ပြည်ပကုန်သွယ်မှုသတင်းများ

  ဖိလစ်ပိုင်နိုင်ငံဘဏ္ဍာရေးဌာန (DOF) သည် နယ်စပ်ဖြတ်ကျော် အခွန်ရှောင်မှုနှင့် တရားမဝင် ငွေကြေးစီးဆင်းမှုများကို တိုက်ဖျက်ရန် Crypto-asset ဆိုင်ရာ မူဘောင်တစ်ခုကို အကောင်အထည် ဖော်မည်ဖြစ်ကြောင်း ဖိလစ်ပိုင်နိုင်ငံမှ ဇွန် ၁၈ ရက်၌ ပြောကြားခဲ့သည်။ "အခွန်ရှောင်ခြင်းနဲ့ တရား မ၀င်သော အရောင်းအ၀ယ်တွေကို ကျော်လွှားနိုင်ရင် ပူးပေါင်း ဆောင်ရွက်မှုအတွက် ပိုမိုမြန်ဆန်ပြီး အားကောင်းတဲ့စနစ်တွေ လိုအပ်ပါတယ်" ဟု ဘဏ္ဍာရေး ဝန်ကြီး Ralph Recto က ဇွန်လ ၁၇ ရက် နေ့တွင် ထုတ်ပြန်ခဲ့သည်။ “crypto-asset အသုံးပြုသူ များသည် ၎င်းတို့၏မျှတသောအခွန်ဝေစုကို ပေးဆောင်ကြောင်းနှင့် တရားမဝင်ငွေကြေးဆိုင်ရာ လုပ်ဆောင်မှုများကို အရေးယူခြင်းမပြုရန် အစိုးရအနေဖြင့် သေချာစေရမည်" ဟု Recto မှ ပြောကြားခဲ့သည်။ ၂၀၂၈ ခုနှစ်တွင် Crypto-Asset Reporting Framework (CARF) ကို အကောင်အထည်ဖော်ရန် ကတိကဝတ်ကို DOF Revenue Operations Group လက်ထောက် အတွင်းဝန် Charlito Martin Mendoza မှ မေလတွင် ပြုလုပ်သည့် 8th Asia Initiative Meeting အတွင်း လက်မှတ်ရေးထိုးခဲ့ကြောင်း DOF မှ ပြောကြားခဲ့သည်။ CARF သည် အခွန်လိုက်နာမှု ရည်ရွယ်ချက်များအတွက် အခွန်အာဏာပိုင်များကြား crypto ပိုင်ဆိုင်မှုများ နှင့် ဆက်နွှယ်သော သတင်းပို့ခြင်းနှင့် အလိုအလျောက် ဖလှယ်ခြင်းအတွက် အခြေခံမူဘောင်ကို ဖွဲ့စည်းပေးကြောင်း သိရသည်။

DOCA(ရန်ကုန်)

          အင်ဒိုနီးရှားနိုင်ငံသည် ဒူဘိုင်းအခြေစိုက် ဒစ်ဂျစ်တယ်အခြေခံအဆောက်အအုံကုမ္ပဏီ EDGNEX ထံမှ ဒေတာစင်တာဖွံ့ဖြိုးတိုးတက်မှုအတွက် အမေရိကန်ဒေါ်လာ ၂.၃ ဘီလီယံတန်ဖိုး ရှိ ရင်းနှီးမြှုပ်နှံမှုကို အာမခံခဲ့ကြောင်း ဆက်သွယ်ရေးနှင့် ဒစ်ဂျစ်တယ်ရေးရာဝန်ကြီး Meutya Hafid က ဇွန်လ ၁၉ ရက်နေ့တွင် ပြောကြားခဲ့သည်။ အနောက်ဂျာဗားပြည်နယ် Cikarang စက်မှုဇုန်ရှိ ၁၂ ဟက်တာကျယ်ဝန်းသော ဧရိယာတွင် ခေတ်မီဒေတာစင်တာ အခြေခံ အဆောက်အအုံ တည်ဆောက် ရန်အတွက် ရင်းနှီးမြှုပ်နှံမှုကို အသုံးပြုမည်ဖြစ်ကြောင်း Meutya မှ ပြောကြားခဲ့သည်။ ပရောဂျက်၏ ကနဦးအဆင့်ကို ၂၀၂၆ ခုနှစ်တွင် ပြီးစီးရန် ရည်မှန်းထားပြီး ၂၀၂၈ ခုနှစ်အထိ ဆက်လက်ဖွံ့ဖြိုး တိုးတက်မှုများလုပ်ဆောင်သွားမည်ဖြစ်ကြောင်းသိရသည်။ ဒေတာစင်တာသည် အင်ဒိုနီးရှားနိုင်ငံ၏ ဒစ်ဂျစ်တယ်အသွင်ပြောင်းခြင်း၏ ကျောရိုး တစ်စိတ်တစ်ပိုင်းဖြစ်ကြောင်း EDGNEX ၏တည်ရှိမှုသည် ကျွန်ုပ်တို့နိုင်ငံ၏ ဒစ်ဂျစ်တယ် ဂေဟစနစ်တွင် ကမ္ဘာလုံးဆိုင်ရာရင်းနှီးမြှုပ်နှံသူများထံမှ ယုံကြည်မှု တိုးလာမှု၏ အပြုသဘော ဆောင်သည့်အချက်တစ်ခုအဖြစ် ရှုမြင်ကြောင်း Meutya မှ တရားဝင် ထုတ်ပြန်ချက်တစ်ခုတွင် ပြောကြားခဲ့သည်။ ဝန်ကြီးဌာန၏ အချက်အလက်များအရ အင်ဒိုနီးရှား၏ ဒေတာစင်တာ စွမ်းဆောင်ရည်သည် ပြီးခဲ့သော အောက်တိုဘာလမှစပြီး ၂၉၀ မဂ္ဂါဝပ် (MW) အထိတိုး လာခဲ့သည်။ ၂၀၂၅ ခုနှစ် နှစ်ကုန်ပိုင်းတွင် တစ်နိုင်ငံလုံး အတိုင်းအတာဖြင့် ဓာတ်အား ၉၀၀ မဂ္ဂါဝပ် အထိ မြှင့်တင်နိုင်မည်ဟု ခန့်မှန်းထားကြသည်။ စွမ်းရည်များ လျင်မြန်စွာ တိုးတက်လာခြင်းသည် အင်ဒိုနီးရှားနိုင်ငံ၏ ဒေသတွင်း မဟာဗျူဟာမြောက် ရပ်တည်ချက်ကို လိုက်စားနေခြင်းကို ညွှန်ပြနေ ကြောင်း၊ အစိုးရသည် ရင်းနှီးမြှုပ်နှံမှုအသစ်များအတွက် ကျယ်ပြန့်သော အခွင့်အလမ်းများကို ဆက် လက်ဖွင့်ပေးမည်ဖြစ်ကြောင်း၊ အင်ဒိုနီးရှားသည် အရှေ့တောင်အာရှဒေသတွင် အဓိက ဒစ်ဂျစ်တယ် ဒေတာအချက်အချာဖြစ်လာရန် အလားအလာကောင်းရှိကြောင်း Meutya က ပြောကြားခဲ့သည်။

Source : Xinhua 

DOCA(ရန်ုကုန်)

         တန်ဇန်းနီးယားနိုင်ငံသည်နိုင်ငံ၏ ပထမဆုံး ခေတ်မီကြေးနီပြုပြင်ရေး စက်ရုံကို တရားဝင်ဖွင့် လှစ်လိုက်ပြီဖြစ်ကြောင်း ဇွန်လ ၁၉ ရက်က တရားဝင်ထုတ်ပြန်ခဲ့သည်။ Mbeya ဒေသရှိ Chunya ခရိုင်တွင် ၀န်ကြီးချုပ် Kassim Majaliwa က ဇွန်လ ၁၈ ရက်နေ့တွင် ဖွင့်လှစ်သည့် အဆိုပါစက်ရုံကို Mineral Access Systems Tanzania Ltd (MAST) မှ လည်ပတ်ဆောင်ရွက်သည်ဟု ထုတ်ပြန်ချက် တွင် ဖော်ပြထားသည်။ နိုင်ငံတော်၏ မျှော်မှန်းချက်နှင့် စီးပွားရေး အသွင်ကူးပြောင်းမှု၏ သင်္ကေတ အဖြစ် စက်ရုံတည်ဆောက်မှုသည် ဒေသတန်ဖိုးမြှင့်တင်ရေး၊ ခေတ်မီနည်းပညာများကို အသုံးပြု၍ ပတ်ဝန်းကျင်ဆိုင်ရာ တာဝန်သိမိုင်းတွင်း အလေ့အထများကို ကျင့်သုံးရန် အစိုးရ၏ ကတိကဝတ်ကို ထင်ဟပ်စေကြောင်း Majaliwa မှ ပြောကြားခဲ့သည်။ "တန်ဇန်းနီးယားတွင် ရင်းနှီးမြှုပ်နှံမှုနှင့် စီးပွားရေးအခြေအနေများ ဆက်တိုက်တိုးတက်နေမှုကို မီးမောင်းထိုးပြသည်" ဟု ၎င်းက ဆိုသည်။ MAST ဒါရိုက်တာ Godfrey Kente က အဆိုပါစက်ရုံသည် Chunya ရှိ Mbugani ဧရိယာမှ ကြေးနီ ၀.၅ မှ ၂ ရာခိုင်နှုန်းကြား ကြေးနီသတ္တုရိုင်းများ ထုတ်ယူရန် ရည်မှန်းထားပြီး သတ္တုရိုင်းများကို ၇၅ ရာခိုင်နှုန်းအထိ သန့်စင်နိုင်ရန် အဆင့်မြှင့်တင်ပေးမည်ဟု ဆိုသည်။ အဆိုပါစက်ရုံသည် တစ်လလျှင် ကြေးနီသတ္တုရိုင်းတန်ချိန် ၃၁၂၀၀၊ MAST ကိုယ်ပိုင်သတ္တုတွင်းမှ တန်ချိန် ၂၇၂၀၀ နှင့် နိုင်ငံတစ်ဝှမ်းရှိ အသေးစားမိုင်းတွင်းလုပ်သားများမှ ဝယ်ယူသည့် တန်ချိန် ၄၀၀၀ ရှိကြောင်း ၎င်းက ဆိုသည်။ MAST သည် ကြေးနီ ရှာဖွေတွေ့ရှိခဲ့သည့် Manyara၊ Ruvuma နှင့် Dodoma ဒေသများတွင် ကြေးနီပြုပြင် ရေးစက်ရုံ ၃ ရုံကို တိုးချဲ့တည်ဆောက်ရန် စီစဉ်နေကြောင်း Kente မှ ပြောကြားခဲ့သည်။

Source : Xinhua

DOCA(ရန်ကုန်)

           ကမ္ဘာလုံးဆိုင်ရာ နိုင်ငံခြား တိုက်ရိုက် ရင်းနှီးမြှုပ်နှံမှု (FDI) သည် ၂၀၂၄ ခုနှစ်တွင် ၁၁ ရာခိုင် နှုန်း ကျဆင်းခဲ့ပြီး အမေရိကန် ဒေါ်လာ ၁.၅ ထရီလျံ ကျဆင်းသွားကာ ဒုတိယနှစ် ဆက်တိုက် ကျဆင်းသွားခြင်း ဖြစ်ကြောင်း ကုလသမဂ္ဂ ကုန်သွယ်ရေးနှင့် ဖွံ့ဖြိုးတိုးတက်ရေး ညီလာခံ (UNCTAD) က ဇွန်လ ၁၉ ရက်နေ့တွင် ပြောကြားခဲ့သည်။ ပထဝီဝင်နိုင်ငံရေးတင်းမာမှု များ၊ ကုန်သွယ်ရေး အကွဲ ကွဲအပြားပြားဖြစ်ခြင်းနှင့် စက်မှုမူဝါဒပြိုင်ဆိုင်မှု ပြင်းထန်လာခြင်း၊ မြင့်မားသော ဘဏ္ဍာရေး အန္တရာယ်နှင့် မသေချာမရေရာမှုများနှင့်အတူ ကမ္ဘာလုံးဆိုင်ရာ ရင်းနှီးမြုပ်နှံမှုများကို ပြန်လည်ပုံဖော် နေကြောင်း UNCTAD က ၎င်း၏ World Investment Report 2025 တွင် ပြောကြားခဲ့သည်။ ဥရောပ တွင် ၅၈ ရာခိုင်နှုန်း ကျဆင်းမှုအပါအဝင် ဖွံ့ဖြိုး ပြီးနိုင်ငံများအတွက် FDI ပမာဏ ၂၂ ရာခိုင်နှုန်း ကျဆင်းလာခြင်းကြောင့် အများစုမှာ ကျဆင်းသွားခြင်းဖြစ်သည်ဟု အစီရင်ခံစာက ဆိုသည်။ ဒစ်ဂျစ် တယ်စီးပွားရေး ရင်းနှီးမြှုပ်နှံမှု သည် သတင်းအချက်အလက်နှင့် ဆက်သွယ်ရေးနည်းပညာ (ICT) ထုတ်လုပ်မှု၊ ဒစ်ဂျစ်တယ် ဝန်ဆောင်မှုများနှင့် ဆီမီးကွန်ဒတ်တာများဖြင့် ဦးဆောင်သော FDI တွင် ၁၄ ရာခိုင်နှုန်းတိုးလာ ကြောင်း အစီရင်ခံစာအရသိရသည်။ ပြန်လည်ပြည့်ဖြိုးမြဲစွမ်းအင်၊ သယ်ယူ ပို့ဆောင် ရေးနှင့် ရေနှင့်သန့်ရှင်းရေးအပါအဝင် စဉ်ဆက်မပြတ် ဖွံ့ဖြိုးတိုးတက်ရေးပန်းတိုင်များ (SDG)ကို အောင်မြင်ရန် အရေးကြီးသောကဏ္ဍများတွင် ရင်းနှီးမြှုပ်နှံမှုများ သိသိသာသာ ကျဆင်းသွား သည်ကို မှတ်သားထားပြီး ပမာဏအားဖြင့် ၃၀ ရာခိုင်နှုန်းကျော် ကျဆင်းသွားကြောင်း သိရ သည်။ လက်ရှိ ရင်းနှီးမြှုပ်နှံမှု အဆင့်များသည် ကမ္ဘာလုံးဆိုင်ရာ လိုအပ်ချက်များနှင့် အလှမ်းဝေး နေကြောင်း ၎င်းက သတိပေးလျှက်ရှိသည်။ SDG ဘဏ္ဍာငွေ ကွာဟချက်ကိုနည်းပါးစေရန် ဖွံ့ဖြိုးဆဲနိုင်ငံများတွင် တစ်နှစ်လျှင် ခန့်မှန်းခြေ အမေရိကန်ဒေါ်လာ ၄ ထရီလီယံ လိုအပ်မည်ဟု ၎င်းကဆိုသည်။ အမေရိကန် "အပြန်အလှန်အကောက်ခွန်" အစီအမံများကြောင့် ကမ္ဘာ့ ကုန်သွယ်ရေးတင်းမာမှုများ တိုးမြင့်လာခြင်း၊ ကုန်သွယ်မှုညှိနှိုင်းမှုများ တိုးမြင့်လာခြင်းနှင့် စီးပွားရေးမူဝါဒ မရေရာမသေချာမှုများ မြင့်တက်လာခြင်းသည် နိုင်ငံတကာ ရင်းနှီးမြှုပ်နှံမှု များကို သိသိသာသာ သက်ရောက်မှုရှိကြောင်း အစီရင်ခံစာတွင် ဖော်ပြထားသည်။ UNCTAD သည် ဖွံ့ဖြိုးဆဲနိုင်ငံများ၏ ဒစ်ဂျစ်တယ် စက်မှုလုပ်ငန်း များတွင် အသွင်ပြောင်း FDI များကို လုံခြုံစေရန် ကူညီပေးရန်အတွက် ဒစ်ဂျစ်တယ် ရင်းနှီးမြုပ်နှံမှု မူဝါဒနှင့် စည်းမျဉ်းများ၊ ဒစ်ဂျစ်တယ်အခြေခံအဆောက်အအုံများအပါအဝင် ဒေတာနှင့် AI အုပ်ချုပ်မှု ဆိုင်ရာ ဦးစားပေးကဏ္ဍခုနစ်ခုကို တင်ပြထားကြောင်းသိရသည်။

Source : Xinhua

DOCA(ရန်ကုန်)

             ဗီယက်နမ်နိုင်ငံဒုတိယဝန်ကြီးချုပ် Nguyen Hoa Binh က အဓိကအခြေခံအဆောက်အအုံ များနှင့်ချိတ်ဆက်မည့် Da Nang လွတ်လပ်သောကုန်သွယ်ရေးဇုန် (FTZ) တည်ထောင်မည့် ဆုံးဖြတ်ချက်ကို လက်မှတ်ရေးထိုးခဲ့ပြီး ဗဟိုကမ်းရိုးတန်းမြို့တော်အတွက် ဖွံ့ဖြိုးတိုးတက်မှုအခွင့် အလမ်းများကို တံခါးဖွင့်လှစ်ပေးနိုင်ခဲ့ကြောင်း သိရပါသည်။ ဆုံးဖြတ်ချက်အရ ထိုဇုန်သည် ၁၈၈၁ ဟတ်တာကျယ်ဝန်းမည်ဖြစ်ပြီး ကုန်ထုတ်လုပ်ခြင်း၊ ထောက်ပံ့ပို့ဆောင်ရေး၊ ကုန်သွယ်ရေးနှင့် ဝန်ဆောင်မှု၊ ဒစ်ဂျစ်တယ်နည်းပညာလုပ်ငန်း၊ သတင်းအချက်အလက်နည်းပညာနှင့် ဆန်းသစ် တီထွင်မှုတို့အတွက် ဧရိယာများဖြင့် ဖွဲ့စည်းမည်ဟု သိရပါသည်။ ဇုန်ကို ကုန်ထုတ်လုပ်ခြင်း၊ ထောက်ပံ့ပို့ဆောင်ရေး၊ ကုန်သွယ်ရေးနှင့် အရည်အသွေးမြင့်နည်းပညာနှင့် ဝန်ဆောင်မှုများ အတွက်ခေတ်မီပြီး ဘက်ပေါင်းစုံအခြေခံအဆောက်အအုံအဖြစ်တည်ထောင်မည်ဖြစ်ကာ ဒေသ တွင်းအဆင့် စီးပွားရေးအချက်အချာနှင့် ဗဟိုဒေသနှင့် နိုင်ငံအတွက် ဗျူဟာမြောက်ကြီးထွားမှု စွမ်းအားတစ်ခုဖြစ်လာရန်ရည်ရွယ်ကြောင်း သိရပါသည်။ ရေရှည်ရည်မှန်းချက်မှာ ဇုန်အား ကမ္ဘာလုံးဆိုင်ရာနှင့် အာရှ-ပစိဖိတ်ထောက်ပံ့မှုကွင်းဆက်တွင် အရေးပါသော အချိတ်အဆက် ဖြစ်လာရန်ဖြစ်ကြောင်း သိရပါသည်။ တစ်ချိန်တည်းမှာပင် ဇုန်ကို မြို့တော်တွင်အခြေစိုက်သည့် နိုင်ငံတကာဘဏ္ဍာရေးစင်တာနှင့်ချိတ်ဆက်မည်ဖြစ်ပြီး ခေတ်မီစံပြ ယှဉ်ပြိုင်နိုင်စွမ်းမြင့်သော စီးပွားရေးဂေဟစနစ်အဖြစ် ဖွဲ့စည်းမည်ဟု သိရှိရပါသည်။

Vietnam Plus                                                                             DOCA (ရန်ကုန်)