သတင်းနှင့် လှုပ်ရှားမှုများ

    ပုသိမ်ခရိုင် စားသုံးသူရေးရာဦးစီးဌာန ခရိုင်ဦးစီးမှူး ဦးတင်စိုးလှိုင်သည် ဧပြီလ ၁ ရက်နေ့ နံနက်ပိုင်း ပုသိမ်ခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနတွင် ပြန်ကြားရေးဝန်ကြီးဌာန ပြန်ကြားရေးနှင့်ပြည့်သူ့ဆက်ဆံရေးဦးစီးဌာနတို့ ပူးပေါင်း၍ online မှ စားသုံးသူပြည်သူများအား စားသုံးသူရေးရာအသိပညာပေး Talk Show အစီအစဉ်ပြုလုပ်ခဲ့ပါသည်၊၊

    ခရိုင်ဦးစီးမှူးဦးတင်စိုးလှိုင်က Talk Show အစီအစဉ်တွင် စားသုံးသူရေးရာဦးစီးဌာနမှ မတ်လအတွင်းဆောင်ရွက်ခဲ့သည့် လုပ်ငန်းရှင်များနှင်ပတ်သက်၍ ဈေးကွက်စောင့်ကြည့်စစ်ဆေးခြင်း (၉)ကြိမ်၊ လုပ်ငန်းရှင်တွေ့ဆုံခြင်း (၈)ကြိမ်၊ လုပ်ငန်းရှင်အသိပညာပေး (၉)ကြိမ်၊ ပြည်သူ အသိပညာပေး(၉)ကြိမ်၊ မြို့နယ်အလိုက် Talk Show အစီအစဉ်တင်ဆက်ခြင်း (၃)ကြိမ်၊ ကုန်အညွှန်း အမှတ်အသားစိစစ်ထုတ်ပေးခြင်း (၃)ကြိမ် စသည်တို့နှင့် ပြည်တွင်းကုန်သွယ်မှုမြှင့်တင်ရေး လုပ်ငန်းများပါ ဆောင်ရွက်လျက်ရှိကြောင်းပြည်တွင်းကုန်သွယ်မှု မြှင့်တင်ရေးလု်ပငန်းများအနေဖြင့် နေ့စဉ်အခြေခံစားသောက်ကုန်ဈေးနှုန်းများစာရင်း ၊ ဘိလပ်မြေဈေးနှုန်း၊ ပဲမျိုးစုံ တစ်ဧကအထွက်နှုန်း အတွက် တစ်ဧကကုန်ကျစရိတ် တောင်သူအကျိုးအမြတ်ရရှိယူများတွက်ချက်၍ ရုံးချုပ်သို့ တင်ပြ ဆောင်ရွက်လျက်ရှိပြီး ပြည်တွင်းကုန်သွယ်မှုမြှင့်တင်နိုင်ရေးအတွက် သက်ဆိုင်ရာဌာနများ အသင်းအဖွဲ့များ ပူးပေါင်းဆောင်ရွက်ကြောင်း ပြောကြားခဲ့ပါသည်၊၊

DOCA(ဧရာဝတီ)

            မွန်ပြည်နယ်၊  ကျိုက်မရောမြို့နယ်ရှိ ဒေသထွက်ကြက်မောက်သီးများ ယခုနှစ်အထွက်စောကာ လှိုင်လှိုင်သီးနေပြီးဖြစ်၍ ကြက်မောက်ခြံပိုင်ရှင်များ စျေးကောင်းရရှိရန် မျှော်လင့်နေကြကြောင်း သိရှိရသည်။

          ကျိုက်မရောမြို့နယ်၊ နတ်စမ်းကျေးရွာရှိ ဒေသခံများသည် စိုက်ပျိုးရေးလုပ်ငန်းဖြင့် အသက်မွေးဝမ်းကျောင်းပြုလုပ်ကြပြီး အဓိကဒေသထွက်ကုန်ဖြစ်သည့် ဒူးရင်းခြံ၊ ကြက်မောက်ခြံ စသည့် ဝယ်လိုအားကောင်းပြီး ငွေများများရနိုင်သည့် အသီးပင်များကို စနစ်တကျ စီးပွားဖြစ် စိုက်ပျိုးကြပြီး ပေါ်ဦးပေါ်ဖျား စျေးကောင်းရချိန်တွင် ခူး၍ ရောင်းချ ကြကြောင်း ယခုနှစ်တွင်  ကြက်မောက်သီးခြံများ၌ အသီးများအထွက်စော၍  လှိုင်လှိုင်သီး နေပြီးဖြစ်ရာ သင်္ကြန်ခါတော်မီ စျေးကွက်အတွင်းစျေးကောင်းရရှိရန် မျှော်လင့်လျက် ရှိကြောင်း ယိုးဒယား ကြက်မောက်ခြံအများဆုံးပိုင်ဆိုင်သည့် ဒေါ်စမ်းမော်ထံမှသိရသည်။

          ယခင်နှစ်ကတော့ ယိုးဒယားကိုင်းဆက်သီးတွေ ယခုချိန်စပေါ်နေပြီး အလုံးတစ်ရာပါ အစီးတစ်စည်းကို  တစ်သောင်းခန့်အထိ စျေးရပြီး  ယခုနှစ်ကတော့ မိုးနည်းသဖြင့် သီးအားလည်းကောင်းပါသည်။ယိုးဒယားမျိုးတစ်ပင်ကို(၈၀၀၀)ကျပ်ဖြင့်ဇွန်လဆန်းပိုင်းတွင်စတင်စိုက်ပျိုးကြပြီး  ကြက်မောက်သီးပင်က နှစ်ရှည်ပင်လည်းဖြစ်၍ သက်တမ်း(၆) နှစ်ကြာထိစောင့်ရပြီး သီးပီးဆိုလျှင်လည်း စျေးကောင်းရ၍ ဝင်ငွေကောင်းသည့် သီးနှံ ဖြစ်ကြောင်း သိရသည်။ နတ်စမ်းဒေသထွက်ယိုးဒယား ကြက်မောက်သီးက အနီရောင်ဖြစ်ပြီး ဗမာသီးကတော့အဝါရောင် ဖြစ်ကာ ယိုးဒယားသီးလောက်အချိုမစူး၍ လူကြိုက် နည်းပါသည်။ ယိုးဒယားကိုင်းဆက် သီးဆိုလျင် တစ်လုံးကိုအနည်းဆုံး တစ်ရာကျပ်ရကာ အလုံးတစ်စီးကို တစ်သောင်းကျပ် ရကြောင်း   ကြက်မောက် သီးစီးပွားဖြစ် စိုက်ပျိူးသူ ဒေါ်စမ်းမော်ထံ မှသိရသည်။

DOCA(မွန်)

    ကချင်ပြည်နယ်၊ စားသုံးသူရေးရာဦးစီးဌာန၊ ဗန်းမော်ခရိုင်ဦးစီးမှူးရုံးမှ ခရိုင်ဦးစီးမှူး ဦးအောင်‌ကျော်ဦးသည် ၁၁.၄.၂၀၂၄ ရက်နေ့တွင် ဗန်းမော်မြို့ရှိ အုတ်ထုတ် လုပ်သည့် စီးပွားရေးလုပ်ငန်းရှင်(၂)ဦးနှင့် တွေ့ဆုံဆွေးနွေးခဲ့ပါသည်။

   ထိုသို့ ဆွေးနွေးရာတွင် ခရိုင်ဦးစီးမှူး ဦးအောင်ကျော်ဦးက ၂၀၁၉ စားသုံးသူကာကွယ်ရေး ဥပဒေပါ စီးပွားရေးလုပ်ငန်းရှင်၊ ကုန်စည်၊ ဝန်ဆောင်မှု၏ အဓိပ္ပာယ် ဖွင့်ဆိုချက် စီးပွားရေးလုပ်ငန်းရှင် ၏ တာဝန်များ၊ ကုန်စည် သို့မဟုတ် ဝန်ဆောင်မှု၏ အာမခံချက်၊ သတ်မှတ်ချက်များနှင့် စပ်လျဉ်း၍ ရိုးရှင်းမှန်ကန်သော သတင်းအချက်အလက်များပေးခြင်း၊ စားသုံးသူကို ခွဲခြားမှုမရှိဘဲ ဖြောင့်မတ် မှန်ကန်စွာ ဆက်ဆံခြင်း၊ စီးပွားရေးလုပ်ငန်းလုပ်ကိုင်ရာတွင် စီးပွားရေးကျင့်ဝတ်၊ စည်းကမ်းနှင့်အညီ ဖြောင့်မတ်မှန်ကန်စွာဆောင်ရွက်ခြင်း၊ စားသုံးသူနစ်နာဆုံးရှုံးမှု ဖြစ်ပွားစေမည့် ကုန်စည် သို့မဟုတ် ဝန်ဆောင်မှုကို တိုက်ရိုက်ရောင်းချခြင်း သို့မဟုတ် သွယ်ဝိုက်ရောင်းချခြင်းကို ရှောင်ကြဉ်ခြင်း၊ ကုန် စည်သို့မဟုတ် ဝန်ဆောင်မှုနှင့် စပ်လျဉ်း၍ ကတိပြုထားသော အာမခံချက်နှင့် ကိုက်ညီမှု မရှိပါက ကတိပြုထားသည့်အတိုင်း တာဝန်ယူဆောင်ရွက်ပေးခြင်း၊ တားမြစ်ချက်များ ပြစ်မှုပြစ်ဒဏ်များအကြောင်းတို့ကို ရှင်းလင်းဆွေးနွေးပြောကြားခဲ့ပြီး၊ အုတ်ထုတ်လုပ်ရာတွင် ကုန်ကြမ်းရရှိမှု အခြေအနေ၊ တစ်နေ့ထုတ်လုပ်နိုင်မှု အခြေအနေ ဈေးကွက်ဖြန့်ဖြူးရောင်းချမှုအခြေအနေ၊ အလုပ်သမားဦးရေနှင့် လုပ်အားခ နှုန်းထား၊ အလုပ်အကိုင်အခွင့်အလမ်း ဖန်တီးမှုအခြေအနေတို့ကိုပါ မေးမြန်းဆွေးနွေးခဲ့ပါသည်။

DOCA(ကချင်)

    စားသုံးသူရေးရာဦးစီးဌာန၊ ကော့သောင်းခရိုင်ဦးစီးမှူးရုံးအနေဖြင့် ပြည်သူများ ဆေးနှင့်ဆေးပစ္စည်း များကို သက်သာချောင်ချိမှုရှိစွာ ဝယ်ယူရရှိနိုင်စေရန်ရည်ရွယ်၍ တိုင်းဒေသကြီးဦးစီးမှူးရုံး၊ ခရိုင်စီမံအုပ် ချူပ်ရေးအဖွဲ့၏လမ်းညွှန်ချက်အရ ဆေးနှင့် ဆေးပစ္စည်းများကို ဒေသတွင်း ဖြစ်သင့်ဖြစ်ထိုက်သည့် စျေးနှုန်းများဖြင့် ရောင်းဝယ်ဖောက်ကားမှုရှိစေရေးအတွက် ဆေးနှင့် ဆေးပစ္စည်း အရောင်းဆိုင်များအား  စျေးကွက် စောင့်ကြည့်စစ်ဆေးခြင်းများဆောင်ရွက်လျက်ရှိရာ အထူးစုံစမ်းစစ်ဆေးရေးဦးစီးဌာန၊ မြို့နယ်အထွေထွေအုပ်ချူပ်ရေးဦးစီးဌာန၊ ခရိုင်ပြည်သူ့ကျန်းမာရေးဦးစီးဌာန၊ မြို့နယ်စည်ပင်သာယာရေးအဖွဲ့၊ ခရိုင်စားသုံးသူရေးရာဦးစီးဌာန ပါဝင်သော မိတ်ဖက်ဌာနများနှင့်ပူးပေါင်း၍ (၁၀.၄.၂၀၂၄)ရက်နေ့၊ နေ့လယ်(၁၅:၀၀) အချိန်တွင် ကော့သောင်းမြို့ပေါ်ရှိ ဆေးနှင့်ဆေးပစ္စည်း လက်ကားအရောင်းဆိုင်များသို့သွားရောက်ကာ စျေးကွက်စောင့်ကြည့်စစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

    ယင်းသို့ ကွင်းဆင်းစစ်ဆေးခြင်းဆောင်ရွက်ရာတွင်  ကော့သောင်းမြို့ပေါ်ရှိဆေးဆိုင်များတွင် ရောင်းချလျက်ရှိသော ဆေးနှင့်ဆေးပစ္စည်းစျေးနှုန်းများအနေဖြင့် ဒေသတွင်းသင့်တင့်မျှတမှုရှိသော စျေးနှုန်းများဖြင့်သာ ရောင်းချလျက်ရှိကြောင်း သိရှိရပါသည်။

DOCA(တနင်္သာရီ)

       ၂၀၂၄ ခုနှစ်၊ ဧပြီလ ၉ ရက်နေ့ နံနက် (၁၀:၀၀)နာရီအချိန်တွင် စီးပွားရေးနှင့်ကူးသန်းရောင်း ဝယ်‌ရေးဝန်ကြီးဌာန၊ စားသုံးသူရေးရာဦးစီးဌာန၊ မော်လမြိုင်ခရိုင်ဦးစီးမှူးရုံးမှ ခရိုင်ဦးစီးမှူး၊ မြို့နယ်တာဝန်ခံနှင့် ဝန်ထမ်းများအဖွဲ့သည် မော်လမြိုင်မြို့၊ စက်မှုဇုန်ရှိ ကောင်း (ရွှေကျီး) အိုင်အိုဒင်းဆားစက်လုပ်ငန်းသို့ သွားရောက်၍ ဆားစက်လုပ်ငန်းရှင်နှင့်တွေ့ဆုံခဲ့ပါသည်။

       မြို့နယ်တာဝန်ခံ ဦးအောင်ကိုကိုက စီးပွားရေးလုပ်ငန်းရှင်များအနေဖြင့် ဈေးကွက် အတွင်း ဖြန့်ဖြူးရောင်းချသော ကုန်စည်များအား ထုတ်ပိုးမှုများကောင်းမွန်စေရေး အထူးဂရုစိုက်ရန်၊ သန့်ရှင်းသန့်ရပ်မှုကို အလေးထားဆောင်ရွက်ရန်နှင့် ကုန်စည်များတွင် ကုန်အညွှန်းအမှတ်အသား ပြည့်စုံစွာဖော်ပြပါရှိစေရေးဆောင်ရွက်ရန်တို့အား ဆွေးနွေးခဲ့ ပါသည်။

      ဆက်လက်၍ ခရိုင်ဦးစီးမှူးဒေါ်ဝါဝါမြိုင်က ကုန်အညွှန်းအမှတ်အသားပြည့်စုံမှုမရှိသည့် ကုန်စည်များအား ဈေးကွက်အတွင်း ဖြန့်ဖြူးရောင်းချခွင့်မရှိကြောင်း၊ ရောင်းချပါက စားသုံးသူကာကွယ်ရေးဥပဒေအရ အရေးယူ ဆောင်ရွက်သွားမည်ဖြစ်ကြောင်း ကုန်အညွှန်းအမှတ်အသား မပြုလုပ်ရသေးပါက လာရောက်ပြုလုပ်ကြရန်နှင့်လုပ်ငန်းရှင်များအနေဖြင့် မိမိလုပ်ငန်းများရှိ ကုန်ပစ္စည်းများကို အွန်လိုင်းဖြင့်ရောင်းချမည်ဆိုပါက အွန်လိုင်းမှတ်ပုံတင်ခြင်း လုပ်ဆောင်ပြီးမှ ရောင်းချခွင့် ရှိမည်ဖြစ်ကြောင်း ဆွေးနွေးခဲ့သည်ဟု သိရှိရပါသည်။

DOCA(မွန်)