ပြည်ပကုန်သွယ်မှုသတင်းများ

            နိုဝင်ဘာလ ၁၃ ရက်နေ့ကကျင်းပခဲ့သည့်အလုပ်ရုံဆွေးနွေးပွဲတွင် ပါဝင်သူများသည် ဥရောပသမဂ္ဂသို့တင်ပို့သည့်အခါ ပမာဏများပြားစွာတင်ပို့ခြင်းမှ  တန်ဖိုးမြှင့်ထုတ်ကုန်များတင်ပို့ မှုကို အသွင်ကူးပြောင်းရန် သဘောတူညီခဲ့ကြကြောင်း သိရပါသည်။ ထိုဆွေးနွေးပွဲအခမ်းအနား ကို နိုင်ငံခြားရေးရာဝန်ကြီးဌာနကကြီးမှူးကျင်းပခဲ့ပြီး တက်ရောက်သူဦးရေ ၂၀၀ ကျော်ရှိခဲ့ ကြောင်း သိရပါသည်။ ဒုတိယနိုင်ငံခြားရေးရာဝန်ကြီး Le Thi Thu Hang က ဥရောပသမဂ္ဂနှင့် အားကောင်း သောသံတမန်ရေး၊ နိုင်ငံရေးချိတ်ဆက်မှုနှင့် ဥရောပသမဂ္ဂ-ဗီယက်နမ်လွတ်လပ် သောကုန်သွယ် ရေးသဘောတူညီချက်တို့သည် ကမ္ဘာလုံးဆိုင်ရာကုန်သွယ်ရေးယှဉ်ပြိုင်မှု ပြင်းထန်နေချိန်အကြား တွင် ဗီယက်နမ်အား ဥရောပသမဂ္ဂဈေးကွက်သို့ဝင်ရောက်ရန်အတွက် အရေးပါသောခြေလှမ်းများ ကိုပံ့ပိုးပေးကြောင်း ပြောကြားခဲ့ပါသည်။ ဗီယက်နမ်သည် ကော်ဖီ၊ သီဟိုဠ်စေ့များ၊ ငရုတ်ကောင်း၊ ဆန်၊ ငါးထုတ်ကုန်များနှင့် သစ်သီးများတင်ပို့သည့် ထိပ်တန်းနိုင်ငံ များထဲမှ တစ်ခုဖြစ်သော်လည်း စိုက်ပျိုးမွေးမြူရေး-သစ်တော-ရေထွက်ကုန်များအတွက် ကမ္ဘာ့ တတိယအကြီးမားဆုံးဈေးကွက် ဖြစ်သည့် ဥရောပသမဂ္ဂဈေးကွက်တွင် ဈေးကွက်ဝေစုမှာ ၃ ရာခိုင်နှုန်းပတ်လည်သာရှိကြောင်း သိရပါသည်။ Hang က ဥရောပသမဂ္ဂသည် အစိမ်းရောင် စံနှုန်းများ၊ သဘာဝပတ်ဝန်းကျင် ကာကွယ်မှုနှင့် တရားမဝင်၊ အစီရင်မခံ၊ စည်းမျဉ်းနှင့် မညီ သည့်ငါးဖမ်းခြင်းတို့အပေါ်စည်းမျဉ်းများ တင်းကျပ်လာမှုကြောင့် ဆွေးနွေးပွဲတက်ရောက်သူများ အား ဥရောပသမဂ္ဂသို့တင်ပို့မှုမြင့်တက်ရန် အတွက် အားကောင်းသောစံမံချက်များကို ဆွေးနွေး ရန် တောင်းဆိုခဲ့ကြောင်း သိရပါသည်။ ပြည်တွင်းအာဏာပိုင် အသင်းများမှတာဝန်ရှိသူများ ကလည်း ဥရောပသမဂ္ဂ၏တင်းကျပ်သော စံနှုန်းများနှင့်ကိုက်ညီမှု၊ နိုင်ငံတော်အမှတ်တံဆိပ် မြှင့်တင်မှုနှင့် ဥရောပစားသုံးသူများ၏ဦးစားပေး မှုနှင့်ကိုက်ညီသည့် စိမ်းလန်းပြီးသန့်စင်သော ထုတ်ကုန်များထုတ်လုပ်မှုတို့၏ အရေးပါမှုကို အသား ပေးပြောကြားခဲ့ကြောင်း သိရပါသည်။ ၎င်းတို့က ဥရောပသမဂ္ဂဈေးကွက်သည် သိသာထင်ရှား သောအလားအလာကို ပိုင်ဆိုင်ထား သော်လည်း များစွာသောဗီယက်နမ်လုပ်ငန်းများသည် ၎င်းတို့၏ နည်းစနစ်နှင့် စဉ်ဆက်မပြတ်လို အပ်ချက်များနှင့် ကိုက်ညီနိုင်စွမ်းကင်းမဲ့နေကြောင်း မှတ်ချက် ပြုခဲ့ကြောင်း သိရပါသည်။ Hang က နိုင်ငံခြားရေးဝန်ကြီးဌာနသည် ဥရောပသမဂ္ဂဈေးကွက်သို့ ပိုမို ဝင်ရောက်နိုင်ရန်အတွက်ဒေသခံများ၊အသင်းများနှင့်စီးပွားရေးလုပ်ငန်းများကို ဆက်လက်ပံ့ပိုးသွားမည်ဖြစ်ပြီး အတားအဆီးများဖယ်ရှားပြီး အခွင့်အလမ်းများတိုးမြှင့်ရရှိရန်အတွက် သက်ဆိုင်ရာ ဥရောပသမဂ္ဂအာဏာပိုင် များနှင့် ဆွေးနွေးမှုများပြုလုပ်သွားမည်ဟု ပြောကြားခဲ့ပါသည်။ ထို့ပြင် Hnag က ဗီယက်နမ်၏ နိုင်ငံခြားစီးပွားရေးတာဝန်ရှိသူများကို စီးပွားရေးလုပ်ငန်းများအား ဥရောပသမဂ္ဂ စည်းမျဉ်းများ နှင့်ဈေးကွက်ဝယ်လိုအားကို အချိန်မီသတင်းအချက်အလက်ပေးခြင်း၊ ထုတ်ကုန်အရောင်းမြှင့်တင် ခြင်းများပြုလုပ်ခြင်းနှင့် နိုင်ငံရပ်ခြားရှိ ဗီယက်နမ်၏ကွန်ယက်များနှင့် ဖြန့်ဖြူးရေးလမ်းကြောင်း များကို ခြေကုပ်ယူဆောင်ရွက်ခြင်းတို့ဖြင့် ပံ့ပိုးပေးရန်တောင်းဆိုခဲ့ ကြောင်း သိရပါသည်။

DOCA(ရန်ကုန်)

       အစားအစာ၊ အဖျော်ယမကာနှင့် မြင့်မားသောအလားအလာရှိသည့် ဟာလာဈေးကွက်တို့ တွင် ဗီယက်နမ်နှင့် အင်ဒိုနီးရှားလုပ်ငန်းများအကြား ပူးပေါင်းဆောင်ရွက်မှုအားကောင်းရန် ရည်ရွယ်၍ စီးပွားရေးချိတ်ဆက်မှုဖိုရမ်ကို အင်ဒိုနီးရှားနိုင်ငံ ဂျကာတာမြို့တွင် နိုဝင်ဘာလ ၁၃ ရက်နေ့က ကျင်းပပြုလုပ်ခဲ့ပါသည်။ ဟိုချီမင်းမြို့တော်ရင်းနှီးမြှုပ်နှံမှုနှင့် ကုန်သွယ်မှုမြှင့်တင်ရေး စင်တာ၏ ဒုတိယညွှန်ကြားရေးမှူး Ho Thi Quyen နှင့် အင်ဒိုနီးရှားနိုင်ငံဆိုင်ရာ ဗီယက်နမ် ကုန်သွယ်ရေးအတိုင်ပင်ခံပုဂ္ဂိုလ် Pham The Cuong က အင်ဒိုနီးရှား၏ဈေးကွက်အလားအလာ ကို အသားပေးပြောကြားခဲ့ကြောင်း သိရပါသည်။ လူဦးရေးသန်း ၃၀၀ နီးပါးရှိပြီး အများစုက မူစလင်များဖြစ်နေခြင်းနှင့်အတူ အင်ဒိုနီးရှားသည် ဗီယက်နမ်စိုက်ပျိုးရေးထုတ်ကုန်များ၊ ပြုပြင် ထားသည့် အစားအစာများနှင့် ဟာလာအသိအမှတ်ပြုထုတ်ကုန်များအတွက် အာမခံချက်ရှိသည့် ဈေးကွက် တစ်ခုဖြစ်ကြောင်း သိရပါသည်။ တိုက်ရိုက်စီးပွားရေးချိတ်ဆက်ဆောင်ရွက်မှုများသည် ဗီယက်နမ် လုပ်ငန်းများအား ၎င်းတို့၏တည်ရှိမှုကိုတိုးချဲ့ရန်၊ အမှတ်တံဆိပ်မြှင့်တင်မှုအား ကောင်းရန်နှင့် အင်ဒိုနီးရှားဖြန့်ဖြူးရေးစနစ်များနှင့် ပိုမိုကောင်းမွန်စွာချိတ်ဆက်ရန် ကူညီပေးနိုင် မည်ဟု သိရပါသည်။ အင်ဒိုနီးရှားနိုင်ငံကုန်သည်များနှင့် စက်မှုလုပ်ငန်းရှင်များအသင်းချုပ်မှ Damayan Siahaan က အင်ဒိုနီးရှားနှင့် ဗီယက်နမ်တို့သည့် တူညီသောထုတ်ကုန်များနှင့် သဘာဝအရင်းအမြစ်များရှိ ကြသော်လည်း ထိုတူညီမှုများသည် ယှဉ်ပြိုင်မှုထက် ပူးပေါင်း ဆောင်ရွက်ရန်အတွက် အခြေခံ အုတ်မြစ်ကိုတည်ဆောက်ပေးနိုင်ကြောင်းနှင့် အကယ်၍နှစ်နိုင်ငံ သည် ချိတ်ဆက်မှုများမြှင့်တင်ပြီး တတိယဈေးကွက်များသို့ ပူးတွဲတင်ပို့မှုများပြုလုပ်ပါက လတ်တလောအပြန်အလှန်ကုန်သွယ်ရေး အမေရိကန်ဒေါ်လာ ၁၆ ဘီလီယံနီးပါးသည် သိသာစွာ မြင့်တက်နိုင်ကြောင်း ပြောကြားခဲ့ပါသည်။ ဖိုရမ်အတွင်း နှစ်နိုင်ငံစလုံးမှစီးပွားရေးလုပ်ငန်းများ သည် ထုတ်ကုန်များပြသခြင်းနှင့် ဖြန့်ဖြူးရေး ကွန်ယက်များရှာဖွေခြင်းတို့ဆောင်ရွက်ခဲ့ကြောင်း သိရပါသည်။ အသင့်စားဗီယက်နမ်ရိုးရာ ခေါက်ဆွဲ၊ ကော်ဖီ၊ ချောကလက်နှင့်နည်းပညာမြင့် သစ်သီခြောက်များအစရှိသည့် ဗီယက်နမ် ထုတ်ကုန်များကို အင်ဒိုနီးရှားလုပ်ငန်းများက စိတ်ဝင်စားမှု အားကောင်းခဲ့ကြောင်း သိရပါသည်။

DOCA(ရန်ကုန်)

            ကမ္ဘောဒီးယားနိုင်ငံ၊ အထက်လွှတ်တော်ဥက္ကဋ္ဌ Hun Sun က ဩစတြီးယားနိုင်ငံနှင့် နှစ်နိုင်ငံအပြန်အလှန်တိုးတက်မှုရရှိရန်အတွက် ကုန်သွယ်ရေး၊ စီးပွားရေးနှင့် ရင်းနှီးမြှုပ်နှံမှု တို့တွင် ပူးပေါင်းဆောင်ရွက်မှုကို အားကောင်းစေရန် တောင်းဆိုခဲ့ပြီး ဩစတြီးယား ရင်းနှီးမြှုပ်နှံသူ ကိုယ်စားလှယ်အဖွဲ့သည် အလားအလာရှိသော ရင်းနှီးမြှုပ်နှံမှု အခွင့်အလမ်း များကို ရှာဖွေရန် ၂၀၂၅ ခုနှစ်၊ ဒီဇင်ဘာလတွင် နိုင်ငံတော်သို့ လာရောက် လည်ပတ်မည်ဟု ကမ္ဘောဒီးယားနိုင်ငံဆိုင်ရာ ဩစတြီးယားသံအမတ်ကြီး Wehelm Maximilian Donko ကမှတ်ချက်စကားပြောကြားခဲ့သည်။ အထက်လွှတ်တော်ဥက္ကဋ္ဌ၏ ပြောရေးဆိုခွင့်ရှိသူ Chea Thyrith က Hun Sun သည်ကမ္ဘောဒီးယားနိုင်ငံရှိ သံအမတ်ကြီး Donko ၏ သံတမန်ရေးရာ ခရီးစဉ်အတွင်း ကြိုးပမ်းအားထုတ်မှုများကို ကျေးဇူးတင်ကြောင်း နှင့် သံအမတ်ကြီး၏ လုပ်ငန်းများသည် နှစ်နိုင်ငံအကြား နှစ်နိုင်ငံဆက်ဆံရေးကို ခိုင်မာစေရန် သိသိသာသာ အထောက်အကူပြုခဲ့ကြောင်း ပြောကြားခဲ့သည်။ သံအမတ်ကြီး Donko သည် ကမ္ဘောဒီးယားနှင့် ဩစတြီးယားအကြား ရေရှည်ဆက်ဆံရေးကို အလေးပေးပြောကြားခဲ့ပြီး နှစ်စဉ်တိုးတက်မှုနှင့် အထပ်မြင့်အဆောက်အအုံများကဲ့သို့သော ခေတ်မီအခြေခံ အဆောက်အအုံများ တိုးတက်လာမှုအပါအဝင်ကမ္ဘောဒီးယား၏ အလျင်အမြန် ဖွံ့ဖြိုးတိုး တက်မှုကိုလည်း ချီးကျူးဂုဏ်ပြုခဲ့သည်။ သံအမတ်ကြီးက နှစ်နိုင်ငံအကြား ကုန်သွယ်ရေးဆက်ဆံရေး ဆက်လက်တိုးတက်နေမည်ဟု မျှော်လင့်ကြောင်းဖော်ပြခဲ့ပြီး အထူးသဖြင့် ဩစတြီးယား ရင်းနှီးမြှုပ်နှံသူများသည် ရင်းနှီးမြှုပ်နှံမှု အခွင့်အလမ်းများကို ရှာဖွေရန် လာရောက်ကြမည်ဖြစ်ကြောင်း ထပ်လောင်းပြောကြားခဲ့သည်။ Hun Sun က အနာဂတ် မိတ်ဖက်ဆက်ဆံရေးအတွက် အခွင့်အရေးများကိုရှာဖွေရန် နှစ်နိုင်ငံ နိုင်ငံခြားရေး ဝန်ကြီးဌာနများအကြား ပူးပေါင်းဆောင်ရွက်မှုတိုးမြှင့်ခြင်းဖြင့် ပိုမိုကျယ်ပြန့်သော မူဘောင်အတွင်း ပိုမိုခိုင်မာသော နိုင်ငံရေးပူးပေါင်းဆောင်ရွက်မှုကို မြင်တွေ့လိုကြောင်း အလေးပေးပြောကြားခဲ့သည်။

DOCA(ရန်ကုန်)

              ကမ္ဘောဒီးယားနိုင်ငံသည် ၂၀၂၅ ခုနှစ်၊ ဇန်နဝါရီလမှ အောက်တိုဘာလအတွင်း ဒေသတွင်း ဘက်စုံစီးပွားရေးမိတ်ဖက်အဖွဲ့ (RCEP) နိုင်ငံများသို့ အမေရိကန်ဒေါ်လာ ၈,၁၄၆ သန်း တန်ဖိုးရှိ ကုန်ပစ္စည်းများ တင်ပို့ခဲ့ပြီး ၂၀၂၄ ခုနှစ်ကာလတူက အမေရိကန်ဒေါ်လာ ၇,၄၀၂ သန်းထက် ၁၀ ရာခိုင်နှုန်း မြင့်တက်လာခဲ့ကြောင်း ၁၉-၁၁-၂၀၂၅ ရက်နေ့က ထုတ်ပြန် ခဲ့သော စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၏ အစီရင်ခံစာတွင် ဖော်ပြထား သည်။ ထိုကာလအတွင်း ကမ္ဘောဒီးယားနိုင်ငံ၏ စုစုပေါင်း ပို့ကုန်သည်အမေရိကန်ဒေါ်လာ ၂၅,၉၀၂ သန်း (၃၁.၄၅ ရာခိုင်နှုန်း) ရရှိကြောင်းအစီရင်ခံစာတွင် ဖော်ပြထားသည်။ ထိုကာလအတွင်း RCEP နိုင်ငံများမှ အမေရိကန်ဒေါ်လာ ၂၄,၇၈၄ သန်းတန်ဖိုးရှိ ကုန်ပစ္စည်းများကို တင်သွင်းခဲ့ပြီး ယမန်နှစ်ကာလ တူက အမေရိကန်ဒေါ်လာ ၂၀,၉၁၀ သန်းထက် ၁၈.၅၃ ရာခိုင်နှုန်း မြင့်တက်လာခဲ့သည်။ ယင်းကိန်းဂဏန်းများကြောင့် နိုင်ငံ၏ စုစုပေါင်း နိုင်ငံတကာကုန်သွယ်မှု အမေရိကန်ဒေါ်လာ ၅၃,၅၈၇ သန်း၏ ၆၁.၄၅ ရာခိုင်နှုန်း ရှိလာခဲ့သည်။ စီးပွားရေးနှင့်ကူးသန်း ရောင်းဝယ်ရေးဝန်ကြီးဌာန၏ ပြောရေးဆိုခွင့်ရှိသူ Penn Sovicheat ၏အဆိုအရ RCEP ကုန်သွယ်ရေး သဘောတူညီချက်သည် ပို့ကုန်များအတွက် ကြီးမားသောဈေးကွက်များဖြင့် ကမ္ဘောဒီးယားအား အကျိုးပြုခဲ့ပြီး ရင်းနှီးမြှုပ်နှံသူများကို ဆွဲဆောင်ရာတွင် အထောက်အကူပြုသည့်အခန်းကဏ္ဍမှ ပါဝင်ခဲ့သည်။ လက်ရှိတွင် ဝန်ကြီးဌာနသည် ပို့ကုန်များအတွက် ဒေသတွင်းထုတ်ကုန်များသို့ ဈေးကွက်ဝင်ရောက်ခွင့်ကို တိုးချဲ့ရန်အတွက် အဓိကကုန်သွယ်ရေးမိတ်ဖက်များနှင့် လွတ်လပ်စွာ ကုန်သွယ်ရေးသဘော တူညီချက်များ ပိုမိုဖန်တီးရန် လုပ်ဆောင်နေကြောင်း ထပ်လောင်းပြော ကြားခဲ့သည်။ ပို့ကုန်များကို မြှင့်တင်ရန်အတွက် နှစ်နိုင်ငံ FTA များနှင့် RCEP ကဲ့သို့သော လွတ်လပ်သော ကုန်သွယ်ရေးသဘောတူညီချက်များကို အပြည့်အဝအသုံးချရန် ဝန်ကြီးဌာန အနေဖြင့် ပုဂ္ဂလိက ကဏ္ဍများကို အားပေးလျက်ရှိကြောင်း Sovicheat ကပြောကြားခဲ့သည်။

DOCA(ရန်ကုန်)

တရုတ်လျှပ်စစ်မော်တော်ယာဥ်ထုတ်လုပ်သူ XPENG ၏ မိတ်ဖက်ဖြစ်သည့် XPENG AEROHT က အနာဂတ်မျိုးဆက်သယ်ယူပို့ဆောင်ရေးလုပ်ငန်း၏ စီးပွားဖြစ်လုပ်ကိုင်နိုင်မှုမှတ်တိုင်တစ်ခုအဖြစ် မိုးပျံကား အမြောက်အမြားထုတ်လုပ်ရန်အတွက် ကမ္ဘာ့ပထမဆုံးသောဉာဏ်ရည်တုနည်းပညာစက်ရုံ၌ နိုဝင်ဘာ ၃ ရက်က စမ်းသပ်ထုတ်လုပ်မှု စတင်ခဲ့ကြောင်း သိရသည်။တရုတ်နိုင်ငံ တောင်ပိုင်း ကွမ်တုန်းပြည်နယ် ကွမ်ကျိုးမြို့ ဟွမ်ဖူခရိုင်တွင် တည်ရှိပြီး စတုရန်းမီတာ ၁၂၀,၀၀၀ ကျယ်ဝန်းသည့် အဆိုပါစက်ရုံတွင် ၎င်း၏ ပထမဆုံး ဖြုတ်နိုင်တပ်နိုင်သော လျှပ်စစ်မိုးပျံယာဥ် “Land Aircraft Carrier” ကို ထုတ်လုပ်ခဲ့ပြီးဖြစ်သည်။

စက်ရုံအ‌ဆောက်အအုံကို နှစ်စဉ်ဖြုတ်တပ်နိုင်သောမိုးပျံယာဥ်အစိတ်အပိုင်း ပမာဏ ၁၀,၀၀၀ ထုတ်လုပ်နိုင်ရန် ဒီဇိုင်းဆွဲပုံစံထုတ်ထားပြီး ကနဦးတွင် အစင်းရေ ၅,၀၀၀ ထုတ်လုပ်မည်ဖြစ်သည်။ အဆိုပါ စက်ရုံသည် ၎င်းအမျိုးအစား စက်ရုံများအနက် ထုတ်လုပ်နိုင်မှုပမာဏအကြီးမားဆုံးဖြစ်ပြီး လုပ်ငန်း အပြည့်အဝလည်ပတ်ချိန်တွင် မိနစ် ၃၀ လျှင် မိုးပျံယာဥ်တစ်စင်း တပ်ဆင်ထုတ်လုပ်နိုင်မည်ဖြစ်ကြောင်း သိရသည်။

ထုတ်ကုန်မိတ်ဆက်မှုပြီးနောက် XPENG AEROHT သည် မိုးပျံကား အစီးရေ ၅,၀၀၀ နီးပါး မှာယူမှု လက်ခံရရှိထားပြီး ၂၀၂၆ ခုနှစ်တွင် အများအပြားထုတ်လုပ်၊ ပို့ဆောင်ရန် စီစဥ်ထားကြောင်း ကုမ္ပဏီက ပြောကြားခဲ့သည်။

မိုးပျံကား၌ အဓိကယာဥ် (mothership) အတွက် ရည်ညွှန်းသည့် မြေပြင်သုံး ဘီးခြောက်ဘီးနှင့် ဖြုတ်တပ်နိုင်သော ဒေါင်လိုက်အတက်အဆင်းပြုလုပ်နိုင်သည့် eVTOL လျှပ်စစ်မိုးပျံယာဥ် ဖွဲ့စည်းပါဝင် သည်။

eVTOL မိုးပျံယာဥ်သည် အလိုအလျောက်နှင့် ကိုယ်တိုင်ထိန်းချုပ်မောင်းနှင်နိုင်သည့် ပျံသန်းမှု နည်းလမ်း နှစ်ခုလုံး လုပ်ဆောင်နိုင်ပြီး အလိုအလျောက်နည်းလမ်းတွင် စမတ်လမ်းကြောင်းသတ်မှတ် ရွေးချယ်ခြင်းပါရှိပြီး ပျံတက်မှုနှင့် ဆင်းသက်မှုကို ခလုတ်တစ်ချက်နှိပ်ရုံဖြင့် လုပ်ဆောင်နိုင်ကြောင်း သိရ သည်။၅.၅ မီတာခန့်အရှည်ရှိသည့် အဆိုပါ မိုးပျံကားကို အများပြည်သူသုံးလမ်းများတွင် ယာဥ်မောင်း လိုင်စင်ဖြင့် မောင်းနှင်နိုင်သလို ပုံမှန်ကားရပ်နားရာနေရာများ၌လည်း ရပ်နားနိုင်ကြောင်း သိရသည်။ 

Source: ဆင်ဟွာ                                                     

DOCA(ပြည်ထောင်စုနယ်မြေ)