မြင်းခြံမြို့နယ်သည် အပူပိုင်းဒေသဖြစ်သောကြောင့် ပန်းသီးပင်များစိုက်ပျိုးဖြစ်ထွန်းမှု မရှိကြောင်း၊ မြင်းခြံဈေးကွက်တွင် ရောင်းချနေသော ပန်းသီးများကို ရှမ်းပြည်နယ်၊အောင်ပန်းမြို့နှင့် မန္တလေးမြို့သစ်သီးပွဲရုံများမှ တင်သွင်းကြောင်းသိရှိရသည်။ ၂၀၂၅ ခုနှစ်၊ စတုတ္ထပတ်တွင်ရောင်းချ နေသော ပန်းသီးတစ်လုံးလျှင် ၁၅၀၀ ကျပ်၊ ၁၀ လုံးလျှင် ၁၄၀၀၀ ကျပ်ပေါက်ဈေးများဖြင့် ရောင်းချ ကြောင်း၊ အောင်ပန်းဒေသထွက် ပန်းသီးများသည် ချိုဆိမ့်ပြီး အရည်အသွေးကောင်းမွန်သဖြင့် စားသုံးမှုများပြီး အရောင်းအဝယ်ကောင်းကြောင်း၊ နေ့စဉ်ပန်းသီးအလုံးရေ(၅၀-၁၀၀)အထိ ရောင်းချရကြောင်း ပန်းသီးရောင်းချသူ၏ ပြောပြချက်အရ သိရှိရသည်။ ပန်းသီးကို စားသုံးခြင်းဖြင့် အမျှင်ဓာတ်နှင့် ပိုတက်ဆီယမ်ဓာတ်ကြွယ်ဝသောကြောင့် သွေးပေါင်ချိန်ကို ထိန်းညှိပေးပြီး နှလုံး ရောဂါဖြစ်နိုင်ခြေကို လျှော့ချပေးကြောင်း၊ ကယ်လိုရီနည်းပြီး အမျှင်ဓာတ်များသောကြောင့် ဗိုက်ပြည့်စေ၍ ကိုယ်အလေးချိန်ထိန်းသိမ်းရာတွင် စားသုံးကြကြောင်း၊ ဗီတာမင်ကေပါဝင်သော ကြောင့် အရိုးသိပ်သည်းဆကို တိုးမြင့်စေခြင်းကြောင့် တစ်နေ့ကို ပန်းသီးတစ်လုံးစားပေးခြင်းဖြင့် ကျန်းမာရေးကို အထောက်အကူပြုကြောင်း သိရှိရသည်။
DOCA(မန္တလေး)