ပြည်တွင်းကုန်သွယ်မှုသတင်း

           ဆိပ်ဖြူမြို့ ကြက်သွန်နီ အရောင်းအဝယ်ဖြစ်လျက်ရှိသော ကုန်စည်ဒိုင်သို့ အောက်တိုဘာလ (ဒုတိယ)ပတ်အတွင်း ကြက်သွန်နီပင်စိုက်အသစ်များ ဆိပ်ဖြူမြို့နယ်ဒေသတွင်း နေရာအနှံ့အပြားမှ နေ့စဉ်ဝင်ရောက်လျက်ရှိပါသည်။ တစ်ရက်လျှင်ပျမ်းမျှ ကြက်သွန်နီ ကုန်ချိန်ပိဿာ(၂)သောင်းခန့် (၁)ပတ် အတွင်း စုစုပေါင်းပိဿာ(၁)သိန်းခွဲခန့် ကုန်စည်ဒိုင်သို့ ဝင်ရောက်လျက်ရှိပြီး  မြို့ပေါ်ရှိ ကြက်သွန် ကုန်သည် သိုလှောင်ရုံများတွင် ကြက်သွန်နီပိဿာ ပျမ်းမျှ(၁)ပတ်အတွင်း ကုန်ချိန်(၃)သိန်းခွဲခန့် ဝင်ရောက် အရောင်းအဝယ်ဖြစ်ကြောင်း၊ အောက်တိုဘာလ(၈)ရက် မှ (၁၄)ရက်ထိ ကုန်စည်ဒိုင်နှင့် သိုလှောင်ရုံများ အရောင်းအဝယ်ဖြစ်မှု စုစုပေါင်းမှာ ကြက်သွန်နီ ပိဿာ(၅)သိန်းခန့်ရှိကြောင်း မြို့ပေါ်ရှိ ကုန်စည်ဒိုင်အသင်းဝင် ကုန်သည်ပွဲစား(၁)ဦးထံမှ သိရှိရသည်။

           ဈေးနှုန်းဈေးကွက်အနေဖြင့် အောက်တိုဘာလ(ဒုတိယ)ပတ်အတွင်း ကြက်သွန်နီ(၁)ပိဿာ ထိပ်စ အမြင့်ဆုံးဈေးနှုန်းမှာ (၃၂၀၀)ကျပ် မှ (၂၇၀၀)ကျပ်ထိ ဈေးနှုန်းဖြစ်ခဲ့ပြီး အနိမ့်စ အမြင့်ဆုံး ဈေးနှုန်းမှာ (၂၆၀၀)ကျပ် မှ (၂၃၀၀)ကျပ်ထိ ဈေးနှုန်းများဖြင့် အရောင်းအဝယ်ဖြစ်ခဲ့ကြောင်း၊ သီးနှံ အရည်အသွေးများ မတူညီခြင်းကြောင့် ဈေး နှုန်းများကွာခြားကြောင်း၊ ယခင်(၁)ပတ် ကြက်သွန်နီ အမြင့်ဆုံးဈေးနှုန်းမှာ (၂၇၂၅)ကျပ် ဈေးနှုန်းဖြင့် အရောင်းအဝယ်ဖြစ်ခဲ့ပြီး ယခု(၁)ပတ် အမြင့်ဆုံး ဈေးမှာ (၃၂၀၀)ကျပ် ဈေးနှုန်းဖြင့် အရောင်းအဝယ်ဖြစ်၍ ယခင်(၁)ပတ်ထက် (၄၇၅)ကျပ်ခန့် ဈေးနှုန်းမြင့်တက်ကြောင်း၊ အနိမ့်စ အမြင့်ဆုံးဈေးနှုန်းမှာ ယခင်(၁)ပတ်က(၂၃၀၀)ကျပ်၊ ယခု(၁)ပတ် (၂၆၀၀) ကျပ်ဈေးနှုန်းဖြစ်၍ ယခင်(၁)ပတ်ထက် (၃၀၀)ကျပ်ခန့် ဈေးနှုန်းမြင့်တက်လာကြောင်း၊ ယခု(၁)ပတ်အတွင်း ပြည်ပအဝယ်သွက်၍ မြဝတီမြို့သို့ တင်ပို့မှုများကြောင်း၊ ပြည်ပပို့ကုန် ဝယ်လက်များကိုယ်တိုင် ဒေသတွင်းသို့ ဆင်းဝယ်လျက်ရှိကြောင်း၊ ဈေးနှုန်းမြင့်တက်၍ အရောင်း အဝယ်သွက်နေကြောင်း ကုန်စည်ဒိုင်အသင်းဝင်ကုန်သည်ပွဲစားတစ်ဦးထံမှ သိရှိရသည်။

          ဆိပ်ဖြူမြို့တွင် ကြက်သွန်နီအသစ်(၁)ပိဿာလျှင် လက်လီဈေးနှုန်းအနေဖြင့် ထိပ်စ(ရှယ်) ကျပ်(၃၆၀၀/၃၅၀၀)၊ လတ်(ကြီး) ကျပ်(၃၄၀၀/၃၃၀၀)၊ လတ်(သေး) ကျပ်(၃၂၀၀/၃၁၀၀)၊ ဈေးနှုန်း များဖြင့် အရောင်းအဝယ်ဖြစ်လျက်ရှိကြောင်း၊ ကုန်စည်စီးဆင်းမှုအနေဖြင့် အောက်တိုဘာလ(ဒုတိယ) ပတ်အတွင်း ဆိပ်ဖြူမြို့မှ ရန်ကုန်ဘုရင့်နောင်ပွဲရုံ၊ ပြည်မြို့၊ ဧရာဝတီတိုင်းဒေသကြီး ပုသိမ်မြို့၊ မော်လမြိုင်မြို့၊ မြဝတီမြို့များသို့ (၆/၁၂/၂၄)ဘီး မော်တော်ယာဉ်များဖြင့် ကြက်သွန်နီ ပျှမ်းမျှ(၅) သိန်း၊ တန်ချိန်(၃)သောင်းဝန်းကျင်ခန့်  ကုန်စည်စီးဆင်းခဲ့ကြောင်း ကုန်စည်ဒိုင်ဈေးကွက်မှ သိရှိရပါ သည်။

DOCA(မကွေး)

      မကွေးတိုင်းဒေသကြီး ပွင့်ဖြူမြို့နယ် ပတ်ဝန်းကျင်ရှိကျေးရွာများ၌  လယ်ယာဥယျာဉ်ခြံမြေများတွင် သီးနှံစားပင်မျိုးစုံကို စီးပွားဖြစ်စိုက်ပျိုးကြပြီး ဥယျာဉ်ခြံများတွင်တစ်ခြံနှင့်တစ်ခြံ နယ်နိမိတ်အကာအရံအဖြစ် စိုက်ပျိုးထားသော သရက်ပင်များမှသရက်သီးစိမ်းများကို အချဉ်ထည့်၍ မြန်မာနိုင်ငံအနှံသို့ သရက်ချဉ်ကို နှစ်ပတ်လည် ရောင်းချ၍တစ်ဖက်တစ်လမ်းမှ ဝင်ငွေရလျက်ရှိ ကြောင်း  စုံစမ်းသိရှိရပါသည်။

       ပွင့်ဖြူမြို့နယ်တွင် သရက်ချဉ်ကို အဓိကထားလုပ်ကိုင်သောကျေးရွာများမှာ  ဒေးဒရဲကျေးရွာ၊ သံဘိုကျေးရွာ၊ သရက်အုပ်ကျေးရွာ၊ ပိန္နဲတောကျေးရွာနှင့် မုန်းနားစုကျေးရွာများဖြစ်ကြောင်း သရက်ချဉ်ပြုလုပ်ရာတွင် မနောနွယ်သီး၊ မချစ်စုသီး၊ ပန်းဆွဲသီး၊ စာကလေးသီးနှင့် စိမ်းစားသီးများကို အသုံးပြုကြောင်း သရက်ချဉ်သိပ်ရာတွင် စဉ့်အိုးများဖြင့်သိပ်ရကြောင်း စဉ့်အိုးတစ်လုံးတွင် သရက်သီးပေါက်ပြီးသား ပိဿာ(၄၀-၅၀)နှင့် ဆား(၄)ပိဿာရောနှယ်၍ ရေစစ်ထားပြီး ရေစစ်လျှင် စဉ့်အိုးအတွင်းသို့ဖိသိပ်ပြီး လေလုံရန်အင်ဖက်၊ ငှက်ပျောဖက်များခံ၍ အပေါ်မှ ပီနံအိတ်အသန့်ဖြင့် ဖုံပြီး ကျောက်ခဲ၊ တုံများဖြင့်ဖိသိပ်ရကြောင်း သရက်ချဉ်လုပ်ကိုင်သော လုပ်ငန်းရှင်တစ်ဦးလျှင် နှစ်ပေါက် သရက်ချဉ်ပိဿာ (၁၂၀၀)မှ (၁၅၀၀)ခန့် လုပ်ကိုင်ကြောင်း မိမိခြံထွက် သရက်သီးများသာမက အခြားဥယျာဉ်ခြံများမှရောင်းချသော သရက်သီးစိမ်းများကိုလည်းဝယ်ယူ လုပ်ကိုင်ကြောင်း သရက်ချဉ်လုပ်ငန်းလုပ်ကိုင်သော လုပ်ငန်းရှင်များစွာရှိကြောင်း သရက်ချဉ်ကို ပွင့်ဖြူမြို့နယ်သာမက လယ်ကိုင်း၊ စကု၊ မင်းဘူး၊ မကွေး၊ စလင်း၊ ဆင်ဖြူကျွန်း၊ ချောက်၊ ရေနံချောင်း စသည့်တိုင်းအတွင်းမြို့နယ်များနှင့် ရန်ကုန်၊ မန္တလေးအစရှိသော မြို့ကြီးများထိ တင်ပို့ရောင်းချ ရပါကြောင်း သရက်ချဉ်(၁)ပိဿာကို (၁၈၀၀)မှ (၂၀၀၀)ကျပ်အထိရောင်းချရသည့်အပြင် တစ်ခါစား အထုပ်လေးများအဖြစ် (၂၀၀)ကျပ်တန်၊ (၃၀၀)ကျပ်တန်အထုပ်များလည်း ထုတ်လုပ်ရောင်းချကြောင်း သရက်ချဉ် ထုတ်လုပ်ဖြန့်ဖြူးရောင်းချသော လုပ်ငန်းရှင်တစ်ဦးထံမှ သိရပါသည်။           

          သရက်ချဉ်သည် အလှူ မင်္ဂလာပွဲများတွင် မပါမဖြစ်သော အအီပြေ ဟင်းအရံအဖြစ် လည်းကောင်း နေ့လည်နေ့ခင်းတွင်လည်း အိပ်ချင်ပြေ လက်ဖက်နှင့်တွဲပြီး သုပ်စားကြကြောင်း ထမင်းဆိုင်များတွင်လည်း သရက်ချဉ်သုပ်၊ သရက်ချဉ်ကြော်၊ အသားနှင့်သရက်ချဉ်ရောပြီး ချဉ်စပ်ဟင်း အစရှိသဖြင့် အရံဟင်းများ ချက်ပြုတ်ရောင်းချကြကြောင်း စားသုံးသူများအလွန်အကြိုက်တွေ့သော ဈေးကွက်ဝင်ကုန်ပစ္စည်းတစ်မျိုးဖြစ်ကြောင်း သိရပါသည်။

DOCA(မကွေး)

      အောက်တိုဘာလ၊ တတိယပတ်တွင် မင်းဘူးခရိုင် မင်းဘူးမြို့၊ မြို့မဈေး၌ အခြေခံ စားသောက်ကုန် ဈေးနှုန်းများမှာ အောက်တိုဘာလ ဒုတိယပတ်ထက် အနည်းငယ် ပြန်ကျလာသည်။ အောက်တိုဘာလ ယခုပတ်တွင် ကြက်သွန်နီ (၁) ပိဿာလျှင် (၃၅၀၀)ကျပ် ငရုတ်ခြောက် အရှည်(၁)ပိဿာလျှင် (၁၈၀၀၀)ကျပ်၊ ကြက်သွန်ဖြူ (ကြူကုတ်)(၁)ပိဿာလျှင်(၄၅၀၀)ကျပ်၊ ကြက်သွန်ဖြူ(ဗမာ) (၁)ပိဿာလျှင် (၃၅၀၀)ကျပ်ဖြစ်၍ ဈေးနှုန်းအနည်းငယ်ကျဆင်းပြီး မန်းကျည်း သီး(၁)ပိဿာလျှင် (၃၈၀၀)ကျပ်၊ ကုလားပဲခြမ်း(၁)ပိဿာလျှင် (၅၅၀၀)ကျပ်ဖြင့် အကျမရှိပဲ ဈေးငြိမ်နေသည်ကို တွေ့ရသည်။

         စားသုံးဆီဈေးနှုန်းမှာလည်း နှမ်းဆီ(၁)ပိဿာလျှင် ယခုပတ်တွင် (၈၅၀၀)ကျပ်နှင့် ယခင် (10500) ကျပ်၊ ပဲဆီ(၁)ပိဿာလျှင်(၈၀၀၀)ကျပ်နှင့် ယခင်(၁၁၀၀၀)ကျပ်၊ စားအုန်းဆီ (၁)ပိဿာလျှင်(၆၀၀၀)ကျပ်နှင့် ယခင်(၉၀၀၀)ကျပ်ဖြစ်ကြောင်း စားသုံးဆီဈေး အနည်းငယ် ကျဆင်းလာကြောင်း  စားသုံးဆီရောင်းချနေသော ဈေးသည်တစ်ဦးထံမှ သိရှိရပါသည်။

DOCA(မကွေး)

      တောင်ငူမြို့ အမှတ်(၂)ရက်ကွက် ၊ လျှပ်စစ်လမ်းရှိ မုန့်ဖတ်ခြောက်လုပ်ငန်းသည် အတော်အသင့် အောင်မြင်နေသော အသေးစားလုပ်ငန်းတစ်ခုဖြစ်ပါသည်။  မုန့်ဖတ်ခြောက် ပြုလုပ်ရန်အတွက် ကုန်ကြမ်းအား ဆန် ဆလပ်ကျိုးကို အသုံးပြုရပါသည်။ လိုအပ်သော ဆန်ဆလပ် ကျိုးများအား ဒေသတွင်းမှပင်ဝယ်ယူရပါသည်။ ဆန်ဆလပ်ကျိုး တစ်အိတ်လျှင် (၄၀၀၀၀) ကျပ် ဝန်းကျင်ခန့်ပေးရပါသည်။ လုပ်သားအင်အားအနေဖြင့် အမျိုးသားလုပ်သား (၄) ဦးနှင့် အမျိုးသမီး အင်အား (၅)ဦး ခန့်သုံးရကြောင်းနှင့် တစ်နေ့လုပ်အားခအနေဖြင့် (၅၀၀၀)ကျပ်မှ (၆၀၀၀) ကျပ်ထိ ပေးရကြောင်း သိရှိရပါသည်။

       မုန့်ဖတ်ခြောက်ပြုလုပ်ရာတွင် ဆန် တစ်အိတ်လျင် မုန့်ဖတ်ခြောက် (၃) ပိဿာခန့် အလေ အလွင့်ရှိကြောင်းနှင့် အလေအလွင့်ဖြစ်သွားသော မုန့်ဖတ်အကြေ များအား မွေးမြူရေး လုပ်ငန်း ပိုင်ရှင်များနှင့် ဆက်သွယ်ကာ ဝက်စာအဖြစ်ပြန်လည်ရောင်းချကာ (၁) ပိဿာလျှင် (၅၀၀) ကျပ်ခန့်ရရှိကြောင်း သိရှိရပါသည်။ ဆန် တစ်အိတ်လျှင် မုန့်ဖတ်ခြောက် (၂၀)ကျပ်သားထုပ် (၁၂၅)ထုပ် ခန့်ထွက်ရှိပါတယ်။ ရလာသောမုန့်ဖတ်ခြောက်များကို (၂၀) ကျပ်သားဝင် ပလတ်စတစ်နှင့် ထုပ်ပိုးပြီး ပီနံအိတ်ဖြင့်ထည့်ကြောင်း၊ ပီနံအိတ် တစ်အိတ်လျှင် မုန့်ဖတ်ခြောက် အထုပ်ငယ် (၅၀) ခန့်ပါဝင်ကြောင်းသိရှိရပါသည်။ (၂၀)ကျပ်သားပါ မုန့်ဖတ်ခြောက်ငယ်ထုပ်လေး များအား တစ်ထုပ် လျှင် (၃၈၀)ကျပ်မှ (၄၀၀)ကျပ်ခန့် ရောင်းချကြောင်းနှင့် မြန်မာနိုင်ငံအထက်ပိုင်း ဆန်ထွက် နည်းသောဒေသများမှ အဓိကမှာယူကြောင်း၊ မန္တလေး၊ မြစ်ကြီးနား၊ မြင်းခြံ၊ ရန်ကုန်၊ မော်လမြိုင်၊  ထားဝယ်၊ မြိုတ်မြို့များအထိ တင်ပို့ရောင်းချလျက်ရှိကြောင်း သိရှိရပါသည်။

      မြန်မာလူမျိုးများ၏ နံနက်ခင်းအစာပြေစားသောက်ရာတွင် မုန့်ဟင်းခါးအား နှစ်ခြိုက်စွာ ရွေးချယ် စားသုံးကြပါသည်။ မြန်မာနိုင်ငံဒေသအသီးသီးတွင် မုန့်ဟင်းခါးရောင်းချသော ဆိုင်များ များပြားလှပါသည်။ မြန်မာနိုင်ငံရှိ အိမ်ရှင်မများမှာလည်း မုန့်ဟင်းခါးအား နှစ်ခြိုက်စွာ ချက်ပြုတ် စားသောက်ကြရာ အလုပ်မအားလပ်၍ အပြင်ထွက်ပြီး မုန့်ဟင်းခါးဖတ်အားမဝယ်နိုင်သောအခါ မုန့်ဖတ်ခြောက်ထုပ်များကို အိမ်တွင်အသင့်ဝယ်ထားပါက လွယ်ကူလျင်မြန်သောကြောင့် မုန့်ဟင်းခါးဖတ်ခြေက် ဈေးကွက်သည် ရေရှည်တည်တံ့ခိုင်မြဲသော ဈေးကွက်တစ်ခုဖြစ်မည် ဖြစ်ပါကြောင်း တင်ပြလိုက်ရပါသည်။

DOCA(ပဲခူး)

       အင်းစိန်မြို့နယ်ရှိ တညင်းကုန်းလက်ကားဈေးကြီးအတွင်းသို့ အောက်တိုဘာလ(၇)ရက်နေ့မှ အောက်တိုဘာလ(၁၃)ရက်အတွင်း ညောင်တုန်း၊ မှော်ဘီ၊ သာရဝေါ၊ ညောင်နှစ်ပင်ကျေးရွာ၊ ကြာကန်စုကျေးရွာ၊ နေပြည်တော်၊ တပ်ကုန်း၊ ရွှေဒါး၊  မင်္ဂလာဒုံ၊ အင်းစိန်၊ ခရမ်း၊ သုံးခွ၊ ပြည်၊ လက်ပံတန်း၊ မင်းလှ၊ ဝါးနက်ချောင်း၊ မော်လမြိုင်၊ မန္တလေး၊ အုတ်ဖိုနှင့် ရှမ်းပြည်နယ်တို့မှ ဟင်းသီးဟင်းရွက်နှင့် သစ်သီးဝလံပန်းမန်များ အများဆုံးဝင်ရောက် ရောင်းချနေကြောင်း သိရှိရပါသည်။ ထိုသို့ဝင်ရောက်ရာတွင် ယခုရက်သတ္တပတ်အတွင်း ခရမ်းချဉ်သီးထိုင်ဝမ်(ပိဿာ)ကျပ် ၁၄၀၀ မှ ၃၀၀၀ အတွင်း၊ ဂေါ်ဖီထုပ်(တစ်ထုပ်)ကျပ် ၈၀၀ မှ ၁၅၀၀ အတွင်း၊ ပန်းဂေါ်ဖီ(ထုပ်)ကျပ် ၁၀၀၀ မှ ၁၈၀၀ အတွင်း၊ အာလူး(ပိဿာ)ကျပ် ၁၆၀၀ မှ ၂၆၀၀ အတွင်း၊ မုန့်လာဉနီ(ပိဿာ) ကျပ် ၁၂၀၀ မှ ၁၅၀၀ အတွင်း ရွှေဖရုံသီး(လုံး)ကျပ် ၁၅၀၀ မှ ၃၅၀၀ အတွင်း၊ ဗူးသီး(လုံး) ကျပ် ၁၀၀၀ မှ ၁၆၀၀ အတွင်း၊ မုန်ညှင်း(ထုပ်)(ပိဿာ)ကျပ် ၁၀၀၀ မှ ၁၈၀၀ အတွင်း၊ ကြက်သွန်နီ(ဆိပ်ဖြူ)ကျပ် ၂၄၀၀ မှ ၃၂၀၀ အတွင်း၊ ကြက်သွန်ဖြူ(ရှမ်း)(ပိဿာ)ကျပ် ၂၂၀၀ မှ ၃၆၀၀ အတွင်း၊ ကြက်သွန်ဖြူ (ကြူကုတ်)(ပိဿာ) ကျပ် ၃၅၀၀ မှ ၄၂၀၀ အတွင်း၊ ချင်း(ပိဿာ)ကျပ် ၁၀၀၀ မှ ၂၀၀၀ အတွင်း၊ ဆလပ်ရွက် (စီး) ကျပ် ၁၀၀ မှ ၃၀၀ အတွင်း၊ ချဉ်ပေါင်ရွက်(စီး) ကျပ် ၆၀ မှ ၁၀၀ အတွင်း၊ ခရမ်းသီး (ရှည်)(ပိဿာ)ကျပ် ၁၄၀၀ မှ ၁၈၀၀ အတွင်း၊ သံပရာသီး(လုံး)ကျပ် ၂၀ မှ ၁၀၀ အတွင်း၊ ငရုတ်သီး စိမ်း (ကျောက်စိမ်း) (ပိဿာ)ကျပ် ၂၀၀၀ မှ ၂၈၀၀ အတွင်း၊ ဖရဲသီး (အကြီး၊ အလတ်၊ အသေး)ကျပ် ၆၀၀ မှ ၂၈၀၀ အတွင်းဖြစ်ကြောင်း သိရှိရပါတယ်။ တညင်းကုန်းလက်ကားဈေးကြီးအတွင်းသို့ ယခု ရက်သတ္တပတ်အတွင်း သံပုရာသီးအလုံးပေါင်း(၁၂၀၉၀၀)ကျော်၊ ခရမ်းသီး(ရှည်) (ပိဿာ) (၁၇၆၉၀) ကျော်၊ ဗူးသီးအလုံးပေါင်း (၃၃၃၀)ကျော်၊ ရွှေဖရုံသီးအလုံးပေါင်း(၃၃၁၀)ကျော်၊ ဂေါ်ဖီထုပ်ပေါင်း (၂၁၃၀၀) ကျော်၊ ပန်းဂေါ်ဖီထုပ်ပေါင်း (၉၃၀၀)ကျော်၊ မုန်ညှင်းထုပ်(ပိဿာ)ပေါင်း (၈၁၇၅)ကျော်၊ ဖရဲသီးလုံး ပေါင်း (၁၈၀၀၀)ကျော်  အသီးသီးကုန်အဝင်ရှိကြောင်း သိရပါတယ်။

(DOCA)ရန်ကုန်