ပြည်တွင်းကုန်သွယ်မှုသတင်း

     စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့မဈေးရှိ ကုန်စုံဆိုင်များတွင် လူသုံးကုန် ပစ္စည်းများ၊ စားသောက်ကုန်ပစ္စည်းများနှင့် မီးဖိုချောင်သုံးပစ္စည်းဖြစ်သည့် ပဲငပိအစိုနှင့် ပဲငပိအခြောက် များကို ရွှေဘိုမြို့နှင့် ရေဦးမြို့မှ ဝယ်ယူရောင်းချလျက်ရှိကြောင်း သိရှိရပါသည်။ ၂၀၂၅ ခုနှစ်၊ ဩဂုတ်လ စတုတ္ထပတ်အတွင်း ကန့်ဘလူ“မြို့မဈေး”ရှိ ကုန်စုံဆိုင်များတွင် ရောင်းချလျှက်ရှိသော ပဲငပိအစိုဈေးနှုန်း အနေဖြင့် ပဲငပိအစိုလက္ကား တစ်ပိဿာလျှင် (၇၅၀၀)ကျပ်၊  လက်လီတစ်ပိဿာလျှင် (၈၀၀၀)ကျပ်၊ ရေဦးပဲငပိခြောက် (အချို)တစ်ပိဿာလျှင် (၂၀၀၀၀)ကျပ်၊ (အငံ)တစ်ပိဿာလျှင် (၁၅၀၀၀)ကျပ်နှင့် (၁၀) ကျပ်သားလျှင် (၁၆၀၀)ကျပ်တို့ဖြင့် ရောင်းချလျက်ရှိကြောင်း၊ ယခုချိန်ခါသည် လုပ်ငန်းခွင်ရာသီဖြစ်သော ကြောင့် ပဲငပိများအရောင်းသွက်လျက်ရှိကြောင်း သိရှိရသည်။

DOCA(စစ်ကိုင်း)

     စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာနသည် စားသုံးသူကာကွယ်ရေးလုပ်ငန်းများ ဆောင်ရွက်လျက်ရှိသလို   စားသုံးသူများ နေ့စဉ်ဝယ်ယူသုံးစွဲလျက်ရှိသည့် အခြေခံစားသောက်ကုန် ဈေးနှုန်းများ၊ အသားဈေးနှုန်းနှင့် ငါးဈေးနှုန်းများကို စာရင်းကောက်ယူပြုစု၍ အထက်အဆင့်ဆင့်သို့ တင်ပြဆောင်ရွက်လျက်ရှိကြောင်း သိရသည်။

      ကန့်ဘလူမြို့ငါးဈေးကွက်တွင် ၂၀၂၅ ခုနှစ် ၊ ဩဂုတ်လ စတုတ္ထပတ်အတွင်း ရောင်းချနေသော ငါးကြင်း(၁)ပိဿာလျှင် (၂၀၀၀၀)ကျပ်၊ (၅၀)ကျပ်သားလျှင် (၁၀၀၀၀)ကျပ်၊ ဩဂုတ်လ စတုတ္ထ ပတ်အတွင်း ငါးမြင်း(၁)ပိဿာလျှင် (၁၈၀၀၀)ကျပ်၊ (၅၀)ကျပ်သားလျှင် (၉၀၀၀)ကျပ်နှင့် ငါးတန် (၁)ပိဿာလျှင် (၂၀၀၀၀)ကျပ်၊ (၅၀)ကျပ်သားလျှင် (၁၀၀၀၀)ကျပ်တို့ဖြင့် အရောင်းအဝယ်ဖြစ် လျက်ရှိကြောင်း၊ ငါးများကိုစားသောက်ဆိုင်များ၊ ထမင်းဆိုင်များနှင့် အိမ်ရှင်မများက ဝယ်ယူလျက်ရှိကြောင်း ငါးရောင်းဝယ်ရေးဒိုင်များထံမှ သတင်းရရှိပါသည်။\

DOCA(စစ်ကိုင်း)

            ကျွန်းလှမြို့၊ သစ်ရာမြိုင်ဈေးတွင် ငရုပ်သီးခြောက်၊ အာလူး၊ ကြက်သွန်နီ နှင့် ကြက်သွန်ဖြူ တို့ကို ကန့်ဘလူဒေသထွက်နှင့် ရှမ်းပြည်နယ် အောင်ပန်းမြို့၊ မန္တလေးတိုင်းဒေသကြီးတို့မှ အများဆုံးမှာယူ ရောင်းချလျက်ရှိကြောင်း သိရှိရပါ သည်။

         ၂၀၂၅ ခုနှစ်၊ ယခင် ဩဂုတ်လ ဒုတိယပတ်၌ ကျွန်းလှမြို့၊ သစ်ရာမြိုင်ရပ်ကွက်ဈေးအတွင်း ရောင်းချနေသော ငရုပ်သီးခြောက်ဈေးနှုန်းအနေဖြင့် ငရုပ်သီးခြောက်(အရှည်)လက္ကား တစ်ပိဿာလျှင် (၁၁၀၀၀)ကျပ်၊ ငရုပ်သီးခြောက် (အရှည်) လက်လီ တစ်ပိဿာလျှင်(၁၃၀၀၀)ကျပ်၊ (၅၀)ကျပ်သားလျှင် (၆၅၀၀)ကျပ်၊ (၁၀)ကျပ်သားလျင်(၁၃၀၀)ကျပ် နှင့် ငရုပ်သီးလှော်ကြော်(၁၀) ကျပ်သားလျှင်(၂၀၀၀)ကျပ် ဈေးနှုန်းတို့ဖြင့် ယခင် ဩဂုတ်လ တတိယပတ်၌ ကျွန်းလှမြို့၊ သစ်ရာမြိုင်ရပ်ကွက်ဈေးအတွင်း ရောင်း ချနေသော ငရုပ်သီးခြောက်ဈေးနှုန်းအနေဖြင့် ငရုပ်သီးခြောက် (အရှည်) လက္ကား တစ်ပိဿာလျှင် (၁၇၀၀၀)ကျပ်၊ ငရုပ်သီးခြောက်(အရှည်) လက်လီတစ်ပိဿာလျှင်(၁၈၀၀၀)ကျပ်၊ (၅၀)ကျပ်သားလျှင် (၉၀၀၀)ကျပ်၊ (၁၀)ကျပ်သားလျင်(၁၈၀၀)ကျပ် နှင့် ငရုပ်သီးလှော်ကြော်(၁၀) ကျပ်သားလျှင်(၂၂၀၀)ကျပ် ဈေးနှုန်းတို့ဖြင့် ရောင်းချသောကြောင့် ယခင်အပတ်ဈေးနှုန်းနှင့် နှိုင်းယှည် ကြည့်မည်ဆိုပါက ငရုပ်သီး ခြောက်(အရှည်)တစ်ပိဿာလျှင်(၅၀၀၀)ကျပ် ဈေးနှုန်းမြင့်တက်ပြီး အရောင်း အဝယ်ဖြစ်လျက်ရှိကြောင်း သစ်ရာမြိုင်ဈေးတွင် ငရုပ်သီးခြောက်၊ ကြက်သွန်ဖြူ/နီ နှင့် အာလူး အရောင်း အဝယ် လုပ်နေသည့် လုပ်ငန်းရှင်များထံမှ သိရှိရပါ သည်။

DOCA (စစ်ကိုင်း)

         ကျွန်းလှမြို့နယ်အတွင်းရှိ ကျေးရွာများနှင့် မြို့ပေါ်ရပ်ကွက်များတွင် စိုက်ပျိုးရေး လုပ်ငန်းကို အဓိကထား လုပ်ကိုင်ကြရာတွင် နှစ်ရှည်သီးနှံပင်များ၊ ဆီထွက်သီးနှံပင်များနှင့် စားဖိုဆောင်သီးနှံပင် များကို မိမိတို့ နေအိမ်ခြံဝင်များတွင်လည်းကောင်း တောင်ယာများတွင်လည်းကောင်း စိုက်ပျိုးကြ သည့်အနက် ခရမ်းသီးပင်ကိုလည်း စိုက်ပျိုးကြကြောင်း စိုက်ပျိုးပြီး ရရှိလာသည့်အသီးများကို ရှားပါးသောရာသီတွင် ရောင်းချရန်အတွက် အသီးမျိုးစုံကို  အခြောက်လှမ်းထားပြီး  ဈေးကွက်ရှိရာ သို့ လာရောက်ရောင်းချကြောင်းသိရသည်။

   ၂၀၂၅ ခုနှစ်၊ ဩဂုတ်လ တတိယပတ်အတွင်း ခရမ်းသီးခြောက်ဈေးနှုန်း အနေဖြင့် ခရမ်းသီး ခြောက် တစ်ပိဿာလျှင်(၄၀၀၀)ကျပ်၊ ခရမ်းသီးခြောက်(၅၀)ကျပ်သားလျှင်(၂၀၀၀)ကျပ်၊ ခရမ်းသီး ခြောက်(၂၅)ကျပ်သားလျှင်(၁၀၀၀)ကျပ် နှင့် ဇီးဖြူသီးခြောက် ဈေးနှုန်း အနေဖြင့် ဇီးဖြူသီးခြောက် တစ်ပြည်လျှင်(၉၀၀၀)ကျပ်၊ ဇီးဖြူသီးခြောက် နို့ဆီတစ်ဘူးလျှင်(၁၂၀၀)ကျပ်ဈေးနှုန်း တို့ဖြင့် အရောင်းအဝယ် ဖြစ်လျက်ရှိကြောင်း သိရှိရပါသည်။

DOCA (စစ်ကိုင်း)

          မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့နယ်တွင် သီးနှံမျိုးစုံ စိုက်ပျိုးပြီး ယခုအခါ ကြက်ဟင်းခါးသီးနှံကို နေအိမ်ခြံဝင်းများတွင်လည်းကောင်း၊ ယာတော၊ လယ်တောများတွင်လည်းကောင်း တစ်ပိုင်တစ်နိုင်စိုက်ပျိုး၍ ရောင်းချလျက်ရှိပါသည်။ ကြက်ဟင်းခါးသီးကို အစေ့မှ တိုက်ရိုက်စိုက်ပျိုးကြသလို ပျိုးပင်းလေးများပျိုး၍ စိုက်ကြပါသည်။ အများဆုံး စိုက်ပျိုးသောမျိုးမှာ  ဗိုလ်တစ်ထောင် ကြက်ဟင်းခါးမျိုးဖြစ်ပြီး တစ်ဧက အထွက်နှုန်းနေဖြင့် (၃၀၀-၃၅၀)ပိဿာထွက်ရှိကြောင်း၊ တစ်ဧကကုန်ကျစရိုက်နေဖြင့်(၂၅၀၀၀၀/၃၀၀၀၀၀)ကျပ်ခန့် ကုန်ကျကြောင်း သိရှိရပါသည်။ ကျောက်ဆည်မြို့ အေးမြကြည်လင်ဈေးတွင် ကုန်စိမ်းရောင်ချသူတစ်ဦး၏ ပြောပြချက်အရ ကြက်ဟင်းခါးသီးကို ကျောက်ဆည်မြို့နယ်ရှိ ကျောင်းကုန်းကျေးရွာ၊ အင်းရောင်းကျေးရွာ၊ လက်ဝဲစုကျေးရွာများမှ ဝယ်ယူရောင်းချလျက်ရှိကြောင်း၊ ကြက်ဟင်းခါးသီး လက်လီဈေးနှုန်းမှာ ကြက်ဟင်းခါးသီး(၁)ပိဿာလျှင် (၄၀၀၀)ကျပ်၊  (၅၀)ကျပ်သားလျှင် (၂၀၀၀)ကျပ်နှင့် (၂၅)ကျပ်သားလျှင်(၁၀၀၀)ကျပ်ဖြင့် ရောင်းချလျက်ရှိကြောင်း၊ တစ်ဧက အကျိူးမြတ်အနေဖြင့် (၅၅၀၀၀၀/၆၀၀၀၀၀) ကျပ်ခန့်အမြတ်ရရှိသိအတွက် ကြက်ဟင်းခါးသီးနှံကို တိုးချဲစိုက်ပျိုးသင့်ကြောင်း သိရှိရပါသည်။

DOCA(မန္တလေး)