ပြည်တွင်းကုန်သွယ်မှုသတင်း

     တနင်္သာရီတိုင်းဒေသကြီး၊ မြိတ်မြို့တွင်ပဲပင်ပေါက်ကို နေရာအနှံအပြားတွင် တစ်နိုင်တစ် ပိုင် စိုက်ပျိုးကြပြီး ရောင်းချကြပါသည်။ ပဲပင်ပေါက်ကို ပဲတီပင်ပေါက်ဖောက်၍ ရောင်းချလျက် ရှိရာ ပဲတီစိမ်းအပင်ပေါက်ရာတွင် လည်း အသစ်ပေါ်သောပဲတီစိမ်းကို အပင်ဖောက်၍မရကြောင်း ပဲတီစိမ်းအဟောင်းကိုသာရှာဝယ် ပြီး ပဲတီပင်ဖောက်ကြကြောင်း သိရှိရပါသည်။ ယခင်အပတ် ဆိပ်ကြီးစည်ပင်သာယာဈေးကြီးနှင့် စမ်းချောင်းကုန်စိမ်းဈေးများတွင် တခြားကုန်စည်ဒိုင်များမှ လည်း ဝယ်ယူရောင်းချနေကြောင်း ကုန်စိမ်းရောင်းချနေသူထံမှ သိရှိရပါသည်။

          ယခုဒီဇင်ဘာလပထမပတ်တွင် တနင်္သာရီတိုင်းဒေသကြီး၊ မြိတ်မြို့ပေါ်ရှိ ပဲပင်ပေါက် ဈေးနှုန်းမှာ တစ်ထုပ်လျှင်(၅၀၀)ကျပ်ရှိပြီး တစ်ပိဿာလျှင်(၄၅၀၀)ကျပ်ရှိကြောင်း သိရှိရပါ သည်။

 DOCA(တနင်္သာရီ)

         ဧရာဝတီတိုင်းဒေသကြီး မအူပင်ခရိုင် ပန်းတနော်မြို့နယ်၌ မြေပဲဆန်များ ဝယ်လိုအားကောင်းပြီး အရောင်းအဝယ်ကောင်းမွန်နေကြောင်း   အရောင်းအဝယ်ကောင်းလာခြင်းသည်  မြေပဲဆီကြိတ်ခွဲထုတ်လုပ်သည့် လုပ်ငန်းများက မြေပဲဆန်များ ဝယ်လိုအားကောင်းလာခြင်းကြောင့်ဖြစ်ကြောင်း သိရသည်။   

       ပန်းတနော်မြို့နယ် ပဲဈေးကွက်၌  ယခုနှစ် စက်တင်ဘာလ ဒုတိယ ပတ်မှစ၍   မြေပဲဆန်များ  အရောင်းအဝယ်ကောင်းမွန်နေကြောင်း၊  အဆိုပါမြေပဲဆန်များ လက်ရှိပဲဈေးကွက်ထဲကို ဒေသထွက်မြေပဲတွေအပြင်  တခြားဒေသကနေ  မိုးမြေပဲတွေပါ ဝင်ရောက်လျက်ရှိပါသည်။ မိုးမြေပဲများ ဈေးကွက်အတွင်း စက်တင်ဘာလ (တတိယပတ်) တွင် မြေပဲဆန်အိတ်ရေ (၃၀၀/၄၀၀)ခန့် နေ့စဉ်ဝင်ရောက်လျက်ရှိပြီး မြေပဲဆန် ဈေးနှုန်းများအနေဖြင့် နိုဝင်ဘာလ (တတိယပတ်) တွင် ဆီဆန် (အဖြူ) တစ်ပိဿာလျှင် (၉,၅၀၀) ကျပ်၊ ဆီဆန် (အနီ) တစ်ပိဿာလျှင် (၉၅၀၀) ကျပ်နှင့် လုံးဆန် (အဖြူ) တစ်ပိဿာလျှင် (၈၅၀၀)ကျပ်၊ လုံးဆန်(အနီ) တစ်ပိဿာလျှင် (၈,၇၀၀) ကျပ်တို့ဖြင့် အရောင်းအဝယ်ဖြစ်လျက်ရှိကြောင်း၊ စက်တင်ဘာလ (ပထမပတ်) နှင့် နှိုင်းယှဉ်လျှင် မြေပဲဆန်ဈေးနှုန်း (၃၀၀)ကျပ်ထိ အနည်းငယ်ကျဆင်းပြီး ဈေးနှုန်းကျဆင်းရခြင်းမှာ မြေပဲဆန်များ ဈေးကွက်အတွင်း လှိုင်လှိုင်ဝင်ရောက်လာခြင်းကြောင့် ကျဆင်းရခြင်းဖြစ်ကြောင်း သိရသည်။

        ပန်းတနော်မြို့နယ်မှ စားသောက်ကုန်ရောင်းဝယ်ရေး လုပ်ငန်းလုပ်ကိုင်သူများသည်မြေပဲဆန်များကို ဝယ်ယူကြိတ်ခွဲပြီး မြေပဲဆီ၊ မြေပဲဆန်၊ မြေပဲအခွံပါ စသည်ဖြင့် ပုံစံအမျိုးမျိုးထုတ်လုပ်ကာ ဝယ်ယူသည့်ဒေသများသို့ စနစ်တကျထုပ်ပိုး တင်ပို့ရောင်းချလျက်ရှိကြောင်း   သိရှိရပါသည်။    

DOCA(ဧရာဝတီ)

      ရွှေဘိုမြို့ပေါ်ရှိဈေးများတွင် ဘုရားပန်းမျိုးစုံရောင်းချလျက်ရှိရာ ရာသီအလိုက်‌ပေါ်သည့် ပန်းများအပြင် ဆယ်နှစ်ရာသီလုံးရရှိသည့်ပန်းများကိုလည်း ရောင်းချလျက်ရှိရာ နှင်းဆီပန်း၊ သစ္စာပန်း၊ ဂန္ဓာပန်း၊ ရွှေပန်း၊ ငွေပန်း၊  အောင်သပြေ၊ ညိုချောသပြေ၊ တော်ဝင်သပြေ၊ ပတ္တမြားသပြေနှင့် အာဆီယံသပြေဟူ၍ ပန်းမျိုးစုံ ရောင်းချလျက်ရှိကြောင်း၊ ၂၀၂၅ခုနှစ် ဒီဇင်ဘာလ (ပထမ)ပတ်တွင် ဖြစ်ပေါ်နေသော ပန်းမျိုးစုံဈေးနှုန်းမှာ နှင်းဆီပန်း(၁)ပွင့်လျှင် (၇၀ဝိ/-)ကျပ်၊ (၁၀)ပွင့် (၁)စည်းလျှင် (၆၀၀ဝိ/-)ကျပ်၊ သစ္စာပန်း(၁)စည်းလျှင် (၁၅၀ဝိ/-)ကျပ်၊ ဂန္ဓာပန်းတွင် အဖြူနှင့် အဝါ ဟူ၍ (၂)မျိုး ရှိကြောင်း၊  ဂန္ဓာပန်း (၁)စည်းလျှင် (၁၃၀ဝိ/-)ကျပ်၊ ရွှေပန်း ငွေပန်း(၃)ပွင့်ပါ (၁)ကုံးဖြင့် အ ကုံး(၂၅)ကုံးလျှင် (၁၅၀ဝိ/-)ကျပ်၊ အောင်သပြေ လက်တစ်ဆုပ်စာ(၁) စည်းလျှင် (၇၀ဝိ/-)ကျပ်၊ တော်ဝင်သပြေလက်တစ်ဆုပ်စာ (၁)စည်းလျှင် (၇၀ဝိ/-)ကျပ်မှ (၁၀၀ဝိ/-) ကျပ်၊ ပတ္တမြားသပြေ လက်တစ်ဆုပ်စာ (၁)စည်းလျှင် (၇၀ဝိ/-)ကျပ်၊ အာဆီယံသပြေလက် တစ်ဆုပ်စာ(၁)စည်းလျှင် (၇၀ဝိ/-)ကျပ်မှ (၁၀၀ဝိ/-) ကျပ်ဖြင့် ရောင်းချလျက်ရှိပြီး ညိုချောသပြေ လက်တစ်ဆုပ်စာ (၁) စည်း လျှင် (၂၀၀ဝိ/-)ကျပ်မှ (၃၀၀ဝိ/-)ကျပ်ရောင်းချပြီး ညိုချောသပြေမှာ အခြားသပြေများ ထက် ဈေးပို ပေးရကြောင်း ပန်းရောင်းချသည့် ဈေးသည်ထံမှ သိရှိရပါသည်။

DOCA(စစ်ကိုင်း)

     ရွှေဘိုမြို့ရှိဈေးများတွင် ရာသီပေါ်သီးနှံများ၊ အသား/ငါးများကို ရောင်းချလျက်ရှိရာ တို့ဟူး သုပ်နှင့် တို့ဟူးပျော့ စားရာတွင် ကျိုသည့် တို့ဟူကျိုပဲမှုန့်အစိမ်းနှင့် အသုပ်စုံများသုပ်ရာတွင် အသုံးပြုသည့် ပဲမှုန့်အကြတ်များကို ရောင်းချလျက်ရှိကြောင်း၊ ပဲမှုန့်စိမ်းနှင့်ပဲမှုန့်အကြတ်များကို ကန့်ဘလူခရိုင်၊ ဇီးကုန်းမြို့မှ ဝယ်ယူရောင်းချကြောင်း၊ ဇီးကုန်းမြို့မှ ထွက်ရှိသည့် ပဲမှုန့်မှာ လူ ကြိုက်များ၍  ဇီးကုန်းပဲမှုန့်ကို အဝယ်များကြောင်း၊ ၂၀၂၅ခုနှစ်၊ ဒီဇင်ဘာလ (ပထမပတ်) တွင် ဖြစ်ပေါ်နေ သော ပဲမှုန့်အစိမ်း ဈေးနှုန်းမှာ (၂၅)ကျပ်သားလျှင် (၁၉၀ဝိ/-) ကျပ် နှင့် (၁) ပိဿာ လျှင် (၇၃၀ဝိ/-) ကျပ်ဖြင့် အရောင်းအဝယ်ဖြစ်လျက်ရှိပြီး၊ ပဲမှုန့်အကြတ် (၂၅)ကျပ်သား လျှင် (၂၀၀ဝိ/-) ကျပ် နှင့် (၁)ပိဿာလျှင် (၇၆၀ဝိ/-) ကျပ်ဖြင့် အရောင်းအဝယ်ဖြစ်လျက်ရှိကြောင်း သိရှိရပါသည်။

DOCA(စစ်ကိုင်း)

      တောင်ငူမြို့ဈေးများရှိ ဈေးသယ်များသည် မြန်မာနိုင်ငံအထက်ပိုင်းဒေသများဖြစ်သော ရှမ်းပြည်နယ်တောင်ပိုင်းရှိ မြို့များနှင့် မန္တလေးတိုင်းဒေသကြီး၊ပြင်ဦးလွင်မြို့မှ ဒေသထွက် သစ်သီးဝလံနှင့် ဟင်းသီးဟင်းရွက်များမှာယူရောင်းချလျက်ရှိရာ ယခုအခါထောပတ်သီး၊ ကန်စွန်းဥ၊ ပိန်းဥ၊ အာဒါလွတ်၊ ပဲမြစ်နှင့် ပဲစိမ်းစားဥများ ရောင်းချလျက်ရှိနေသည်။

   ဈေးနှုန်းများအနေဖြင့် ထောပတ်သီးကို အလုံးလိုက် သို့မဟုတ် အချိန်လိုက် ရောင်းချလျက်ရှိပြီး  တစ်ကီလိုလျှင် ၄၅၀၀ ကျပ်၊ အလုံးအရွယ်အစားပေါ်မူတည်၍ ၅၀၀ ကျပ် မှ ၁၅၀၀ ကျပ်အထိ ရောင်းချလျက်ရှိပြီး၊ ကန်စွန်းဥရွှေဝါ ၅၀ကျပ်သားလျှင် ၁၅၀၀ကျပ်၊ ၁ပိဿာလျှင် ၂၈၀၀ ကျပ်၊ ကန်စွန်းဥငချိတ် ၅၀ကျပ်သားလျှင် ၂၀၀၀ကျပ်၊ ၁ပိဿာလျှင် ၃၈၀၀ကျပ်၊ ပိန်းဥ အသေး ၅၀ ကျပ်သားလျှင် ၁၅၀၀ကျပ်၊ ၁ပိဿာလျှင် ၂၅၀၀ ကျပ်၊ ပိန်းဥအကြီး ၅၀ကျပ်သားလျှင် ၂၀၀၀ကျပ်၊ ၁ပိဿာလျှင် ၃၅၀၀ကျပ်၊အာဒါလွတ်ဥ ၅၀ကျပ်သားလျှင် ၂၀၀၀ ကျပ်၊ ၁ပိဿာလျှင် ၃၅၀၀ ကျပ်၊ ပေါ်ဦးပေါ်ဖျားပဲမြစ်နှင့် ပဲစိမ်းစားဥ ၅၀ ကျပ်သားလျှင် ၅၀၀၀ ကျပ်၊ ၁ပိဿာလျှင် ၉၀၀၀ ကျပ်ဖြင့် ရောင်းချကြောင်း ဈေးသည်များထံမှ မေးမြန်းသိရှိရပါသည်။

DOCA(ပဲခူး)