ပြည်တွင်းကုန်သွယ်မှုသတင်း

            ကျွန်းလှမြို့နယ်အတွင်းရှိ ကျေးရွာများတွင် စိုက်ပျိုးရေးလုပ်ငန်းများကို လုပ်ကိုင်လျက်ရှိရာ စားဖို ဆောင်သီးနှံ ဖြစ်သည့် ပဲတောင့်ရှည်သီး၊ ချဉ်ပေါင်ရွက်၊ ရုံးပတီသီး၊ ခရမ်းသီးနှင့်ကန်ဇွန်းရွက်များကို စိုက်ပျိုးလျက်ရှိသည့်အနက် ချည်ပေါင်းရွက် နှင့် ကင်ပလင်းရွက်ကိုလည်း တစ်ပိုင်တစ်နိုင် စိုက်ပျိုး လျက်ရှိပြီး ကျွန်းလှမြို့၊ သစ်ရာမြိုင်ဈေးသို့ လာရောက် ပို့ဆောင်ကာ အရောင်းအဝယ်ဖြစ်လျက်ရှိ ကြောင်းသိရသည်။

            ချဉ်ပေါင်ရွက်သည် ရာသီမရွေး ပေါများသော အရွက်တစ်မျိုးဖြစ်သော်လည်း ကင်ပလင်းရွက် သည် ယခုလို မိုးရာသီတွင်သာ ပေါများလှပါသည်။ ချဉ်ပေါင်ရွက်နှင့်ကင်ပလင်းရွက်တို့ကို အိမ်ရှင်မများအနေဖြင့် နေ့စဉ် အရန်ဟင်း အရည်သောက်အဖြစ် မဖြစ်မနေ ချက်ပြုတ်ကြတာဖြစ်သလို ရက်အတန်ကြာ စာနိုင်ဖို့အတွက်လည်း အဖန့်ကလေးနေလှမ်းပြီး ကြော်ထားကြတာမျိုးလည်းရှိပါသည်။ ကင်ပလင်းရွက်ကိုတော့ အချဉ်ကြော်တာအပြင် ပြုတ်ပြီး သုပ်စားကြတာကို အများဆုံးအသုံးပြုကြတာ ဖြစ်ကြောင်းသိရသည်။

          ၂၀၂၅ ခုနှစ်၊ ဇူလိုင်လ ပထမပတ်အတွင်း ကျွန်းလှမြို့၊ သစ်ရာမြိုင်ဈေးနှင့်ပိတောက်မြိုင်ဈေး များတွင် ဖြစ်ပေါ်နေသော ချဉ်ပေါင်ရွက် ဈေးနှုန်းများမှာ ချဉ်ပေါင်ရွက် လက္ကားဈေး တစ်ပိဿာ လျှင်(၁၅၀၀)ကျပ်၊ ချဉ်ပေါင်ရွက် လက်လီဈေး တစ်ပိဿာလျှင်(၂၀၀၀)ကျပ်၊ ချဉ်ပေါင်ရွက်(၅၀)ကျပ် သားလျှင်(၁၀၀၀)ကျပ်နှင့် ချဉ်ပေါင်ရွက် (၂၅) ကျပ်သားလျှင်(၅၀၀)ကျပ် ဈေးနှုန်းတို့ဖြင့်လည်းကောင်း  ကင်ပလင်းရွက် တစ်ပိဿာလျှင်(၄၀၀၀)ကျပ်၊ ကင်ပလင်းရွက်(၁)ပုံလျှင်(၃၀၀)ကျပ်၊ ကင်ပလင်းရွက် (၂)ပုံလျှင်(၅၀၀)ကျပ်၊ ကင်ပလင်းရွက်(၄)ပုံလျှင်(၁၀၀၀)ကျပ် ‌အရောင်းအဝယ် ဖြစ်လျက်ရှိကြောင်း သိရသည်။

DOCA(စစ်ကိုင်း)

                ကျွန်းလှမြို့၊ ပိတောက်မြိုင်ဈေးတွင် အသား/ ငါး၊ ဥမျိုးစုံနှင့် အခြားစား‌သောက် ကုန်ပစ္စည်းများ၊ လူသုံးကုန်ပစ္စည်းများကို ရောင်းချလျက်ရှိရာ ကြက်ဥ၊ ဘဲဥ နှင့် ငုံးဥများကို မိမိတို့ဒေသထွက် ကြက်ခြံ၊ ဘဲခြံများနှင့် မန္တလေးမြို့တို့မှ ဝယ်ယူရောင်းချလျက်ရှိပါသည်။

           ၂၀၂၅ ခုနှစ်၊ ဇူလိုင်လ ပထမအပတ် ကျွန်းလှမြို့ ဈေးကွက်အတွင်း၌ ရောင်းချနေသည့် ကြက်ဥ၊ ဘဲဥ နှင့် ငုံးဥ ဈေးနှုန်းများမှာ ကြက်ဥ လက္ကား အကြီး(၁)လုံးလျှင်(၅၃၀)ကျပ်၊ ကြက်ဥ လက်လီ အကြီး(၁)လုံး လျှင်(၅၅၀)ကျပ်၊ ကြက်ဥ လက္ကား အလတ် (၁)လုံးလျှင်(၄၈၀)ကျပ်၊ ကြက်ဥ လက်လီ အလတ်(၁)လုံးလျှင်(၅၀၀)ကျပ်၊ ကြက်ဥ လက္ကား အသေး(၁)လုံးလျှင်(၃၈၀)ကျပ်၊ ကြက်ဥ လက်လီ အသေး(၁)လုံးလျှင်(၄၀၀)ကျပ် နှင့် ဘဲဥ လက္ကား (၁)လုံးလျှင်(၆၃၀)ကျပ်၊ ဘဲဥ လက်လီ(၁)လုံးလျှင် (၆၅၀)ကျပ် နှင့် ငုံးဥ လက္ကားဈေး(၁၀)လုံးလျှင် (၉၅၀)ကျပ်၊ ငုံးဥ လက်လီဈေး (၁)လုံးလျှင် (၁၀၀)ကျပ် ဈေးနှုန်းတို့ဖြင့် တည်ငြိမ်ပြီး အရောင်းအဝယ် ဖြစ်လျက်ရှိကြောင်း သိရပါသည်။

DOCA(စစ်ကိုင်း)

             ယခု ကျွန်းလှမြို့ပေါ်ရပ်ကွက်များရှိ ကုန်မျိုးစုံရောင်းဝယ်ရေးဆိုင်များတွင် ရောင်းချလျက်ရှိသည့် ကြံသကာများကို မန္တလေးမြို့နှင့် ရွှေဘိုမြို့တို့မှ ဝယ်ယူရောင်းချကြောင်း၊ ၂၀၂၅ ခုနှစ်၊ ဇူလိုင်လ ပထမပတ်တွင် ရောင်းချနေသော ကြံသကာ လက္ကားဈေးနှုန်းမှာ တစ်ပိဿာလျှင် ၆၃၀၀ ကျပ်၊ ကြံသကာ လက်လီဈေးနှုန်းမှာ တစ်ပိဿာလျှင် ၆၅၀၀ကျပ်၊ (၅၀)ကျပ်သားလျှင် ၃၅၀၀ ကျပ်နှင့် (၂၅)ကျပ်သားလျှင် ၁၈၀၀ကျပ် ဈေးနှုန်းတို့ဖြင့် လည်းကောင်း သကြားခွေ ဈေးနှုန်းအနေဖြင့် သကြားခွေ လက်က္ကား တစ်ပိဿာလျှင်(၇၀၀၀)ကျပ်၊ သကြားခွေ လက်လီ တစ်ပိဿာ လျှင် (၇၅၀၀)ကျပ်၊ သကြားခွေ(၅၀)ကျပ်သားလျှင်(၄၀၀၀)ကျပ် နှင့် သကြားခွေ(၂၅)ကျပ်သား လျှင်(၂၀၀၀)ကျပ် ဈေးနှုန်းတို့ဖြင့် ရောင်းချကြောင်း လုပ်ငန်းရှင်များ ထံမှသိရသည်။

DOCA(စစ်ကိုင်း)

    မန္တလေးတိုင်းဒေသကြီး၊ကျောက်ဆည်ခရိုင်အတွင်းရှိစားဖိုဆောင်သီးနှံများနှင့်ပဲမျိုးစုံများကို နေ့စဉ်ရောင်းဝယ်လျှက်ရှိရာ ကုန်ပစ္စည်းများကို မြို့နယ်အတွင်းသာမက မန္တလေးမြို့နှင့် ရန်ကုန်မြို့များသို့ ကုန်စည်များနေ့စဉ်စီးဝင်၊စီးထွက်လျှက်ရှိရာ နှမ်းဖြူတစ်တင်းလျှင် (၁၂၈၀၀၀/-) ကျပ်၊ နှမ်းညိုတစ်တင်းလျှင် (၉၃၀၀၀/-)ကျပ်၊ နှမ်းနက်(ရိုးရိုး) တစ်တင်းလျှင် (၉၃၀၀၀/-)ကျပ် ၊ နှမ်းနက်(စမုံ)တစ်တင်းလျှင် (၂၂၅၀၀၀/-)ကျပ် ၊ ပဲတီစိမ်း တစ်တင်းလျှင် (၁၂၀၀၀၀/-) ကျပ်၊ ကုလားပဲ(ရိုးရိုး) တစ်တင်းလျှင် (၇၃၀၀၀/-)ကျပ်၊ကုလားပဲ(V2) တစ်တင်း လျှင် (၈၅၀၀၀/-)ကျပ်၊ ငရုတ်ခြောက်(၁)ပိဿာလျှင်အညှာပါ(၉၀၀၀/-)ကျပ်၊အညှာမပါ(၁၀၀၀၀/-)ကျပ်၊ နေကြာတစ်တင်း လျှင်(၆၀၀၀၀)ကျပ်၊ ပဲစဉ်းငုံတစ်တင်းလျှင်(၈၈၀၀၀)ကျပ်၊ နနွင်းတက် (၁)ပိဿာလျှင်(၁၁၅၀၀/-) ကျပ် ၊ ကြက်သွန်နီ (၁)ပိဿာလျှင်(၂၀၀၀/-)ကျပ် ၊ ကြက်သွန်ဖြူ (၁)ပိဿာလျှင်(၁၀၀၀၀/-)ကျပ် ၊ ခရမ်းချဉ်သီး (၁)ပိဿာလျှင်(၃၅၀၀-၄၀၀၀) ကျပ်၊ ဂျင်းတက် (၁)ပိဿာလျှင်(၂၀၀၀/-)ကျပ် ၊ အာလူး(၁)ပိဿာလျှင်(၃၀၀၀-၃၅၀၀)ကျပ်၊ပဲဆီ (၁)ပိဿာလျှင်(၁၇၇၀၀/-)ကျပ်၊ နှမ်းဆီ(၁) ပိဿာလျှင်(၁၄၅၀၀/-)ကျပ်၊ နေကြာဆီ (၁) ပိဿာလျှင်(၁၇၀၀၀/-)ကျပ်၊ စားအုန်းဆီ (၁)ပိဿာ လျှင်(၇၂၀၀/-)ကျပ် စျေးနှုန်းများဖြင့် အရောင်းအဝယ်ဖြစ်နေကြောင်း သိရှိရပါသည်။

DOCA(မန္တလေး)

            စစ်ကိုင်းတိုင်းဒေသကြီး၊ မုံရွာခရိုင်၊ မုံရွာမြို့နယ်နှင့် အနီးတစ်ဝိုက်ဒေသများဖြစ်သော ကျွဲရဲ၊ မအူ၊ ဘုမ္မနိုး၊ ညောင်ဖြူပင်၊ အမြင့်ကျေးရွာများမှ သီးနှံစိုက်တောင်သူများသည် စားဖိုဆောင် သီးနှံဖြစ်သည့် ခရမ်းပင်များကို စီးပွားဖြစ် စိုက်ပျိုးလျက်ရှိပါသည်။  ၂၀၂၅ခုနှစ်၊ ဇူလိုင်လ ပထမ ပတ်၌ ချင်းတွင်းရတနာဈေး၊ မန်းကျည်းပင်ဈေး၊ ပြည်ထောင်စုဈေးနှင့်  ဝန်ထမ်းအိမ်ရာရှိ နန္ဒဝန် ဈေးသစ်တို့တွင် ရောင်းချနေသော ခရမ်းသီးဈေးနှုန်းများအနေဖြင့် (၁၀)ကျပ်သားလျှင် ( ၆၀၀) ကျပ်ဖြင့်လည်းကောင်း၊ ( ၁ )ပိဿာလျှင် (၅၀၀၀)ကျပ်ဖြင့်လည်းကောင်း၊ ခရမ်းကြွပ်သီး( ၁၀) ကျပ် သားလျှင် ( ၅၀၀)ကျပ်ဖြင့်လည်းကောင်း ရောင်းချလျက်ရှိကြောင်း ကုန်စိမ်း ရောင်းချသူ ဈေးသည်တစ်ဦးထံမှ သိရသည်။

DOCA(စစ်ကိုင်း)