ပခုက္ကူမြို့၏ သံပုရာသီးဈေးနှုန်းဈေးကွက်

   လူတို့သည် သံပုရာသီးကို နေ့စဉ်အမျိုးမျိုးပြုလုပ်၍ စားသုံးကြပါသည်။ သံပုရာသီးကို ကျန်းမာရေးအရ အသုံးပြုသလို အသုပ်မျိုးစုံပြုလုပ်ရာတွင်လည်း အသုံးပြုကြပါသည်။ သံပုရာ သီးကို ပခုက္ကူမြို့အနီးတစ်ဝိုက်ရှိ ကျွန်းဦး၊ ကျွန်းညို၊ ကံလှကျေးရွာများနှင့် မြစ်ခြေ၊ ကမ္မမြို့ ဥယျာဉ်ခြံမြေများတွင် အများဆုံးစိုက်ပျိုးကြပါသည်။ သံပုရာပင်သည် နှစ်ရှည်ပင်ဖြစ်သည့်အတွက် တစ်ခါစိုက်ပျိုးပြီးလျှင်ပင် နှစ်ရှည်ထိုင်စား၍ရသော သီးနှံပင် ဖြစ်ပါသည်။ သံပုရာပင်ကို တစ်ချို့မှာ အိမ်ခြံဝန်းထဲတွင် တစ်နိုင်တစ်ပိုင်စိုက်ပျိုးကြသလို စီးပွားဖြစ်လည်းစိုက်ပျိုးကြပါသည်။ သံပုရာပင် တစ်ပင်လျှင်ထွက်ရှိသော ပျမ်းမျှအသီးနှုန်းမှာ (၇၀-၉၀)အထိ ထွက်ရှိကြောင်း၊ ပခုက္ကူ ဈေးကွက်သို့ အနီးတစ်ဝိုက်ရှိ ကျေးရွာများမှ လာရောက်ရောင်းချကြောင်းသိရသည်။ ပခုက္ကူဈေးကွက်တွင် ရောင်းချလျက်ရှိသော သံပုရာသီးဈေးနှုန်းများအနေဖြင့် ၂၀၂၅ခုနှစ်၊စက်တင်ဘာလ (ပထမပတ်)တွင် ဆယ်လုံးလျှင် ကျပ်(၅၀၀)၊ တစ်လုံးလျှင် ကျပ်(၇၀)ဈေးဖြင့် ရောင်းချလျက်ရှိကြောင်း၊ သံပုရာသီးများကို ပခုက္ကူဈေးကွက်မှတစ်ဆင့် မြို့ပေါ်ရှိ စားသောက် ဆိုင်များနှင့် ကုန်စိမ်းဈေးကွက် များသို့လည်း တင်ပို့ရောင်းချကြောင်း၊ ယခုအချိန်သည်ဝါတွင်းကာလဖြစ်၍ ဖျော်ရည်အဖြစ် သောက်သုံးမှု များခြင်းကြောင့် ပိုမိုအရောင်းအဝယ်သွက်ကြောင်း ဈေးကွက် မှ သိရပါသည်။

DOCA(မကွေး)