ပြည်တွင်းကုန်သွယ်မှုသတင်း

      သားငါးများထက် ရာသီမရွေးပေါ်ထွက်သောသီးနှံများ၊ ရာသီအလိုက်ထွက်ပေါ်သော သီးနှံများကိုလည်း နှစ်သက်မြတ်နိုးစွာစားသုံးမှုများရာ ယခုဈေးကွက်များအတွင်းသို့ ဆူးပုတ်ရွက်များ ဝင်ရောက်လာသဖြင့် ဝယ်ယူစားသောက်မှုများ၍ စိုက်ပျိုးသူများ၊ အရောင်းအဝယ်ပြုလုပ်သူများ အနေဖြင့် အရောင်းအဝယ်သွက်လျက်ရှိပါသည်။

           ဆူးပုတ်ပင်သည် အိမ်ခြံဝန်းကျယ်သောသူများနှင့်တောရွာများတွင် နေထိုင်သူများ သည် မိမိတို့မီးဖိုချောင်စရိတ်သက်သာစေရန်နှင့် အိမ်ခြံဝန်းအတွင်းစိမ်းစိမ်းစိုစိုဖြင့် နေထိုင်လိုကြသူများမှ စိုက်ပျိုးလေ့ရှိကြပြီး စီးပွားဖြစ်စိုက်ပျိုးမှုများလည်းရှိကြပါသည်။ ၂၀၂၅ ခုနှစ်၊ သြဂုတ်လ အတွင်း ဆူးပုတ်ရွက်ဈေးနှုန်းမှာ တစ်စည်းလျှင် (၄၀၀) ကျပ်ရှိကြောင်း သိရပါသည်။

DOCA(တနင်္သာရီ)

        ၂၀၂၅ ခုနှစ် သြဂုတ်လအတွင်း ထားဝယ်မြို့ရှိ ကမ်းနားပျံကျစျေးနှင့် အခြားရပ်ကွက် ကျေးရွာများရှိ စျေးများတွင် ရောင်းချနေသောစျေးနှုန်းများအရ တစ်ပိဿာလျှင် (၃၄၀၀၀) ကျပ် အထိရှိပြီး ယခင် ဇူလိုင်လနှင့်နှိုင်းယှဉ်ပါက စျေးနှုန်းအနည်းငယ်မြင့်တက်လျက်ရှိကြောင်း သိရှိ ရပါသည်။

          ဝက်သား‌စျေးနှုန်းများမြင့်တက်နေရခြင်းမှာ လမ်းခရီးအခြေအနေအရ ဝက်စာကုန်သွယ်မှု အနည်းငယ်ကျန့်ကြာနေသည့်အတွက် ဝက်စာစျေးနှုန်းနှင့်မွေးမြူရေးစရိတ်များ အနည်းငယ်မြင့် တက်နေရခြင်းဖြစ်ကြောင်း သိရှိရပါသည်။

DOCA(တနင်္သာရီ)

     ဂေါ်ဖီထုပ်သည် မြန်မာနိုင်ငံတွင် ဒုတိယအများဆုံးစိုက်ပျိုးသော ဟင်းသီးဟင်း ရွက်အမျိုး အစားဖြစ် ပါသည်။ တစ်နှစ်ပတ်လုံး ဈေးကွက်တွင် တွေ့မြင်ရပြီး နည်းလမ်းမျိုးစုံဖြင့် ချက်ပြုတ်စားသောက်လျက်ရှိကြောင်း သိရှိရပါသည်။

          ထားဝယ်‌ဒေသည် ဂေါ်ဖီထုပ်ထွက်ရှိသည့်‌ဒေသမဟုတ်သည့်အတွက် ရှမ်းပြည်နယ်ဘက်မှ ကားများ ဖြင့် အဆင့်ဆင့်သယ်ယူရောင်းချကြပြီး ဂေါ်ဖီထုပ်တစ်လုံးလျှင်(၂၀၀၀) ကျပ်ရှိကြောင်း ကုန်စိမ်းရောင်းချသူတစ်ဦးထံမှ သိရှိရပါသည်။

DOCA(တနင်္သာရီ)

         တနင်္သာရီတိုင်းဒေသကြီး၊ ထားဝယ်ခရိုင်၊ ရေဖြူမြို့နယ်တွင် မိသားစုတစ်ပိုင်တစ်နိုင် ကွမ်းရွက်ပင် စိုက်ပျိုးရာမှ အောင်မြင်ဖြစ်ထွန်းလျက်ရှိပြီး ကွမ်းရွက်ဈေး နှုန်းမြင့်တက်မှုကြောင့် ကွမ်းရွက်ပင်စိုက်ပျိုးသူများ ပိုမိုအဆင်ပြေလျက်ရှိကြောင်း သိရှိရသည်။ကွမ်းရွက် ပင်သည် ပင်ပျော့အမျိုးအစားဖြစ်သည့်အတွက် သစ်ပင်ကြီးများအား အမှီပြု ပေါက်ရောက်သောအပင်ဖြစ်ပြီး ထားဝယ်ခရိုင်တွင်မူ တိုင်ထောင်ကွမ်းကိုသာ စီးပွားဖြစ်စိုက်ပျိုးကြသည်။ ကွမ်းရွက်စိုက် ဘောင်များ၏ ဘေးတစ်ဖက်တစ်ချက်တွင်လည်း အခြားသီးညှပ်သီးပင်များ စိုက်ပျိုးနိုင်သည့်အတွက် မိသားစုအပိုဝင်ငွေ ရရှိကြောင်းလည်း သိရပါသည်။

      ရေဖြူမြို့နယ်တွင် ကွမ်းရွက်ပင် အရွယ်အစားအမျိုးမျိုး စိုက်ပျိုးလျက်ရှိရာ ဈေးနှုန်းများလည်း အမျိုးမတူကြောင်းသိရှိရပြီး  ကွမ်းရွက် အသေး အရွက်တစ်ရာပါတစ် စည်းလျှင် (၂၀၀၀) ကျပ်၊ ကွမ်းရွက်အကြီးအရွက်တစ်ရာပါ တစ်စည်းလျှင်(၄၀၀၀) ကျပ်မှ (၅၀၀၀)ကျပ် အထိရှိပြီး မြို့ပေါ်ဈေးများနှင့် မြို့ပေါ်ကုန်စုံဆိုင်များသို့ တင်ပို့ရောင်းချလျက်ရှိကြောင်း သိရှိရပါသည်။

DOCA(တနင်္သာရီ)

    ဖရုံပင်များသည် မြေအမျိုးမျိုတွင် စိုက်ပျိုးနိုင်ပြီး နုန်းမြေများတွင် ပိုမိုဖြစ်ထွန်းသည်။ ပူနွေးသော ရာသီဥတုကို ကြိုက်နှစ်သက်ပြီး အအေးဒဏ်လည်းခံနိုင်ရည်ရှိပါသည်။ ထားဝယ်မြို့ ပတ်ဝန်းကျင်ရှိ ကျေးရွာများမှ ပြည်သူများသည် မိမိတို့ လယ်ယာများနှင့် နေအိမ်များတွင် ဟင်းသီးဟင်းရွက်များ၊ သီးပင်စားပင်များ စိုက်ပျိုးလျက်ရှိရာ ဖရုံပင်များလည်း စိုက်ပျိုးထား ကြသည်။

    ဖရုံပင်များမှ ဖရုံသီးများအပြင် ဖရုံညွန့်များလည်း ခူးဆွတ်နိုင်ပါသည်။ ခူးဆွတ်ပြီးသော ဖရုံညွန့်များကို ရက်ကွက်စျေးသယ်များအပြင် ထားဝယ်မြို့ကမ်းနားစျေးနှင့် စည်ပင်သာယာစျေးတို့တွင် လာရောက်ရောင်းချကြပါသည်။ ဖရုံညွန့်(၁)စည်းလျှင် (၅၀၀)ကျပ်နှုန်းဖြင့် ရောင်းချကြရာ ပြည်သူများအတွက် တွတ်ချေကိုက်လျက်ရှိကြောင်း သိရှိရပါသည်။

DOCA(တနင်္သာရီ)