ပြည်တွင်းကုန်သွယ်မှုသတင်း

    မင်္ဂလာတောင်ညွန့်မြို့နယ်၊ ကြက်/ဘဲဈေးတွင်ရောင်းချနေသော ကြက်/ဘဲများမှာ ပဲခူးတိုင်းဒေသကြီး၊  ဧရာဝတီတိုင်းဒေသကြီး၊ ရန်ကုန်တိုင်းဒေသကြီးအတွင်းရှိ မြို့နယ်များမှ ခြံဖမ်းဈေးစနစ်ဖြင့်လည်ကောင်း၊  အရောက်ပို့စနစ်ဖြင့်လည်းကောင်း အသီးသီးဝင်ရောက်လျက်ရှိရာ ကြက်/ဘဲဈေးတွင် ၂၀၂၄ခုနှစ်၊ ဇန်နဝါရီလ စတုတ္ထပတ်အတွင်း အရောင်းအဝယ်ဖြစ်လျက်ရှိသော ဈေးနှုန်းများမှာ ကြက်အရှင်၊ အိမ်မွေးကြက် ၁ပိဿာလျှင်  (၁၆၀၀၀/၁၇၀၀၀) ကျပ်နှင့် ကုန်အဝင်ပိဿာ (၂၉၀၀)၊ အသားတိုးကြက် ၁ပိဿာလျှင် ၅၂၀၀ကျပ်နှင့် ကုန်အဝင်ပိဿာ (၅၆၀၀၀)၊ မွေးမြူရေးကြက်(ထီး/မ) ၁ပိဿာလျှင် (၅၀၀၀/၈၅၀၀) ကျပ်နှင့် ကုန်အဝင်ပိဿာ (၂၇၀၀၀) ၊ ဘဲအရှင် ၁ပိဿာလျှင် (၉၅၀၀/၁၀၀၀၀)ကျပ်နှင့် ကုန်အဝင်ပိဿာ (၂၀၀)၊ ချယ်ရီ/ဘယ်ရီဘဲ ၁ပိဿာလျှင် (၅၅၀၀/၆၀၀၀) ကျပ်နှင့် ကုန်အဝင်ပိဿာ (၇၀၀) တို့ဖြင့် စုစုပေါင်းကုန်အဝင်ပိဿာချိန် (၈၆၈၀၀) ရှိကြောင်းသိရှိရပါသည်။ြင့် စုစုပေါင်းကုန်အဝင်ပိဿာချိန် (၈၆၈၀၀)ရှိ ကြောင်း သိရှိရပါသည်။  

     အဆိုပါဈေးနှုန်းများကို ၂၀၂၄ခုနှစ်၊ ဇန်နဝါရီလ တတိယပတ်ဈေးနှုန်းများနှင့်နှိုင်းယှဉ်ကြည့်လျှင် ကျန်ကြက်/ဘဲဈေးနှုန်းများမှာ တူညီနေသော်လည်း အသားတိုးကြက်  ၁ပိဿာလျှင် (၅၀၀) ကျပ်ဈေးနှုန်းမြင့်တက်လာကြောင်းသိရှိရပါသည်။

DOCA(ရန်ကုန်)

    တိုက်ကြီးမြို့နယ်၊ မင်္ဂလာရပ်ကွက်၊ မီးသွေးကုန်းကျေးရွာတွင် အသားစားဝက်မွေးမြူရေး  လုပ်ငန်းကိုလည်း လုပ်ကိုင်ဆောင်ရွက်နေပြီး အသားစားဝက်မွေးမြူရာတွင် (၁)လခွဲသားပေါက် တစ်ကောင်ကို (၁၂၀၀၀၀)ကျပ်ဖြင့် ဝယ်ယူမွေးမြူခဲ့ပြီး ဝက်ကောင်ရေ (၁၀၀၀)ခန့် မွေးမြူထားရှိပါသည်။ ဝက်စာများကို မြန်မာစီပီကုမ္ပဏီမှ CP ဝက်စာများကို ဝယ်ယူကျွေးမွေးပါသည်။ CP ဝက်စာ ဝယ်ကျွေးရာတွင်လည်း ဝက်အသေး၊ ဝက်အလက်၊ ဝက်အကြီးအရွယ်စားအလိုက် ဝယ်ယူကျွေးမွေးရပါသည်။ ဝက်အသေးအစာ (၁)အိတ်ကို (30 kg)ပါ  (၆၁၀၀၀)ကျပ်၊ ဝက် အလတ်အစာ (၁)အိတ်  (30 kg)ပါကို  (၅၁၀၀၀)ကျပ်၊ ဝက်အကြီးအစာ (၁)အိတ်ကို (30 kg)ပါ  (၄၇၀၀၀)ကျပ်ဖြင့် CP ဝက် အရွယ်အစားအလိုက် ဝယ်ယူကျွေးမွေးရပါသည်။ CP ဝက်များ မွေးမြူရာတွင် ကျယ်ဝန်း၍ လေကောင်းလေသန့်ရသော နေရာတွင် မွေးမြူရပါသည်။ ကျန်းမာရေးကောင်းမွန်ရန် သန့်ရှင်းရေး ကိုလည်း အထူးကြပ်မတ်လုပ်ဆောင်ရပါသည်။ CP ဝက်များကို (၄)လသားတွင် အချိန်(၆၅)ပိဿာ (၇၀)ပိဿာတွင် ရောင်းချရပါသည်။ တိုက်ကြီး မြို့နယ်နေပြည်သူများ အဆင်ပြေစားသုံးနိုင်ရန် တစ်ပိဿာလျှင် (၇၆၀၀)ဈေးဖြင့် လက်ကား ရောင်းချလျက်ရှိပြီး ဈေးကွက်အရ တိုက်ကြီးမြို့နယ်အပြင် အင်းစိန်မြို့နယ်ရှိ ရွာမအနောက်ရပ်ကွက်၊ ဝက်ဒိုင်နှင့် ရွာသာကြီးသို့လည်း တစ်ဆင့်ပြန်လည် ရောင်းချလျက်ရှိပါသည်။

DOCA(ရန်ကုန်)

    ရန်ကုန်တိုင်းဒေသကြီးသို့ ပြည်နယ်နှင့် တိုင်းဒေသကြီးအသီးသီးမှ ဝင်ရောက်လာသည့် ကြက်သွန်နီများသည် အနောက်ပိုင်းခရိုင်၊ စားသုံးသူရေးရာဦးစီးဌာန ကွပ်ကဲမှုအောက်ရှိ ဘုရင့်နောင်ကုန်စည်ဒိုင်သို့  နေ့စဉ်မော်တော်ယာဉ်များဖြင့် ဝင်ရောက်လျက်ရှိပါသည်။ ပွဲရုံများ၏  ကြက်သွန်နီ လက်ကျန် အခြေအနေများအား  အမှန်ကန်ဆုံး သိရှိနိုင်ရန်အတွက် ဘုရင့်နောင်ပွဲရုံဝင်းအတွင်းရှိ  ကြက်သွန်နီပွဲရုံ (၄၀) အနက် Random စနစ်ဖြင့် ပွဲရုံ (၁၀) ရုံအား မေးမြန်းချက်များအရလည်းကောင်း၊ ဘုရင့်နောင်ကုန်စည်ဒိုင်သို့ ကြက်သွန်နီ နေ့စဉ်ဝင်ရောက်မှု စာရင်းများအရလည်းကောင်း၊ ကြက်သွန်နီ လက်ကျန် အခြေအနေအား နေ့စဉ် စုံစမ်းလျက်ရှိပါသည်။ ဇန်နဝါရီလ (၁၆) ရက်မှ ဇန်နဝါရီလ (၂၂) ရက်နေ့အထိ ဘုရင့်နောင်ကုန်စည်ဒိုင်သို့ ကြက်သွန်နီ ဝင်ရောက်ရာဒေသများဖြစ်သည့် ဆိပ်ဖြူ၊ မြင်းခြံ၊ မြစ်သားဒေသတို့မှ ကြက်သွန်နီ (၁၄၁၀၀၀၀) ပိဿာဝင်ရောက်ခဲ့ပြီး (၆၀)ရာခိုင်နှုန်းခန့် ပြန်လည်စီးထွက်မှုရှိကြောင်း သိရှိရပါသည်။ ထို့ကြောင့် ကြက်သွန်နီ လက်ကျန်မှာ (၅၆၄၀၀၀) ကျန်ရှိကြောင်း ကုန်စည်ဒိုင်သတင်းအရ သိရှိရသည်။ မြင်းခြံ ကြက်သွန်နီ(အသစ်) အချော တစ်ပိဿာ ကျပ် ၁၁၀၀၊ အသန့်မှာ တစ်ပိဿာ ကျပ် ၁၆၀၀ ၊ အကြီးမှာ ကျပ် ၂၁၀၀၊ ရှယ်မှာ ကျပ် ၂၁၀၀၊ မြစ်သား ကြက်သွန်နီ(အသစ်) အချော တစ်ပိဿာ ကျပ် ၂၂၀၀၊ အသန့်မှာ တစ်ပိဿာ ကျပ် ၂၅၀၀ ၊ အကြီးမှာ ကျပ် ၃၀၀၀၊ ရှယ်မှာ ကျပ် ၂၈၀၀၊  ဆိပ်ဖြူ ကြက်သွန်နီ (အသစ်) အချော တစ်ပိဿာ ကျပ် ၁၁၀၀၊ အသန့်မှာ တစ်ပိဿာ ကျပ် ၁၅၀၀ ၊ အကြီးမှာ ကျပ် ၂၀၀၀၊ ရှယ်မှာ ကျပ် ၂၁၀၀  ဈေးတို့အသီးသီးရှိကြောင်း စုံစမ်းသိရှိရပါသည်။

DOCA(ရန်ကုန်)

      ၂၅.၁.၂၀၂၄ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-

  ၂၅.၁.၂၀၂၄ ရက်နေ့တွင်  တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။