မအူပင်မြို့နယ်သည် လယ်ယာစိုက်ပျိုးရေးကို အဓိကထားလုပ်ကိုင်သူ တောင်သူများရှိပြီး ဒေသဖွံ့ဖြိုး တိုးတက်ရန်အတွက် မွေးမြူရေးလုပ်ငန်းလုပ်ကိုင်လာသူ စီးပွားရေး လုပ်ငန်းရှင်မျာလည်းရှိသည်။ မွေးမြူရေးလုပ်ငန်းတွင် ငါးမွေးမြူရေးလုပ်ငန်းကို လုပ်ကိုင်ပြီး တစ်ဖက်တစ်လမ်း ဝင်ငွေပိုမိုရရှိနိုင်ရန်နှင့် ငါးမွေးမြူရာတွင် အထောက် အကူပြုစေရန်အတွက် ကြက်နှင့် ဘဲများကို ငါးကန်းများတွင် တွဲဖက်၍ မွေးမြူလာကြသည်။ စီးပွားရေး လုပ်ငန်းတစ်ခုအဖြစ် မိသားစုဘဝစာဝတ်နေရေး အဆင် ပြေစေရန်အတွက်တစ်ပိုင်တစ်နိုင်အသားတိုး ကြက်မွေးမြူရေး လုပ်ငန်းလုပ်ကိုင်ရာ အဆင်ပြေ၍ အပိုဝင်ရရှိနေကြောင်း မအူပင်ခရိုင်အတွင်း ကြက်ခြံပိုင်ရှင်တစ်ဦးထံမှ သိရသည်။ မအူပင်မြို့နယ်မှ မွေးမြူထွက်ရှိသော ကြက်ဥ၊ဘဲဥ များကို မွေးမြူရေးခြံလုပ်ငန်းပိုင်ရှင်များက တစ်ပတ်လျှင် ၆ဘီးကား ၅ စီးဖြင့် ရန်ကုန်တင်ပို့ကြောင်း တင်ပို့လျက်ရှိကြောင်း၊ ၁လအတွင်း မွေးမြူရေးတစ်ခြံမှ ကား ၁၅၀နီးပါးရန်ကုန်သို့ တင်ပို့ကြောင်း ကြက်ဥ၊ဘဲဥဈေး ကောင်းလာသည့်အတွက် မွေးမြူရေးလုပ်ငန်းရှင်များ၊ ကြက်ခြံလုပ်သာများ၊ ကုန်သည်များအဆင်ပြေလာဟု သိရှိရပါသည်။
တစ်ပိုင်တစ်နိုင် ကြက်မွေးမြူရေးလုပ်ငန်းတွေမှ ကြက်ဥနှင့် ဘဲဥများ ထွက်ရှိမှုနှင့် ရောင်းအား ကောင်းမွန် လာမှုကြောင့် တိုးချဲ့မွေးမြူလုပ်ကိုင်လာပြီး အခြားဒေသများသို့လည်း တင်ပို့ရောင်းချလာနိုင်ခဲ့သည်။ ကြက်မွေးမြူရေး လုပ်ငန်းလုပ်ကိုင်ရာတွင် သွင်းအားစုတွေဖြစ်တဲ့ အစာနဲ့ ဆေးဈေးများ အနည်းငယ်မြင့်တက်လာပြီး ကြက်ခြံဆောက် လုပ်ရေးစရိတ်လည်း အနည်းငယ်မြင့်တက်လာသည်၊ အထွေထွေ ကုန်ကျစရိတ်နဲ့ လုပ်အားခတွေပါ မြင့်တက်လာ သောကြောင့် ယနေ့ ကြက်ဥ ဈေးနှုန်း ဈေးကွက်မြှင့် တက်လာ ခြင်းဖြစ်ကြောင်း သိရသည်။ ဥစားကြက်များကို အကောင် ၁၀၀လျှင် ငွေကျပ် ၄၀၀၀၀၀ နှုန်းဖြင့် ဝယ်ယူမွေးမြူရကြောင်း သိရသည်။ ယခင်ကဆိုလျှင် ငွေကျပ် ၃၀၀၀၀၀ကျပ်ဖြင့် ဝယ်ယူမွေးမြူရသည်။ ဥစားကြက်များ ၁၆ပတ်သား ၁ကောင်လျှင် ယနေ့ဈေးနှုန်း ငွေကျပ် ၃၀၀၀၀ နှုန်းဖြင့် ဝယ်ယူမွေးမြူရသည်။ ကြက်အကောင်ရေ ၅၀၀၀ မှာ ကုန်ကျစရိတ် ပိုမိုကြီးမြင့်လာသဖြင့် မွေးမြူသော ကြက်သားဖောက်လုပ်ငန်းလည်းရှိသဖြင့် ပြန်လည်မွေးမြူခြင်းမှ အကောင်ရေတိုးပွား လာခြင်းဖစ်ကြောင်း၊ ကြက်အကောင်ပေါက် ပြန်လည်ရောင်းချခြင်းများလည်ရှိကြောင်း ခြုံလုပ်ငန်းရှင်ထံမှ သိရသည်။
မအူပင်ခရိုင်သည် စိုက်ပျိုးရေးကိုအဓိကထားစိုက်ပျိုးသလို မွေးမြုရေးလုပ်ငန်းများလည်း လုပ်ကိုင်လျက်ရှိရာ မွေးမြူရေခြံမှ ထွက်ရှိသော ငါး၊ ကြက်ဥနှင့် ဘဲဥများကို ရန်ကုန်သို့ အဓိကထားတင်ပို့ရောင်းချနေကြောင်း သိရသည်။ မအူပင်မြို့နယ်အတွင်း ကြက်ခြံမွေးမြူရေးလုပ်ငန်းကို လုပ်ကိုင်ဆောင်ရွက်သည်မှာ ၂၀၁၅ခုနှစ်က စတင် လုပ်ကိုင် ဆောင်ရွက်လာကြောင်းသိရသည်။ မအူပင်မြို့နယ်တွင် ဥစားကြက်ခြံ (၁၇၁)ခြံရှိပြီး အကောင်ရေ (၉၉၅၀၀၀) ဥစားကြက်ခြံပိုင်ရှင် ၂၂ဦးနှင့် အသားစားကြက်ခြံ (၁၂၅)ခြံရှိပြီး မွေးမြူအကောင်ရေ (၇၈၀၀၀၀)ကောင် မွေးမြူသူလုပ်ငန်းရှင် (၃၇)ဦးရှိကြပြီး ၎င်းခြံများမှ ကြက်ဥ၊ ဘဲဥ မြို့နယ်တွင်း ရောင်းချသူလက်ကားဒိုင်များသို့ရောင်းချခြင်း နီးစပ်ရာမြို့များနှင့် ရန်ကုန်ဈေးကွက်သို့ တင်ပို့နေကြောင်း သိရသည်။
ယနေ့ မအူပင်မြို့နယ်၌ ၂၀၂၅ခုနှစ် အောက်တိုဘာလက ကြက်ဥအလုံး ၃၀ တစ်ကဒ် လျှင် ငွေကျပ် ၁၃၅၀၀ကျပ် လက်ကားဈေးရောင်းချပြီး၊ အလုံး ၃၀ပါ ကဒ် ၁၀၀ဈေးကို ငွေကျပ် ၁၃၅၀၀၀၀ကျပ် အထိ ဈေးကောင်းရရှိ နေခြင်းဖြစ်သည်။ ဘဲဥဈေးအနေဖြင့် အလုံး၃၀ပါ တစ်ကဒ် ၁၄၄၀၀ကျပ်၊ အလုံး၃၀ပါ ကဒ်၁၀၀ဈေးနှုန်း ၁၄၄၀၀၀၀ ကျပ်ဈေးပေါက်နေကြောင်း၊ လက်လီဈေးအနေဖြင့် ကြက်ဥတစ်လုံးလျှင် ၅၀၀ကျပ် ဘဲဥ တစ်လုံးလျှင် ၅၈၀ကျပ်ဖြင့် အရောင်းအဝယ်ဖြစ်လျှက်ရှိကြောင်း ဈေးကွက်အတွင်း ရောင်းချသူထံမှ သိရသည်။ ယခင်လ ဧပြီလဈေးနှုန်းနှိုင်းယှဉ်ပါက ဈေးနှုန်း တည်ငြိမ်နေကြောင်း ဈေးကွက်အတွင်းမှ သိရသည်။
DOCA(ဧရာဝတီ)
