သတင်းနှင့် လှုပ်ရှားမှုများ

      ဧရာဝတီတိုင်းဒေသကြိီး၊ ဖျာပုံခရိုင် ၊ ဒေးဒရဲမြို့နယ် စားသုံးသူရေးရာဦးစီးဌာနမှ မြို့နယ် တာဝန်ခံနှင့် ဝန်ထမ်းတို့သည် မြို့နယ်အုပ်ချုပ်ရေးအဖွဲ့နှင့်အတူ (၁.၉.၂၀၂၅) နေ့လယ်  (၁၅:၀၀) နာရီ အချိန်တွင် ဒေးဒရဲမြို့၊ အမှတ်(၂) ရပ်ကွက်၊ ပဒုမ္မာလမ်းရှိ “မင်္ဂလာနက်” Wifi ဝန်ဆောင်မှုလုပ်ငန်းမှ တာဝန်ရှိသူနှင့် တွေ့ဆုံ၍ မေးမြန်းဆွေးနွေးခဲ့ပါသည်။

          Wifi ဝန်ဆောင်မှုလုပ်ငန်းမှ တာဝန်ရှိသူက ဒေးဒရဲမြို့တွင် “မင်္ဂလာနက်” Wifi ကို တပ်ဆင်အသုံးပြုသည့် အိမ်ထောင်စု (၄၀၀) ခန့်ရှိကြောင်း၊ တပ်ဆင်အသုံးပြုသူများမှာ မြို့ပေါ် ရပ်ကွက်ရှိ အိမ်ထောင်စု များ ဖြစ်ကြောင်းသိရသည်။“မင်္ဂလာနက်” Wifi အသုံးပြုမှုအနေဖြင့် တစ်လလျှင် ကုန်ကျစရိတ်မှာ 10 Mbps  (၂၇၀၀၀) ကျပ်၊ 20 Mbps (၃၆၀၀၀) ကျပ်၊30 Mbps  (၄၅၀၀၀) ကျပ်၊50 Mbps  (၆၅၀၀၀) ကျပ် အထိ အမျိုးအစားလိုက် တန်ဖိုးပေးချေရကြောင်း သိရသည်။ ဝန်ဆောင်မှုအနေဖြင့် အင်တာနက်လိုင်း ပြင်ဆင်ခြင်းများကို (၂၄) နာရီအတွင်း ဝန်ဆောင်မှုပေးလျက်ရှိပြီး တာဝါတိုင်မှ လိုင်းပြတ်တောက်မှုဖြစ်လျှင် ရက်အနည်းငယ် ကြန့်ကြာ ကြောင်း ရှင်းလင်းဆွေးနွေးခဲ့ပြီး မြို့နယ်တာဝန်ခံမှ စားသုံးသူများ စိတ်ကျေနပ်မှုရှိစေရေးအတွက် ဝန်ဆောင်မှုကဏ္ဍများအကြောင်း ထပ်မံ ရှင်းလင်းဆွေးနွေးခဲ့ကြောင်း ကွင်းဆင်းစစ်ဆေးခဲ့မှုအရ သတင်းရရှိပါသည်။

(Doca ဧရာဝတီ)

      ဒေးဒရဲမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံ ဦးသိန်းမောင်နှင့် ဝန်ထမ်းတို့သည် (၁.၉.၂၀၂၅) နံနက် (၁၀:၀၀) နာရီအချိန်တွင် ဒေးဒရဲမြို့နယ်၊ အမှတ်(၃) ရပ်ကွက်၊ ကမ်းနားလမ်းရှိ “မိဘမေတ္တာ” ဆန်စက်သို့ MSMEs ဖွံ့ဖြိုးတိုးတက်ရေးကွင်းဆင်းစိစစ်ခြင်းကို ဆောင်ရွက်ခဲ့ကြပါသည်။

          မြို့နယ်တာဝန်ခံမှ MSMEs ဖွံ့ဖြိုးတိုးတက်ရေးအတွက် ခေတ်မီ စက်ကိရိယာများ တပ်ဆင်ထား ရှိမှု အခြေအနေ၊ ထုတ်လုပ်ရာတွင် ဆန်အရည်အသွေး ပြည့်မီမှုရှိ/မရှိ ၊ ထုပ်ပိုးမှုနည်း စနစ်များ၊ ထုတ်ကုန်အရည်အသွေး ပြည့်ဝမှုရှိစေရေးနှင့် စားသုံးသူများဘေးအန္တရာယ် ကင်းရှင်းစေရေးအတွက် အရည်အသွေးပြည့်မီသော ထုတ်ကုန်များ ထုတ်လုပ်နိုင်ရေးနှင့် စပ်လျဉ်း၍ MSMEs ဖွံ့ဖြိုးတိုးတက်ရေးအတွက် ကွင်းဆင်းစိစစ်ခဲ့ကြောင်း သတင်းရရှိပါသည်။

(Doca ဧရာဝတီ)

      ဧရာဝတီတိုင်းဒေသကြိီး၊ ဖျာပုံခရိုင် ၊ ဒေးဒရဲမြို့နယ် စားသုံးသူရေးရာဦးစီးဌာနမှ မြို့နယ် တာဝန်ခံနှင့် ဝန်ထမ်းတို့သည် မြို့နယ်အုပ်ချုပ်ရေးအဖွဲ့နှင့်အတူ (၁.၉.၂၀၂၅) နံနက် (၁၀:၀၀) နာရီအချိန်တွင် ဒေးဒရဲမြို့နယ်၊ အုန်းပင်ကျေးရွာနှင့် လမုဝကျေးရွာရှိ  ဆန်စက်များသို့ MSMEs ဖွံ့ဖြိုး တိုးတက်ရေးနှင့် Gasifire အသုံးပြုနေမှု အခြေအနေများအား ကွင်းဆင်းစစ်ဆေးခဲ့ကြပါသည်။

          အဆိုပါကွင်းဆင်းစစ်ဆေးရာတွင် MSMEs ဖွံ့ဖြိုးတိုးတက်ရေးအတွက် ဆန်ထုတ်လုပ်မှုနှင့် ပက်သက်၍ အရည်အသွေးပြည့်မီစေရေး၊ အချင်အတွယ်များ ပြည့်မီမှန်ကန်မှုရှိ/မရှိ ၊ ဆန်စပါး ဈေးနှုန်း ဈေးကွက်အခြေအနေ၊ ဈေးကွက်အတွင်းထုတ်လုပ်ရောင်းချတင်ပို့နိုင်မှု အခြေအနေတို့ကိုစစ်ဆေးခဲ့ သည်။ Gasifire အသုံးပြု၍ ဆန်စက်လည်ပတ်ရာတွင် သဘာဝပတ်ဝန်းကျင် ထိခိုက်မှုမရှိစေရေး၊ အထူးအလေးထားဆောင်ရွက်ရန် ၊ သတ်မှတ်ထားသည့် စည်းမျဉ်းစည်းကမ်းများနှင့် လည်ပတ် မောင်းနှင်ရန်၊ Gasifire စနစ်မှ ထွက်ရှိသည့် ရေဆိုးများကို ရေစစ်ကန်စနစ်ဖြင့် ဆောင်ရွက်ထားရှိမှု အခြေအနေ၊စပါးခွံ ဂိုဒေါင်များ စနစ်ကျစွာ ဆောက်လုပ်ထားမှုရှိ/မရှိ တို့ကို ဌာနဆိုင်ရာ အဖွဲ့များဖြင့် ကွင်းဆင်းစစ်ဆေးခဲ့ကြောင်း သတင်းရရှိပါသည်။

(Doca ဧရာဝတီ)

      ဒေးဒရဲမြို့နယ်စားသုံးသူရေးရာဦးစီးဌာနမှ မြို့နယ်တာဝန်ခံ ဦးသိန်းမောင်နှင့် ဝန်ထမ်းတို့သည် (၁.၉.၂၀၂၅) နံနက် (၁၀:၀၀) နာရီအချိန်တွင် မြို့မဈေးအတွင်းရှိ စားအုန်းဆီရောင်းချနေသော အရောင်းဆိုင်များသို့ ရှောင်တခင် ကွင်းဆင်းစစ်ဆေးခဲ့ကြပါသည်။

          ဈေးကွက်အတွင်းစားအုန်းဆီများကို ဈေးနှုန်းမြှင့်တင်ရောင်းချခြင်း၊ ဈေးကစားရန် ရည်ရွယ် ချက်ဖြင့် သိုလှောင်ခြင်း၊ မသမာသည့် လုပ်ဆောင်မှုများ ပြုလုပ်မှုမရှိစေရေး လိုက်လံစစ်ဆေးခဲ့ရာ စားအုန်းဆီများကို ရည်ညွှန်းဈေးဖြင့် ဆိုင်းဘုတ်တင်ရောင်းချလျက်ရှိကြောင်း ရှောင်တခင် ကွင်းဆင်း စစ်ဆေးခဲ့မှုအရ သတင်းရရှိပါသည်။

(Doca ဧရာဝတီ)

     ဧရာဝတီတိုင်းဒေသကြီး၊ ဖျာပုံခရိုင်၊ ဒေးဒရဲမြို့နယ် စားသုံးသူရေးရာဦးစီးဌာနမှ မြို့နယ် တာဝန်ခံ ဦးသိန်းမောင်နှင့် ဝန်ထမ်းတို့သည် (၁.၉.၂၀၂၅) နံနက် (၈:၀၀) နာရီအချိန်တွင် ဒေးဒရဲမြို့နယ် ၊ လမုဝ ကျေးရွာ “အောင်နန်းတော်” ဆန်စက်မှ မြိတ်မြို့သို့ ဧည့်မထဆန် တင်ပို့လျက် ရှိသည့် လုပ်ငန်းများအား မြို့နယ်အဆင့် တာဝန်ရှိသူများနှင့် ကွင်းဆင်းစစ်ဆေးခဲ့ကြပါ သည်။

          အဆိုပါ ကွင်းဆင်းစစ်ဆေးမှုတွင် မြို့နယ်အုပ်ချုပ်ရေးမှူး ဦးဆောင်၍ အောင်နန်းတော် ဆန်စက်မှ ဧည့်မထဆန်(၂၈၀၀) အိတ်အား ရေယဉ်ပေါ်သို့ သက်ဆိုင်ရာ ဌာနများ၏ ထောက်ခံချက် များဖြင့် တင်ဆောင်ထားရှိမှု၊ တရားမဝင်ပစ္စည်းများ တင်ဆောင်မှု မရှိစေရေး၊ ရေယဉ်ကြံခိုင်မှုရှိ/ မရှိတို့အား တာဝန်ခံနှင့် ပြောဆိုဆွေးနွေးခဲ့ပြီး တရားဥပဒေနှင့်အညီ ညီညွတ်မှုမရှိသည့် ကိစ္စရပ်များ ဖြစ်ပွားမှုမရှိစေရေး ကွင်းဆင်းစစ်ဆေးခဲ့ပြီး လိုအပ်သည်များကို မှာကြားခဲ့ကြောင်း ကွင်းဆင်းစစ်ဆေး မှုအရ သတင်းရရှိပါသည်။

(Doca ဧရာဝတီ)