ပြည်တွင်းကုန်သွယ်မှုသတင်း

        မြန်မာနိုင်ငံသည် လယ်ယာစိုက်ပျိုးရေးလုပ်ငန်းကို အဓိကလုပ်ကိုင်ကြသည့် နိုင်ငံဖြစ်သည်နှင့်အညီ စစ်ကိုင်းတိုင်းဒေသကြီး၊ ကန့်ဘလူခရိုင်သည်လည်း လယ်ယာစိုက်ပျိုးရေးလုပ်ငန်းများကို အဓိကထားလုပ်ကိုင်သော ဒေသတစ်ခုဖြစ်သည်။ ယခုအခါ ကန့်ဘလူခရိုင်၏ အဓိကစိုက်ပျိုးသီးနှံ တစ်ခုဖြစ်သည့် အစေ့ထုတ်ပြောင်းများ ဈေးကွက်အတွင်းသို့ ဝင်ရောက်လျက်ရှိကြောင်းသိရသည်။

        အစေ့ထုတ်ပြောင်းကို မေလကုန်တွင်စတင်စိုက်ပျိုးပြီး စက်တင်ဘာလဆန်းမှစ၍ ရိတ်သိမ်းရကြောင်း၊ စိုက်ပျိုးရာတွင် မျိုးအနေဖြင့် C.P.808 နှင့် C.P.888 မျိုးများကို အများဆုံးစိုက်ပျိုးကြကြောင်း၊ နိုဝင်ဘာလ တတိယပတ်အတွင်း အစေ့ထုတ်ပြောင်း(၁)တင်းလျှင် ငွေကျပ်၂၀၅၀၀ဖြင့်ရောင်းဝယ်လျက်ရှိကြောင်း၊ ဈေးကွက်အနေဖြင့် ရွှေဘိုမြို့၊ မန္တလေးမြို့များရှိပွဲရုံများသို့ တင်ပို့ရောင်းချကြောင်း၊ အစေ့ထုတ်ပြောင်းဈေးနှုန်းများသည် ယခင်အပတ်ထက် ယခုအပတ်တွင် (၁)တင်းလျှင် ငွေကျပ်၂၀၀၀မြင့်တက်လာကြောင်း သီးနှံရောင်းဝယ်ရေးလုပ်ငန်းရှင်များထံမှသိရပါသည်။

DOCA(စစ်ကိုင်း)

             ပြည်မြို့နယ်အတွင်း ငှက်ပျောပင်များအား စီးပွားဖြစ်တစ်ပိုင်တစ်နိုင်စိုက်ပျိုးရာဒေသများမှာ သစ်ချီတင်ရွာ၊ ရှမ်းစုရွာများတွင် အများအပြားစိုက်ပျိုးကြပါသည်။ ငှက်ပျောပင်အားစိုက်ပျိုးရာတွင် အချို့ကျေးလက်နေသူများမှာ မိမိတို့ပိုင်ဆိုင်သည့် အိမ်ခြံမြေများ၏ဘေးပတ်လည်၊ နောက်ဘေး စသည့်နေရာများတွင် တစ်ပိုင်တစ်နိုင်အဖြစ် ငှက်ပျောပင် (၂၀-၅၀)ခန့် စိုက်ပျိုးထားကြပါသည်။ ငှက်ပျောပင်ကို စီးပွားဖြစ်စိုက်ပျိုးသည့်ဉယျာဉ်ခြံများတွင် တစ်ဧကစိုက်ပျိုးလျှင် ငှက်ပျောပင်တစ်ပင်နှင့်တစ်ပင် အကွာအဝေးမှာ ၁၀ပေခြား၍ စိုက်ပျိုးရပါသည်။ စိုက်ပျိုးသည့် ငှက်ပျောအမျိုးအစားများမှာ ဒေသအခေါ် ရခိုင်ငှက်ပျောသီးနှင့် ဖီးကြမ်းငှက်ပျောသီးများ ဖြစ်ကြပါသည်။ ဈေးနှုန်းအနေဖြင့် ရခိုင်ငှက်ပျောသီးတစ်ဖီးလျှင် (၁၀၀၀)ကျပ်၊ ငှက်ပျောသီးဖီးကြမ်းတစ်ဖီးလျှင် (၂၀၀၀)ကျပ်နှုန်းဖြင့် ဈေးကွက်အတွင်းရောင်းချလျက်ရှိပါသည်။ သစ်ချီတင်ရွာနှင့် ရှမ်းစုရွာများမှ ထွက်ရှိသောငှက်ပျောသီးများကို ပြည်မြို့နယ်အတွင်းရှိ စည်ပင်သာယာဈေး၊ မြို့သစ်ဈေး၊ အောင်မင်္ဂလာဈေးတို့တွင်ရောင်းချပြီး ပြည်မြို့မှတစ်ဆင့် ရန်ကုန်မြို့နှင့်နေပြည်တော်စသည့် မြို့ကြီးများသို့လည်း တင်ပို့ရောင်းချကြကြောင်းသိရှိရပါသည်။

DOCA(ပဲခူး)

       စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် စားသုံးသူကာကွယ်ရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးရေးလုပ်ငန်းများဆောင်ရွက်လျက်ရှိပြီး ပုဂ္ဂလိကကဏ္ဍဖွံ့ဖြိုးတိုးတက်ရေးအတွက် စီးပွားရေးလုပ်ငန်းရှင်များနှင့်တွေ့ဆုံ၍ အခြေခံစားကုန်ဈေးနှုန်းများ၊ ဓာတ်မြေဩဇာနှင့် ပိုးသတ်ဆေးဈေးနှုန်းများအား အပတ်စဉ်တင်ပြလျက်ရှိပါသည်။

          နိုဝင်ဘာလ၊ ဒုတိယအပတ်တွင် ရွှေဘိုမြို့၌ ရောင်းချလျက်ရှိသော ဓာတ်မြေဩဇာနှင့် ပိုးသတ်ဆေးဈေးနှုန်းများမှာ အာမို၊ ကျွဲနက်တံဆိပ် (၁၅:၁၅:၁၅) ကွန်ပေါင်းဓာတ်မြေဩဇာတစ်အိတ်လျှင် (၂၀၀၀၀ဝိ/-)ကျပ်၊ ဇာမဏီတံဆိပ် (၁၃:၅:၇) ကွန်ပေါင်းဓာတ်မြေဩဇာ 50kg တစ်အိတ်လျှင် (၉၅၀၀ဝိ/-) ကျပ်၊ အာမို၊ ပုလဲတံဆိပ် ကွန်ပေါင်းဓာတ်မြေဩဇာတစ်အိတ်လျှင် (၁၁၀၀၀ဝိ/-)ကျပ်နှင့်  ဒီမွန် 1.8 တံဆိပ် ထိသေ/စားသေ (အဆိပ်ငွေ့) 500cc တစ်ဘူးလျှင် (၂၃၀၀ဝိ/-)ကျပ်၊ ငှက်ကြီးတောင်တံဆိပ် ထိသေ/စားသေ (အဆိပ်ငွေ့) 100cc တစ်ဘူးလျှင် (၃၇၅၀ဝိ/-)ကျပ်၊ ဇိုင်ကလုံးတံဆိပ် ပင်လုံးပြန့်ပိုးသတ်ဆေး တစ်လီတာတစ်ဘူးလျှင် (၇၃၀၀ဝိ/-)ကျပ်ဖြင့်ရောင်းချလျက်ရှိပြီး ပန်းဖူးတံဆိပ် ဓာတ်မြေဩဇာ၊ MC တံဆိပ် (၁၅:၁၅:၁၅) ကွန်ပေါင်းဓာတ်မြေဩဇာနှင့် ရှောင်လင်တံဆိပ် ထိသေ/စားသေ(အဆိပ်ငွေ့)ပိုးသတ်ဆေးများမှာ ဈေးကွက်အတွင်း ပစ္စည်းပြတ်လျက်ရှိကြောင်း၊ ရောင်းချသည့်ဈေးနှုန်းများမှာလည်း နိုဝင်ဘာလ၊ ပထမအပတ်မှစ၍ ဒုတိယဈေးနှုန်းများမှာ တူညီပြီး ဈေးငြိမ်နေကြောင်း  ဓာတ်မြေဩဇာနှင့် ပိုးသတ်ဆေးအရောင်းဆိုင်များမှ တာဝန်ရှိသူများနှင့်ဆက်သွယ်မေးမြန်းမှုအရ သတင်းရရှိပါသည်။

DOCA(စစ်ကိုင်း)

         မကွေးတိုင်းဒေသကြီးသည် ဆီထွက်သီးနှံဖြစ်သော မြေပဲ၊ နှမ်း၊ ကြက်သွန်နီနှင့် အခြားပဲမျိုးစုံကို အဓိကထားစိုက်ပျိုး၍ အခြားတိုင်းဒေသကြီးနှင့်ပြည်နယ်များသို့ တင်ပို့ရောင်းချလျက်ရှိပြီး  မကွေး၊ တောင်တွင်းကြီး၊ အောင်လံ၊ ရေနံချောင်း၊ ဆိပ်ဖြူနှင့် ပခုက္ကူကုန်စည်ဒိုင်တွင် နှမ်း၊ ကြက်သွန်နီနှင့် ပဲမျိုးစုံသီးနှံများ ပုံမှန်အရောင်းအဝယ်ဖြစ်လျက်ရှိပါသည်။

        ၂၀၂၄ခုနှစ်၊ နိုဝင်ဘာလ(ဒုတိယပတ်)တွင် ကုန်စည်ဒိုင်များတွင် အရောင်းအဝယ်ဖြစ်ပေါ်နေသော တစ်ပိဿာဈေးနှုန်းများမှာ မကွေးကုန်စည်ဒိုင်တွင် နှမ်းဖြူ ကျပ် (၈၄၇၀)၊ နှမ်းနီ ကျပ် (၇၈၀၀)၊ နှမ်းနက်(စမုန်) ကျပ်(၁၄၂၀၀)၊ ကုလားပဲ (929) ကျပ်(၅၁၈၅)၊ ကုလားပဲ (ဟော်လန်) ကျပ်(၅၁၃၀)၊ ပဲကြီးဖြူ ကျပ်(၄၀၀၀)၊ ပဲတီစိမ်း ကျပ်(၄၆၀၀)၊ မတ်ပဲ ကျပ်(၆၂၅၀)၊ ပဲနှောက် ကျပ်(၄၅၅၀)၊ စားတော်ပဲ ကျပ်(၇၄၀၀)၊ ပဲစင်းငုံ ကျပ်(၇၅၅၀)၊ အောက်ကျဆီဆန် ကျပ်(၆၅၀၀) ဖြစ်ပြီး ယခင်အပတ်ထက် ယခုအပတ်တွင် မြေပဲအောက်ကျဆီဆန် ကျပ်(၅၀၀)၊ ပဲတီစိမ်း ကျပ်(၅၅၀)၊ ပဲနှောက် ကျပ်(၄၅၀)ဈေးနှုန်းမြင့်တက်ခဲ့ပြီး နှမ်းဖြူ ကျပ်(၂၀၀)ဈေးကျခဲ့ကြောင်း၊ တစ်ပတ်အတွင်း တန်ချိန်(၁၂၀၅)ခန့်အရောင်းအဝယ်ဖြစ်ခဲ့ကြောင်း၊ ရန်ကုန်မြို့သို့ ကုလားပဲအိတ်ရေ (၁၀၀၀)၊ မြေပဲအိတ်ရေ (၅၀၀၀)၊ မန္တလေးမြို့သို့ နှမ်းအိတ်ရေ (၅၀၀၀)၊ ပဲတီစိမ်းအိတ်ရေ(၂၀၀)၊ မြေပဲအိတ်ရေ(၁၀၀၀၀)၊ စုစုပေါင်းအိတ်ရေ(၂၁၂၀၀) တင်ပို့ခဲ့ကြောင်းသိရှိရသည်။

         တောင်တွင်းကြီးကုန်စည်ဒိုင်တွင် နှမ်းနက်(စမုန်) ကျပ်(၁၄၀၀၀)၊ နှမ်းပြာ ကျပ်(၁၁၃၃၅)၊  နှမ်းဖြူသန့် ကျပ်(၇၁၁၀)၊ နှမ်းနီ ကျပ်(၇၀၀၀)၊ ပဲကြီးဖြူ ကျပ်(၄၆၅၀)၊ ကုလားပဲ(ဝါသေး) ကျပ်(၄၅၀၀)၊ ကုလားပဲ (ဟော်လန်) ကျပ်(၅၀၀၀)၊ ပဲတီစိမ်း ကျပ်(၃၇၅၀)ဖြစ်ပြီး တစ်ပတ်အတွင်း တန်ချိန် (၂၀.၄၁)ခန့်အ‌ရောင်းအဝယ်ဖြစ်ခဲ့ပါသည်။

        အောင်လံကုန်စည်ဒိုင်တွင် သိပ္ပံနှမ်းနက် ကျပ်(၁၃၇၈၀)၊ နှမ်းနီ ကျပ်(၇၃၃၅)၊ နှမ်းဖြူ ကျပ်(၇၇၈၀)၊ ကုလားပဲ (ဟော်လန်) ကျပ်(၅၀၅၀)၊ ကုလားပဲ(မြကြေး) ကျပ်(၅၁၅၀)၊ ပဲကြီး ကျပ်(၄၄၀၀)၊ မတ်ပဲ ကျပ်(၅၉၀၀)၊ မြေပဲလုံးဆန်(ဖြူ) ကျပ်(၇၈၀၀)၊ မြေပဲလုံးဆန်နီ(၈၃၀၀)ကျပ်ဖြစ်ပြီး ယခင်အပတ်ထက် ယခုအပတ်တွင် သိပ္ပံနှမ်းနက် ကျပ်(၂၂၅)၊ နှမ်းဖြူသန့် ကျပ်(၄၄၅)၊ မြေပဲလုံးဆန်(ဖြူ)(နီ)ကျပ်(၃၀၀)၊ ကုလားပဲ(မြကြေး) ကျပ်(၇၅)ဈေးနှုန်းမြင့်တက်ခဲ့ပြီး ကုလားပဲ (ဟော်လန်) ကျပ်(၂၅)၊ မတ်ပဲ ကျပ်(၅၀)ဈေးနှုန်းကျဆင်းခဲ့ပါသည်။ တစ်ပတ်အတွင်း တန်ချိန် (၁၈၅.၅)ခန့်အရောင်းအဝယ်ဖြစ်ခဲ့ကြောင်းသိရသည်။ 

        ရေနံချောင်းကုန်စည်ဒိုင်တွင် ကြက်သွန်နီ ကျပ်(၂၀၀၀-၃၅၀၀)၊ ယခင်အပတ်ထက် ယခုအပတ်တွင် ကျပ်(၂၀၀-၇၀၀)ဈေးနှုန်းကျဆင်းခဲ့ပြီး တစ်ပတ်အတွင်း တန်ချိန်(၉၇.၉၇)တန် အရောင်းအဝယ်ဖြစ်ခဲ့ကြောင်းသိရသည်။  

        ဆိပ်ဖြူကုန်စည်ဒိုင်တွင် ကြက်သွန်နီ ကျပ်(၃၀၀၀-၃၅၀၀)တို့ဖြင့် ယခင်အပတ်ထက် ယခုအပတ်တွင် ကျပ်(၅၀၀-၈၀၀)ဈေးနှုန်းကျဆင်းခဲ့ပြီး တစ်ပတ်အတွင်း တန်ချိန်(၁၃၈.၈)တန်အရောင်းအဝယ်ဖြစ်ခဲ့ကြောင်းသိရသည်။

        ပခုက္ကူကုန်စည်ဒိုင်တွင် နှမ်းနက်စမုန်(ရိုးရိုး) ကျပ်(၁၄၂၇၀)၊ နှမ်းဝါ ကျပ်(၆၆၇၀)၊ ပဲယင်း(နီ) ကျပ်(၃၆၇၅)၊ ပဲတီစိမ်း ကျပ်(၃၆၀၀)ဖြစ်ပြီး တစ်ပတ်အတွင်း တန်ချိန်(၃၄.၅)တန် အရောင်းအဝယ်ဖြစ်ခဲ့ကြောင်းသိရပါသည်။

DOCA(မကွေး)

        ပဲခူးတိုင်းဒေသကြီး၊ သာယာဝတီခရိုင်၊ သာယာဝတီမြို့နယ် ဆန်ကုန်သည်နှင့် ဆန်စက်လုပ်ငန်းရှင်များသည် ဆန်ကို သက်သာသောနှုန်းထားဖြင့် ဗွီနိုင်းချိတ်ဆွဲရောင်းချနေခြင်းကို ဇွန်လ (၂၄)ရက်နေ့မှစတင်ရောင်းချခဲ့ရာ ယနေ့အထိ နေ့စဉ်အကန့်အသတ်မရှိဘဲ ဝယ်ယူလိုသည့်ပမာဏအတိုင်း ရောင်းချပေးလျက်ရှိပါသည်။ ယနေ့ (၁၈-၁၁-၂၀၂၄)ရက်နေ့တွင် ဆန်စက်နှင့် ဆန်ဆိုင် (၁၆)ခုတို့မှ ဆန်အိတ်(၂၉)အိတ်၊ လူဦးရေ (၃၄၈)ဦးအားရောင်းချပေးပြီးဖြစ်ပါကြောင်းနှင့်  လိုသလောက် သက်သာသောဈေးနှုန်းဖြင့် ဆန်ကုန်သည်များအနေဖြင့် ရောင်းချပေးထားကြောင်း စသည်ဖြင့် သာယာဝတီမြို့နယ်မှ သက်သာသောဈေးနှုန်းဖြင့် ဆန်ရောင်းချမှုအကြောင်းကို တင်ပြလိုက်ရပါသည်။

DOCA(ပဲခူး)