ပြည်ပကုန်သွယ်မှုသတင်းများ

Powered by Drupal

ဗီယက်နမ်တွင် ၄၃ ခုမြောက် shopping Mall ဖွင့်လှစ်ခဲ့သည့် Thai လုပ်ငန်း

ပြည်ပကုန်သွယ်မှုသတင်းများ

          ထိုင်းနိုင်ငံအင်အားကြီးလက်လီလုပ်ငန်းဖြစ်သည့် Central Retail ၏အဖွဲ့ဝင်ဖြစ်သည့် Central Retail Vietnam သည် ဗီယက်နမ်နိုင်ငံ Hung Yen မြို့‌‌တော်တွင် ၎င်းတို့၏ ၄၃ ခုမြောက် ဈေးဝယ်စင်တာဖြစ်သည့် GO! Hung Yen ကို တရားဝင်ဖွင့်လှစ်ခဲ့ကြောင်း သိရပါသည်။ စုစုပေါင်းရင်းနှီးမြှုပ်နှံမှု အမေရိကန်ဒေါ်လာ ၁၆.၄ သန်းတန်ဖိုးရှိပြီး ၁၆၀၀၀ စတုရန်းမီတာကျယ်ဝန်းသည့် Go! Hung Yen ကိုဘက်ပေါင်းစုံစီးပွားရေးစင်တာအဖြစ် ဒီဇိုင်း ဖန်တီးထားပြီး ပြည်တွင်းစားသုံးသူများ၏ ကွဲပြားသောလိုအပ်ချက်များကို ဖြည့်စည်းပေးရန် ရည်ရွယ်ကြောင်း သိရပါသည်။ ၎င်းတွင် Jollibee၊ King Coffee၊ Fahasa bookstore နှင့် Game World တို့ပါဝင်သည့် များစွာသောကဏ္ဍများရှိ လူသိများသော နိုင်ငံတကာအမှတ် တံဆိပ်များနှင့် ပြည်တွင်းအမှတ်တံဆိပ်များ ၅၀ ခု ပါဝင်ကြောင်း သိရပါသည်။ ဖွင့်ပွဲအခမ်း အနားတွင် ပြည်နယ်ပါတီကော်မတီ၏ အတွင်းရေးမှူး Nguyen Huu Nghia က GO! Hung Yen သည် ဈေးဝယ်ရန်နေရာတစ်ခုသာမက ကုန်စည်နှင့် ဝန်ဆောင်မှုများကို ကျယ်ပြန့်စွာပံ့ပိုးပေးနိုင် သည့်အချက်အချာဖြစ်ပြီး ထိုမှတစ်ဆင့် လူမှုဘဝအရည်အသွေးကို တိုးမြှင့်ပေးနိုင်မည်ဟု ပြောကြားခဲ့ပါသည်။ GO! Hung Yen ၏ ထင်ရှားသောအသားပေးစရာအချက်မှာ ဗီယက်နမ် နိုင်ငံတစ်ဝှမ်းမှထုတ်ကုန်များကိုမိတ်ဆက်မည့် ဒေသတစ်ခုထုတ်ကုန်တစ်ခုမြှင့်တင်မည့် နေရာ ကို ဒုတိယထပ်တွင် စီစဉ်ထားခြင်းဖြစ်ကြောင်း သိရပါသည်။

Vietnam Plus

DOCA (ရန်ကုန်)                                                                            

အမေရိကန်ဒေါ်လာ ၁၅ ဘီလီယံကျော်တန်ဖိုးရှိသော ရင်းနှီးမြှုပ်နှံမှုအာမခံချက်များ ရရှိခဲ့သည့် ဗီယက်နမ်၏ Hai Phong မြို့တော်

ပြည်ပကုန်သွယ်မှုသတင်းများ

          ဗီယက်နမ်နိုင်ငံ၏ Hai Phong မြို့တော်မှအာဏာပိုင်များသည် အမေရိကန်ဒေါ်လာ ၁၅ ဘီလီယံကျော်တန်ဖိုးရှိသော ရင်းနှီးမြှုပ်နှံမှုလိုင်စင်များချပေးခြင်းနှင့် နားလည်မှုသဝဏ်လွှာများ လက်မှတ်ရေးထိုးခြင်းတို့ ပြုလုပ်ခဲ့ကြောင်း သိရပါသည်။ LG Display Vietnam Hai Phong သည် မြို့တော်၏ အထင်ရှားဆုံးနိုင်ငံခြားရင်းနှီးမြှုပ်နှံသူများထဲမှတစ်ခုဖြစ်ကြောင်း သိရပါ သည်။ ၂၀၁၆ ခုနှစ်တွင် မတည်ငွေ အမေရိကန်ဒေါ်လာ ၁.၅ ဘီလီယံတန်ဖိုးရှိသော ပထမဆုံး စီမံကိန်းစတင်ချိန်မှစ၍ ကုမ္ပဏီသည် စုစုပေါင်းရင်းနှီးမြှုပ်နှံမှု အမေရိကန်ဒေါ်လာ ၁၀ ဘီလီယံ ကျော်ထိ သိသာထင်ရှားစွာတိုးချဲ့ခဲ့ကြောင်း သိရပါသည်။ ကုမ္ပဏီ၏ အထွေထွေညွှန်ကြားရေး မှူး Choi In Kwan က ကုမ္ပဏီ၏အောင်မြင်မှုအတွက် သဘာဝဘေးများနှင့် ကပ်ရောဂါ အစရှိသည့် စိန်ခေါ်မှုများအတွင်း Hai Phong ၏အားကောင်းပြီးစဉ်ဆက်မပြတ်ပံ့ပိုးပေးမှု၊ ကျွမ်းကျင်သောလုပ်သားထု၊ ခေတ်မီအခြေခံအဆောက်အအုံနှင့် ဗျူဟာမြောက်တည်နေရာတို့ ကိုအသိအမှတ်ပြုပြောကြားခဲ့ပါသည်။ ကားအစိတ်အပိုင်းမျာထုတ်လုပ်ခြင်းတွင် ထိပ်တန်းရင်းနှီး မြှုပ်နှံသူဖြစ်သည့် Trakmotive ၏ Corporate Culture and Public Relations ညွှန်ကြားရေးမှူး Carlos Ottery က ကုမ္ပဏီသည် များစွာသော နိုင်ငံများနှင့် ‌‌ဒေသများကို ချင့်ချိန်တွက်ချက်ပြီးနောက် Hai Phong အား ၂၀၂၅ ခုနှစ်တွင်ရွေးချယ်ခဲ့ခြင်းဖြစ်ကြောင်း သိရ ပါသည်။ ၎င်းတို့၏ဆုံးဖြတ်ချက်သည် မြို့တော်၏စက်မှုဆိုင်ရာအမွေအနှစ်၊ ဗျူဟာမြောက် အခြေခံအဆောက်အအုံနှင့် အရည်အသွေးမြင့်လုပ်သားထုအပေါ် အခြေခံခဲ့ခြင်းဖြစ်ကြောင်း သိရပါသည်။ Tarkmotive သည် အလုပ်အကိုင် ၄၀၀၀ ပတ်လည်ဖန်တီးနိုင်သည့် ၂၂၀၀၀ စတုရန်းမီတာကျယ်ဝန်းသည့်စက်ရုံကို ၂၀၂၆ ခုနှစ်တွင် ဖွင့်လှစ်မည်ဟု သိရပါသည်။ Hai Phong သည် သွက်လက်မြန်ဆန်သောလုပ်ထုံးလုပ်နည်းများနှင့် တိုးတက်လာသောဝန်ဆောင်မှု တို့မှတစ်ဆင့် အားကောင်းပြီးပွင့်လင်းမြင်သာရှိကာ ရင်းနှီးမြှုပ်နှံသူသင့်လျော်သည့်ဝန်းကျင်ကို တည်‌ဆောက်လျက်ရှိကြောင်း သိရှိရပါသည်။

Vietnam Plus

DOCA (ရန်ကုန်)                                                                            

ကမ္ဘောဒီးယား၊ အင်ဒိုနီးရှားတို့သည် အလားအလာရှိသော လျှပ်စစ်မော်တော်ဆိုင်ကယ် ပူးပေါင်းဆောင်ရွက်မှုများရှာဖွေ

ပြည်ပကုန်သွယ်မှုသတင်းများ

    ကမ္ဘောဒီးယား ကုန်သည်ကြီးများအသင်း (CCC) သည် အင်ဒိုနီးရှား လျှပ်စစ် မော်တော်ဆိုင်ကယ်ထုတ်လုပ်သူများနှင့် ကုန်သွယ်မှုဆက်ဆံရေး တည်ဆောက်ရန်၊ နှစ်နိုင်ငံ စီးပွားရေးအခွင့်အလမ်းများကို ရှာဖွေရန် ဆွေးနွေးတိုင်ပင်ခဲ့ကြသည်။ CCC ၏ဒုတိယဥက္ကဌနှင့် Koh Kong ပြည်နယ်ကုန်သည်ကြီးများအသင်းဥက္ကဌ Chang Chivinh သည် အင်ဒိုနီးရှား လျှပ်စစ်မော်တော်ဆိုင်ကယ်ထုတ်လုပ်သူများအသင်း (AISMOLI) ၏ဥက္ကဌ Budi Setiyadi နှင့် နှစ်နိုင်ငံအကြား ကူးသန်းရောင်းဝယ်ရေးမိတ်ဖက်ဆက်ဆံရေးအတွက် အလားအလာများကို လေ့လာရန် ဆွေးနွေးခဲ့ကြသည်။ CCC ၏ ထုတ်ပြန်ချက်အရ တွေ့ဆုံမှုအတွင်း Setiyadi သည် အင်ဒိုနီးရှားနိုင်ငံ၏ လျှပ်စစ်မော်တော်ဆိုင်ကယ်ထုတ်လုပ်သူနှင့် ဖြန့်ဖြူးရောင်းချသူများကို ကိုယ်စားပြုသည့် AISMOLI ၏ အခန်းကဏ္ဍနှင့်ပတ်သက်၍ ကမ္ဘောဒီးယားကိုယ်စားလှယ်အဖွဲ့ အား ရှင်းလင်းတင်ပြခဲ့သည်။ အင်ဒိုနီးရှား၏ လျှပ်စစ်မော်တော်ဆိုင်ကယ်လုပ်ငန်းသည် မကြာသေးမီနှစ်များအတွင်း ထုတ်လုပ်မှုနှင့်ရောင်းချမှုနှစ်ခုလုံး တိုးလာသဖြင့် တိုးတက်မှု အားကောင်းသည့် လက္ခဏာများ ပြသခဲ့ကြောင်း Setiyadi က ပြောကြားခဲ့သည်။ Koh Kong ပြည်နယ်ကုန်သည်ကြီးများအသင်းဥက္ကဌ Chang Chivinh က AISMOLI ၏ ကမ္ဘောဒီးယားသို့ ၎င်း၏လုပ်ငန်းတိုးချဲ့ရန် စိတ်ဝင်စားမှုကို ကြိုဆိုကြောင်း၊ လျှပ်စစ်မော်တော်ဆိုင်ကယ် စျေးကွက်ကို ပိုမိုဖွံ့ဖြိုးတိုးတက်စေရန်အတွက် ပြည်တွင်းကမ္ဘောဒီးယားကုမ္ပဏီများနှင့် ဖက်စပ် လုပ်ကိုင်ရန်နှင့် အင်ဒိုနီးရှားကုမ္ပဏီများသည် ကမ္ဘောဒီးယားနိုင်ငံတွင် ရင်းနှီးမြှုပ်နှံမှု သို့မဟုတ် မိတ်ဖက်အခွင့်အလမ်းများရှာဖွေပါက CCC အနေဖြင့် ပေါင်းစပ်ညှိနှိုင်းမှုနှင့် ပံ့ပိုးကူညီမှုများ ပေးရန်အသင့်ရှိကြောင်း ပြောကြားခဲ့သည်။

DOCA (ရန်ကုန်)

Siem Reap-Shenzhen တိုက်ရိုက်လေကြောင်းခရီးစဉ် စတင်

ပြည်ပကုန်သွယ်မှုသတင်းများ

     ကမ္ဘောဒီးယား-တရုတ် ခရီးသွားလုပ်ငန်း ပူးပေါင်းဆောင်ရွက်မှု၏ စာမျက်နှာသစ်ကို နိုင်ငံ၏ အဓိကမြို့ကြီးလေးမြို့ဖြစ်သည့် Siem Reap Angkor အပြည်ပြည်ဆိုင်ရာလေဆိပ်နှင့် တရုတ်နိုင်ငံ၊ Shenzhen မြို့အကြားတွင် ပထမဆုံးသော တိုက်ရိုက်လေကြောင်း ခရီးစဉ်ကို ၁၈-၇-၂၀၂၅ ရက်နေ့တွင် တရားဝင် စတင်ခဲ့ကြောင်းသိရသည်။ အဆိုပါလေကြောင်းလိုင်း အသစ်သည် ယူနက်စကိုစာရင်းဝင် Angkor Wat နှင့် တရုတ်နိုင်ငံ၏ အလုံးစုံဖွံဖြိုးတိုးတက်မှု အတွက် အရေးပါသော စီးပွားရေးဩဇာလွှမ်းမိုးမှုရှိသော ဒေသတစ်ခုဖြစ်သည့် Guangdong-Hong Kong-Macao Greater Bay Area(GBA) တို့ကို ချိတ်ဆက်ထားပြီး တရုတ်ခရီးသွားများ အတွက် ပိုမိုလွယ်ကူစွာဝင်ရောက်နိုင်ရန် မျှော်မှန်းထားသည်။ ယခင်က တရုတ်ခရီးသွားများ သည် Siem Reap သို့ တိုက်ရိုက်ဆက်သွယ်မှု မရှိခြင်းကြောင့် ဖနွမ်းပင်မှတဆင့် လာရောက် လည်ပတ်ခဲ့ကြရသည်။ Air Cambodia မှ Airbus A320/A321 လေယာဉ်ကို အသုံးပြု၍ ဝန်ဆောင်မှုများကို တစ်ပတ်လျှင်တစ်ကြိမ်ပြေးဆွဲမည်ဖြစ်ဖြစ်သည်။ ခရီးစဉ်သည် အပတ်စဉ် ကြာသပတေးနေ့တိုင်း ကမ္ဘောဒီးယားနိုင်ငံ၊ Siem Reap ပြည်နယ်မှ စတင်ထွက်ခွာ မည်ဖြစ်ပြီး သောကြာနေ့နံနက်တွင် တရုတ်နိုင်ငံ၊ Shenzhen ပြည်နယ် မှ ပြန်လည်ထွက်ခွာမည်ဖြစ်သည်။ ကမ္ဘောဒီးယားနိုင်ငံသည် ၂၀၂၅ ခုနှစ် ပထမ(၆)လအတွင်း နိုင်ငံတကာလေကြောင်းခရီးသည် ပေါင်း ၃.၄၂ သန်းရရှိခဲ့ပြီး ၂၀၂၄ ခုနှစ် အလားတူကာလနှင့်နှိုင်းယှဉ်ပါက ၁၆ ရာခိုင်နှုန်း တိုးလာ ကြောင်း နိုင်ငံခြားရေးဝန်ကြီးရုံး (SSCA) က ထုတ်ပြန်သော အစီရင်ခံစာအရ သိရသည်။

DOCA (ရန်ကုန်)

ပထမနှစ်ဝက်တွင် စက်ဘီးတင်ပို့မှုမှ ကမ္ဘောဒီးယားသည် ဒေါ်လာ ၃၁၁ သန်း ရရှိ

ပြည်ပကုန်သွယ်မှုသတင်းများ

     ကမ္ဘောဒီးယားနိုင်ငံသည် ၂၀၂၅ ခုနှစ် ပထမနှစ်ဝက်တွင် နိုင်ငံခြားဈေးကွက်များသို့ ဒေါ်လာ ၃၁၁ သန်းတန်ဖိုးရှိ စက်ဘီးများ တင်ပို့ခဲ့ပြီး တစ်နှစ်ထက်တစ်နှစ် ဒေါ်လာ ၂၀၅ သန်းမှ ၅၁.၇ ရာခိုင်နှုန်း တိုးလာခဲ့ကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာ(MoC) ၏ ၁၉-၇-၂၀၂၅ ရက်နေ့က ထုတ်ပြန်ခဲ့သောအစီရင်ခံစာအရ သိရသည်။ စီးပွားရေးနှင့် ကူးသန်း ရောင်းဝယ်ရေးဝန်ကြီးဌာန၏ ပြောရေးဆိုခွင့်ရှိသူ Penn Sovicheat က ကမ္ဘောဒီးယား နိုင်ငံထုတ် စက်ဘီးများကို EU၊ ဗြိတိန်၊ အမေရိကန်နှင့် ကနေဒါနိုင်ငံတို့ထံ အဓိက တင်ပို့ ခဲ့ကြောင်းပြောကြားခဲ့သည်။ အ၀တ်အထည်၊ ဖိနပ်၊ ခရီးသွားပစ္စည်းများ၊ ကားတာယာ၊ ဆန်၊ ရာဘာ၊ သီဟိုဠ်စေ့၊ ငှက်ပျောသီးနှင့် သရက်သီးများကိုလည်း တင်ပို့ခဲ့ကြောင်း အစီရင်ခံစာတွင် ဖော်ပြထားသည်။ လက်ရှိတွင် ကမ္ဘောဒီးယားနိုင်ငံ၌ စက်ဘီးထုတ်လုပ်သည့် စက်ရုံ ၅ ရုံရှိပြီး ၎င်းတို့အားလုံးသည် ဗီယက်နမ်နိုင်ငံနှင့် နယ်နိမိတ်ချင်းထိစပ်နေသောနယ်စပ်၌တည်ရှိသော အထူးစီးပွားရေးဇုန်များတွင် တည်ရှိကြောင်း အစီရင်ခံစာတွင် ဖော်ပြထားသည်။ 

DOCA (ရန်ကုန်)

စီးပွားရေးဆက်ဆံမှုများ ပိုမိုနက်ရှိုင်းလာချိန်တွင် ကမ္ဘောဒီးယား-တောင်ကိုရီးယား ကုန်သွယ်မှုသည် ကန်ဒေါ်လာ သန်း ၄၅၀ နီးပါးအထိရှိလာ

ပြည်ပကုန်သွယ်မှုသတင်းများ

             ကမ္ဘောဒီးယားနှင့် တောင်ကိုရီးယားနှစ်နိုင်ငံအကြားကုန်သွယ်မှုပမာဏသည် ၂၀၂၅ ခုနှစ်၊ ပထမနှစ်ဝက်တွင် ဒေါ်လာ ၄၃၈ သန်းအထိ ရောက်ရှိခဲ့ပြီး ၂၀၂၄ ခုနှစ် အလားတူကာလက ကန်ဒေါ်လာ ၃၉၆ သန်းမှ ၁၀.၇ ရာခိုင်နှုန်း တိုးလာကြောင်း ၁၈-၇-၂၀၂၅ ရက်နေ့က အစီရင်ခံစာတစ်စောင်ထုတ်ပြန်ခဲ့သည်။ ဤသိသာထင်ရှားသော တိုးမြင့်မှုသည် အာရှ နှစ်နိုင်ငံကြား နက်ရှိုင်းသောစီးပွားရေးဆက်ဆံမှုနှင့် အောင်မြင်သောပူးပေါင်းဆောင်ရွက်မှုများကြောင့် ဖြစ်ကြောင်းအစီရင်ခံစာတွင်ဖော်ပြထားသည်။ နှစ်နိုင်ငံလုံးသည် ၎င်းတို့၏ စီးပွားရေးဆက်ဆံရေးကိုမြှင့်တင်ရန်နှင့် ကုန်သွယ်မှုနှင့်ရင်းနှီးမြှုပ်နှံမှုအတွက် ပိုမို အဆင်ပြေသော ပတ်ဝန်းကျင်ကို ဖန်တီးရန်ရည်ရွယ်သည့် ခြေလှမ်းများကို တက်ကြွစွာ ကြိုးပမ်းခဲ့ကြောင်း ကမ္ဘောဒီးယားနိုင်ငံဆိုင်ရာ ကိုရီးယားသံအမတ်ကြီး Park Jung-Wook က ပြောကြားခဲ့သည်။  အမျိုးမျိုးသော ရင်းနှီးမြှုပ်နှံမှုနှင့် စီးပွားရေးဖိုရမ်များ ဖွဲ့စည်းခြင်းဖြင့် ကမ္ဘောဒီးယား အာဏာပိုင်များ အထူးသဖြင့် ကမ္ဘောဒီးယား ဖွံ့ဖြိုးတိုးတက်ရေးကောင်စီ (CDC) သည် ကမ္ဘောဒီးယား၏ တိုးတက်လာနိုင်သော အလားအလာများကို တောင်ကိုရီးယားစီးပွားရေး လုပ်ငန်းရှင်များအား အောင်မြင်စွာပြသနိုင်ခဲ့ကြောင်း Park Jung-Wook က ဆက်လက် ပြောကြားခဲ့သည်။ ကမ္ဘောဒီးယားသည် တောင်ကိုးရီးယားသို့ ကုန်ပစ္စည်းဒေါ်လာ ၁၅၁ သန်းတန်ဖိုးရှိကုန်စည်များတင်ပို့ခဲ့ပြီး တောင်ကိုရီးယားနိုင်ငံမှ ဒေါ်လာ ၂၈၆ သန်းတန်ဖိုးရှိ ကုန်စည်များ တင်သွင်းခဲ့သည်။ ကမ္ဘောဒီးယားသည် ဖိနပ်နှင့်အခြားအ၀တ်အထည်များ၊ ခရီးသွားထုတ်ကုန်များ၊ အဖျော်ယမကာများ၊ လျှပ်စစ်ပစ္စည်းအစိတ်အပိုင်းများ၊ ရော်ဘာ၊ ဆေးဝါးနှင့် စိုက်ပျိုးရေးထွက်ကုန်များကို တောင်ကိုရီးယားသို့ အဓိကတင်ပို့လျက်ရှိပြီး တောင်ကိုရီးယားနိုင်ငံမှ မော်တော်ယာဉ်များ၊ အီလက်ထရွန်းနစ်ပစ္စည်းများ၊ မီးဖိုချောင်သုံးပစ္စည်းများ၊ ဆေးဝါးများ၊ ပလတ်စတစ်အချောထည်များနှင့် ထုတ်ကုန်များကိုတင်သွင်းလျက်ရှိကြောင်း သိရှိရပါသည်။

Source: Khmer Times

DOCA(ရန်ကုန်)

ကမ္ဘောဒီးယားနှင့် မလေးရှားတို့သည် EV ရင်းနှီးမြှုပ်နှံမှု ပူးပေါင်းဆောင်ရွက်

ပြည်ပကုန်သွယ်မှုသတင်းများ

             ကမ္ဘောဒီးယားနိုင်ငံနှင့် မလေးရှားနိုင်ငံတို့သည် လျှပ်စစ်ကား (EV) ကဏ္ဍတွင် ပူးပေါင်း ရင်းနှီးမြှုပ်နှံမှု အခွင့်အလမ်းများကိုရှာဖွေနေပြီး ကမ္ဘောဒီးယားရှိ EV အားသွင်း အခြေခံ အဆောက်အအုံများ ဖွံ့ဖြိုးတိုးတက်ရေးကို အဓိကထား လုပ်ဆောင်လျက်ရှိသည်။ တရုတ်နိုင်ငံ၊ ဟောင်ကောင်မြို့ တွင်ကျင်းပသည့် World Asia Expo 2025 ၌ကျင်းပသည့် Battery Show Asia 2025 ဆွေးနွေးပွဲတွင် အဆိုပါအစီအစဉ်ကိုဆွေးနွေးခဲ့ခြင်းဖြစ်သည်။ ပူးပေါင်းရင်းနှီးမြှုပ်နှံမှု အဆိုပြုချက်ကို ကမ္ဘောဒီးယား ကုန်သည်ကြီးများအသင်း (CCC) ၏ ဒုတိယဥက္ကဌ Chang Chivinh ဦးဆောင်သော ကမ္ဘောဒီးယားစီးပွားရေးကိုယ်စားလှယ်အဖွဲ့နှင့် Malaysia External Trade Development Corporation (MATRADE) မှ အကြီးတန်း ဒါရိုက်တာ Jai Shankar Suppayah တို့က ဆွေးနွေးခဲ့ကြသည်။ CCC ၏အဆိုအရ နှစ်ဖက်စလုံးသည် လျပ်စစ်ကားနှင့် ဘက်ထရီ စက်မှုလုပ်ငန်းဆိုင်ရာ ထိုးထွင်းအမြင်များကို ဖလှယ်ခဲ့ကြပြီး နှစ်နိုင်ငံလုံးအတွက် တိုးတက်မှုအလားအလာများကို ဆွေးနွေးတိုင်ပင်ခဲ့ကြသည်။ CCC သည် ကမ္ဘောဒီးယား အစိုးရ၏ ပံ့ပိုးကူညီမှုတစ်စိတ်တစ်ပိုင်းအနေဖြင့် အမျိုးသားအဝေးပြေးလမ်းမကြီးများတစ်လျှောက် EV အားသွင်းရုံများတည်ဆောက်ရာတွင် ရှေ့ပြေးရင်းနှီးမြှုပ်နှံမှုများကိုစဉ်းစားနေကြောင်း မှတ်ချက်ပြုခဲ့သည်။ CCC သည် မလေးရှားရင်းနှီးမြှုပ်နှံမှုများကို ကြိုဆိုကြောင်းနှင့် ကမ္ဘောဒီးယား ဈေးကွက်သို့ဝင်ရောက်ရန်ရည်ရွယ်သည့် စီးပွားရေးဆိုင်ရာ အဆိုပြုချက်များကို အဆင်ပြေ ချောမွေ့စေရန်နှင့် ပံ့ပိုးကူညီရန် Chivinh မှ ကတိပြုခဲ့ကြောင်း သိရှိရပါသည်။

Source: Khmer Times

DOCA(ရန်ကုန်)  

ကမ္ဘောဒီးယား စိုက်ပျိုးရေးအတွက် ခေတ်သစ်တစ်ခုဖြစ်လာခဲ့သည့် ဒူးရင်းသီးတင်ပို့မှု

ပြည်ပကုန်သွယ်မှုသတင်းများ

               ကမ္ဘောဒီးယားနိုင်ငံ၏ ပထမဆုံး ဒူးရင်းတင်ပို့မှုမှာ ဒူးရင်းသီးတန်ချိန် ၁၇ တန်ခန့်အား စံချိန်စံညွှန်းနှင့်အညီထုပ်ပိုးပြီး ၁၇-၇-၂၀၂၅ ရက်နေ့တွင် တရုတ်ဈေးကွက်သို့ တရားဝင် တင်ပို့ခဲ့သည်။ အဆိုပါ ဒူးရင်းသီးပို့ကုန်များကို HF FRUIT LTD မှ တရုတ်ကုမ္ပဏီတစ်ခုနှင့် ပူးပေါင်း၍ ထုပ်ပိုးသည့် စက်ရုံအား ၂၀၂၅ ခုနှစ်၊ မေလ ၁ ရက်နေ့က Tbong Khmum ခရိုင်၌ တရားဝင်ဖွင့်လှစ်ခဲ့ပြီးနောက် ယခုကဲ့သို့ တင်ပို့ခဲ့ခြင်းဖြစ်သည်။ ဝန်ကြီးချုပ် Hun Manet ဦးဆောင်သော ကမ္ဘောဒီးယားအစိုးရနှင့် စိုက်ပျိုးရေး၊ သစ်တောနှင့် ရေလုပ်ငန်းဝန်ကြီးဌာနတို့မှ တရုတ်နိုင်ငံသို့ကမ္ဘောဒီးယား ဒူးရင်းသီးတင်ပို့နိုင်စေမည့် ပံ့ပိုးပေးသည့် ပတ်ဝန်းကျင်ကို ဖော်ဆောင်ပေးခဲ့သည့် ကိုယ်စားလှယ်ကုမ္ပဏီများအား ဂုဏ်ယူဝမ်းမြောက်ကြောင်း ထုတ်ဖော် ပြောကြားခဲ့ကြသည်။ ကမ္ဘောဒီးယားတွင် ဒူးရင်းစိုက်ဧက ၅,၀၀၀ ခန့်ရှိပြီး နှစ်စဉ် ဟက်တာ ၃,၀၀၀ ရိတ်သိမ်းကာ တန်ချိန် ၃၇,၀၀၀ ခန့် ထွက်ရှိကြောင်း သိရသည်။

Source: Khmer Times

DOCA(ရန်ကုန်)   

သီဟိုဠ်စေ့တင်ပို့မှုသည် ပထမ နှစ်ဝက်တွင် အမေရိကန်ဒေါ်လာ ၇၀၀ သန်းကျော်ရရှိ

ပြည်ပကုန်သွယ်မှုသတင်းများ

              ကမ္ဘောဒီးယားသည် ၂၀၂၅ ခုနှစ် ပထမခြောက်လတွင် ကန်ဒေါ်လာ သန်း ၇၀၀ ကျော် တန်ဖိုးရှိ သီဟိုဠ်စေ့တင်ပို့ခဲ့ပြီး ၂၀၂၄ ခုနှစ် အလားတူကာလနှင့် နှိုင်းယှဉ်ပါက ၅၆ ရာခိုင်နှုန်း တိုးတက်လာခဲ့သည်။ ကမ္ဘောဒီးယားနိုင်ငံသည် ယခုနှစ် ဇန်နဝါရီလမှဇွန်လအထိ သီဟိုဠ်စေ့ တင်ပို့မှုမှ ကန်ဒေါ်လာ ၇၅၃.၂၁ သန်းတန်ဖိုးရရှိခဲ့ပြီး ယခင်နှစ် အလားတူကာလနှင့် နှိုင်းယှဉ် ပါက ၅၆.၆၇ ရာခိုင်နှုန်းတိုးလာခဲ့သည်။ သီဟိုဠ်စေ့ကဏ္ဍတွင် နိုင်ငံခြားရင်းနှီးမြုပ်နှံမှုများကို ပိုမိုဆွဲဆောင်ရန် တာဝန်ရှိသူများက တက်ကြွစွာလုပ်ဆောင်လျက်ရှိပြီး အထူးသဖြင့် ပြုပြင်ခြင်း နှင့် တန်ဖိုးမြှင့်ထုတ်လုပ်မှုများတွင် လုပ်ဆောင်လျက်ရှိသည်။ ကမ္ဘောဒီးယား သီဟိုဠ်စေ့အသင်း (CAC) ၏ အဆိုအရ ကမ္ဘောဒီးယားနိုင်ငံကို သီဟိုဠ်စေ့ထုတ်လုပ်ငန်းနှင့် ပို့ကုန်အတွက် ဒေသဆိုင်ရာအချက်အချာအဖြစ် ပြောင်းလဲရန် ရည်ရွယ်သည့် သီဟိုဠ်စေ့စက်မှုဥယျာဉ် (CIP) ဖွံ့ဖြိုးတိုးတက်စေရန်အတွက် တရုတ်၊ အိန္ဒိယ၊ စင်ကာပူနိုင်ငံတို့မှ နိုင်ငံခြားရင်းနှီးမြှုပ်နှံသူများနှင့် ဆွေးနွေးမှုများပြုလုပ်ခဲ့ကြသည်။  CAC မှ ထုတ်ပြန်ချက်တွင် ကမ္ဘောဒီးယားအစိုးရသည် CIP ဖွံ့ဖြိုးရေးအတွက် Kampong Thom ပြည်နယ်ရှိ မြေ ၄၀၀ ဟက်တာ ခွဲဝေပေးထားကြောင်း ဖော်ပြထားသည်။ CAC ၏ ဒုတိယဥက္ကဌ ဖြစ်သူ Suy Kokthean က ကမ္ဘောဒီးယားသည် လက်ရှိတွင် ကမ္ဘာပေါ်တွင် ဒုတိယအကြီးဆုံး သီဟိုဠ်စေ့ ထုတ်လုပ်သူအဖြစ် အဆင့် သတ်မှတ်ထားပြီး မကြာမီကာလအတွင်း သီဟိုဠ်စေ့အများဆုံး ထုတ်လုပ်သည့်နိုင်ငံ ဖြစ်လာရန် မျှော်လင့်ထားကြောင်းပြောကြားခဲ့သည်။ ကမ္ဘောဒီးယားနိုင်ငံ သည် ၎င်း၏အရည်အသွေးမြင့် သီဟိုဠ်စေ့များကြောင့် လူသိများပြီး အစိုးရ၏ဦးစားပေးရင်းနှီးမြှုပ်နှံမှု မူဝါဒအရ Qualification Investment Project (QIP-Plus) ဖြင့် ရင်းနှီးမြှုပ်နှံသူများသည် နိုင်ငံအတွင်း ၎င်းတို့၏ လုပ်ငန်းများကို တိုးချဲ့ခြင်းမှ သိသာထင်ရှားသော အကျိုးကျေးဇူးများစွာရရှိစေကြောင်း Kokthean က ဆက်လက်ပြောကြားခဲ့ကြောင်း သိရှိရပါသည်။

Source: Khmer Times

DOCA(ရန်ကုန်)

ကမ္ဘောဒီးယား၏ RCEP နိုင်ငံများနှင့် ကုန်သွယ်မှုသည် ယခုနှစ် ပထမနှစ်ဝက်တွင် ဒေါ်လာ ၂၀ ဘီလီယံနီးပါး ရောက်ရှိခဲ့

ပြည်ပကုန်သွယ်မှုသတင်းများ

            ကမ္ဘောဒီးယား၏ ဒေသတွင်း ဘက်စုံစီးပွားရေးမိတ်ဖက်ဆက်ဆံရေး (RCEP) အဖွဲ့ဝင်နိုင်ငံများနှင့် ကုန်သွယ်မှုသည် ၂၀၂၅ ခုနှစ် ပထမနှစ်ဝက်တွင် ကန်ဒေါ်လာ ၁၉.၇ ဘီလီယံအထိ ရောက်ရှိခဲ့ပြီး ၂၀၂၄ ခုနှစ် အလားတူကာလထက် ဒေါ်လာ ၁၆.၅ ဘီလီယံမှ ၁၆.၉ ရာခိုင်နှုန်း တိုးလာကြောင်း ၁၆-၇-၂၀၂၅ ရက်နေ့တွင် ထုတ်ပြန်သည့်တရားဝင်အစီရင်ခံစာအရသိရသည်။ RCEP အဖွဲ့ဝင်နိုင်ငံများသို့ မြန်မာနိုင်ငံ၏ ပို့ကုန်သည် ယခုနှစ် ဇန်နဝါရီမှဇွန်လအတွင်း စုစုပေါင်းကန်ဒေါ်လာ ၅.၀၃ ဘီလီယံရှိပြီး ၂၀၂၄ ခုနှစ်အလားတူကာလထက် ကန်ဒေါ်လာ ၄.၅၂ ဘီလီယံမှ ၁၁ ရာခိုင်နှုန်း တိုးလာကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ပြုစုထားသောအစီရင်ခံစာအရ သိရသည်။ တစ်ချိန်တည်းတွင် RCEP အဖွဲ့ဝင်နိုင်ငံများမှ နိုင်ငံတော်သို့ သွင်းကုန်ပမာဏသည် ကန်ဒေါ်လာ ၁၄.၆၇ ဘီလီယံအထိ ရောက်ရှိခဲ့ပြီး ကန်ဒေါ်လာ ၁၂.၃၈ ဘီလီယံမှ ၁၈.၅ ရာခိုင်နှုန်းတိုးလာကြောင်း အစီရင်ခံစာတွင်ဖော်ပြထား သည်။ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ နိုင်ငံခြားရေး၀န်ကြီးနှင့် ပြောရေး ဆိုခွင့်ရှိသူ Penn Sovicheat က ကမ္ဘာ့အကြီးဆုံး ကုန်သွယ်မှုသဘောတူညီချက်သည် အမေရိကန်၏ အခွန်စည်းကြပ်မှုများမြင့်တက်နေချိန်တွင်ကုန်သွယ်မှုမြှင့်တင်ရာတွင် အရေးပါ သောအခန်းကဏ္ဍမှ ပါဝင်ကြောင်းပြောကြားခဲ့သည်။ RCEP သည် ရေရှည်ပို့ကုန်တိုးတက်မှု အတွက် အထောက်အကူဖြစ်ပြီး ကမ္ဘောဒီးယားသို့ နိုင်ငံခြားတိုက်ရိုက်ရင်းနှီးမြှုပ်နှံမှုများကို ပိုမို ဆွဲဆောင်ရန် အားထားရာတစ်ခုဖြစ်ကြောင်း Sovicheat က ပြောကြားခဲ့သည်။

Source: Khmer Times

DOCA(ရန်ကုန်)  

Pages

Subscribe to RSS - ပြည်ပကုန်သွယ်မှုသတင်းများ