ပြည်တွင်းကုန်သွယ်မှုသတင်း

                       စစ်ကိုင်းတိုင်းဒေသကြီး၊ မုံရွာမြို့နယ်၊ သစ်စိမ့်၊ ဘုံတို၊ ညောင်ဖြူပင် ကျေးရွာတွင် တိုင်ထောင်ပဲများ စိုက်ပျိုးထားရှိကြောင်း၊ တိုင်ထောင်ပဲကို ဇွန်လတွင် စတင်စိုက်ပျိုး၍ စိုက်ပျိုးပြီး ၂ လခွဲအကြာ စက်တင်ဘာလတွင် ပဲသီးများကို ခူးဆွတ်ရကြောင်း၊ မျိုးအနေဖြင့် မြှားနီမျိုးများကို စိုက်ပျိုးကြပြီး စိုက်ပျိုးထုတ်လုပ်မှု ကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခ အပါအဝင် တစ်ဧကလျှင် စုစုပေါင်းငွေကျပ် ၈ သိန်းခန့် ကုန်ကျကြောင်း၊ အထွက်နှုန်းအနေဖြင့် တိုင်ထောင်ပဲသီးများ စတင်ခူးဆွတ်ချိန်တွင် အတောင့်ရေ ၇၅၀၀-၈၅၀၀ ခန့် ခူးဆွတ်ရရှိကာ တစ်ရက်ခြားတစ်ခါ ခူးဆွတ် ရပြီး ပဲသီးများကို နှစ်လခန့် ခူးဆွတ်ရောင်းချရကြောင်း၊  ဈေးနှုန်းအနေဖြင့် လက်ကားဈေး ပဲအတောင့် (၁၀) တောင့်ပါ တစ်စီးလျှင် (၈၀၀)ကျပ်၊ အတောင့် (၁၀၀)ပါ တစ်အိတ်လျှင် ငွေကျပ် ၅၀၀၀ ဖြင့်ရောင်းချရပြီး အကျိုးအမြတ်အနေဖြင့် ပဲတောင့် အထွက်နှုန်း နှင့် ဈေးနှုန်းအတက်အကျ အပေါ်မူတည်၍ ပျမ်းမျှ ငွေကျပ် ၁၆ သိန်းခန့် ရရှိကြောင်း၊ ဈေးကွက်အနေဖြင့် တိုင်ထောင် ပဲသီးများကိုကုန်စိမ်းပွဲစားများကမုံရွာမမြို့ပေါ်ရှိကုန်စိမ်းဈေးသည်များသို့ တင်ပို့ရောင်းချကြောင်း သိရပါသည်။

DOCA(စစ်ကိုင်း)

                    ရွှေဘိုမြို့ရှိ ဈေးများတွင် ရာသီပေါ်အသီးအနှံများကို ရောင်းချလျက်ရှိရာ ရာသီစာ ပန်းမုံလာနှင့် ဂေါ်ဖီထုပ်များကိုလည်း ရောင်းချလျက်ရှိကြောင်း၊ ပန်းမုံလာနှင့် ဂေါ်ဖီထုပ်များကို အခြားမြို့များမှ သယ်ယူ ရောင်းချသည့်အပြင် ရွှေဘိုမြို့နှင့် အနီးတဝိုက်ရှိ ကျေးရွာများမှလည်း စိုက်ပျိုးကြပြီး ရွှေဘိုမြို့ပေါ် သို့ လာရောက်ရောင်းချလျက်ရှိကြောင်း သိရှိရပါသည်။ ပန်းမုံလာနှင့်ဂေါ်ဖီထုပ်နှင့် ပေါ်များလာပြီဖြစ်၍ ဈေးနှုန်းမှာလည်း အနည်းငယ်ကျဆင်း လျက်ရှိကြောင်း သိရသည်၊

             ၂၀၂၆ခုနှစ်၊ ဇန်နဝါရီလဒုတိယပတ်တွင် ဖြစ်ပေါ်နေသော ပန်းမုံလာဈေးနှုန်းမှာ အရွယ်အစား အကြီး အသေး ပေါ် မူတည်၍ ပန်းမုံလာ(၁)ပွင့်လျှင် (၁၅၀ဝိ/-)ကျပ်မှ (၂၅၀ဝိ/-)ကျပ်၊ ဂေါ်ဖီထုပ်ဈေးနှုန်းမှာ အရွယ်အစားအကြီးအသေးပေါ်မူတည်၍ (၂၀၀ဝိ/-)ကျပ်မှ (၃၀၀ဝိ/-) ကျပ်ဖြင့် ရောင်းချလျက်ရှိကြောင်း ကုန်စိမ်းရောင်းချသည့် လုပ်ငန်းရှင်ထံမှ သိရှိရပါသည်။

DOCA(စစ်ကိုင်း)

    မကွေးတိုင်းဒေသကြီး၊ မင်းဘူးခရိုင်၊ ပွင့်ဖြူမြို့နယ်ရှိ ရွာသာကုန်း၊ ပေါက်စု၊ ချွန်းစု၊ သရက်တောစသည့်ကျေးရွာများမှ တောင်သူများသည်  မုန်းချောင်းရေကိုအမှီပြု၍ မုန်လာဥဖြူ များကိုတစ်ပိုင်တစ်နိုင် စိုက်ပျိုးရောင်းချလျက်ရှိရာ ယခုနှစ်တွင်အပင်များအောင်မြင်ဖြစ်ထွန်းပြီး နုတ်ယူရောင်းချချိန်တွင် ဈေးကောင်းရလျက်ရှိကြောင်း သိရှိရပါသည်။

          မုန်လာဥဖြူကို သဲဆန်လွန်းသောမြေ၊ စေးလွန်းသောမြေတို့မှအပ အခြားမည်သည့်မြေမျိုး တွင်ဖြစ်စေစိုက်ပျိုးနိုင်ပြီး အေးသောဒေသများတွင်အပင်များ ပိုမိုအောင်မြင်ဖြစ်ထွန်းလွယ်ကြောင်း၊ မြေဩဇာကောင်းသော မြေပွများတွင်ကောင်းစွာဖြစ်ထွန်းကြောင်း၊ အစိုဓာတ်များလွန်းသောမြေတွင် စိုက်ပျိုးပါကဥများပုပ်သွားတက်ကြောင်း၊ ရာသီဥတုနှင့်မြေအမျိုးအစားအပေါ်လိုက်၍ အထွက်နှုန်းမှာ ကွာခြားမှုရှိကြောင်း သိရှိရပါသည်။  ပွင့်ဖြူဒေသ၌ မုန်လာဥဖြူစိုက်ပျိုးရာတွင် မျိုးစေ့များကို ပျိုးထောင်စိုက်ပျိုးကြကြောင်း၊ အပင်ကိုဘောင်ဖော်၍မျိုးစေ့ချစိုက်ပျိုးရကြောင်း၊ ဒီဇင်ဘာလဆန်း တွင် စတင်စိုက်ပျိုးပြီး အပင်သက်တမ်း(၁)လခွဲခန့်ရှိလျှင် နုတ်ယူရောင်းချကြကြောင်း၊ နုတ်သိမ်း ချိန်တွင် မြေတွင်းအစိုဓာတ်ရှိရန်လိုအပ်ကြောင်း၊ ဇန်နဝါရီလတွင် မုန်လာဥဖြူများကို စတင်ဖော်ယူ နိုင်ပြီဖြစ်ကြောင်း၊ အရွက်နှင့်အတူနုတ်သိမ်းချိန်တွင် မုန်လာဥမကျိုးစေရန် ဂရုစိုက်ရပြီး အချိန်မီ မနုတ်သိမ်းပါက မုန်လာဥအက်ကွဲခြင်း၊ အူချောင်ခြင်းများဖြစ်တက်ကြောင်း၊ မုန်လာဥဖြူတွင် ကယ်လိုရီပါဝင်မှုနည်းပါးပြီး ဗီတာမင်နှင့်သတ္တုဓာတ်များစွာပါရှိ၍ ကျန်းမာရေးအတွက် အကျိုး ကျေးဇူးများစွာရရှိစေသောကြောင့် စားသုံးသူဈေးကွက်၌ အရောင်းသွက်လျက်ရှိကြောင်း၊ စတင်တူး ဖော်ချိန် ဇန်နဝါရီလတွင်  မုန်လာဥဖြူအရွယ်အစားပေါ်မူတည်၍ မုန်လာဥဖြူတစ်စည်းလျှင် ကျပ် (၅၀၀ - ၇၀၀)ခန့်အထိဈေးကောင်းရရှိကြောင်း၊ ပွင့်ဖြူမြို့နယ်ထွက် မုန်လာဥဖြူများကို  စလင်း၊  မင်းဘူး၊  စကု၊  မကွေးမြို့များသို့    တင်ပို့ရောင်းချလျက်ရှိကြောင်း ရွာသာကုန်းကျေးရွာနေ မုန်လာဥ ဖြူစိုက်တောင်သူတစ်ဦးထံမှ သိရှိရပါသည်။

DOCA(မကွေး)

                  စစ်ကိုင်းတိုင်းဒေသကြီးအတွင်း  ဇန်နဝါရီလဒုတိယပတ်တွင် ဖြစ်ပေါ်နေသော စပါး/ ဆန် ဈေးနှုန်းများမှာ ရွှေဘိုခရိုင်တွင်  ရွှေဘိုပေါ်ဆန်း (စပါး)(ဟောင်း) တင်း ၁၀၀ လျှင် ၅၂၀၀၀၀၀ ကျပ် ၊ ပေါ်ဆန်း (ဆန်)(ဟောင်း) ၂၄ ပြည်ပါ တစ်အိတ်လျှင် ၁၉၅၀၀၀ ကျပ်၊ ရွှေဘိုပေါ်ဆန်း (စပါး)(သစ်) တင်း ၁၀၀ လျှင် ၃၉၀၀၀၀၀ ကျပ် ၊ ပေါ်ဆန်း (ဆန်)(သစ်) ၂၄ ပြည်ပါ တစ်အိတ်လျှင် ၁၄၀၀၀၀ ကျပ်၊ ဧရာမင်း ဆန် (ဟောင်း) ၂၄ ပြည်ပါ တစ်အိတ်လျှင်  ၁၃၀၀၀၀ ကျပ်၊ ဧရာမင်း စပါး  (သစ်)  တင်း ၁၀၀ လျှင် ၂၀၀၀၀၀၀ ကျပ်၊ ဧရာမင်း ဆန် (သစ်) ၂၄ ပြည်ပါ တစ်အိတ်လျှင်  ၁၀၀၀၀၀ ကျပ်ဖြင့် အရောင်း အဝယ်ဖြစ်နေကြောင်း သိရပါသည်။

         ကလေးခရိုင်၊ ကလေးမြို့နယ်တွင် ဧည့်မထ(စပါး)(ဟောင်း) တင်း ၁၀၀ လျှင် ၁၈၀၀၀၀၀ ကျပ် ၊ ဆန် ၂၄ ပြည်ပါတစ်အိတ်လျင် ၇၃၀၀၀ ကျပ်၊ ဧည့်မထ(စပါး)(သစ်) တင်း ၁၀၀ လျှင် ၁၃၀၀၀၀၀ ကျပ် ၊ ဆန် ၂၄ ပြည်ပါတစ်အိတ်လျင် ၆၂၀၀၀ ကျပ်၊ ဧရာမင်း(စပါး) (ဟောင်း) တင်း ၁၀၀ လျှင် ၂၅၀၀၀၀၀ ကျပ်၊ ဆန် ၂၄ ပြည်ပါတစ်အိတ်လျင် ၉၅၀၀၀ ကျပ်တို့ဖြင့် အရောင်းအဝယ်ဖြစ် နေကြောင်း သိရပါသည်။

   ကသာခရိုင်တွင် ဆင်းဧကရီ(၃)(စပါး)(ဟောင်း)  တင်း ၁၀၀ လျှင် ၁၃၀၀၀၀၀ ကျပ်၊ ဆန် ၂၄ ပြည် တစ်အိတ်လျှင် ၇၀၀၀၀ ကျပ်၊ ဆင်းဧကရီ(၃)(စပါး)(သစ်)  တင်း ၁၀၀ လျှင် ၁၁၀၀၀၀၀ ကျပ်၊ ဆင်းဧကရီ-၃ ဆန်(သစ်)  ၂၄ ပြည်တစ်အိတ်မှာ ၅၀၀၀၀ ကျပ်၊ ဧရာမင်း(စပါး) တင်း ၁၀၀လျှင် ကျပ် ၂၀၀၀၀၀၀၊ ဧရာမင်းဆန် ၂၄ ပြည်ပါ တစ်အိတ်လျှင် ကျပ် ၁၂၀၀၀၀    ဖြင့် အရောင်းအဝယ်ဖြစ် နေကြောင်း သိရပါသည်။ 

            စစ်ကိုင်းခရိုင်တွင်   ရွှေဘိုပေါ်ဆန်း (စပါး)(ဟောင်း) တင်း ၁၀၀ လျှင် ၅၃၀၀၀၀၀ ကျပ် ၊ ပေါ်ဆန်း (ဆန်)(ဟောင်း) ၂၄ ပြည်ပါ တစ်အိတ်လျှင် ၂၀၀၀၀၀ ကျပ်၊ ဧရာမင်း စပါး တင်း ၁၀၀ လျှင် ၃၁၀၀၀၀၀ ကျပ်၊ ဆန် ၂၄ ပြည်ပါ တစ်အိတ်လျှင် ၁၄၀၀၀၀ ကျပ်၊ မနောသုခ စပါးတင်း ၁၀၀ လျှင် ၁၈၀၀၀၀၀ ကျပ်၊ ဆန် ၂၄ ပြည်ပါ တစ်အိတ်လျှင် ၉၅၀၀၀ ကျပ်တို့ဖြင့် အရောင်းအဝယ် ဖြစ်နေကြောင်း သိရသည်။

            မုံရွာခရိုင်၊ မုံရွာမြို့တွင် ဧရာမင်းစပါး (ဟောင်း) တင်း ၁၀၀ လျှင် ၃၀၀၀,၀၀၀ ကျပ်၊  ဆန် ၂၄ ပြည်တစ်အိတ်လျှင် ၁၄၀၀၀၀ ကျပ်၊ ဧရာမင်းစပါး (သစ်) တင်း ၁၀၀ လျှင် ၂၂၀၀,၀၀၀၊  ဧရာမင်း (သစ်) ၂၄ ပြည် တစ်အိတ်မှာ (၁၁၀၀၀၀)ကျပ်၊ ရွှေဘိုပေါ်ဆန်း စပါး(ဟောင်း) တင်း ၁၀၀ လျှင် ၅၃၀၀၀၀၀ ကျပ် ၊ ဆန် ၂၄ ပြည် တစ်အိတ်လျှင် ၁၉၅၀၀၀ ကျပ် ၊ ရွှေဘိုပေါ်ဆန်း စပါး(သစ်) တင်း ၁၀၀ လျှင် ၃၉၀၀၀၀၀ ကျပ် ၊ ဆန် ၂၄ ပြည် တစ်အိတ်လျှင် ၁၅၀၀၀၀ ကျပ်၊ မနောသုခ စပါး(ဟောင်း)တင်း ၁၀၀ လျှင် ၁၈၀၀,၀၀၀ ကျပ် ၊  ဆန် ၂၄ ပြည် တစ်အိတ်လျှင် ၈၀၀၀၀ ကျပ် ၊

          မနောသုခ စပါး(သစ်)တင်း ၁၀၀ လျှင် ၁၅၀၀,၀၀၀ ကျပ် ၊  ဆန် ၂၄ ပြည် တစ်အိတ်လျှင် ၆၅၀၀၀ ကျပ် ၊ ရွှေဝါထွန်းစပါး တင်း ၁၀၀ လျှင် ၁၄၀၀၀၀၀ ကျပ် ၊ ဆန် ၂၄ပြည် တစ်အိတ်လျှင် ၇၀၀၀၀ ကျပ် ၊ ရွှေသွယ်ရင်  (စပါး) တင်း ၁၀၀ လျှင် ၁၂၀၀,၀၀၀ ကျပ် ၊  ဆန် ၂၄ပြည် တစ်အိတ်မှာ ၆၀၀၀၀ ကျပ်တို့ဖြင့် အရောင်းအဝယ် ဖြစ်နေကြောင်း သိရပါသည်။

DOCA(စစ်ကိုင်း)

                 ရွှေဘိုမြို့ပေါ်ရှိဈေးများတွင် ခရမ်းချဉ်သီးများကို ရောင်းချလျက်ရှိရာ ဒေသမှထွက်ရှိသည့် ခရမ်းချဉ်သီး အချဉ်သီး(ခေါ်) ဒေသသီးများမှာ ဆောင်းရာသီတွင် လှိုင်လှိုင်ထွက်ရှိ ကြောင်း၊ အချဉ်သီးများမှာ ကျားခြေရာသီးနှင့် ဒေသသီးဟူ၍ (၂)မျိုးရှိကြောင်း၊ ခရမ်းချဉ်သီးများမှာ လှိုင်လှိုင်ထွက်ရှိသော်လည်း ဈေးကောင်းပေး၍ ဝယ်ယူရကြောင်း သိရသည်။

           ၂၀၂၆ခုနှစ်၊ ဇန်နဝါရီလ ဒုတိယပတ်တွင် ဖြစ်ပေါ်နေသော ကျားခြေရာသီး ဈေးနှုန်းမှာ (၁)ပိဿာလျှင် (၇၀၀ဝိ/-)ကျပ်၊ ဒေသသီးဈေးနှုန်းမှာ (၁)ပိဿာလျှင် (၆၀၀ဝိ/-) ကျပ်ဖြင့် ရောင်းချလျက်ရှိကြောင်း ကုန်စိမ်းရောင်းချသည့် လုပ်ငန်းရှင်ထံမှ သိရှိရပါသည်။

DOCA(စစ်ကိုင်း)