မကွေးတိုင်းဒေသကြီး၊ သရက်ခရိုင်၊ သရက်မြို့နယ် တောင်ဘက်ခြမ်းရှိ ပတ်ဝန်းကျင် ကျေးရွာများဖြစ်သော ကျောက်အိုင်၊ ရွာသစ်၊ မင်းတည်း၊ မြွေပွေး စသည့် ကျေးရွာများတွင် ကြက်သွန်နီများကို နှစ်စဉ် စိုက်ပျိုးလျက်ရှိပါသည်။
ကြက်သွန်နီများကို ပျိုးပင်စိုက်ပျိုးခြင်းမှ အကွက်ချစိုက်ပျိုးခြင်းလုပ်ငန်းများကို နတ်တော်လ ဆန်းမှ စတင် စိုက်ပျိုးလျက်ရှိကြောင်း၊ ဧက(၀.၅၀)ဧက စိုက်ပျိုးရာတွင် ပျိုးစေ့ (၂)ပြည်ခန့်ကုန်ကျ ကြောင်း၊ ထွန်ယက်ခ၊ လုပ်အားခ၊ စိုက်ပျိုးခ၊ ဓာတ်မြေဩဇာစသည့် လုပ်အားခ အသီးသီးအတွက် ကုန်ကျစရိတ် (၁၄)သိန်း ဝန်းကျင် ခန့်ကုန်ကျကြောင်း၊ စိုက်ပျိုးပြီး ကြက်သွန်များအား တပေါင်းလဆန်းတွင် ထွက်ရှိမည်ဖြစ်ကြောင်းနှင့် ယခင်နှစ်က (၀.၅၀)ဧကလျှင် ကျပ်(၁၇)သိန်းခန့် ကုန်ကျပြီး အထွက်နှုန်းအနေဖြင့် ပိဿာချိန်(၂၅၀၀)ထွက်ရှိ၍ တစ်ပိဿလျှင် ကျပ်(၁၆၀၀)ရောင်းချခဲ့ရပြီး အကျိုးအမြတ် အနေဖြင့် ကျပ်(၂၃)သိန်းရရှိခဲ့ကြောင်း ကြက်သွန်နီစိုက်ပျိုးသူတောင်သူများ ထံမှ သိရှိရပါသည်။
DOCA(မကွေး)