သတင်းနှင့် လှုပ်ရှားမှုများ

    စားသုံးသူရေးရာဦးစီးဌာန၊ မကွေးခရိုင်ဦးစီးမှူး ဒေါ်တင်တင်လှ(လက်ထောက်ညွှန်ကြားရေးမှူး) သည် (၁၈.၅.၂၀၂၃)ရက်နေ့၊ နေ့လယ် (၁၃:၃၀)နာရီအချိန်တွင် မကွေးမြို့၊ ကျစ်ဆုံပွေးကျေးရွာ၊ မကွေး-နေပြည်တော်ကားလမ်းဘေးမှ ထုတ်လုပ်သော ကမ္ဘာမိုး အမှတ်တံဆိပ် ဆိတ်သား မီးကင်နှင့် အာဗြဲခြောက်(အချိုခြောက်)အသင့်စား အစားအစာထုတ်လုပ်သူ ဦးအောင်ကျော်မိုးအား မကွေးခရိုင် ဦးစီးမှူးရုံး၌ ခေါ်ယူတွေ့ဆုံပြီး စားသုံးသူကာကွယ်ရေးဥပဒေ (၂၀၁၉)၊ အခန်း (၁၈)ပါ ကုန်အညွှန်းအမှတ်အသားများ ပြည့်စုံမှန်ကန်စွာ ထည့်သွင်းဖော်ပြရမည့် အချက်အလက်များနှင့် စီးပွားရေးလုပ်ငန်းရှင်၏ တာဝန်များ၊ တားမြစ်ချက်များကို ရှင်းလင်းဆွေးနွေးခဲ့ပါသည်။

  ကမ္ဘာမိုး အမှတ်တံဆိပ်ဖြင့် ထုတ်လုပ်သော ဆိတ်သားမီးကင်အတွက် ဒေသတွင်းမွေးမြူထား သော ဆိတ်များအား ကုန်ကြမ်းအဖြစ်သုံးစွဲပြီး အာဗြဲခြောက်(အချိုခြောက်) အတွက် အာဗြဲခြောက် ကုန်ကြမ်းများအား ရခိုင်ပြည်နယ်မှ မှာယူလုပ်ကိုင်ကြောင်းနှင့် လုပ်ငန်းမှာ မိသားစုတစ်ပိုင်တစ်နိုင် လုပ်ငန်းဖြစ်ကြောင်း လက်ရှိတွင် ထုတ်လုပ်သော ဆိတ်သားမီးကင်နှင့် အာဗြဲခြောက်များအား မကွေးမြို့ ပေါ်ရှိ ကောင်းမွန်အရောင်းစင်တာ၊ Magway Shopping Mall နှင့် မကွေးမြို့ပေါ်ရှိ စတိုးဆိုင်များ၌သာ ဆိုင်တင်ရောင်းချနေကြောင်း လေ့လာသိရှိရပါသည်။

   ခရိုင်ဦးစီးမှူးမှ စားသုံးသူပြည်သူများ လုံခြုံစိတ်ချစွာဝယ်ယူစားသုံးနိုင်ရေးအတွက် မြန်မာနိုင်ငံ စားသုံးသူကာကွယ်ရေးကော်မရှင်၏ ထုတ်ပြန်ထားသော ညွှန်ကြားချက်အမှတ် (၂/၂၀၁၉)ပါ အရန်သင့် အစားအစာအမျိုးမျိုး၌ မြန်မာစာဖြင့် ထည့်သွင်းဖော်ပြပေးရမည့် အမျိုးအမည်၊ အရွယ်အစား၊ အရေအတွက်နှင့် အသားတင်ပမာဏ၊ ထားသိုသိမ်းဆည်းပုံ၊ ဓါတ်မတည့်ကြောင်းဖော်ပြချက်၊ ထုတ်လုပ်သူ၏ လိပ်စာများ ထည့်သွင်းဖော်ပြ‌ပေးရန် အသိပညာပေးဆွေးနွေးခဲ့ကြောင်း သိရှိရပါသည်။

DOCA(မကွေး)

    ၂၀၂၃ ခုနှစ်၊ မေလ၊ (၁၇.၅.၂၀၂၃) ရက်နေ့၊ ညနေ (၀၄:၃၀) နာရီအချိန်တွင် ကမ္ဘာ့ပတ်ဝန်းကျင်ထိန်းသိမ်းရေးနေ့ကို ကြိုဆိုဂုဏ်ပြုသောအားဖြင့် ပခုက္ကူခရိုင်၊ ပခုက္ကူမြို့၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ခရိုင်ဦးစီးမှူး ဦးဇော်ဌေးအောင်က “သဘာဝပတ်ဝန်းကျင် ထိန်းသိမ်းရေး အသိပညာပေး ဟောပြောပွဲ” ကို စားသုံးသူရေးရာဦးစီးဌာန၊ ပခုက္ကူခရိုင်ဦးစီးမှူးရုံး၊ CICC ခန်းမတွင် ကျင်းပပြုလုပ်ခဲ့ပါသည်။ အသိပညာပေးဟောပြောပွဲ ပြုလုပ်ခဲ့ရာ ခရိုင်ဦးစီးမှူးနှင့် ဝန်ထမ်း (၂၀) ဦး စုစုပေါင်း (၂၁) ဦးတို့ တက်ရောက်ခဲ့ကြပါသည်။

   ဟောပြောပွဲတွင် စားသုံးသူရေးရာဦးစီးဌာန၊ ပခုက္ကူခရိုင်၊ ခရိုင်ဦးစီးမှူး ဦးဝေဠုအောင်က ဌာန၏သမိုင်းကြောင်းနှင့် ယခုဌာနမှ ဆောင်ရွက်နေသည့် လုပ်ငန်းစဥ်များအကြောင်းကို ရှင်းလင်းပြော ကြား၍ စားသုံးသူကာကွယ်ရေးဥပဒေ အခန်း (၁၈)ပါ ကုန်အညွှန်းအမှတ်အသားများတွင် ထည့်သွင်းဖော်ပြ ရမည့် အချက်(၈)ချက်အား ရှင်းလင်းပြောကြား၍ နစ်နာဆုံးရှုံးမှုရှိခဲ့လျှင် တိုင်ကြားနိုင်ပါကြောင်း ပြောကြားခဲ့ပါသည်။

    ဆက်လက်၍ ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ခရိုင်ဦးစီးမှူး ဦးဇော်ဌေးအောင် က အခုဆိုပတ်ဝန်းကျင်မှာ လေထုညစ်ညမ်းမှုတွေဖြစ်ပေါ်နေခြင်းဟာ အမှိုက်တွေစနစ်တကျ မစွန့်ပစ်ကြတာတွေကြောင့်နဲ့ လောင်စာဆီသုံးစွဲမှုများခြင်းတို့ကြောင့် ဖြစ်နိုင်ရင် အမှိုက်တွေ ကို စနစ်တကျ စွန့်ပစ်ဖို့လိုအပ်ကြောင်း၊ အဓိအားဖြင့်ဆိုရင် ပလပ်စတစ်တွေကို လျှော့သုံးစွဲစေလို ကြောင်း၊ ယခုအခါမှာဆိုရင်လည်း ပလပ်စတစ်ကင်းစင်နယ်မြေများဖြစ်ဖို့လည်း ဆောင်ရွက်နေကြ ကြောင်းများကို ရှင်းလင်းဆွေးနွေးခဲ့ပါသည်။

      နိဂုံးချုပ်အနေဖြင့် စွန့်ပစ်ပစ္စည်းများအား ပြန်လည်အသုံးပြုကြစေလိုကြောင်း၊ မလိုအပ်ပဲ လျှပ်စစ်ပစ္စည်းများကို အသုံးမပြုစေချင်ကြောင်း၊ ရေသုံးစွဲမှုချွေတာဖို့လိုအပ်ကြောင်း၊ သဘာဝပတ် ဝန်းကျင်ထိန်းသိမ်းရန်အတွက် သစ်ပင်များလည်း စိုက်ပျိုးရန် လိုအပ်ကြောင်းများနဲ့ လေထုညစ်ညမ်း မှုကို ဖြစ်ပေါ်စေတဲ့ စက်ရုံ၊ အလုပ်ရုံများမှထွက်ရှိသော လောင်စာဆီနံ့၊ ဆေးလိပ်နံ့၊ အိမ်တွေမှာ သုံးစွဲသော မီးခိုးနံ့ စသည့်အနံ့များကို ရှုရှိုက်မိရင် အော့အန်ခြင်း၊ ခေါင်းကိုက်ခြင်း၊ အမြင်မကြည် လင်ခြင်း၊ အဆုတ်ရောဂါတွေ၊ အသက်ရှုလမ်းကြောင်းဆိုင်ရာ ရောဂါတွေ၊ နှလုံးရောဂါတွေ အပြင် ကင်ဆာရောဂါတွေပါ ဖြစ်ပွားစေနိုင်သောကြောင့် ဖြစ်နိုင်ရင်မလိုအပ်ပဲအသုံးမပြုစေလိုကြောင်းပြောကြားခဲ့ပြီး ပတ်ဝန်းကျင်ကို မထိန်းသိမ်းမပြုပြင်လျှင် ရာသီဥတုများဖောက်ပြန်ခြင်း ဖြစ်တတ်ကြောင်းများကို  အကျယ်တဝင့်ရှင်းလင်းဆွေးနွေးခဲ့ပြီး လက်ကမ်းစာစောင်များလည်း ဖြန့်ဝေခဲ့ပါကြောင်း သိရှိရပါသည်။

DOCA(မကွေး)

     စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မြန်အောင်ခရိုင်၊ ကြံခင်းမြို့၊ မြို့နယ် တာဝန်ခံသည် ဌာနဆိုင်ရာများနှင့် ပူးပေါင်း၍ (၁၅.၅.၂၀၂၃)ရက်နေ့ ၊နံနက် (၀၉:၀၀) နာရီအချိန်တွင် မြို့မဈေးအတွင်းရှိ အလှကုန်မျိုးစုံ အရောင်းဆိုင်များတွင် ရောင်းချနေသောကုန်စည်များအား ကုန်အညွှန်းအမှတ်အသား ပြည့်စုံမှန်ကန်မှု ရှိ/မရှိ ညွှန်ကြားချက်များအားလိုက်နာဆောင်ရွက်မှု ရှိ/မရှိတို့အား ဈေးကွက်စောင့်ကြည့်စစ်ဆေးခြင်း ဆောင်ရွက်ခဲ့ပါသည်။

  ထိုသို့ကွင်းဆင်းခဲ့ရာတွင် စားသုံးသူမိဘပြည်သူများ ဘေးအန္တရာယ် ကင်းရှင်းစေရန်အတွက် ဈေးကွက်အတွင်းရောင်းချနေသော ကုန်စည်များပေါ်တွင် ကုန်စည်အမျိုးအစားအလိုက် ကုန်အညွှန်းအမှတ်အသားများ ပြည့်စုံမှန်ကန်စွာ ဖော်ပြခြင်းရှိ/မရှိတို့ကိုစစ်ဆေးခဲ့ပြီးနောက် တရားမဝင်ကုန်စည်များ တင်သွင်းရောင်းချခြင်းမပြုရန်၊ စီးပွားရေးလုပ်ငန်းရှင်များအနေဖြင့် ထုတ်ပြန်ထားသော ညွှန်ကြားချက်များအတိုင်း လိုက်နာဆောင်ရွက်ရန်၊  ကုန်စည်နှင့် စပ်လျဉ်း၍ အာမခံချက်ပေးရာတွင် စားသုံးသူများ စိတ်ကျေနပ်မှုရှိစေရေးဆောင်ရွက်ရန်နှင့် သတ်မှတ်အရည်အသွေးပြည့်မီသော ကုန်စည်များကိုသာရောင်းချရန်၊ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်များအကြောင်း၊ တားမြစ်ချက်များအကြောင်းနှင့် ပြစ်မှုပြစ်ဒဏ်များအကြောင်း စသည်တို့ကို အသိပညာပေးဆွေးနွေးခဲ့ပြီး၊ ကုန်မျိုးစုံအရောင်းဆိုင် (၂)ဆိုင်အား ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြကြောင်း သိရှိရပါသည်။

DOCA(ဧရာဝတီ)

      စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မြန်အောင်ခရိုင်၊ မြန်အောင်မြို့ ဒု-ခရိုင် ဦးစီးမှူးသည် (၁၅.၅.၂၀၂၃)ရက်နေ့၊ နံနက်(၀၈:၀၀) နာရီအချိန်တွင် အမှတ်(၄)ရပ်ကွက်အတွင်းရှိ စတိုးဆိုင်နှင့် ကုန်စုံဆိုင်များအား ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ပါသည်။

   ထိုသို့ကွင်းဆင်းခဲ့ရာတွင် ဈေးကွက်အတွင်းရောင်းချနေသော ကုန်စည်များပေါ်တွင် ကုန်စည် အမျိုးအစားကိုလိုက်၍ ကုန်အညွှန်းအမှတ်အသားများ ပြည့်စုံမှန်ကန်စွာ ဖော်ပြခြင်းရှိ/မရှိတို့ကို စစ်ဆေးခဲ့ပြီးနောက် သတ်မှတ်အရည်အသွေးပြည့်မီသော ကုန်စည်များကိုသာ ရောင်းချကြရန်၊ စီးပွားရေး လုပ်ငန်းရှင်များအနေဖြင့် ထုတ်ပြန်ထားသော ညွှန်ကြားချက်များအတိုင်း လိုက်နာဆောင်ရွက်ကြရန်၊  ကုန်စည်နှင့်စပ်လျဉ်း၍ အာမခံချက်ပေးရာတွင် စားသုံးသူများ စိတ်ကျေနပ်မှုရှိစေရေးဆောင်ရွက်ရန်နှင့် စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏တာဝန်များ၊ တားမြစ်ချက်များနှင့် ပြစ်မှုပြစ်ဒဏ်များ စသည်တို့ကိုသိရှိစေရန် အသိပညာပေးဆွေးနွေးခဲ့ကာ ကုန်မျိုးစုံအရောင်းဆိုင်(၃)ဆိုင်အား ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြကြောင်း သိရှိရပါသည်။

DOCA(ဧရာဝတီ)

      စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ ပုသိမ်ခရိုင်၊ ငပုတောမြို့နယ်တာဝန်ခံရုံးမှ မြို့နယ်တာဝန်ခံနှင့် ဝန်ထမ်းများသည် စားသုံးသူဘေးအန္တရာယ်ကင်းရှင်းစွာ သုံးစွဲနိုင်ရေးရည်ရွယ်၍ (၁၇.၅.၂၀၂၃)ရက်နေ့၊ နံနက် (၁၀:၀၀) နာရီအချိန်တွင် ငပုတောမြို့နယ်၊မြို့မဈေးအတွင်းတွင် ရောင်းချလျက်ရှိသော ဆေးဆိုင်များသို့သွားရောက်၍ ဈေးကွက်စောင့်ကြည့်စစ်ဆေးခဲ့ပါသည်။

    ထိုသို့စစ်ဆေးရာတွင် စားသုံးသူရေးရာဦးစီးဌာန၊ ပုသိမ်ခရိုင်၊ ငပုတောမြို့နယ်တာဝန်ခံက ဆေးဝါးများ ရောင်းချရာတွင် သက်တမ်းလွန်ဆေးဝါးများနှင့် FDA ထောက်ခံချက်မပါရှိဘဲ တရားမဝင် ဝင်ရောက်လာသော ဆေးများအား ရောင်းချခြင်းမပြုကြရန် အသိပညာပေးခဲ့ကြောင်း သိရှိရပါသည်။

DOCA(ဧရာဝတီ)