ပြည်ပကုန်သွယ်မှုသတင်းများ

  ကမ္ဘောဒီးယား၏ အဝတ်အထည်မဟုတ်သည့်ကဏ္ဍတင်ပို့မှု သိသာစွာမြင့်တက်ခဲ့သည့် အတွက် နိုင်ငံ၏စီးပွားရေးကွဲပြားမှုဗျူဟာ အောင်မြင်မှုကို ပြသနေကြောင်း သိရပါသည်။ အဝတ် အထည်မဟုတ်သည့်ထုတ်ကုန်များတွင် အီလတ်ထရောနစ်အစိတ်အပိုင်းများ၊ ကားအစိတ်အပိုင်း များ၊ စက်ဘီး၊ ကားတာယာများ၊ သားရေ၊ ပလတ်စတစ်နှင့် အခြားစက်မှုထုတ်ကုန်များပါဝင် ကြောင်း သိရပါသည်။ စီးပွားကူးသန်းဝန်ကြီးဌာနထံမှအချက်အလက်များအရ ၂၀၂၅ ခုနှစ်၏ ပထမ ၅ လတွင် အီလတ်ထရောနစ်ကုန်ပစ္စည်းများနှင့် အစိတ်အပိုင်းတင်ပို့မှုတန်ဖိုးမှာ အမေရိကန်ဒေါ်လာ ၂၈၇ သန်းတန်ဖိုးရှိပြီး ၂၀၂၄ ခုနှစ်တူညီသည့်ကာလနှင့်နှိုင်းယှဉ်ပါက ၂.၄ ရာခိုင်နှုန်းမြင့်တက်ခဲ့ကြောင်း သိရပါသည်။ နိုင်ငံ၏ မော်တော်ယာဉ်အစိတ်အပိုင်းတင်ပို့မှုတန်ဖိုး မှာ ၁၁၇ သန်း(၁၈.၃ ရာခိုင်နှုန်းမြင့်တက်)၊ စက်ဘီးတင်ပို့မှုတန်ဖိုးမှာ အမေရိကန်ဒေါ်လာ ၂၈၇ သန်း(၄၆.၉ ရာခိုင်နှုန်းမြင့်တက်)၊ လျှပ်စစ်ကေဘယ်နှင့်ဝါယာတင်ပို့မှုတန်ဖိုးမှာ အမေရိကန် ဒေါ်လာ ၂၃၂ သန်း(၈၃.၆ ရာခိုင်နှုန်းမြင့်တက်)နှင့် ကားတာယာတင်ပို့မှုတန်ဖိုးမှာ အမေရိကန် ဒေါ်လာ သန်း ၅၆၀( ၈၁ ရာခိုင်နှုန်းမြင့်တက်ခဲ့ကြောင်း သိရပါသည်။

    သို့သော် ဆိုလာပြားတင်ပို့မှုတန်ဖိုးမှာ အမေရိကန်ဒေါ်လာ ၃.၈၇ သန်းဖြင့် ၉၉ ရာခိုင်နှုန်းထိ ကြီးမားစွာကျဆင်းခဲ့ကြောင်း သိရပါသည်။ စီးပွားကူးသန်းဝန်ကြီးဌာန၏ ပြောခွင့်ရပုဂ္ဂိုလ် Penn Sovicheat က အဝတ်အထည်လုပ်ငန်းသည် အဓိကအသက်သွေးကြောအဖြစ်ဆက်လက်ရပ်တည်နေသော ကြောင့် လုပ်ငန်းနယ်ပယ် ခေတ်မီစေရန်ဆက်လက်ပံ့ပိုးရမည်ဖြစ်ကြောင်းနှင့် အခြားကုန် ထုတ်လုပ်မှုဧရိယာများကြီးထွားခြင်းသည် တည်ငြိမ်သောစီးပွားရေးအနာဂတ်တည်ဆောက်ရာ တွင် ၎င်းတို့၏အောင်မြင်မှုကို ပြသနေကြောင်း ပြောကြားခဲ့ပါသည်။ စီးပွားကူးသန်းဝန်ကြီးဌာန သည်လည်း သက်ဆိုင်ရာဝန်ကြီးဌာနများနှင့် ပုဂ္ဂလိကကဏ္ဍမှမိတ်ဖက်များနှင့် အနီးကပ် ပူးပေါင်း၍ ထိုထွန်းသစ်စ စက်မှုလုပ်ငန်းများသို့ နိုင်ငံခြားတိုက်ရိုက်ရင်းနှီးမြှုပ်နှံမှုများကို ဆွဲဆောင်ရန် တက်ကြွစွာ လုပ်ကိုင်လျှက်ရှိကြောင်း သိရပါသည်။

DOCA(ရန်ကုန်)

   ကမ္ဘောဒီးယားဝန်ကြီးချုပ် Hun Manet က တရုတ်၊ ပြည်တွင်းနှင့် နိုင်ငံတကာ ရင်းနှီး မြှုပ်နှံသူများအား နိုင်ငံကို ပူးပေါင်းဆောင်ရွက်မှုပုံစံအားလုံးအတွက် ရင်းနှီးမြှုပ်နှံမှုဦးတည်ရာ အဖြစ် ယူဆရန်တိုက်တွန်းခဲ့ပြီး အစိုးရသည် ရင်းနှီးမြှုပ်နှံမှုကို မြင့်မားစွာတန်ဖိုးထားကြောင်းနှင့် ကြိုဆို ကြောင်း ပြောကြားခဲ့ပါသည်။ Cambodia Confederation of Investors Association (CCIA) ၏ ညစာစားပွဲအခမ်းအနားတွင် Hun Manet က ရင်းနှီးမြှုပ်နှံသူသည် ကမ္ဘောဒီးယား တွင် ဆက်လက်ရင်းနှီးမြှုပ်နှံမည်ဟု မျှော်လင့်ကြောင်းနှင့် ရင်းနှီးမြှုပ်နှံမှုအခွင့်အလမ်းများကို ရှာဖွေရန် လာရောက်မည့်သူများသည် ရင်းနှီးမြှုပ်နှံရန်နှင့် ကမ္ဘောဒီးယားနှင့် ကမ္ဘာတစ်လွှားရှိ အခြားနိုင်ငံများကြား ကုန်ထုတ်လုပ်မှုကွင်းဆက်ချိတ်ဆက်ရန်အတွက် ရွေးချယ်နိုင်မည်ဟု ပြောကြားခဲ့ပါသည်။ ထိုအခမ်းအနားကို ဆီးနိတ်နှင့် အမျိုးသားလွှတ်တော်မှအဖွဲ့ဝင်များ၊ ကမ္ဘောဒီးယားရှိများစွာသောနိုင်ငံများမှ သံအမတ်များနှင့် CCIA မှ အဖွဲ့ဝင်များ တက်ရောက်ခဲ့ ကြောင်း သိရပါသည်။  ကမ္ဘောဒီးယားအစိုးရသည် ငြိမ်းချမ်းရေးနှင့်တည်ငြိမ်မှုကိုထိန်းသိမ်းရန်၊ စဉ်ဆက်မပြတ်ဖွံ့ဖြိုးတိုးတက်ရန်၊ ရင်းနှီးမြှုပ်နှံမှုဆွဲဆောင်ရန်နှင့် ပြည်သူလူထု၏လူမှုဘဝ မြှင့်တင်ရန် ဆက်လက်ခိုင်မြဲစွာ ကတိကဝတ်ပြုကြောင်း သိရပါသည်။ Manet က CCIA ၏ ဥက္ကဌ Ly Khun Thai နှင့် အဖွဲ့ဝင်များကို ကမ္ဘောဒီးယားသို့ ရင်းနှီးမြှုပ်နှံမှုများ ဆွဲဆောင်ခြင်းနှင့် မြှင့်တင်ခြင်းတို့အတွက် ချီးမွမ်းခဲ့ပြီး အစိုးရသည်လည်း နိုင်ငံ၏ စီးပွားရေးရပ်ဝန်းတိုးတက်ရန် များစွာသောမူဝါဒများနှင့် အကောင်အထည်ဖော်လျှက်ရှိကြောင်း ပြောကြားခဲ့ပါသည်။ CCIA ၏ ဥက္ကဌ Khun Thai က ၎င်း၏ အသင်းသည် ရင်းနှီးမြှုပ်နှံမှုယုံကြည်ချက်တည်ဆောက်ခြင်း၊ နိုင်ငံတော်စီးပွားရေးဖွံ့ဖြိုးတိုးတက်မှုမြှင့်တင်ခြင်း၊ ပြည်သူလူထု၏လူမှုဘဝမြှင့်တင်ခြင်းနှင့် ကမ္ဘောဒီးယား၏ နိုင်ငံတကာပုံရိပ်မြှင့်တင်ခြင်းတို့ပါဝင်သော ၎င်းတို့၏ဆောင်ရွက်မှုများ ဆက်လက် လုပ်‌ဆောင်သွားရန်ကတိပြုခဲ့ကြောင်း သိရပါသည်။ အသင်းသည် ကမ္ဘောဒီးယား နိုင်ငံအား ၂၀၃၀ ပြည့်နှစ်တွင် အလယ်အလတ်အထက်ဝင်ငွေရှိသည့်နိုင်ငံနှင့် ၂၀၅၀ ပြည့်နှစ်တွင် ဝင်ငွေမြင့်နိုင်ငံအဖြစ် အသွင်ကူးပြောင်းမည့် အစိုးရ၏မျှော်မှန်းချက်နှင့်အညီ ချိန်ညှိလုပ်ဆောင် လျှက်ရှိကြောင်း သိရပါသည်။ ကမ္ဘောဒီးယားနိုင်ငံ ဖွံ့ဖြိုးတိုးတက်ရေး ကောင်စီ၏အဆိုအရ နိုင်ငံသည် ၂၀၂၅ ခုနှစ်၏ ပထမ ၅ လတာကာလတွင် စုစုပေါင်းမတည်ငွေ အမေရိကန်ဒေါ်လာ ၄.၂ ဘီလီယံတန်ဖိုးရှိသော ရင်းနှီးမြှုပ်နှံမှုစီမံကိန်း ၂၉၀ ခုကို ရရှိခဲ့ပြီး ၂၀၂၄ ခုနှစ်တူညီသည့် ကာလနှင့်နှိုင်းယှဉ်ပါက အရေအတွက်တွင် ၉၀ ရာခိုင်နှုန်းနှင့် မတည်ငွေတန်ဖိုးတွင် ၅၂ ရာခိုင်နှုန်း မြင့်တက်ခဲ့ကြောင်း သိရပါသည်။

DOCA (ရန်ကုန်)

   အိန္ဒိယနိုင်ငံရှိဗီယက်နမ်ကုန်သွယ်ရေးရုံးသည် သက်ဆိုင်ရာမိတ်ဖက်များနှင့် ပူးပေါင်း၍ လျှပ်စစ်နှင့် အီလတ်ထရောနစ်ကဏ္ဍများတွင် နှစ်နိုင်ငံကြားပူးပေါင်းဆောင်ရွက်မှုအလားအလာ ကိုဆွေးနွေးရန် ဇွန်လ ၁၇ ရက်နေ့က အလုပ်ရုံဆွေးနွေးပွဲကျင်းပခဲ့ကြောင်း သိရပါသည်။ ထိုအခမ်းအနားကို အေဂျင်စီများ၊ အဖွဲ့အစည်းများနှင့် ဗီယက်နမ်နှင့် အိန္ဒိယတို့မှ ကုမ္ပဏီ ၂၀၀ နီးပါးမှ ကိုယ်စားလှယ်များတက်ရောက်ခဲ့ကြကြောင်း သိရပါသည်။ ဗီယက်နမ်သံရုံးရှိ ကုန်သွယ်ရေးအတိုင်ပင်ခံပုဂ္ဂိုလ် Bui Trung Thuong က Samsung၊ Apple၊ Intel နှင့် LG အစရှိ သည့် ကမ္ဘာ့အင်အားကြီးနည်းပညာကုမ္ပဏီများတည်ရှိနေမှုကြောင့် ဒေသတွင်းအီလတ်ထရောနစ် ထုတ်လုပ်ရာအချက်အချာအဖြစ် ဗီယက်နမ်၏အခန်းကဏ္ဍကြီးထွားလာမှုကို အသားပေး ပြောကြားခဲ့ကြောင်း သိရပါသည်။ Thuong က ဗီယက်နမ်၏စွမ်းအင်ကဏ္ဍသည် အစိုးရ၏ အာမခံချက်ဖြစ်သည့် ကာဗွန်ထုတ်လွှင့်မှုလျှော့ချခြင်းနှင့် စဉ်ဆက်မပြတ်စွမ်းအင်အသွင် ကူးပြောင်းနှင့်ချိန်ညှိ၍ အစိမ်းရောင်စွမ်းအင်ကိုအဓိကထားခြင်းနှင့်အတူ လျှင်မြန်စွာတိုးချဲ့လျှက် ရှိကြောင်း သိရပါသည်။ ဗျူဟာကျသောတည်နေရာ၊ များပြားသောလုပ်သားထုနှင့် ခေတ်မီ အခြေခံအဆောက်အအုံတို့နှင့်အတူ ဗီယက်နမ်သည် ဒေသတွင်းနှင့်ကမ္ဘာတွင် အီလတ်ထရောနစ် နှင့် စွမ်းအင်ထုတ်လုပ်မှုအတွက် ဦးဆောင်သည့်ဗဟိုချက်တစ်ခုဖြစ်လာရန် သိသာသည့် အလား အလာကို ပိုင်ဆိုင်ထားကြောင်း Thuong  ကပြောကြားခဲ့ပါသည်။ အိန္ဒိယ၏ အီလတ်ထရောနစ် နှင့် ကွန်ပြူတာဆော့ဝဲတင်ပို့မှုမြှင့်တင်ရေးကောင်စီ၏ ဥက္ကဌ Veer Sagar က ဗီယက်နမ်- အိန္ဒိယ  စီးပွားရေးချိတ်ဆက်မှုသည် အာဆီယံ-အိန္ဒိယလွတ်လပ်သော ကုန်သွယ်ရေးသဘောတူညီချက် စတင်အသက်ဝင်သည့် ၂၀၁၀ ခုနှစ်မှစ၍ အားကောင်းခဲ့ကြောင်းနှင့် နှစ်နိုင်ငံလုံးသည် အီလတ် ထရောနစ်နှင့် စွမ်းအင်တွင် ၎င်းတို့၏အားကောင်းမှုကို အပြည့်အဝအသုံးချသင့်ကြောင်း ပြောကြားခဲ့ပါသည်။ ဗီယက်နမ်အီလတ်ထရောနစ်လုပ်ငန်းများအသင်း၏ ဘုတ်အဖွဲ့ဝင်ဖြစ်သူ Do Thi Thuy Huong က ဗီယက်နမ်၏ အီလတ်ထရောနစ်လုပ်ငန်းအပေါ် အကျဉ်းချုပ်တင်ပြခဲ့ ပြီး နည်းပညာမြင့်ကုန်ထုတ်လုပ်ခြင်း၊ ဆီမီးကွန်ဒတ်တာများ၊ ဒစ်ဂျစ်တယ်အသွင်ကူးပြောင်းခြင်း နှင့် R&D တို့ပါဝင်သည့် အဓိကပူးပေါင်းဆောင်ရွက်မှုဧရိယာများကို အသားပေးပြောကြားခဲ့ ကြောင်း သိရပါသည်။ သို့သော် Huong က နည်းပညာကွာဟမှုများ၊ နိုင်ငံခြားတိုက်ရိုက်ရင်းနှီး မြှုပ်နှံမှုယှဉ်ပြိုင်မှုများ၊ ကုန်သွယ်ရေးအတားအဆီးများနှင့် လုပ်သားထုဖွံ့ဖြိုးတိုးတက်ရေးတို့ ပါဝင်သည့် အောင်မြင်စွာပူးပေါင်းဆောင်ရွက်ရန်အတွက် ဖြေရှင်းရမည့် များစွာသောစိန်ခေါ်မှု များကို ထောက်ပြပြောဆိုခဲ့ကြောင်း သိရပါသည်။

 DOCA (ရန်ကုန်)

    နီပေါနိုင်ငံ၏ ၂၀၂၄-၂၅ ဘဏ္ဍာနှစ်၏ ၁၁ လအတွင်း နိုင်ငံခြားကုန်သွယ်မှုသည် ပို့ကုန်နှင့် သွင်းကုန်များမြင့်တက်လာခြင်းကြောင့် ၁၈.၈ ရာခိုင်နှုန်း မြင့်တက်လာခဲ့ကြောင်း အကောက်ခွန် ဦးစီဌာနမှ ဇွန်လ ၂၀ ရက်နေ့တွင်ထုတ်ပြန်ခဲ့သည်. စုစုပေါင်းကုန်သွယ်မှုသည် ယခင်နှစ်က ၁.၅၉ ထရီလီယံရူပီသို့ မြင့်တက်ခဲ့သည်။ ပို့ကုန်တင်ပို့မှုမှာ ၂၄၇.၅၇ ဘီလီယံရူပီသို့ ၇၇.၇၇ ရာခိုင်နှုန်း ရှိပြီး သွင်းကုန်တင်သွင်းမှုမှာ ၁၆၄၄.၇၉ ဘီလွယံရူပီသို့ ၁၃.၁၅ ရာခိုင်နှုန်း မြင့်တက်လာခဲ့ ကြောင်းသိရသည်။ အိန္ဒိယနိုင်ငံနှင့် တရုတ်နိုင်ငံတို့သည် နီပေါနိုင်ငံ၏ အကြီးဆုံး ကုန်သွယ်ဖက် နိုင်ငံများအဖြစ် ဆက်လက်တည်ရှိကြောင်း အကောက်ခွန်ဌာနမှ မှတ်ချက်ပြုခဲ့သည်။ နီပေါနိုင်ငံ ၏ ၂၀၂၄-၂၅  ဘဏ္ဍာ နှစ်ပြည်ပကုန်သွယ်မှုသည် ၂၀၂၄ ဇွန်လလယ်မှအစပြု၍ တိုးတက်လာခဲ့ ကြောင်းသိရသည်။

DOCA(ရန်ကုန်)

            ခရီးသွားလုပ်ငန်းကဏ္ဍသည် ၂၀၂၄ ခုနှစ်တွင် ဖိလစ်ပိုင်နိုင်ငံ၏ ပြည်တွင်းအသားတင် ထုတ်ကုန်အတွက် ၈.၉ ရာခိုင်နှုန်း ပံ့ပိုးခဲ့ကြောင်း ဖိလစ်ပိုင်စာရင်းအင်းအာဏာပိုင်အဖွဲ့ (PSA) က ဇွန်လ ၁၈ ရက်နေ့တွင် ပြောကြားခဲ့သည်။ "ခရီးသွားလုပ်ငန်းတိုက်ရိုက်စုစုပေါင်းတန်ဖိုးသည် ၂၀၂၄ ခုနှစ်တွင် ပီဆို ၂.၃၅ ထရီလီယံ (အမေရိကန်ဒေါ်လာ ၄၁ ဘီလီယံခန့်)ရှိပြီး ၂၀၂၃ ခုနှစ်၏ ပီဆို ၂.၁၂ ထရီလီယံ (ဒေါ်လာ ၃၆.၉ ဘီလီယံခန့်) ထက် ၁၁.၂ ရာခိုင်နှုန်း မြင့်မားကြောင်း PSA အကြီးအကဲ Dennis Mapa က အစီရင်ခံစာတစ်ခုတွင် ပြောကြားခဲ့သည်။ ခရီးသွားလုပ်ငန်းအသုံးစရိတ် ပုံစံများ ထဲတွင် ပြည်ပခရီးသွားအသုံးစရိတ်သည် ၃၄၅.၆၈ ဘီလီယံ ပီဆို (ဒေါ်လာ ၆ ဘီလီယံခန့်) ရှိကြောင်း PSA က ဆိုသည်။ ပြည်တွင်းခရီးသွားလုပ်ငန်းအသုံးစရိတ် ၁၆.၄ ရာခိုင်နှုန်း တိုးလာခဲ့ပြီး ၂၀၂၃ ခုနှစ် တွင် ပီဆို ၂.၇၁ ထရီလီယံ (ဒေါ်လာ ၄၇ ဘီလီယံ) မှ ၂၀၂၄ ခုနှစ်တွင် ပီဆို ၃.၁၆ ထရီလျံ (ဒေါ်လာ ၅၅ ဘီလီယံ) ရှိလာခဲ့သည်။ တစ်ချိန်တည်းတွင်၊ PSA မှ ပြည်တွင်းခရီးသွား အသုံးစရိတ်သည် ၂၀၂၃ ခုနှစ်တွင် ၆၉၇.၄၉ ဘီလီယံပီဆို (ဒေါ်လာ ၁၂.၁၄ ဘီလီယံခန့်) မှ ၂၀၂၄ ခုနှစ်တွင် ၆၉၉.၉၈ ဘီလီယံ ပီဆို (၁၂.၁၈ ဘီလီယံဒေါ်လာ) ခန့် တိုးတက်ခဲ့သည်ဟု PSA မှ ပြောကြားခဲ့သည်။ ခရီးသွားလုပ်ငန်း များတွင် အလုပ်အကိုင်ရရှိမှုသည် ၂၀၂၄ ခုနှစ်တွင် ၆.၇၅ သန်းရှိမည်ဟု ခန့်မှန်းထား ပြီး တစ်နှစ်ထက် တစ်နှစ် ၆.၁ ရာခိုင်နှုန်း ပိုများလာသည်။ အဆိုပါကဏ္ဍသည် ၂၀၂၄ ခုနှစ်တွင် ဖိလစ်ပိုင်နိုင်ငံရှိ စုစုပေါင်းအလုပ်အကိုင်၏ ၁၃.၈ ရာခိုင်နှုန်းရှိကြောင်း PSA မှပြောကြားခဲ့ကြောင်း သိရှိရပါသည်။

DOCA(ရန်ုကုန်)