ပြည်တွင်းကုန်သွယ်မှုသတင်း

     ကယားပြည်နယ် လယ်ယာထွက်ကုန်သီးနှံဖြစ်သည့် စပါး၊ အစေ့ထုတ်ပြောင်း၊ နှမ်းနှင့် ပဲအမျိုးမျိုးတို့ကို စိုက်ပျိုးကြပါသည်။ အဆိုပါ လယ်ယာထွက်ကုန်သီးနှံဖြစ်သည့် နှမ်းများကို စီးပွားဖြစ်အဓိကစိုက်ပျိုးကြသည်။ ၂၀၂၅ ခုနှစ်၊ အောက်တိုဘာလ ၃၀ ရက်နေ့အထိ နှမ်း(မိုး) စိုက်ဧကမှာ ၂၄,၇၃၂ ဧက၊ ရိတ်ဧကမှာ ၂၃,၃၂၉ ဧက၊ ၁ ဧကအထွက်နှုန်းမှာ ၁၀ တင်းခန့်နှင့် စုစုပေါင်းအထွက် မှာ ၂၄၃,၇၁၀ တင်းခန့်ထွက်ရှိပြီး နှမ်း(မိုး) ၁ ဧက စိုက်ပျိုးထုတ်လုပ်မှု ကုန်ကျစရိတ်များအနေဖြင့် ၇၂၄,၀၀၀ ကျပ်ခန့် ကုန်ကျလျက်ရှိပါကြောင်း သက်ဆိုင်ရာဌာနများ၏စာရင်းများအရ သိရှိရပါသည်။

    ၂၀၂၅ ခုနှစ်၊ နိုဝင်ဘာလ တတိယပတ်တွင် ဖြစ်ပေါ်နေသော နှမ်း(မိုး) ဈေးနှုန်းမှာ နှမ်းနက် တစ်ပိဿာလျှင် ၁၄,၀၀၀ ကျပ်မှ ၁၅,၀၀၀ ကျပ်ကြားခန့်၊ တစ်တင်းလျှင် ၁၇၅,၀၀၀ ကျပ်မှ ၁၈၇,၅၀၀ ကျပ်ကြား၊ စမုံနှမ်း တစ်ပိဿာလျှင် ၁၅,၀၀၀ ကျပ်မှ ၁၆,၀၀၀ ကျပ်ကြားခန့်၊ တစ်တင်း လျှင် ၁၈၇,၅၀၀ ကျပ်မှ ၂၀၀,၀၀၀ ကျပ်ကြား ဖြင့်အရောင်းအဝယ်ဖြစ်လျက်ရှိပြီး ယခင်အပတ် ဈေးနှုန်းနှင့် နှိုင်းယှဉ်ကြည့်လျှင် ဈေးနှုန်းတည်ငြိမ်လျက်ရှိပါသည်။ ပြည်နယ်အတွင်းထွက်ရှိသည့် နှမ်းများကို တောင်ကြီးမြို့၊ မန္တလေးမြို့နှင့် ရန်ကုန်မြို့များသို့ အများဆုံး တင်ပို့ရောင်းချလျက်ရှိ ပါကြောင်း နှမ်းကုန်သည် တစ်ဦးထံမှ သိရှိရပါသည်။

          အဆိုပါထွက်ရှိသော နှမ်းများကိုဆီကြိတ်ခွဲထုတ်လုပ်မည်ဆိုပါကနှမ်းဆီ ၁,၄၆၂,၂၆၀ ပိဿာ၊ ၂,၃၈၇ တန်ခန့် ထွက်ရှိနိုင်ပါသည်။ နိုဝင်ဘာလ တတိယပတ်အတွင်း ဖြစ်ပေါ်နေသော နှမ်းဆီ တစ်ပိဿာဈေးနှုန်းမှာ ၁၇,၀၀၀ ကျပ်ဖြစ်ပါသည်။ ယခုလက်ရှိဒေသပေါက်ဈေးနှုန်းများအရ နှမ်းဆီ များကို ကြိတ်ခွဲထုတ်လုပ်ရောင်းချမည်ဆိုပါက ကျပ်သန်း ၂၄,၈၅၈.၄၂ ခန့်ရရှိနိုင်မည်ဖြစ်ပါသည်။ ကုန်ကြမ်းအဖြစ်ရောင်းချမည်ဆိုပါက ကျပ်သန်း ၄၂,၆၄၉.၂၅ မှ ကျပ်သန်း ၄၈,၇၄၂.၀၀ ကြား ရရှိနိုင် မည်ဖြစ်ပါသည်။

          ထို့ကြောင့် နှမ်းစိုက်ပျိုးထုတ်လုပ်သူများအနေဖြင့် နှမ်း ၁ ဧက စိုက်ပျိုးထုတ်လုပ်မှုကုန်ကျ စရိတ် ၇၂၄,၀၀၀ ကျပ်ဖြစ်မည်ဆိုပါက လက်ရှိ ဒေသပေါက်ဈေးနှုန်းအရ နှမ်း ၁ ဧက စုစုပေါင်း ဝင်ငွေမှာ ၁,၇၅၀,၀၀၀ ကျပ်မှ ၂,၀၀၀,၀၀၀ ကျပ်ကြား ရရှိနိုင်မည်ဖြစ်ပါသည်။ နှမ်း ၁ ဧက အကျိုး အမြတ်အနေဖြင့် ၁,၀၂၆,၀၀၀ ကျပ်မှ ၁,၂၇၆,၀၀၀ ကျပ်ကြားခန့် ရရှိနိုင်မည်ဖြစ်ပါကြောင်း သုံးသပ်မိပါသည်။

          DOCA(ကယား)

                          မြင်းခြံမြို့ အေးမြသီတာဈေး၊ မြို့မစည်ပင်သာယာဈေး၊ စံပြဈေးတို့ရှိ ကုန်စိမ်းရောင်း ဝယ်မှုများသည် ဒေသထွက်သီးနှံများ ပေါ်ထွက်မှုမရှိလျှင် မန္တ‌လေးမြို့၊ ပြင်ဦးလွင်၊ အောင်ပန်း မြို့များမှ ဝယ်ယူရောင်းချကြောင်း သိရသညိ။ ဂျူးမြစ်ကို အချဉ်ရည်ဟင်း/ သီးစုံချည်ရည် များတွင်ထည့်၍ လည်းကောင်း၊ ငရုတ်သီးစိမ်းဖြင့် အစိမ်းထောင်း၍လည်းကောင်း၊ ကြက်သွန်ဖြူနှင့် ကြော်၍လည်းကောင်း၊ အချည်တယ်၍လည်းကောင်း စားသုံးခြင်းကြောင့် လူကြိုက်များပြီး အရောင်းအဝယ်သွက်သော သီးနှံတစ်မျိုး ဖြစ်ပါသည်။ ယခု နိုဝင်ဘာလ ပထမပတ်တွင် ဂျူးမြစ် ဈေးနှုန်းမှာ (၂၅)ကျပ်သား လျှင်  (၂၀၀၀)ကျပ်နှင့် တစ်ပိဿာလျှင် (၇၀၀၀) ကျပ်ဈေး ရောင်းချကြောင်း သိရှိရပါသည်။ DOCA(မန္တလေး)

                 မြင်းခြံမြို့နယ် ကျေးရွာအချို့သည် စိုက်ပျိုးရေးလုပ်ငန်းကို လုပ်ကိုင်စားသောက်ကြရာ စပါးခင်း၏ ကန်သင်ရိုးတွင် စားဖိုဆောင်သီးနှံဖြစ်သော ပဲသီးတောင့်ရှည်ကိုလည်း တိုင်ထောင်၍ အပိုဝင်ငွေရရှိရန် တိုင်ထောင်၍ စိုက်ပျိုးကြကြောင်း သိရသည်။ မြင်းခြံမြို့ပေါ်ရှိ မြို့မစည်ပင်သာ ယာဈေး၊ အေးမြသီတာ ဈေးနှင့် စံပြဈေးတို့တွင် အချို့က ဖောက်သည်ပေးပြီး အချို့က ကိုယ်တိုင်ရောင်းချကြောင်း ဒေသခံတောင်သူတစ်ဦး၏ ပြောကြားချက်အရ သိရပါသည်။ ပဲသီးကို ကြက်ဥနှင့်ကြော်စား၍ လည်းကောင်း၊ ငါးဖယ်ခြစ်နှင့်ချက်စား၍လည်းကောင်း၊ ပဲသီးအစပ်ချက်ချက် စား၍လည်းကောင်း၊ ပဲသီးပြုတ်၍ မြေပဲဆံထောင်း၊ ပဲကျက်မှုန်နှင့် ကြက်သွန်ဖြူဆီချက်ဖြင့်သုပ် ၍လည်းကောင်း စားသုံးခြင်းကြောင့် လူကြိုက်များပြီး အရောင်းအဝယ်သွက်သော သီးနှံတစ်မျိုး ဖြစ်ပါသည်။ ယခု နိုဝင်ဘာလ ပထမပတ်တွင် ပဲသီးတောင့်ရှည်များ ခူးဆွတ်ရာသီကုန်သွားပါသဖြင့် မိတ္ထီလာမှ ဝယ်ယူရောင်းချကြောင်း၊ မိတ္ထီလာမြို့မှ ပဲသီးသည် အတောင့်ချောပြီး ဒေသထွက်ပဲသီးထက် ပို၍ရှည်ကြောင်း သိရသည်။နိုဝင်ဘာလ ပထမပတ်တွင် ပဲသီးတောင့်ရှည်ဈေးနှုန်းမှာ (၂၅)ကျပ်သားလျှင်  (၁၀၀၀)ကျပ်နှင့် တစ်ပိဿာလျှင် (၃၅၀၀/၄၀၀၀) ကျပ်ဈေးရောင်းချကြောင်း သိရှိရပါသည်။

DOCA(မန္တလေး)  

        စားအုန်းဆီ တင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီသည် စားအုန်းဆီများ သတ်မှတ်အရည်အသွေး၊ စံချိန်စံညွှန်းများနှင့်အညီများနှင့် အညီ စားသုံးသူပြည်သူများ ကျန်းမာရေးနှင့် ညီညွတ်သော စားသုံးဆီများသုံးစွဲနိုင်ရေး၊ ဈေးနှုန်းတည်ငြိမ်စွာ ဝယ်ယူစားသောက်နိုင်ရေး ကြီးကြပ်ထိန်းကျောင်း၍ သက်ဆိုင်ရာ ကုမ္ပဏီများက စားအုန်းဆီများပြည်ပမှ တင်သွင်းလျက်ရှိရာ ရန်ကုန်တိုင်းဒေသကြီး သီလဝါဆိပ်ကမ်း၊ ဗားဂရာ (သဲကွင်း) ဆိပ်ကမ်း၊ ကြည့်မြင်တိုင်မြို့နယ် ကမ်းနားဈေးဆိပ်ကမ်း၊ KIP ဆိပ်ကမ်းသို့ ဆီသင်္ဘောများဆိုက်ကပ်ပြီး ၂၂.၁၁.၂၀၂၅ ရက်နေ့တွင် ကြည့်မြင်တိုင်မြို့နယ် KIP ဆိပ်ကမ်းတွင် MT . BAUHINIA V.10/25OP သင်္ဘောဖြင့် Star 02 ဆီကန်သို့   2900 MT၊ Star 04 ဆီကန်သို့ 2400 MT စုစုပေါင်းတန်ချိန် 5300 MT ဝင်ရောက်လျက်ရှိကြောင်း သိရှိရပါသည်။

DOCA(ရန်ကုန်)

       ဘုရင့်နောင်ကုန်စည်ဒိုင်သို့ ၂၄.၁၁.၂၀၂၅ ရက်နေ့တွင် ပဲခူး(အရှေ့) မှ ရှယ်စ ၃၄၈၂ အိတ်နှင့် ဈေးနှုန်းမှာ ၅၄၀၀၀ မှ ၅၅၅၀၀ ကျပ်၊ ဆန်ကြမ်းထိပ်စအိတ်ရေ ၃၃၅၆ နှင့် ဈေးနှုန်းမှာ ၄၇၀၀၀ မှ ၄၉၀၀၀ ကျပ်၊ လက်စအိတ်ရေ ၂၃၇၆ နှင့် ဈေးနှုန်းမှာ ၄၆၅၀၀ မှ ၄၈၀၀၀ ကျပ်၊ ၂၅ မတ်ဆန်အိတ် ၁၂၈၇ နှင့် ဈေးနှုန်းများမှာ ၄၅၀၀၀ မှ ၄၆၅၀၀ ကျပ်၊ ဆန်ကွဲအိတ်ရေ ၅၅၈၃ နှင့် ဈေးနှုန်းများမှာ ၄၂၀၀၀ မှ ၄၇၅၀၀ကျပ်၊ ပဲခူး(အနောက်) မှ ရှယ်စ ၃၂၆၅ အိတ်နှင့် ဈေးနှုန်းမှာ ၅၄၀၀၀ မှ ၅၅၅၀၀ ကျပ်၊ ဆန်ကြမ်းထိပ်စအိတ်ရေ ၃၂၈၅ နှင့် ဈေးနှုန်းမှာ ၄၇၀၀၀ မှ ၄၉၀၀၀ ကျပ်၊ လက်စအိတ်ရေ ၂၁၅၀ နှင့် ဈေးနှုန်းမှာ ၄၆၅၀၀ မှ ၄၈၀၀၀ ကျပ်၊ ၂၅ မတ်ဆန်အိတ် ၁၀၃၀ နှင့် ဈေးနှုန်းများမှာ ၄၅၀၀၀ မှ ၄၆၅၀၀ ကျပ်၊ ဆန်ကွဲအိတ်ရေ ၅၄၇၆ နှင့် ဈေးနှုန်းများမှာ ၄၂၀၀၀ မှ ၄၇၅၀၀ကျပ်၊ ဧရာဝတီတိုင်းမှ ရှယ်စမှ ရှယ်စ ၃၅၉၇ အိတ်နှင့် ဈေးနှုန်းမှာ ၅၄၀၀၀ မှ ၅၅၅၀၀ ကျပ်၊ ဆန်ကြမ်းထိပ်စ အိတ်ရေ ၂၉၆၃ နှင့် ဈေးနှုန်းမှာ ၄၇၀၀၀ မှ ၄၉၀၀၀ ကျပ်၊ လက်စအိတ်ရေ ၂၃၅၂ နှင့် ဈေးနှုန်းမှာ ၄၆၅၀၀ မှ ၄၈၀၀၀ ကျပ်၊ ၂၅ မတ်ဆန်အိတ် ၇၄၃ နှင့် ဈေးနှုန်းများမှာ ၄၅၀၀၀ မှ ၄၆၅၀၀ ကျပ်၊ ဆန်ကွဲအိတ်ရေ ၅၇၆၁ နှင့် ဈေးနှုန်းများမှာ ၄၂၀၀၀ မှ ၄၇၅၀၀ကျပ် တို့ဝင်ရောက်ကြောင်း သိရှိရပါသည်။         

        ၂၂.၁၁.၂၀၂၅ ရက်နေ့တွင် ဘုရင့်နောင်ကုန်စည်ဒိုင်သို့ ဆန်အိတ်ရေစုစုပေါင်း(၄၆၅၀၆) အိတ်တို့ဝင်ရောက်ခဲ့ပြီး ဆန်ဈေးနှုန်းမှာပြောင်းလဲမှုမရှိကြောင်း သိရှိရပါသည်။

DOCA(ရန်ကုန်)