သတင်းနှင့် လှုပ်ရှားမှုများ

   ပဲခူးတိုင်းဒေသကြီး၊ သာယာဝတီခရိုင်၊ စားသုံးသူရေးရာဦးစီးဌာနသည် စားသုံးသူ အကျိုး စီးပွား ကာကွယ်စောင့်ရှောက်ရေး လုပ်ငန်းများ၊ ကုန်စည်နှင့်ဝန် ဆောင်မှုများ အပေါ် စားသုံး သူများ ဘေး အန္တရာယ်ကင်းရှင်းစွာသုံးစွဲနိုင်ရေးများကိုစဉ်ဆက်မပြတ်လုပ်ဆောင်လျှက်ရှိပါသည်။
    ထို့သို့ဆောင်ရွက်ရာတွင်  လက်ပံတန်းမြို့နယ်  ၊စားသုံး သူရေးရာ ဦးစီးဌာန မှမြို့နယ် တာဝန်ခံနှင့်ဝန်ထမ်းတို့မှ ၁၇.၇.၂၀၂၅ ရက်နေ့ နံနက် ၁၀:၀၀ နာရီ တွင် လက်ပံတန်းမြို့မ ဈေးကြီးအတွင်း စားသုံးဆီ ရောင်းချနေသော ဆီဆိုင်များအား ရှောင်တခင် ကွင်းဆင်းစစ်ဆေးခဲ့ပြီး စားအုန်းဆီများ ဈေးကွက်အတွင်း ဖြန့်ဖြူး ရောင်းချမှု အခြေအနေများ၊ စားအုန်းဆီရောင်းချမှု ဈေးနှုန်းများ၊ ခွဲတမ်းရရှိသော ဆီပိဿာ အတိုင်းရောင်းချမှုရှိ/မရှိ၊ သတ်မှတ်ရည်ညွှန်းဈေးအတိုင်း ရောင်း ချခြင်း ရှိ/မရှိ ၊ရောနှောဆီများ ရောင်းချခြင်း မပြုရန် မှာကြားခဲ့ပါသည်။ ဈေးနှုန်းများ အဆမတန် မြှင့်တင်ရောင်းချမှု ရှိပါက ထိရောက်စွာ အရေးယူမည်ဖြစ်ကြောင်းကိုလည်း အသိပေး ပြောကြားခဲ့ပါသည်။

DOCA(ပဲခူး)

    ပဲခူးတိုင်းဒေသကြီး၊ သာယာဝတီခရိုင်၊ လက်ပံတန်းမြိုနယ်တွင် နေထိုင်ကြသော ပြည်သူ များ၏နေ့စဉ်စားဝတ်နေရေး၊စီးပွားရေးလူမှုရေးများတွင် သက်သာချောင်ချိမှု ရှိစေရေးအတွက် အလေးထားဆောင်ရွက်လျက်ရှိရာ လက်ပံတန်းမြို့နယ်အတွင်းရှိ မြို့နယ်များ၌ တစ်ပတ်လျှင် (၂)ကြိမ်ဆေးနှင့်ဆေးပစ္စည်း ရောင်းချနေသည့် ဆေးဆိုင်များသို့ကွင်းဆင်း၍ ဆေးနှင့်ဆေးပစ္စည်း များဖြစ်သင့်ဖြစ်ထိုက်သည့် ဈေးနှုန်းနှင့်ဒေသအတွင်း ရောင်းဝယ်ဖောက်ကားခြင်းများ ရှိ/မရှိနှင့် ဆေးများပြတ်လပ်ခြင်းရှိ/မရှိ ဈေးကွက်အတွင်း၌ စပ်ဆေးများရောင်းချခြင်း ရှိ/မရှိတို့ကို စားသုံးသူရေးရာဦးစီးဌာန ဝန်ထမ်းများမှ ဈေးကွက်စောင့်ကြည့် စစ်ဆေးခြင်းများ ဆောင်ရွက်လျက် ရှိကြောင်း သိရှိရပါသည်။

DOCA(ပဲခူး)

   စားသုံးသူရေးရာဦးစီးဌာန၊ သာယာဝတီခရိုင် လက်ပံတန်းမြို့၌ ခရိုင်ဦးစီးမှူး၏ လမ်းညွှန်မှု ဖြင့် ၁၈.၇.၂၀၂၅ ရက်နေ့ နံနက်(၉:၀၀)နာရီ အချိန်တွင်မြို့မဈေးအတွင်းရှိ ကုန်စုံဆိုင်များအား ကုန်အညွှန်းအမှတ်အသားများ ပြည်စုံစွာဖော်ပြခြင်း ရှိ/မရှိ စားသုံး/ထုတ်လုံတာဝန်ခံ ဒေါ်ခိုင်ခိုင်ရီ၊ ပြည်တွင်းကုန်သွယ်ရေးဖွံဖြိုးမှုနှင့်သုတေသနဌာနခွဲ ဦးဝင်းထွဋ်လွင်နှင့်ဝန်ထမ်းများမှ ဈေးကွက် စောင့်ကြည့်စစ်ဆေးခဲ့ပါသည်။ စားသုံးသူများ တိကျမှန်ကန်ရှင်းလင်းသော သတင်းအချက်များသိရှိ  စေရန်၊ စားသုံးသူများ ဘေးအန္တရာယ် ကင်းရှင်းစေရန်၊စိတ်ကျေနပ်မှုရှိစေရန်အတွက် အာမခံချက်  ပေးနိုင်သည့် အရည်အသွေးမြင့်မားသော ကုန်စည်ဝန်ဆောင်မှုများဖော်ဆောင်ဖြည့် ဆည်းပေး နိုင်စေရေးနှင့် စီးပွားရေးလုပ်ငန်း ရှင်များအနေ ဖြင့် စားသုံးသူကာကွယ်ရေးဥပဒေအား သိရှိလိုက်နာ  ဆောင်ရွက်ရန် အသိပညာပေးခြင်း ကုန်စည် အမျိုးအစားအလိုက် သတ်မှတ်ချက် များနှင့်အညီ ပြည့်စုံစွာဖော်ပြခြင်းရှိ/မရှိ ဈေးကွက်စောင့်ကြည့် စစ်ဆေးခဲ့ပြီး လက်ကမ်းစာစောင်များ ဖြန့်ဝေ ခဲ့ပါသည်။

DOCA(ပဲခူး)

   ပဲခူးတိုင်းဒေသကြီး၊ နတ်တလင်းခရိုင်၊ ပေါင်းတည်မြို့နယ်၊ ရွာပုလဲကျေးရွာ ၊ ကွင်းအမှတ်- ၁၁၃၀(အေ)ရှိတောင်သူ  ဦးမျိုးနိုင်ဦး ၏စိုက်ပျိုးမြေ ၅ဧက တွင် မျိုးကောင်းမျိုးသန့်၊ အထွက်ကောင်း ရက်(၁၂၀)ဗီယမ်နမ် မိုးစပါးအား စက်မှုလယ်ယာဦးစီးဌာန၏ ခြောက်တန်းသွား ကောက်စိုက်စက်ဖြင့်  စိုက်ပျိုးခြင်း သရုပ်ပြပွဲကို (၁၈.၇.၂၀၂၅) ရက်နေ့ နံနက် (၁၀:၀၀) နာရီတွင် ကျင်းပပြုလုပ် ခဲ့ရာတွင်ကျင်းပ ပြုလုပ်ခဲ့ရာ မြို့နယ်စီမံအုပ်ချုပ်ရေးအဖွဲ့က္ကဋ္ဌ  နှင့် အဖွဲ့ဝင်များ၊ မြို့နယ်စက်မှု လယ်ယာ ဦးစီးဌာန တာဝန်ရှိသူများ၊ မြို့နယ်စိုက်ပျိုးရေးဦးစီးဌာန  စိုက်ကြပ်တာဝန်ခံဝန်ထမ်းများ၊ ဒေသခံ တောင်သူ (၇၀)ဦးတက်ရောက်ခဲ့ကြောင်း သိရပါသည်။

   ထို့နောက် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌက ဒေသခံတောင်သူများနှင့် တွေ့ဆုံပြီး  စိုက်စွမ်းအား၊ သီးထပ်စွမ်းအား မြှင့်တင်ရေးအတွက် ရာသီအလိုက် သုံးသီးစား စိုက်ပျိုးနိုင်ရေး၊ သီးထပ်သီးညှပ်စိုက်ပျိုးနိုင်ရေး မျိုး၊ မြေ၊ ရေနှင့် စိုက်နည်းများကို မှန်ကန်စွာ အသုံးချ၍ မိုးစပါးပန်းတိုင် အထွက်နှုန်းပြည့်မီ ကျော်လွန်အောင် ပူးပေါင်းကြိုးပမ်း နိုင်ရေး ဆွေးနွေးကာ တောင်သူများ၏ တင်ပြချက်များကို သက်ဆိုင်ရာဌာနများနှင့် ညှိနှိုင်း ဆောင်ရွက်ပေးခဲ့ကြောင်း သိရပါသည်။

DOCA(ပဲခူး)

    စားသုံးသူရေးရာဦးစီးဌာန၊ တိုင်းဒေသကြီးဦးစီးမှူး၏ လမ်းညွှန်ချက်အရ စားသုံးသူများ အားလုံးသည် ကုန်စည်နှင့် ဝန်ဆောင်မှုများအသုံးပြုရာတွင် ဘေးအန္တရာယ်ကင်းရှင်းစွာသုံးစွဲနိုင်ရေး အတွက် ခရိုင်အတွင်းရှိ  ထုတ်လုပ်လျှက်ရှိသော ကုန်စည်များနှင့်စပ်လျဉ်း၍ အာမခံချက်ပေးခြင်းနှင့် ကုန်အညွှန်းအမှတ် အသားများ ပြည့်စုံမှန်ကန်စွာဖေါ်ပြမှုရှိစေရေး ရည်ရွယ်၍ ဆောင်ရွက်လျှက် ရှိရာ ၂၀၂၅ ခုနှစ်၊ ဇူလိုင်လ (၁)ရက်မှ (၁၅)ရက်နေ့အတွင်း၌  ပြည်ခရိုင်၊ပြည်မြို့နယ်တွင် စက်မှုကွက်သစ်၊ ရွာဘဲရပ်ကွက်ရှိ ဦးအေးချမ်းပိုင်၏ ပေါက်ပေါက်လုပ်ငန်းသို့လည်းကောင်း၊ မအူရွာရှိ ဦးမောင်မောင်အေး၏ “မြင့်”ယိုစုံလုပ်ငန်းသို့လည်းကောင်း၊ ရွှေတောင်မြို့နယ်တွင် ကြာနီကန်ရပ်ကွက်၊ ဆေးရိုးတန်းလမ်းရှိ ဦးခင်မောင်သန်း၏ “ဧဝရက်”ဆီစက်သို့လည်းကောင်း၊ ပန်းတောင်းမြို့နယ်တွင် ဥသျှစ်ပင်လမ်းရှိ ဦးဝဏ္ဏထွန်း၏ “ဘရဏီ”စက်သုံးဆီအရောင်းဆိုင် သို့လည်းကောင်း သက်ဆိုင်ရာမြို့နယ် တာဝန်ခံနှင့် ဝန်ထမ်းများသည် သွားရောက်၍ မိမိတို့ ဖြန့်ဖြူးရောင်းချ လျက်ရှိသောကုန်စည်များတွင် အရည်အသွေး၊ အလေးချိန်၊ အချိန်အတွယ်၊ ပမာဏနှင့် အမျိုးအစားများ မှန်ကန်စွာဖြန့်ဖြူး ရောင်းချမှုရှိစေရေး၊ စီးပွားရေးကျင့်ဝတ်၊ စည်းကမ်း နှင့်အညီ ထုတ်လုပ် ရောင်းချ မှုရှိစေရေး၊ ကုန်စည်အလိုက် ဖေါ်ပြရမည့် ကုန်အညွှန်း အမှတ်အသား များ၊ ပြည့်စုံမှန်ကန်စွာ ဖေါ်ပြ မှုရှိစေရေး လိုက်နာဆောင်ရွက်ကြရန်နှင့် နောက်ပိုင်း ကာလများတွင် ကွင်းဆင်းစစ်ဆေးမှုများနှင့် အတူ အရေးယူဆောင်ရွက်မှုများပြုလုပ် ဆောင်ရွက်သွားမှာဖြစ်သည့် အတွက် စီးပွားရေးလုပ်ငန်းရှင်များ အနေဖြင့် အထူးအလေးထား လိုက်နာ ဆောင်ရွက်ကြရန် ရှင်းလင်းဆွေးနွေး ပြောကြားခဲ့ကြောင်း သတင်းရရှိပါသည်။

DOCA(ပဲခူး)