ပြည်တွင်းကုန်သွယ်မှုသတင်း

        မကွေးတိုင်းဒေသကြီး၊ အောင်လံကုန်စည်ဒိုင်တွင် နှမ်းဈေးနှုန်းမှာ ယခင်အပတ်(၂.၂.၂၀၂၂)နေ့နှင့် ယခုအပတ် (၉.၂.၂၀၂၂)နေ့ ဈေးနှုန်းများနှိုင်းယှဉ်ပါက ပြောင်းလဲမှုမရှိပဲ ပုံမှန်အရောင်းအဝယ်ဖြစ်လျက်ရှိပါသည်။ အရောင်းအဝယ်များမှာ နှမ်းနက်(စမုံ)တစ်တင်းခွဲအိတ်(၁၁၅၀)အိတ်၊ နှမ်းပြာ(၃၅၀)အိတ်၊ နှမ်းနီ(၂၇၀) အိတ်တို့ အရောင်းအဝယ်ဖြစ်လျက်ရှိပြီး ပဲစဉ်းငုံမှာ ယခင်အပတ်(၄၂၅၀ဝိ/-)မှ ယခုအပတ် (၄၀၃၀ဝိ/-)ဖြစ်သည့်အတွက် (၂၂၀ဝိ/-)လျော့၊ မတ်ပဲတွင်လည်း ယခင်(၄၀၅၀ဝိ/-)မှ ယခု (၃၇၀၀ဝိ/-) ဖြစ်သည့်အတွက် (၃၅၀ဝိ/-)လျော့၊ ကုလားပဲ(H.L) ယခင်(၄၂၅၀ဝိ/-) ယခု(၄၁၀ဝိ/-) ဖြစ်သည့်အတွက် (၁၅၀ဝိ/-)လျော့၊ ဘိုကိတ်အပြာ ယခင်(၃၄၀၀ဝိ/-) ယခု(၃၀၀၀ဝိ/-) ဖြစ်သည့်အတွက် (၄၀၀ဝိ/-)လျော့ကျခဲ့ပြီး ကျန်ပဲအမျိုးအစားများမှာ ယခင်အပတ်ဈေးနှုန်းအတိုင်း ပုံမှန်အရောင်းအဝယ်ရှိလျက်ရှိကြောင်း သိရပါသည်။

        ပဲကြီးအသစ်များ စတင်ပေါ်လာပြီး ရွှေကျွန်းအသန့်(အသစ်)ဈေး (၈၅၀၀ဝိ/-)ဈေးဖြင့် စတင်ဝယ်ယူနေပြီး ပဲကြီးအဟောင်းဈေးမှာ (၈၀၀၀ဝိ/-)ခန့်ရှိပါသည်။ အရောင်းအဝယ်ဖြစ်သည့် ပမာဏအနေဖြင့် ပဲစဉ်းငုံနီ တစ်တင်းခွဲအိတ် (၇၉၀)အိတ်၊ ပဲတီစိမ်း(၉၀၀)အိတ်၊ ဘိုကိတ်ပြာ(၅၃၀) အိတ်နှင့် ပဲကြီး(၁၅၀)အိတ်တို့ဖြစ်ပါ သည်။ မြေပဲဆံအနေဖြင့် ယခင်အပတ် လုံးဆံ(အနီ) (၂၉၀ဝိ/-) ဈေးရှိခဲ့ပြီး ယခုအပတ် (၂၉၇၅/-) ဖြစ်သည့်အတွက်(၇၅/-)ဈေးမြင့်ခဲ့ပြီး လုံးဆံ(အဖြူ)မှာ ယခင် အပတ် (၃၂၅ဝိ/-)ရှိခဲ့ပြီး ယခုအပတ်(၃၂၀ဝိ/-) ဖြစ်၍ (၅ဝိ/-)ဈေးကျခဲ့ပါသည်။ (၂၅)ပိဿာဝင် လုံးဆံ (အနီ)အိတ် (၄၅၀)အိတ်၊ လုံးဆံ(အဖြူ) (၇၀၀)အိတ် အရောင်းအဝယ်ဖြစ်ပြီး ဝါသီးနှံမှာ ယခင်အပတ်(၁၈၀ဝိ/-)မှ (၁၈၅ဝိ/-)ဈေးရှိပြီး ယခုအပတ်(၁၇၀ဝိ/-) (၁၈၀ဝိ/-)ရှိသည့်အတွက် (၁၀ဝိ/-) ဈေးလျော့ကာ ပိဿာချိန်(၃၀၀၀၀)ခန့် အရောင်းအဝယ်ဖြစ်ခဲ့ကြောင်း ကုန်သည်ထံမှ သိရှိခဲ့ရပါသည်။

စားသုံးသူရေးရာဦးစီးဌာန

မကွေးတိုင်းဒေသကြီး

               မကွေးတိုင်းဒေသကြီးသည် မြန်မာနိုင်ငံအလယ်ပိုင်း မိုးနည်းရေရှားရပ်ဝန်းတွင် တည်ရှိပြီး ဆီထွက်သီးနှံ အများအပြား စိုက်ပျိုးထွက်ရှိသော်လည်း ရေ၊ မြေ၊ ရာသီဥတု အခြေအနေအရ စပါးစိုက်ဧကနည်းသဖြင့် ဒေသတွင်း ဆန်စားသုံးမှုကို ဖူလုံအောင် စိုက်ပျိုးနိုင်မှုမရှိခြင်းကြောင့် ဆန်လို တိုင်းဒေသကြီးတစ်ခုဖြစ်ပါသည်။ စပါးစိုက်ပျိုးမှုနှင့် ပတ်သက်၍ ဧရာဝတီမြစ်၏ အနောက်ဘက်ခြမ်း ဒေသဖြစ်သော မင်းဘူးခရိုင်၊ ပွင့်ဖြူမြို့နယ်နှင့် စလင်းမြို့နယ်တို့တွင် ဆည်ရေသောက်ဧရိယာရှိခြင်း၊ စပါးစိုက်ရန် မြေဆီမြေနှစ်ရှိသော လယ်မြေများ အသင့်အတင့်ရှိခြင်းကြောင့် အရည်အသွေးကောင်းမွန်သော ဧရာပဒေသာစပါးများ စိုက်ပျိုးလျှက်ရှိပါသည်။ အဆိုပါ ဒေသမှ ထွက်ရှိသော ဧရာပဒေသာ ဆန်အမျိုးအစားမှာ အရည်အသွေးကောင်းမွန်ပြီး ပြည်တွင်း စားသုံးမှုတွင် လူကြိုက်များသဖြင့် ဒေသတွင်း စားသုံးမှုအပြင် မန္တလေးတိုင်းနှင့် နေပြည်တော်၊ တပ်ကုန်းဒေသများအထိပါ ဈေးကွက်ရောက်ရှိပြီး လူအများ နှစ်သက်သော ဆန်အဖြစ် ဈေးကောင်း ရရှိလျှက်ရှိပါသည်။

              မကွေးတိုင်းဒေသကြီးအတွင်း ၂၀၂၁-၂၀၂၂ ခုနှစ်တွင် ဧရာပဒေသာ စပါးစိုက်ဧက (၁၈၆၀၅၁) ဧက စိုက်ပျိုးလျှက်ရှိရာ မကွေးခရိုင်၊ မြို့သစ်၊ တောင်တွင်းကြီးမြို့နယ်၊ မင်းဘူးခရိုင်၊ မင်းဘူး (စကု) ၊ ပွင့်ဖြူ၊ စလင်းမြို့နယ်များတွင် အဓိကစိုက်ပျိုးလျှက်ရှိပါသည်။ ဧရာပဒေသာစပါးကို ဆည်ရေရရှိသည့် ဒေသများ၌သာ စိုက်ပျိုးနိုင်ခြင်းဖြစ်ပြီး ဧရာပဒေသာ စိုက်ဧကမှာ ဆည်ရေသောက်ဧရိယာများအားလုံး စိုက်ပျိုးနိုင်ခြင်းမရှိကြောင်း၊ ဧရာပဒေသာစပါး၏ သက်တမ်း မှာ ရက် (၁၄၀) မှ (၁၅၀) အထိရှိပြီး ရာသီစပါးဖြစ်သောကြောင့် ဇူလိုင်လတွင် ပျိုးထောင်ပြီး နိုဝင်ဘာလတွင် ပန်းပွင့်ရကြောင်း၊ သက်တမ်းရှည်စပါးဖြစ်၍ မိုးတွင်း၌သာ စိုက်ပျိုးနိုင်ပြီး နွေစပါးအဖြစ် စိုက်ပျိုး၍ မရကြောင်း၊ မိုးတွင်း၌ပင် ဆည်ရေပေးသွင်း၍ စိုက်ပျိုးရကြောင်း သိရှိရ ပါသည်။

              ဧရာပဒေသာဆန်သည် ၂၀၁၁ ခုနှစ်မှစ၍ ဈေးကွက်ထိုးဖောက်ခဲ့ပြီး တစ်နှစ်ထက်တစ်နှစ် အရည်အသွေးကောင်းမွန်လာသည့်အတွက် စပါး/ ဆန်ဈေးနှုန်းမှာလည်း မြင့်တက်လာပြီး ဆီးချို/ သွေးချိုရှိသူများမှလည်း ပေါ်ဆန်းနေရာတွင် အစားထိုး စားသုံးလာသည့်အတွက် စားသုံးမှုမြင့်တက် လာကြောင်း၊ လက်ရှိ ဧရာပဒေသာ မိုးစပါး (အဟောင်း ) (၁) တင်းလျှင် (၁၂၀၀၀) ကျပ်၊ မိုးစပါး (အသစ်) (၁) တင်းလျှင် (၁၀၀၀၀) ကျပ်၊ ဧရာပဒေသာဆန် (အဟောင်း) (၁) အိတ်လျှင် (၅၁၀၀၀) ကျပ်၊ (အသစ်) (၁) အိတ်လျှင် (၄၁၀၀၀) ကျပ် ပေါက်ဈေးရှိကြောင်း ဈေးကွက်အတွင်းမှ လေ့လာ သိရှိရပါသည်။

စားသုံးသူရေးရာဦးစီးဌာန

မကွေးတိုင်းဒေသကြီး

          အင်းစိန်မြို့နယ်ရှိ တညင်းကုန်းလက်ကားဈေးကြီးအတွင်းသို့ ဖေဖော်ဝါရီလ (၃)ရက်နေ့မှ ဖေဖော်ဝါရီလ (၁၀)ရက်အတွင်း ညောင်တုန်း၊ မှော်ဘီ၊ သာရဝေါ၊ ညောင်နှစ်ပင်ကျေးရွာ၊ ကြာကန်စုကျေးရွာ၊ နေပြည်တော်၊ တပ်ကုန်း၊ ရွှေဒါး၊ မင်္ဂလာဒုံ၊ အင်းစိန်၊ ခရမ်း၊ သုံးခွ၊ ပြည်၊ လက်ပံတန်း၊ မင်းလှ၊ ဝါးနက်ချောင်း၊ မော်လမြိုင်၊ မန္တလေး၊ အုတ်ဖိုနှင့် ရှမ်းပြည်နယ်တို့မှ ဟင်းသီးဟင်းရွက်နှင့် သစ်သီးဝလံပန်းမန်များ အများဆုံးဝင်ရောက် ရောင်းချနေကြောင်း သိရှိရပါတယ်။ ထိုသို့ဝင်ရောက်ရာတွင် ယခုရက်သတ္တပတ်အတွင်း ခရမ်းချဉ်သီးထိုင်ဝမ် (ပိဿာ)ကျပ် ၁၀၀၀ မှ ၂၄၀၀ အတွင်း၊ ဂေါ်ဖီထုပ်(တစ်ထုပ်)ကျပ် ၆၀၀ မှ ၂၀၀၀အတွင်း၊ ပန်းဂေါ်ဖီ(ထုပ်)ကျပ် ၅၀၀ မှ ၂၁၀၀ အတွင်း၊ အာလူး(ပိဿာ)ကျပ် ၁၂၅၀ မှ ၂၃၀၀ အတွင်း၊ မုန်လာဥနီ(ပိဿာ) ကျပ် ၁၇၀၀ မှ ၂၀၀၀အတွင်း၊ ရွှေဖရုံသီး(လုံး)ကျပ် ၁၀၀၀ မှ ၁၃၀၀ အတွင်း၊ ဗူးသီး(လုံး) ကျပ် ၉၀၀ မှ ၁၂၀၀ အတွင်း၊ မုန်ညှင်း(ထုပ်)(ပိဿာ) ကျပ် ၁၀၀၀ မှ ၁၂၀၀အတွင်း၊ ကြက်သွန်နီ(ဆိပ်ဖြူ) ကျပ် ၉၀၀ မှ ၁၂၀၀အတွင်း၊ ကြက်သွန်ဖြူ(ရှမ်း)(ပိဿာ) ၂၅၀၀ မှ ၃၅၀၀ အတွင်း၊ ကြက်သွန်ဖြူ(ကြူကုတ်)(ပိဿာ) ကျပ် ၂၄၀၀ မှ ၃၆၀၀ အတွင်း၊ ချင်း(ပိဿာ)ကျပ် ၁၀၀၀ မှ ၁၈၀၀ အတွင်း၊ ဆလပ်ရွက်(စီး) ကျပ် ၂၀၀ မှ ၃၅၀ အတွင်း၊ ချဉ်ပေါင်ရွက်(စီး) ကျပ် ၁၀၀ မှ ၁၅၀ အတွင်း၊ ခရမ်းသီး(ရှည်)(လုံး)ကျပ် ၁၀၀ မှ ၁၂၀ အတွင်း၊ သံပရာသီး(လုံး)ကျပ် ၁၀၀ မှ ၁၅၀ အတွင်း၊ ငရုတ်သီးစိမ်း(ကျောက်စိမ်း)(ပိဿာ) ၉၀၀ မှ ၁၁၀၀ အတွင်း၊ ဖရဲသီး(အကြီး၊ အလတ်၊ အသေး) ကျပ် ၁၇၀၀ မှ ၅၀၀၀ အတွင်း ဖြစ်ကြောင်း သိရှိရပါတယ်။ တညင်းကုန်း လက်ကား ဈေးကြီးအတွင်းသို့ ယခုရက်သတ္တပတ်အတွင်း သံပုရာသီးအလုံးပေါင်း (၁၇၁၀၀)ကျော်၊ ခရမ်းသီး(ရှည်)(လုံး) (၁၅၆၀၀) ကျော်၊ ဗူးသီးအလုံးပေါင်း (၁၄၃၀၀)ကျော်၊ရွှေဖရုံသီးအလုံးပေါင်း (၁၁၂၀၀)ကျော်၊ ဂေါ်ဖီထုပ်ပေါင်း (၁၅၆၀၀)ကျော်၊ပန်းဂေါ်ဖီထုပ်ပေါင်း (၁၅၃၅၀)ကျော်၊ မုန်ညှင်းထုပ်(ပိဿာ)ပေါင်း (၈၁၀၀)ကျော်၊ ဖရဲသီးလုံးပေါင်း(၂၃၂၀၀)ကျော် အသီးသီးကုန်အဝင်ရှိကြောင်း သိရပါတယ်။

စားသုံးသူရေးရာဦးစီးဌာန

ရန်ကုန်တိုင်း‌ဒေသကြီး

            စားသုံးသူရေးရာဦးစီးဌာန၊ မန္တလေးတိုင်းဒေသကြီး၊ မိတ္ထီလာခရိုင်ဦးစီးမှူးရုံးမှ ဦးစီးအရာရှိ၊ ဦးသန်းစိုး နှင့်ဝန်ထမ်းများသည် မလှိုင်မြို့နယ်၊ ရပ်ကွက်ကြီး(၂)၊မြို့ဦးကွက်သစ်ရှိ ရွှေပြည်သစ် ဆန်ခေါက်ဆွဲလုပ်ငန်းသို့ ၂၇.၁.၂၀၂၂ရက်နေ့တွင် ကွင်းဆင်းလေ့လာခဲ့ပါသည်။

            အဆိုပါ ကွင်းဆင်းလေ့လာမှုအရ ရွှေပြည်သစ် ခေါက်ဆွဲလုပ်ငန်းကို ၂၀၁၇ ခုနှစ်မှ စတင်၍ ရှမ်းအဖွယ်နှင့် ရှမ်းအစီးဟူ၍ ဆန်ခေါက်ဆွဲ (၂) မျိုး ထုတ်လုပ်ရောင်းချခဲ့ကြောင်း၊ ဆန်စျေးနှုန်းသည် ယခင်က (၂၅၀၀၀)ကျပ်ခန့်ရှိပြီး ၊ ယခုတွင် (၃၀၀၀၀) ကျပ်ခန့်ရှိကြောင်း၊ တစ်ရက်ကို လုပ်သား (၅)ဦးဖြင့် လုပ်ကိုင်လျက် ရှိပြီး ဆန်တစ်အိတ်လျှင် ပျမ်းမျှ ခေါက်ဆွဲအစို (၃၈) ပိဿာနှင့် အခြောက်ဆိုလျှင် (၁၅) ပိဿာခန့်ထွက်ရှိ ကြောင်း၊ ယခင်ကတစ်ရက် ဆန် ၃ အိတ်မှ ၄ အိတ် အထိ ကြိတ်ခွဲ ထုတ်လုပ် ရောင်းချလျက်ရှိပြီး ယခုအခါ ဆန် ၁ အိတ်သာ ကြိတ်ခွဲထုတ်လုပ်ရောင်းချနေကြောင်း သိရှိရပါသည်။ ခေါက်ဆွဲအစိုများကို မလှိုင်မြို့နယ်အတွင်းရှိ ဆိုင်များသာမက မြင်းခြံ၊ မိတ္ထီလာ၊ ကျောက်ပန်းတောင်း၊ ပုပ္ပါးစသည့် မြို့များကို ဖြန့်ဖြူးရောင်းချနေကြောင်း၊ ခေါက်ဆွဲအခြောက်အား ချောက်နှင့် ကျောက်ပန်းတောင်းမြို့များသို့ ရောင်းချလျက်ရှိနေပြီး ထပ်မံတိုးချဲ့ လုပ် ကိုင်သွားမည်ဖြစ်ကြောင်းနှင့် ခေါက်ဆွဲအစို ၁ ပိဿာ ၁၂၀၀ ကျပ်၊ ခေါက်ဆွဲအခြောက် ၁ ပိဿာ ၂၅၀၀ ကျပ် ဖြင့် ရောင်းချလျက်ရှိပြီး၊ စျေးကွက်ထိုးဖောက်မှုတွင်လည်း အားကောင်းနေသော အိမ်တွင်းအသေးစား စက်မှုလုပ်ငန်းဖြစ်ကြောင်း သိရှိရပါသည်။

            ယခင်က နံနက်စာကို လက်ဖက်ရည်၊ပလာတာ၊ အီကြာ‌ကွေး၊ နံပြားစသည့် အစားအစာများကို စားသုံး ခဲ့ရာမှ ယခုဆိုရင် ရှမ်းခေါက်ဆွဲသည်လည်း မပါမဖြစ် ပူးတွဲကပ်ပါလာသည့်အတွက် ရှမ်းအဖွယ်၊ ရှမ်းအစီးလုပ် ငန်းသည်လည်း အောင်မြင်မှုရရှိနေသော လုပ်ငန်းဖြစ်ကြောင်း လေ့လာတွေ့ရှိရပါသည်။

DOCA(မန္တလေး)

          ရွှေဘိုခရိုင်အနေဖြင့် ၂၀၂၁-၂၀၂၂ခုနှစ်တွင် မိုးစပါး ၆၇၂၇၇၃ဧက စိုက်ပျိုးပြီး ရာသီကုန် ရိတ်ဧက ၆၇၀၁၃၃ဧကရှိရာ အထွက်နှုန်းအနေဖြင့် တစ်ဧကလျင်  ၈၂.၂၃တင်းနှုန်း ထွက်ရှိသဖြင့် စုစုပေါင်း ၅၅၁၀၇၂၈၉တင်း ထွက်ရှိကြောင်း လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာနမှ သိရှိရသည်။

          ရွှေဘိုခရိုင်အတွင်း ၂၀၂၁-၂၀၂၂မိုးစပါး ပေါ်ချိန် ပေါက်ဈေးနှုန်းမှာ ရွှေဘိုပေါ်ဆန်း စပါး တင်း၁၀၀လျှင် ၁၂၀၀၀၀၀ကျပ်၊ ဧရာမင်းစပါး တင်း၁၀၀လျှင် ၉၀၀၀၀၀ကျပ်ရှိပြီး ယခု ဖေဖော်ဝါရီ ဒုတိယပတ်တွင် ရွှေဘိုပေါ်ဆန်း စပါး တင်း၁၀၀လျှင် ၁၂၅၀၀၀၀ကျပ်၊ ဧရာမင်းစပါး တင်း၁၀၀လျှင် ၉၀၀၀၀၀ကျပ် ဈေးနှုန်းပေါက်လျက်ရှိရာ ရွှေဘိုပေါ်ဆန်းစပါး တင်း၁၀၀လျှင် ကျပ် ၅၀၀၀၀ခန့် မြင့်တက်လျက်ရှိကြောင်း သိရသည်။

DOCA(စစ်ကိုင်း)