအသင်းအဖွဲ့များနှင့် ပူးပေါင်းဆောင်ရွက်သွားမည်ဟု သိရပါသည်။ Mr Ekniti က ၎င်းတို့၏ရည်မှန်းချက်သည် ၄ လကျော်လေ့ကျင့်ခြင်းမှတစ်ဆင့် လုပ်သား ၁၀၀၀၀၀ ၏ကျွမ်းကျင်မှုကိုမြှင့်တင်ပေးပြီး စက်မှုလုပ်ငန်းကဏ္ဍများသို့ ဝင်ရောက်ကာ ရင်းနှီးမြှုပ်နှံသူများကြား လုပ်သားအရည်အသွေးပြသနာကို ဖြေရှင်းပေးရန်ဖြစ်ကြောင်း ပြောကြားခဲ့ပါသည်။ အစိုးရသည် SME လုပ်ငန်းများအား နည်းပညာသစ်များ အကျွမ်းတဝင်ရှိစေရေးကူညီပေးရန် အလိုရှိကြောင်း သိရပါသည်။ ဘုတ်အဖွဲ့သည် SME လုပ်ငန်းများက ၎င်းတို့၏လုပ်ငန်းများကို အသွင် ကူးပြောင်းရန်အတွက် အသေးစားလုပ်ငန်းများအတွက် ဘတ် သန်း ၂၀ အထက်နှင့် အလတ်စားလုပ်ငန်းများအတွက် ဘတ် သန်း ၅၀ အထက် ထောက်ပံ့ကြေးပရိုဂရမ် စီစဉ်ထားကြောင်း သိရပါသည်။ သို့သော် SME လုပ်ငန်းများအနေဖြင့် ထောက်ပံ့ကြေးလက်မခံမီ ၎င်းတို့၏ ရင်းနှီးမြှုပ်နှံမှု များပြီးမြောက်ထားရန်လိုအပ်ကြောင်း သိရပါသည်။ SME  လုပ်ငန်းများသည် ငွေပေါ်မလွယ်သည့် ပြသနာနှင့် မကြာခဏရင်ဆိုင်ရသောကြောင့် Mr Ekniti က ဘဏ္ဍာရေးအသင်းအဖွဲ့များအား SME လုပ်ငန်းများက အသွင်ကူးပြောင်းစဉ်အတွင်း ဘဏ္ဍာရေးပေါင်းကူးတံတားသဖွယ် ပံ့ပိုးပေးရန်တောင်းဆိုခဲ့ကြောင်း သိရပါသည်။

Bangkok Post                                                                           

DOCA (ရန်ကုန်)

             ဗီယက်နမ် စက်မှုနှင့်ကုန်သွယ်ရေးဝန်ကြီး Nguyen Hong Dien နှင့် စင်ကာပူ ကုန်သွယ်ရေးနှင့် စက်မှုဝန်ကြီးဌာနရှိ စွမ်းအင်၊သိပ္ပံနှင့် နည်းပညာတာဝန်ခံဝန်ကြီး Tan See Leng တို့သည် အဓိကဧရိယာများတွင် အထူးသဖြင့် စွမ်းအင်၊ စက်မှု၊ ကုန်သွယ်ရေးနှင့် သိပ္ပံနှင့်နည်း ပညာတို့တွင် ပူးပေါင်းဆောင်ရွက်မှု အကောင်အထည်ဖော်ရေး ဆက်လက်အနီးကပ်ပူးပေါင်း ဆောင်ရွက်သွားရန် သဘောတူညီခဲ့ကြကြောင်း သိရပါသည်။ ဝန်ကြီး ၂ ဦးသည် ၁၉ ကြိမ်မြောက် Vietnam-Singapore Connectivity Ministerial Meeting သို့ Tan ၏ တက်ရောက်မှုခရီးစဉ် တစ်စိတ်တစ်ပိုင်းအနေဖြင့် အောက်တိုဘာလ ၁၀ ရက်နေ့က ဟနွိုင်းမြို့တွင် ဆွေးနွေးခဲ့ခြင်း ဖြစ်ကြောင်း သိရပါသည်။ ၎င်းတို့က အပြန်အလှန်စီးပွားရေးနှင့် ကုန်သွယ်ရေးဆက်ဆံမှုသည် ဆက်လက်ကျယ်ပြန့်စွာနှင့် တည်ငြိမ်စွာဖွံ့ဖြိုးတိုးတက်နေပြီး နှစ်နိုင်ငံဆက်ဆံရေး၏ အဓိက ထောက်တိုင်ဖြစ်ကြောင်း မှတ်ချက်ပြုခဲ့ပါသည်။ အစည်းအဝေး၏ အဓိကရည်ရွယ်ချက်သည် ဗီယက်နမ်မှ စင်ကာပူသို့ ပြည့်ဖြိုးမြဲစွမ်းအင်တင်ပို့မည့်စီမံကိန်း အဆိုပြုချက်ဖြစ်ကြောင်း သိရပါသည်။ နှစ်ဖက်စလုံးသည် နှစ်နိုင်ငံအကြားတိုက်ရိုက်တင်ပို့ခြင်း သို့မဟုတ် တတိယနိုင်ငံမှတစ်ဆင့် သွယ်ဝိုက်တင်ပို့ခြင်းတို့အတွက် ရွေးချယ်စရာများကို ဆွေးနွေးခဲ့ကြောင်း သိရပါသည်။ ဗီယက်နမ် စိစစ်လျှက်ရှိသည့် Power Development Plan 8 သည် စီးပွားရေးစွမ်းရည်နှင့် စွမ်းအင်ဖူလုံရေး အတွက် စင်ကာပူ၊ မလေးရှားနှင့် အခြားမိတ်ဖက်များသို့ ၂၀၃၅ ခုနှစ်တွင် လျှပ်စစ် ၅ မှ ၁၀ ဂစ်ဂါ ဝပ်ထိ တင်ပို့ရန် ရည်ရွယ်ကြောင်း သိရပါသည်။ နှစ်ဖက်စလုံးသည် စီမံကိန်းအတွက် ဥပဒေ၊ ဘဏ္ဍာရေးနှင့် နည်းပညာမူဘောင်များ ဖွံဖြိုးတိုးတက်ရန်အတွက် နည်းပညာအဆင့်တွင် အနီးကပ် လုပ်ဆောင်သွား ရန် သဘောတူညီခဲ့ကြကြောင်း သိရပါသည်။ ဝန်ကြီး ၂ ဦးသည် အစိုးရ ၂ ခုအကြား ဆန်ကုန်သွယ်ရန်အတွက် MoU လက်မှတ်ရေးထိုးခဲ့ကြောင်း သိရပါသည်။ Dien က စင်ကာပူအား အခြားဗီယက်နမ်စိုက်ပျိုးမွေးမြူရေးထုတ်ကုန်များဖြစ်သည့် ပင်လယ်စာ၊ ကော်ဖီ၊ လက်ဖက်နှင့် လတ်ဆတ်သောသစ်သီးများတင်သွင်းမှုမြှင့်တင်ရန် တောင်းဆိုခဲ့ကြောင်း သိရပါ သည်။ ဝန်ကြီး ၂ ဦးသည် အီလတ်ထရောနစ်၊ ဆီမီးကွန်ဒတ်တာများ၊ စမတ်စွမ်းအင်နှင့် LNG တို့တွင် စက်မှုပူး‌ပေါင်းဆောင်ရွက်မှုမြှင့်တင်ရန်နှင့် e-commerce၊ SME ဖွံ့ဖြိုးတိုးတက်ရေး၊ ဒစ်ဂျစ်တယ်စီးပွားရေးနှင့် ဆန်းသစ်တီထွင်မှုတို့တွင် အတွေ့အကြုံများဝေမျှရန် သဘောတူညီခဲ့ ကြကြောင်း သိရပါသည်။ ဗီယက်နမ်သည် နိုင်ငံရှိ ဟာလာစက်မှုဥယာဉ်တည်ထောင်ရေးတွင် ပံ့ပိုးပေးရန်နှင့် ဗီယက်နမ်ကုန်ပစ္စည်းများဈေးကွက်လမ်းကြောင်းဝင်ရောက်မှုတိုးချဲ့ခြင်းတွင် ကူညီပေးရန် စင်ကာပူအားတောင်းဆိုခဲ့ကြောင်း သိရပါသည်။ Tan ကဗီယက်နမ်၏အဆိုပြုချက်များကို အားကောင်းစွာပံ့ပိုးပေးမည်ဖြစ်ကြောင်းနှင့် ဗီယက်နမ်နှင့် အနီးကပ်ဆက်လက်ပူးပေါင်း ဆောင်ရွက်ရန်အတွက် စင်ကာပူမှသက်ဆိုင်ရာအေဂျင်စီများအား ညွှန်ကြားသွားမည်ဖြစ်ကြောင်း ပြောကြားခဲ့ပါသည်။ ဗီယက်နမ်စက်မှုနှင့် ကုန်သွယ်ရေးဝန်ကြီးဌာန၏အဆိုအရ စင်ကာပူသည် အာဆီယံတွင် ဗီယက်နမ်၏ ၄ ခုမြောက်အကြီးမားဆုံးကုန်သွယ်ရေးမိတ်ဖက်ဖြစ်ကြောင်း သိရပါသည်။ ၂၀၂၅ ခုနှစ်၏ ပထမ ၉ လတွင် နှစ်နိုင်ငံအပြန်အလှန်ကုန်သွယ်မှုတန်ဖိုးမှာ အမေရိကန်‌ ဒေါ်လာ ၈.၈ ဘီလီယံ ရှိခဲ့ပြီး ၂၀၂၄ ခုနှစ်တူညီသည့်ကာလနှင့်နှိုင်းယှဉ်ပါက ၁၄.၁ ရာခိုင်နှုန်း မြင့်တက်ခဲ့ကြောင်း သိရပါသည်။ ဗီယက်နမ်မှစင်ကာပူသို့ အမေရိကန်ဒေါ်လာ ၄.၃၄ ဘီလီယံ တန်ဖိုးတင်ပို့ခဲ့ပြီး အမေရိကန်ဒေါ်လာ ၄.၄၆ ဘီလီယံတန်ဖိုးပြန်လည်တင်သွင်းခဲ့ကြောင်း သိရပါသည်။

Vietnam Plus                                                                            

DOCA (ရန်ကုန်)

          ဗီယက်နမ်-ကျူးဘားကုန်သွယ်ရေးသဘောတူညီချက်ပူးတွဲကော်မတီအောက်တွင် ဗီယက်နမ် ဆပ်ကော်မတီတည်ထောင်သည့် ဆုံးဖြတ်ချက်ကို ဒုတိယဝန်ကြီးချုပ် Bui Thanh Son က အောက်တိုဘာလ ၉ ရက်နေ့က လက်မှတ်ရေးထိုးခဲ့ကြောင်း သိရပါသည်။ ဆပ်ကော်မတီကို စက်မှုနှင့်ကုန်သွယ်ရေးဝန်ကြီးဌာနက ဒုတိယဝန်ကြီးက ဥက္ကဌအနေဖြင့်တာဝန်ယူမည်ဖြစ်ပြီး အဖွဲ့ဝင်များတွင် စက်မှုနှင့်ကုန်သွယ်ရေးဝန်ကြီးဌာန၊ နိုင်ငံခြားရေးရာဝန်ကြီးဌာန၊ ဆောက်လုပ်ရေးဝန်ကြီးဌာန၊ ဘဏ္ဍာရေးဝန်ကြီးဌာန၊ စိုက်ပျိုးမွေးမြူရေးနှင့် သဘာဝပတ်ဝန်းကျင်ဝန်ကြီးဌာန၊ သိပ္ပံနှင့် နည်းပညာဝန်ကြီးဌာနနှင့် ဗီယက်နမ်နိုင်ငံဗဟိုဘဏ်တို့မှ ဦးစီးဌာနအဆင့် တာဝန်ရှိသူများပါဝင်ကြောင်း သိရပါသည်။ စက်မှုနှင့်ကုန်သွယ်ရေးဝန်ကြီးဌာနက အဓိက မဏ္ဍိုင်ဌာနအနေဖြင့် တာဝန်ယူထားပြီး ဆပ်ကော်မတီရုံးချုပ်သည် ဝန်ကြီးဌာနတွင် တည်ရှိကြောင်း သိရပါသည်။

          ဗီယက်နမ်နှင့်ကျူးဘားတို့သည် ဆယ်စုနှစ်ချီ ကုန်သွယ်ရေးဆက်ဆံမှုရှိပြီး နှစ်စဉ် အပြန်အလှန် ကုန်သွယ်မှုတန်ဖိုး အမေရိကန်ဒေါ်လာ သန်း ၁၀၀ ကျော်ရှိကာ ဗီယက်နမ် သည်ကျူးဘား၏ အာဆီယံတွင်ဒုတိယအကြီးမားဆုံး ကုန်သွယ်ဖက်နိုင်ငံဖြစ်ကြောင်း သိရပါသည်။ ၂၀၂၄ ခုနှစ်တွင် အပြန်အလှန်ကုန်သွယ်မှုတန်ဖိုးမှာ အမေရိကန်ဒေါ်လာ ၁၃၄.၇ သန်းရှိပြီး ဗီယက်နမ်က အမေရိကန်ဒေါ်လာ ၁၃၃.၃၆ သန်းတန်ဖိုးတင်ပို့ပြီး အမေရိကန်ဒေါ်လာ ၁.၃၃ သန်းတန်ဖိုး ပြန်လည်တင်သွင်းကြောင်း သိရပါသည်။ အဓိကဗီယက်နမ်ပို့ကုန်များတွင် ဆန်၊ အီလတ်ထရော နစ်၊ အဝတ်အထည်၊ ဖိနပ်၊ အလှကုန်ပစ္စည်းများ၊ ဆောက်လုပ်ရေး လုပ်ငန်းသုံးပစ္စည်းများ၊ အိမ်သုံး ကုန်ပစ္စည်းများ၊ စာရေးကိရိယာများ၊ ဓာတ်မြေဩဇာများနှင့် ဆေးဘက်ဆိုင်ရာပစ္စည်းမျာပါဝင်ကြောင်း သိရပါသည်။ ကျူးဘား၏ အစားအစာဖူလုံရေးအတွက် အရေးအကြီးဆုံး အရာဖြစ်သည့် ဆန်သည်ဗျူဟာမြောက်အဓိကပို့ကုန်ဖြစ်ပြီး ဘိလပ်မြေ၊ စတီးလ်နှင့် အဝတ်အထည်ဝယ်လိုအားမှာလည်း ကြီးထွားလျှက်ရှိကြောင်း သိရပါသည်။ တစ်ချိန်တည်းမှာပင် ကျူးဘားသည် ဆေးဝါးများ၊ ကာကွယ်ဆေးများ၊ activated carbon နှင့် ရမ်တို့ကို ဗီယက်နမ်သို့တင်ပို့ကြောင်း သိရပါသည်။ ကျူဘား၏အဆင့်မြင့် ဘိုင်အိုနည်းပညာနှင့် ဆေးဝါးကဏ္ဍတို့သည် ဆွဲဆောင်မှု အားကောင်းနေပြီး ဗီယက်နမ်တွင် ကျယ်ပြန့်စွာအသုံးပြုနေကြောင်း သိရပါသည်။ ဗီယက်နမ် သည် ကျူဘား၏အကြီးမားဆုံးအာရှ ရင်းနှီးမြှုပ်နှံသူအဖြစ်ရပ်တည်နေပြီး နှစ်နိုင်ငံအကြားများစွာသော ကုန်သွယ်ရေးသဘောတူညီချက်များ လက်မှတ်ရေးထိုးထားကြောင်း သိရပါသည်။

Vietnam Plus                                                                            

DOCA (ရန်ကုန်)

          ၂၀၂၅ ခုနှစ်တွင် ဗီယက်နမ်၏ စုစုပေါင်း ပို့ကုန်-သွင်းကုန်တန်ဖိုးသည် မှတ်တိုင်သစ်ဖြစ်သည့် အမေရိကန်ဒေါ်လာ ၉၀၀ ဘီလီယံပတ်လည်ရောက်ရှိရန်ခန့်မှန်းရကြောင်း ဟနွိုင်းမြို့တွင် အောက်တိုဘာလ ၈ ရက်နေ့ကကျင်းပခဲ့သည့် သတင်းစာရှင်းလင်းပွဲအရ သိရပါသည်။ ၂၀၂၅ ခုနှစ် ၏ ပထမ ၉ လတာကာလတွင် ဗီယက်နမ်၏ စုစုပေါင်းကုန်သွယ်မှုတန်ဖိုးမှာ အမေရိကန်ဒေါ်လာ ၆၈၀.၆ ဘီလီယံထိရောက်ရှိခဲ့ပြီး ၂၀၂၄ ခုနှစ်တူညီသည့်ကာလနှင့် နှိုင်းယှဉ်ပါက ၁၇.၃ ရာခိုင်နှုန်း မြင့်တက်ခဲ့ကြောင်း သိရပါသည်။ စီမံကိန်း၊ ဘဏ္ဍာရေးနှင့် လုပ်ငန်းစီမံခန့်ခွဲရေးဦးစီးဌာန၏ အထွေထွေညွှန်ကြားရေးမှူး Bui Huy Son က ယခုနှစ် တတိယ ၃ လပတ်ကာလတင်ပို့မှုမှာ အမေရိကန်ဒေါ်လာ ၁၂၈.၅၇ ဘီလီယံတန်ဖိုးရှိပြီး ဒုတိယ ၃ လပတ်ကာလနှင့်နှိုင်းယှဉ်ပါက ၉.၆ ရာခိုင်နှုန်းနှင့် ၂၀၂၄ ခုနှစ်တူညီသည့်ကာလနှင့်နှိုင်းယှဉ်ပါက ၁၈.၄ ရာခိုင်နှုန်းမြင့်တက်ခဲ့ကြောင်း သိရပါသည်။ ယခုနှစ်ပထမ ၉ လတာကာလတွင် စုစုပေါင်းပို့ကုန်ဝင်ငွေရရှိမှုမှာ အမေရိကန် ဒေါ်လာ ၃၄၈.၇၄ ဘီလီယံတန်ဖိုးရှိပြီး ၂၀၂၄ ခုနှစ်တူညီသည့်ကာလနှင့်နှိုင်းယှဉ်ပါက ၁၆ ရာခိုင်နှုန်းမြင့်တက်ခဲ့ကြောင်း သိရပါသည်။ ထိုဇန်နဝါရီလမှ စက်တင်ဘာလကြားကာလတွင် ပို့ကုန်အမျိုးအစား ၃၂ ခုမှ ဝင်ငွေ အမေရိကန်ဒေါ်လာ ၁ ဘီလီယံကျော်အသီးသီးရရှိခဲ့ပြီး ၇ ခုမှ ဝင်ငွေ အမေရိကန်ဒေါ်လာ ၁၀ ဘီလီယံကျော်အသီးသီးရရှိခဲ့ကြောင်း သိရပါသည်။ အမေရိကန်၊ တရုတ်၊ ဥရောပသမဂ္ဂ၊ အာဆီယံနှင့် ဂျပန်တို့မှာ ဗီယက်နမ်ကုန်ပစ္စည်းများအား အဓိကတင်သွင်း သူများဖြစ်ကြောင်း သိရပါသည်။ ပြုပြင်ထုတ်လုပ်ထားသည့်စက်မှုကဏ္ဍမှာ အမေရိကန်ဒေါ်လာ ၂၉၇.၂ ဘီလီယံဖြင့် ဗီယက်နမ်၏အကြီးမားဆုံးပို့ကုန်ဝင်ငွေရရှိသည့်ကဏ္ဍဖြစ်ကြောင်း သိရပါသည်။  တစ်ချိန်တည်းမှာပင် ဗီယက်နမ်သည် ယခုနှစ်၏ ပထမ ၉ လတာကာလတွင် အမေရိကန် ဒေါ်လာ ၃၃၂ ဘီလီယံနီးပါးတင်သွင်းခဲ့ပြီး ၂၀၂၄ ခုနှစ်တူညီသည့်ကာလနှင့် နှိုင်းယှဉ်ပါက ၁၈.၈ ရာခိုင်နှုန်းမြင့်တက်ခဲ့ကြောင်း သိရပါသည်။ ပြည်တွင်းကဏ္ဍက အမေရိကန်ဒေါ်လာ ၁၀၅.၆၇ ဘီလီယံတန်ဖိုးတင်သွင်းခဲ့ပြီး နိုင်ငံခြားရင်းနှီးမြှုပ်နှံမှုကဏ္ဍက အမေရိကန်‌ဒေါ်လာ ၂၂၆.၂၅ ဘီလီယံတန်ဖိုးတင်သွင်းခဲ့ကြောင်း သိရပါသည်။ တရုတ်နိုင်ငံသည် အမေရိကန်ဒေါ်လာ ၁၃၄.၄ ဘီလီယံဖြင့် အကြီးမားဆုံးရောင်းချသူဖြစ်ပြီး ၎င်း၏နောက်တွင် တောင်ကိုရီးယားကအမေရိကန် ဒေါ်လာ ၄၄.၄ ဘီလီယံ၊ အာဆီယံက အမေရိကန်ဒေါ်လာ ၃၉.၁ ဘီလီယံ၊ ဂျပန်က အမေရိကန် ဒေါ်လာ ၁၈.၂ ဘီလီယံနှင့် အမေရိကန်ကအမေရိကန်ဒေါ်လာ ၁၃.၇ ဘီလီယံဖြင့် အသီးသီးရပ်တည်နေကြောင်း သိရပါသည်။

Vietnam Plus

DOCA (ရန်ကုန်)