ပြည်တွင်းကုန်သွယ်မှုသတင်း

   နံနံပင်သည် အထင်ရှားဆုံးဟင်းခက်အမွှေးကြိုင်များထဲမှ တစ်ခုအပါအဝင်ဖြစ်ပြီး၊ အုန်းနို့ ခေါက်ဆွဲ၊ အသုပ်စုံတို့တွင်တွဲဘက်စားသုံးပြီး၊ တို့စရာအဖြစ်လည်းစားသုံးကြပါသည်။ နံနံပင်ကို ဆောင်းရာသီတွင် အထူးဖြစ်ထွန်းပြီး ကျန်ရာသီများတွင် ရှားပါးကာဈေးကြီးပေးဝယ်ရပါသည်။ နံနံစိုက်ပျိုးရန်အတွက် ရေမဝပ်သောနုံးမြေသည် အထူးသင့်လျော်ပါသည်။ နံနံပင်ကိုဘောင်များ ပြုလုပ်၍ စိုက်ပျိုးပါက ဘောင်ကို(၄-၅)လက်မပြုလုပ်ပြီး (၂-၃)ပေအကျယ်ဖြင့် အရှည်ကိုလိုသလို ပြုပြင်နိုင်ပြီး ဘောင်ပေါ်တွင်(၀.၅)လက်မ အနက်မြောင်းများကို (၄)လက်မခြားဆွဲပြီး မျိုးစေ့များ ချကာ နွားချေးမှုန့်၊ မြေဆွေးမှုန့်များ ပါးပါးဖုံးပေးရပါသည်။ စိုက်ပျိုးပြီးပါက ရေကိုတစ်နေ့နှစ်ကြိမ် လောင်းပေးရပါသည်။ အပင်ငယ်များပေါက်လာပါက ရေကိုလျော့လောင်းပေးခြင့်ဖြင့် ခါးရိရောဂါကို ကာကွယ်ပေးပြီးသားဖြစ်ပါးသည်။ နံနံမျိုးစေ့(၁)ပြီလျှင် (၃၅၀၀/-) ကျပ်ဖြင့်ဝယ်ယူပြီး တစ်ဘောင် လျှင် တစ်ဘူးနှုန်းဖြင့် စိုက်ပျိုးနိုင်ကြောင်း၊ နံနံကို ခရမ်းချဉ်သီး၊ငရုတ်၊ပဲများနှင့်ရော၍ သီးညှပ် အဖြစ် စိုက်ပျိုးနိုင်ကြောင်း၊ တနွေလုံးပေါက် နံနံပင်လိုချင်လျှင် (၂)ပတ်ခြား၊ (၄)ပတ်ခြား စိုက်ပျိုး နိုင်ကြောင်း၊ စိုက်ပျိုးပြီး(၄၅)ရက်သားမှ စတင်၍နှုတ်ယူစားသုံးခြင်း၊ ရောင်းချခြင်းများ ပြုလုပ် နိုင်ပါသည်။ နံနံပင်တစ်ဘောင်လျှင် အစည်းရေ(၇၀)ခန့် ထွက်ရှိပြီး၊ နံနံပင်(၁၀)ပင်ပါ တစ်စည်းလျှင် လက်ကားဈေး(၂၅၀)ကျပ်၊ လက်လီ ဈေးအနေဖြင့် (၄၀၀/၅၀၀) ကျပ်နှုန်းဖြင့် ရောင်းချ ရကြောင်း၊ ဈေးကောင်းရရှိသောကြောင့် အကျိုးအမြတ်အနေဖြင့် နံနံမျိုးစေ့(၁)ပြီစိုက်ပျိုးပါက (၁၀၀၀၀၀/-) ကျပ်ခန့် အမြတ်ရရှိ ကြောင်း၊ နံနံပင်ကို အိမ်ရှင်မများမှ ငါးလေးအိုးကပ်ချက်၊ မုန့်ဟင်းခါး/ မုန့်တီသုပ်နှင့်အစုံသုပ်တို့တွင်မပါမဖြစ်သောအရွက်ဖြစ်သောကြောင့်၊ နံနံကို တစ်နိုင်တစ်ပိုင် စိုက်ပျိုးခြင်းဖြင့် နေ့စဉ်မိသားစုဝင်ငွေရရှိပြီး ဈေးကွက်ဝယ်လိုအားရှိသောကြောင့် နံနံပင်ကို စိုက်ပျိုး သင်ပါကြောင်း ရေးသားတင်ပြအပ်ပါသည်။

DOCA(မန္တလေး)

   သစ်တောထွက်ပစ္စည်းများအနက် ဝါးသည်လည်း အခြေခံလူတန်းစားများအတွက် အိမ်ယာအဆောက်အဦများ ဖန်တီးပေးရုံသာမက ၄င်းမှထွက်ရှိသော ဝါးမျှစ်များမှာ မိသားစုစားနပ်ရိက္ခာ ဖူလုံရေးအတွက်လည်း အထောက်အကူပြုသော သဘာဝအစားအစာ တစ်မျိုးဖြစ်ပါသည်။ ဝါးမျိုးမျှစ်များကို နှစ်စဉ်ဇူလိုင်လမှ စက်တင်ဘာလလောက်အထိ သဘာဝတောများတွင် ပေါက်ရောက်သော ဝါးပင်များမှ ဝါးအနုလေးများအား ခူးယူပြီး မျှစ်ပြုလုပ်ခြင်းဖြင့်လည်းကောင်း ၊ မျှစ်ချဉ်ပြုလုပ်၍ လည်းကောင်း ၊ အခြောက်ခံ၍လည်းကောင်း စားသုံးကြပါသည် ။ မျှစ်ကိုပြုတ်ပြီး ရေအထပ်ထပ် ဆေးပြီးမှစားသုံးသင့်ကြောင်း ၊ ကျောက်ဆည်မြို့နယ် ကျောက်ဖျာ နှင့် ကင်းကျေးရွာစသည့် ကျေးရွာနေဒေသခံများမှ မျှစ်ထွက်ပေါ်ချိန်တွင် တောင်ပေါ်သို့ သွားရောက်၍ ချိုးယူကြကြောင်း၊  လူတစ်ဦး(၁)ရက်လျှင် မျှစ်(၁၀)ပိဿာအထက် ချိုးယူ၍ရကြောင်း၊ တောထဲမှချိုးယူလာသော မျှစ်များအား အိမ်တွင် တစ်ဗွက်ဆူပြုတ်ပြီး တစ်ပိဿာထုပ်များ ပြုလုပ်ကာ လှည့်လည်ရောင်းချရ ကြောင်း၊ မျှစ်များ ပေါ်ဦးပေါ်စအချိန်တွင် တစ်ပိဿာလျှင် (၃၅၀၀-၄၀၀၀)ကျပ်ဖြင့် ရောင်းချရပြီး၊ လှိုင်လှိုင်ပေါ်ထွက်သည့်အချိန်တွင် (၂၀၀၀-၂၅၀၀)ကျပ်ဖြင့် ရောင်းချရကြောင်း ၊ ယခုချိန်တွင် မျှစ်ထွက်ရှိမှုမရှိသောကြောင့် မျှစ်ဈေးနှုန်းများ မြင့်တက်လျက်ရှိကြောင်း ၊ ယခုလက်ရှိ ပေါက်ဈေး အနေဖြင့် မျှစ်(၁)ပိဿာလျှင် (၃၈၀၀-၄၀၀၀)ကျပ်စျေးနှုန်းများဖြင့် ရောင်းဝယ်လျက်ရှိကြောင်း ၊ အေးမြကြည်လင် ဈေးရှိ မျှစ်ရောင်းချသူတစ်ဦး၏ ပြောကြားချက်အရသိရှိရပါသည်။

DOCA(မန္တလေး)

      စစ်ကိုင်းတိုင်းဒေသကြီး၊ မုံရွာမြို့၊ ကန်သာယာဈေးအတွင်းတွင် ပန်းသစ်တော်သီးနှင့် ပန်းသီးများ ရောင်းချလျက်ရှိကြောင်းသိရှိရပါသည်။ ပန်းသစ်တော်သီးနှင့် ပန်းသီးတို့သည် အေး၍စိုစွတ်သော ရာသီဥတုကို ကြိုက်နှစ်သက်သဖြင့် အေးမြသော ရာသီဥတုရှိသည့် ရှမ်းပြည်နယ်တွင် အများဆုံးဖြစ်ထွန်းသော သီးနှံဖြစ်ကြောင်း သိရှိရပါသည်။

          ၂၀၂၅ ခုနှစ် ၊ နိုဝင်ဘာလ တတိယအပတ်အတွင်း မုံရွာမြို့ ကန်သာယာဈေးရှိ  သစ်သီးဆိုင်များတွင် ပန်းသစ်တော်သီး အသေးတစ်လုံးလျှင်(၂၅၀၀)ကျပ်၊ အလတ်တစ်လုံးလျှင် (၃၀၀၀)ကျပ်နှင့်   အကြီးတစ်လုံးလျှင် (၅၀၀၀)ကျပ်၊ ပန်းသီးဈေးနှုန်းမှာ အသေး တစ်လုံးလျှင် (၁၀၀၀)ကျပ်၊ အလတ်တစ်လုံးလျှင် (၂၀၀၀)ကျပ်နှင့်   အကြီးတစ်လုံးလျှင် (၃၀၀၀)ကျပ်၊ မင်းကွက်သီး အသေး (၁)လုံး လျှင် (၄၀၀) ကျပ်၊ အလတ်(၁)လုံးလျှင် (၆၀၀) ကျပ်နှင့် အကြီး (၁)လုံးလျှင် (၁၀၀၀) ကျပ်၊ သခွားမွေးသီး အလုံးကြီး တစ်လုံးလျှင် (၂၅၀၀၊၄၅၀၀) ကျပ်၊ အလတ်တစ်လုံးလျှင် (၂၅၀၀၊ ၃၀၀၀) ကျပ်၊ အသေးတစ်လုံးလျှင် (၈၀၀၊၁၀၀၀) ကျပ် နှုန်းတို့ဖြင့်  ရောင်းချလျက်ရှိရာ လူကြီးလူငယ်မရွေး ကြိုက်နှစ်သက်သည့်အတွက် အရောင်းအဝယ် ဖြစ်လျက်  ရှိကြောင်း သစ်သီးဆိုင်များမှ သိရှိရပါသည်။

DOCA(စစ်ကိုင်း)

  စားတော်ပဲ

     ရွှေဘိုမြို့ ဈေးကွက်အတွင်း နိုဝင်ဘာလ၊ ဒုတိယအပတ်တွင်ရောင်းချသည့် စားတော်ပဲဈေးနှုန်းမှာ (၁)ပြည်လျှင်(၈၈၀ဝိ/-)ကျပ်နှင့်တစ်တင်းလျှင်(၁၄၀၈၀ဝိ/-)ကျပ်ဖြစ်ကြောင်း၊ ယခင်အပတ်နှင့်ယခုအပတ် တို့၏အရောင်းအဝယ်ဖြစ်သည့် ဈေးနှုန်းတို့ကိုနှိုင်းယှဉ်ပါက ယခင်အပတ်၌ စားတော်ပဲ(၁)ပြည်လျှင် (၈၈၀ဝိ/-)ကျပ်ပေါက်ဈေးရှိခဲ့သဖြင့် ယခင်အပတ်နှင့်ယခုအပတ်တို့၏ အရောင်းအဝယ်ဖြစ်သည့် ဈေးနှုန်း တူညီကြောင်း၊  ဈေးကွက်အနေဖြင့် ဒေသတွင်းရှိစားသုံးသူများ၊ တစ်ဆင့်ပြန်လည်ရောင်းချမည့်သူများ၊ ပဲပြုတ်ရောင်းချသည့်သူများ၊ လ္ဘက်ရည်ဆိုင်၊ အကြော်ဆိုင်များ၊ အလှူမင်္ဂလာပွဲလမ်းဆောင်ရွက်မည့် သူများမှ ဝယ်ယူကြကြောင်း ပဲမျိုးစုံရောင်းချသည့်ဆိုင်များမှ သတင်းရရှိပါသည်။

စားတော်ပဲလုံးရေစိမ်

      ရွှေဘိုမြို့ဈေးကွက်အတွင်း နိုဝင်ဘာလ၊ ဒုတိယအပတ်တွင်ရောင်းချသည့် စားတော်ပဲလုံး ရေစိမ်ဈေးနှုန်းမှာ (၁)ပြည်လျှင်(၅၀၀ဝိ/-)ကျပ်ဖြစ်ကြောင်း၊  ယခင်အပတ်နှင့် ယခုအပတ်တို့၏ အရောင်း အဝယ်ဖြစ်သည့်ဈေးနှုန်းတို့ကိုနှိုင်းယှဉ်ပါက ယခင်အပတ်၌ စားတော်ပဲလုံးရေစိမ်(၁)ပြည်လျှင်(၅၀၀ဝိ/-) ကျပ်ပေါက်ဈေးရှိခဲ့သဖြင့် ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့် ဈေးနှုန်းတူညီ ကြောင်း၊  နေ့စဉ်စားတော်ပဲလုံး(၈)ပြည်ခန့်ရေစိမ်ရပြီး ဈေးကွက်အနေဖြင့် လ္ဘက်ရည်ဆိုင်၊ အကြော်ဆိုင် များ၊ ဒေသတွင်းရှိစားသုံးသူများ၊ တစ်ဆင့်ပြန်လည် ရောင်းချမည့်သူများမှ ဝယ်ယူကြကြောင်း ပဲမျိုးစုံ ရောင်းချသည့်ဆိုင်များမှ သတင်းရရှိပါသည်။

မြေထောက်ပဲ

     ရွှေဘိုမြို့ဈေးကွက်အတွင်း နိုဝင်ဘာလ၊ ဒုတိယအပတ်တွင်ရောင်းချသည့် မြေထောက်ပဲ(ညို) ဈေးနှုန်းမှာ (၁)ပြည်လျှင်(၇၀၀ဝိ/-)ကျပ်နှင့် တစ်တင်းလျှင်(၁၁၂၀၀ဝိ/-)ကျပ်ဖြင့် အရောင်းအဝယ် ဖြစ်လျက်ရှိကြောင်း၊ ယခင်အပတ်နှင့်ယခုအပတ်တို့၏ အရောင်းအဝယ်ဖြစ်သည့် ဈေးနှုန်းတို့ကို နှိုင်းယှဉ်ပါက ယခင်အပတ်၌ မြေထောက်ပဲ(ညို)(၁)ပြည်လျှင် (၇၀၀ဝိ/-)ကျပ် ပေါက်ဈေးရှိခဲ့သဖြင့် ယခင်အပတ်နှင့်ယခုအပတ်တို့၏ အရောင်းအဝယ်ဖြစ်သည့် ဈေးနှုန်းတူညီပြီး ဈေးငြိမ်နေကြောင်း၊ ဈေးကွက်အနေဖြင့် ဒေသတွင်းရှိစားသုံးသူများ၊ တစ်ဆင့်ပြန်လည်ရောင်းချမည့်သူများ၊ ပဲပြုတ်ရောင်းချသူများ၊ အလှူမင်္ဂလာပွဲလမ်းဆောင်ရွက်မည့်သူများမှ ဝယ်ယူကြကြောင်း ပဲမျိုးစုံရောင်းချသည့်ဆိုင်များမှ သတင်းရရှိပါသည်။

DOCA(စစ်ကိုင်း)

 မန္တလေးတိုင်းဒေသကြီး၊ ကျောက်ဆည်ခရိုင်အတွင်းရှိ ကျေးလက်နေတောင်သူများသည် စိုက်ပျိုးရေးလုပ်ငန်းအား အဓိကထားဆောင်ရွက်သော်လည်း မွေးမြူ‌ရေးကိုလည်း တစ်ပိုင်တစ်နိုင်မှ စီးပွားဖြစ်သည်အထိ တောင်သူလုပ်ငန်းနှင့်တွဲဖက်ကာ မွေးမြူလာကြပါသည်။မွေးမြူရေးလုပ်ငန်း များထဲတွင် ဆိတ်မွေးမြူရေးလုပ်ငန်းသည်လည်း တစ်ခုအပါအဝင်ဖြစ်ပါသည် ။ ဆိတ်သည် သားပေါက်မြန်သည့်အတွက် စီးပွားရေးအရ တွက်ခြေကိုက်သော တိရစ္ဆာန်ဖြစ်ပါသည်။ဆိတ်မွေးမြူ သူများအနေဖြင့် ဂျိတ်နီဆိတ်မျိုးများကိုသာ အများဆုံးမွေးမြူကြပါကြောင်း၊ ဆိတ်ကို အသားစား အတွက်မွေးမြူနိုင်သလို နို့စားအတွက်လည်းမွေးမြူနိုင်ပါကြောင်း ၊ ဆိတ်ကို ကွင်းထဲတွင် လွှတ်ကျောင်း၍ရသလို ခြံအတွင်းလှောင်၍ မြက်နှင့်သစ်ရွက်များအားခုတ်၍ ကျွေးပြီးလည်းမွေးမြူ နိုင်ပါကြောင်း၊လွှတ်ကျောင်းခြင်းနှင့်ခြံလှောင်မွေးခြင်းတွင် အားနည်းချက် ၊ အားသာချက်များရှိပါ ကြောင်း၊လွှတ်ကျောင်းသည့်အတွက် အစာဖိုးကုန်ကျမှုနည်းပါသော်လည်း ဆိတ်သည် ကိုယ်လက် လှုပ်ရှားမှုများသည့်အတွက် ဆိတ်ကြီးထွားမှုနှုန်းနှေးပါကြောင်း ၊ ခြံလှောင်မွေးသည့် ဆိတ်များမှာ လှုပ်ရှားမှုနည်းသည့်အတွက် ကြီးထွားမှုနှုန်းမြန်ပါကြောင်း၊ ဆိတ်ပေါက်နို့ခွဲကာစအရွယ် ဆိတ်မ ကလေးဝယ်ယူ၍ မွေးမြူပါက(၈)လသားအရွယ်တွင် အရွယ်ရောက်ပြီး ဆိတ်မဖြစ်ပါကြောင်း ၊ ဆိတ်မတန်းမတစ်ကောင်အနေဖြင့် စတင်ကိုယ်ဝန်ဆောင်သောအရွယ်တွင် (၁)ကောင်သာမွေးပါ ကြောင်း၊ဆိတ်မကြီးတစ်ကောင်အနေဖြင့် (၁)နှစ်လျှင်(၂)သားမွေးနိုင်ပါကြောင်း၊ဆိတ်မအကောင်ရေ များများမွေးမြူထားပါက အကျိုးအမြတ်များစွာရရှိနိုင်မည်ဖြစ်ကြောင်း ၊ ပုံမှန်အားဖြင့် ဆိတ်ထီး (၁)ကောင်နှင့်ဆိတ်မ(၅)ကောင်မွေးထားပါက(၂)နှစ်အကြာတွင် ဆိတ်ကောင်‌ရေ(၃၀)‌ကျော်ရရှိနိုင် မည်ဖြစ်ကြောင်း ၊ ဆိတ်စျေးကွက်အနေဖြင့် ဝယ်ယူသည့်စျေးနှုန်းမှာ ဆိတ်ထီးတစ်ကောင်လျှင် (၁၅၀၀၀၀/-)ကျပ်၊ ဆိတ်မတစ်ကောင်လျှင်(၁၂၀၀၀၀/-)ကျပ် စျေးနှုန်းဖြင့်ဝယ်ယူရပြီး ပြန်လည် ရောင်းချပါက ဆိတ်ထီးတစ်ကောင်လျှင် (၃၀၀၀၀၀/-)ကျပ်၊ ဆိတ်မတစ်ကောင်လျှင်(၂၅၀၀၀၀/-) ကျပ်စျေးနှုန်းများရှိကြောင်း၊ ဆိတ်ပေါက်နို့ခွဲကာစအရွယ် စျေးအနေဖြင့် တစ်ကောင်လျှင်(၅၀၀၀၀- ၆၀၀၀၀)ကျပ်ပေးရကြောင်း၊ဆိတ်သားစျေးနှုန်းအနေဖြင့် (၁)ပိဿာလျှင်(၅၀၀၀၀/-)ကျပ်စျေးနှုန်း များဖြင့်ရောင်းချလျက်ရှိကြောင်း၊ဆိတ်စျေးကွက်သည် ပြင်တွင်းစားသုံးမှုအတွက်ရောင်းချ၍ရသလို အိမ်နီးချင်းနိုင်ငံများသို့လည်းတင်ပို့နိုင်သောကြောင့်မွေးမြူသင့်ပါကြောင်း၊ ဆိတ်မွေးနှုန်း ကောင်းမွန် ခြင်း၊ရောင်းအားများကောင်းမွန်ခြင်းကြောင့် တောင်သူများအတွက် သော်လည်းကောင်း၊ လက်လုပ်လက်စားများအတွက်သော်လည်းကောင်း မွေးမြူသင့်ပါကြောင်း အင်ရောင်းကျေးရွာရှိ ဆိတ်မွေးမြူသူတစ်ဦး၏ပြောကြားချက်အရသိရှိရပါသည်။

DOCA(မန္တလေး)