ကျွန်းလှမြို့၊ သစ်ရာမြိုင်ဈေးတွင်  ဆီတို့ဟူးကို ပုံးအကြီး အသေး နှင့် ရောင်းချ ပေးလျက်ရှိ ကြောင်းသိရသည်။ ဆီတို့ဟူးကို အထက်ပိုင်းဆို မိုးညှင်းမြို့နှင့် အောက်ပိုင်း တောင်ကြီးမြို့တို့မှ ဝယ်ယူရောင်ချလျက်ရှိကြောင်း သိရသည်။

          ယခု ဩဂုတ်လ ဒုတိယပတ်၌ ကျွန်းလှမြို့တွင် ရောင်းချလျက်ရှိသော ဆီတို့ဟူး ဈေးနှုန်းမှာ ဆီတို့ဟူး(၁၃)ပိဿာ ပုံးကြီး တစ်ပုံးလျှင်(၂၂၀၀၀၀)ကျပ်၊ ဆီတို့ဟူး(၃၀)ကျပ်သားပါ ပုံးသေ တစ်ပုံးလျှင်(၅၀၀၀)ကျပ် နှင့် (၁၀)ကျပ်သားလျှင်(၁၇၀၀)ကျပ် ဈေးနှုန်းတို့ဖြင့် ရောင်းချ လျက်ရှိပြီး ယခင်အပတ်နှင့် နှိုင်းယှဉ်ပါက တစ်ပိဿာလျှင် (၂၀၀၀ ) ကျပ်မြင့်တက်လျက်ရှိကြောင်း သိရသည်။

DOCA(စစ်ကိုင်း)

     မိတ္ထီလာမြို့နယ်သည် လယ်ယာထွက်ကုန်သီးနှံများအနက် စားဖိုဆောင်သီးနှံတစ်မျိုးဖြစ်သည့် ခရမ်းချဉ်သီးလည်း စိုက်ပျိုးဖြစ်ထွန်းမှုရှိပါသည်။ ခရမ်းချဉ်ကို ယခင်က မျိုးဗမာခရမ်းချဉ် (ကျားလျာ သီး) ကိုသာ အများဆုံးစိုက်ပျိုးကြရာမှ ယခုအခါ တိုင်ထောင်ခရမ်းချဉ်မျိုးများကိုလည်း တစ်ပိုင်တစ် နိုင် (၀.၅) ဧက၊ (၀.၇၅) ဧက မှစ၍ တိုးချဲ့ စိုက်ပျိုးလာသည်ကို တွေ့ရသည်။

          တိုင်ထောင်ခရမ်းချဉ်မျိုးကို စိုက်ပျိုးရာတွင် တစ်ဧကလျှင် မျိုးစေံ (၁၅၀၀) စေ့ပါ “ ၁၁၁” တံ ဆိပ် (၅) ထုပ်နှုန်းဖြင့် စိုက်ပျိုးရပြီး၊ မြေဩဇာအနေဖြင့် တစ်ဧကလျှင် ကြက်ဈေးမြေဩဇာ (၅၀) ထုပ် ခန့် အသုံးပြုရသည်။ မြေပြင်ခြင်းအတွက် စက်ထယ်၊ထွန်ခမှာ (၅၀၀၀၀) ကျပ်နှုန်းဖြင့် ထယ်ထိုးရပြီး၊ စိုက်ပျိုးပြီးနောက် အပင်ကိုတိုင်ထောင်ခြင်းအတွက် အသုံးပြုမည့် တိုင်ကို နွေရာသီ ယာမြေများအား တောမီးရှို့ချိန်တွင် တိုင်တစ်တိုင် (၁၅၀) ကျပ်နှုန်းဖြင့် ခုတ်ယူခြင်းဖြင့် စရိတ်သက်သာအောင် ပြုလုပ် ရကြောင်း၊ ကြက်ခြေးတစ်အိတ်လျှင် (၇၀၀၀) ကျပ် ၊ မျိုးစေ့တစ်အိတ်လျှင် (၃၄၀၀၀) ကျပ်တို့ဖြင့် ဝယ်ယူရခြင်း၊ တိုင်ထောင်ခြင်း၊ ကြိုးချည်ခြင်းစသည်တို့ကို ပြုလုပ်နေသဖြင့် လုပ်သားအင်အား အသုံး ပြုမှုများကြောင်း၊ မိုးရာသီ မေ၊ဇွန်၊ဇူလိုင်လများ၌ စိုက်ပျိုးခြင်းဖြစ်သော်လည်း မိုးရွာသွန်းမှုအပေါ် မူတည်ပြီး၊ မြေအစိုဓါတ်နည်းပါက ရေသွင်းခြင်းတို့ ပြုလုပ်ပေးရကြောင်း၊ အပင်သက်တမ်း ရက် (၇၀) ကြာလျှင် စတင်ခူးဆွတ်နိုင်ပြီး၊ ခူးဆွတ်ကာလမှာ (၂) ပိဿာ ကျော်ထွက်ရှိကြောင်း သိရသည်။

          မိတ္ထီလာမြို့နယ်၊ ဂွေ့အိုင်အုပ်စု၊ မိုးကောင်းစွာရှိ တိုင်ထောင်ခရမ်းချဉ်သီး စိုက်ပျိုးထုတ်လုပ် တင်ပို့ရောင်းချသူ၏ ပြောကြားချက်အရ ယခုနှစ်တွင် တိုင်ထောင်ခရမ်းချဉ်သီး တစ်ပိဿာ ကုန်ကျစ ရျတ်မှာ (၆၀၀) ကျပ် ရှိကြောင်းမှစ၍ အသီးစတင်ခူးဆွတ်စဉ်၌ အသီးအရွယ်အစားညီပြီး အလုံးလှ ကြောင်း၊ နောက်ပိုင်းတွင် အသီးအရွယ်အစား မညီညာသည့်အတွက် ဈေးနှုန်းရရှိမှု မတူညီကြောင်း သိရသည်။

          ယခုအခါ (ဩဂုတ်လဆန်း)  တိုင်ထောင်ခရမ်းချဉ်ကို မိတ္ထီလာမြို့၊ မြို့မဈေးအပြင်တန်း (ဖြိုးဝေ တန်း) ရှိ ပွဲရုံများသို့ တစ်ပိဿာ (၂၀၀၀) ကျပ်ဖြင့် သွင်းရကြောင်း၊ ခရမ်းချဉ်ဈေးမှာ ယခုကဲ့သို့ ဈေး ကောင်းဆက်လက်ရရှိမည်ဆိုပါက အကျိုးအမြတ်များမည်ဖြစ်ကြောင်း ခရမ်းချဉ်စိုက် တောင်သူများထံ မှ သိရသည်။

DOCA (မန္တလေး)

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့်  စားသုံးသူကာ ကွယ်ပေးရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးတိုးတက်ရေးလုပ်ငန်းများကိုပါဆောင်ရွက် လျက် ရှိရာ ကျွန်းလှမြို့တွင် ၊ စိုက်ပျိုးရေးနှင့် မွေးမြူရေးကို လုပ်ကိုင်ကြရာ  ဂန္ဓမာပန်းပင်ကို တစ်နိုင်တစ်ပိုင် စိုက်ပျိုးကြကြောင်း သိရသည်။ ဂန္ဓမာပန်းများကို တစ်ရက်လျှင် အစည်းအရေအတွက်(၁၀၀ မှ ၁၅၀)ထိ ချိုးယူရောင်းချရပြီး တစ်ခါ စိုက်လျှင် တစ်လခွဲခန့်ကြာအောင် ခူးဆွတ်ရောင်းချရပါသည်။

ဩဂုတ်လ ဒုတိယပတ် ကျွန်းလှမြို့၏ ဂန္ဓမာပန်း ဈေးနှုန်းများမှာ ဂန္ဓမာပန်းတစ်စည်းလျှင် လက္ကား ဈေးနှုန်း မှာ(၁၃၀၀)ကျပ်ဈေးနှုန်း လက်လီ (၂၀၀၀)ကျပ် ဈေးနှုန်း တို့ဖြင့်ရောင်းချရလျက်ရှိပြီး   ယခင် အပတ်နှင့် နှိုင်းယှဉ်ကြည့်ပါက ဂန္ဓမာပန်း ဈေးနှုန်း တစ်စည်းလျှင်(၅၀၀)ကျပ် ဈေးနှုန်းမြင့်တက်ပြီး အရောင်း အဝယ်ဖြစ်လျက်ရှိကြောင်း ဂန္ဓမာပန်း စိုက်ပျိုး ရောင်းချသူ ထံမှ သိရှိရပါသည်။

DOCA(စစ်ကိုင်း)

       မိတ္ထီလာမြို့သည် မြန်မာနိုင်ငံအလယ်ပိုင်းတွင်တည်ရှိပြီး လမ်းပန်းဆက်သွယ်ရေးအရ မိတ္ထီလာ နှင့် မြန်မာနိုင်ငံအောက်ပိုင်း၊အထက်ပိုင်း၊အရှေ့ပိုင်းတို့နှင့် ကုန်စည်ကူးသန်းရောင်းဝယ်ရာ၌ အချက် အချာကျသောမြို့ဖြစ်သည်။     

          မိတ္ထီလာမြို့ပေါ်တွင် ရန်ကုန်နှင့်ကုန်စည်ပို့ဆောင်နေသော ကုန်တင်ယာဉ်ဂိတ်(၄)ဂိတ်နှင့် ကုန် သည်များမှ ကိုယ်ပိုင်ကုန်တင်ယာဉ်ဖြင့် မိတ္ထီလာမြို့မှ ကုန်စည်တင်ပို့ခြင်း၊ တင်သွင်းခြင်းများ ဆောင်ရွက်နေရာ တင်ပို့ကုန်များအနေဖြင့် ဒေသထွက်လယ်ယာထွက်ကုန်သီးနှံများဖြစ်သည့် ပဲစင်းငုံ၊ ကြက်သွန်နီ၊ ငရုတ်၊ ဒေသထွက်ကုန်ကြက်သွန်နီကြော်နှင့် အခြားစားသောက်ကုန်များဖြစ်သည့် မုန်မျိုးစုံတို့ကိုတင်ပို့ကာ တင်သွင်းကုန်များအနေဖြင့် ဆန်၊ ဆား၊ ငပိ၊ ငခြောက်၊ လူသုံးကုန်၊ မုန်မျိုးစုံ၊ အချိုရည် စသည်တို့တင်သွင်းကြောင်းသိရသည်။

          ကုန်တင်ခအနေဖြင့် တစ်ပိဿာလျှင် ပဲ၊ကြက်သွန်နီ ကဲ့သို့သောကုန်ကျစ်မှာ (၂၀၀)ကျပ်၊ငရုတ် ခြောက်၊ကြက်သွန်ကြော်၊မုန့်ဖာစသည့်ကုန်ပွမှာ (၂၂၀)ကျပ်ရှိကြောင်း၊မိတ္ထီလာခရိုင် ကုန်စည်ပို့ဆောင် ရေးနှင့်ဝန်ဆောင်မှုလုပ်ငန်းများအသင်းမှ သိရသည်။      

DOCA (မန္တလေး)

မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့ပေါ်တွင် မန်ကျည်းသီးမှည့်များ ဝင်ရောက် အရောင်းအဝယ်ဖြစ်လျက်ရှိပြီး အဓိကအားဖြင့် ယောနယ်ဒေသများနှင့် ကျောက်ပန်းတောင်းမြို့၊ ဆိပ်ဖြူမြို့၊ မြိုင်၊ ကမ္မနှင့် မြစ်ခြေမြို့များမှ ထွက်ရှိ၍ နေ့စဉ်ဝင်ရောက်အရောင်းအဝယ် ဖြစ်လျက်ရှိပါသည်။

            ၂၀၂၅ခုနှစ်၊ ဩဂုတ်လ(ပထမပတ်)တွင် မန်ကျည်းသီးများ ဈေးမြင့်တက်၍ အရောင်း အဝယ် ဖြစ်လျက်ရှိသည်။ မန်ကျည်းသီးမှည့် အစေ့ပါ တစ်ပိဿာလျှင် ကျပ်(၅၀၀၀-၄၀၀၀)၊ အစေ့လွတ် တစ်ပိဿာလျှင် ကျပ်(၁၁၀၀၀-၁၀၀၀၀)ဖြစ်ပြီး ယခင်ဇူလိုင်လ(ပထမပတ်)နှင့်ဈေးနှုန်း နှိုင်းယှဉ် ပါက မန်ကျည်းသီးမှည့်တစ်ပိဿာလျှင် ကျပ်(၃၀၀၀)ခန့် ဈေးမြင့်တက်၍ အရောင်းအဝယ်ဖြစ် ကြောင်း ဈေးကွက်မှ သိရသည်။

            မန်ကျည်းသားများကို ပခုက္ကူမြို့ပေါ်ရှိ စားသောက်ကုန်လုပ်ငန်းရှင် လှောင်လက်သမား များမှ ကုန်ဝင်မှုရှိသော်လည်း ဝယ်ယူထားရှိပြီး ပြန်လည်ရောင်းချကြကြောင်း၊ အကြော်ဆိုင်၊ အကင် ဆိုင်များမှ မန်ကျည်းသီး အချဉ်ရည်များ ပြုလုပ်ရန်အတွက် ဝယ်ယူခြင်း၊ မန်ကျည်းဖျော်ရည် လုပ်ငန်းများနှင့် မန်ကျည်းတော်ဖီ လုပ်ငန်းရှင်များမှလည်း အများအပြားဝယ်ယူသည့်အပြင် ရန်ကုန် မြို့နှင့် မန္တလေးမြို့များသို့လည်း တင်ပို့လျက်ရှိကြောင်း သိရှိရသည်။

DOCA(မကွေး)