Main menu

သတင်းနှင့် လှုပ်ရှားမှုများ

Powered by Drupal

ပဲခူးတိုင်းဒေသကြီး ဆန်စပါး ကဏ္ဍဖွံဖြိုးတိုးတက်ရေး အလုပ်ရုံဆွေးနွေးပွဲ ကျင်းပ

              စားသုံးသူရေးရာဦးစီးဌာန   ပဲခူးတိုင်းဒေသကြီး၊ ပဲခူးခရိုင်အတွင်း ဆန်စပါးကဏ္ဍ ဖွံ့ဖြိုးတိုးတက်နိုင်ရေးအတွက် စိုက်ပျိုးသည်မှ ကြိတ်ခွဲထုတ်လုပ်တင်ပို့ ရောင်းချသည် အထိ Supply Chain တစ်ခုလုံး တွင် ပါဝင်သည့် ဌာနဆိုင်ရာများ၊ အသင်းအဖွဲ့များနှင့် လုပ်ငန်းရှင်များ ဟန်ချက်ညီစွာ ပူးပေါင်းပါဝင် ဆောင်ရွက်နိုင်ရေးနှင့် ပြုပြင်ပြောင်းလဲ ဖြည့်ဆည်းရန် လိုအပ်နေသည့် ဆန်စပါးကဏ္ဍမှ လိုအပ်ချက်များကို ပူးပေါင်း အဖြေရှာ ဖြေရှင်းနိုင်ရေး ရည်ရွယ်၍ (၁၆.၆.၂၀၂၁) ရက်နေ့   နံနက် ၁၀ : ၀၀ နာရီတွင် ပဲခူးခရိုင်အတွင်းရှိ     ဆန်စက် လုပ်ငန်းရှင်များ၊ ဆန်စပါးကုန်သည်များနှင့် ဆန်စပါးစိုက်ပျိုး  ထုတ်လုပ်သူ တောင်သူ   (၃၁)ဦးနှင့် တိုင်းဒေသကြီး အဆင့် ဌာနဆိုင်ရာအသီးသီးမှ တာဝန်ရှိသူများ တက်ရောက်ကြသည့် အလုပ်ရုံဆွေးနွေးပွဲကို ပဲခူးတိုင်းဒေသကြီးဦးစီးမှူးရုံး၌ ကျင်းပခဲ့ပါသည်။

          အဆိုပါဆွေးနွေးပွဲတွင် ပဲခူးတိုင်းဒေသကြီး ၊ စီမံအုပ်ချုပ်ရေးကောင်စီဝင် (၁) ဗိုလ်မှူးကြီးလှမျိုးရွှေ က စပါး အထွက်နှုန်းကောင်းရန် မျိုးကောင်းမျိုးသန့်များ ရွေးချယ် စိုက်ပျိုးခြင်း၊ မြေယာများ စနစ်တကျပြုပြင်စိုက်ပျိုးခြင်း၊ သွင်းအားစုများစနစ်တကျ ထည့်သွင်း စိုက်ပျိုးခြင်း၊  ကောင်းမွန်သော စိုက်ပျိုးရေး ဆိုင်ရာ အခြေခံအလေ့အကျင့်ကောင်း(Good Agricultural Practices G.A.P )စနစ်ဖြင့့်် စိုက်ပျိုးရေး၊ ဈေးကွက်စီးပွားရေးစနစ်အရ လုပ်ငန်းရှင်များ အနေဖြင့် ဆန်စပါးကို လွတ်လပ်စွာ ရောင်းဝယ်ခွင့်ရှိသည်နှင့်အညီ ပြည်တွင်းစားသုံးရန်နှင့် ပြည်ပတင်ပို့ရန် ဆန်များကို အရည်အသွေးမီ ဆန်များ ကြိတ်ခွဲထုတ်လုပ် ရောင်းချနိုင်ရေး ကြိုးပမ်းဆောင်ရွက်သွားရန် တိုက်တွန်းကြောင်း အဖွင့်အမှာစကားပြောကြားခဲ့ပါသည်။

             ဆက်လက်၍ ပဲခူးတိုင်းဒေသကြီး စိုက်ပျိုးရေးဦးစီးဌာန၊ ဒုတိယတိုင်းဒေသကြီးဦးစီးမှူးက  စျေးကွက်တန်းဝင် မျိုးကောင်းမျိုးသန့်မျိုးစေ့ ထုတ်လုပ်သိုလှောင်ဖြန့်ဖြူးပေးခြင်း၊ စိုက်ကွင်းကြီး များရှိှ တောင်သူ များအား ခေတ်မှီစိုက်ပျိုးနည်းစနစ်များနှင့် ရိတ်သိမ်းချိန်လွန် နည်းပညာ ဆွေးနွေး ပညာပေးခြင်း လုပ်ငန်းများ ဆောင်ရွက်လျက်ရှိကြောင်း၊ အစိုးရတာဝန်ရှိသူများ အသင်းအဖွဲ့များနှင့် ပူးပေါင်းဆောင်ရွက်၍ ထွက်ရှိသည့် သီးနှံများကို ပြည်တွင်း/ပြည်ပစျေးကွက်တွင် စျေးကောင်းရရှိအောင် စွမ်းဆောင်ခြင်း နှင့် လူငယ်မျိုးဆက်သစ် တောင်သူများအား ပျိုးထောင်ပေးလျက်ရှိကြောင်း  ရှင်းလင်းဆွေးနွေးခြင်း၊ ပဲခူးတိုင်းဒေသကြီး စက်မှုကြီးကြပ်ရေး နှင့် စစ်ဆေးရေးဦးစီးဌာန ၊ ဒုတိယညွှန််ကြားရေးမှူးက  ပုဂ္ဂလိက စက်မှုလုပ်ငန်းများကို သတ်မှတ်ထားသည့် နည်းလမ်းများနှင့်အညီ လုပ်ငန်းအရွယ်အစားသတ်မှတ်၍ မှတ်ပုံတင်ခြင်း လုပ်ငန်းများဆောင်ရွက်လျက်ရှိပြီး SME လုပ်ငန်း၏အဓိကကျသော ငွေကြေးလိုအပ်မှုအတွက် အထာက် အကူပြုနိုင်ရန် ချေးငွေရရှိ‌ရေး ပံ့ပိုးမှုများ ဆောင်ရွက် လျက်ရှိကြောင်း ရှင်းလင်းဆွေးနွေးခြင်း၊ ပဲခူးတိုင်းဒေသကြီး၊ လယ်ယာမြေစီမံခန့်ခွဲရေးနှင့် စားရင်းအင်းဦးစီးဌာန  လက်ထောက်ညွှန်ကြားရေးမှူးက  လယ်ယာမြေစီမံခန့်ခွဲ ရေးနှင့် ပတ်သက်သည့် ဥပဒေများ ၊ စည်းမျဉ်းစည်းကမ်း များကို ရှင်းလင်းဆွေးနွေးခြင်း၊ ပဲခူးတိုင်းဒေသကြီး ၊ စားသုံးသူရေးရာဦးစီးဌာန ၊ တိုင်းဒေသကြီးဦးစီးမှူးမှ မြန်မာနိုင်ငံ၏ ဆန်စပါး စိုက်ပျိုးထုတ်လုပ်မှု ၊သုံးစွဲမှု ၊ပိုလျှံမှု စာရင်းနှင့် စျေးနှုန်းစျေးကွက်အ‌ခြေအနေများ၊ စပါး (၁)ဧက ထုတ်လုပ်မှုကုန်ကျစရိတ်အပေါ် တောင်သူ အကျိုးအမြတ်ရရှိနုင်မှု အခြေအနေများ ၊မိမိနိုင်ငံမှ ဆန်စပါး တင်ပို့နိုင်မှုအပေါ် နိုင်ငံအလိုက် စျေးကွက်ရရှိမှုနှင့် ကမ္ဘာ့ဆန်တင်သွင်းမှုအပေါ် မြန်မာနိုင်ငံမှ တင်ပို့နိုင်မှုနှင့် စျေးကွက်ရရှိမှု အခြေအနေများအား အကျယ်တဝင့်ရှင်းလင်းဆွေးနွေးခြင်းများ ဆောင်ရွက်ခဲ့ပါသည်။

              ထို့နောက် တက်ရောက်လာသည့် ဆန်စက် လုပ်ငန်းရှင်များ၊ ဆန်စပါးကုန်သည်များနှင့် ဆန်စပါးစိုက်ပျိုး  ထုတ်လုပ်သူ တောင်သူများ၏ လယ်ယာ စိုက်ပျိုးရေး၊ ကြိတ်ခွဲရေး ၊ ကုန်သွယ်ရေး နှင့် ပတ်သက်သည့် မေးမြန်းမှုများကို သက်ဆိုင်ရာ ဌာန အသီးသီးမှ ပြန်လည်ရှင်းလင်း ဖြေကြားမှုများ ဆောင်ရွက်ခဲ့ပြီး အခမ်းအနားကို (၁၄:၀၀) နာရီတွင် ရုတ်သိမ်းခဲ့ကြောင်း သတင်းရရှိပါသည်။

ပဲခူးတိုင်းဒေသကြီး(DOCA)

စားသုံးသူများ ထိရောက်စွာ အကာအကွယ်ပေးနိုင်ရေးနှင့် ကုန်ထုတ်စွမ်းအား အရည် အသွေးမြင့်မားရေး ရည်ရွယ်၍ စစ်ဆေးရေးမှူးများ လုပ်ငန်းကျွမ်းကျင်မှုဆိုင်ရာ အလုပ်ရုံဆွေးနွေးပွဲ ကျင်းပခြင်း

နေပြည်တော်၊ ဇွန် (၂၁)

          စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန စစ်ဆေးရေးမှူးများ လုပ်ငန်းကျွမ်းကျင်မှုဆိုင်ရာ အလုပ်ရုံဆွေးနွေးပွဲ (၁/၂၀၂၁) ဖွင့်ပွဲအခမ်းအနားကို စားသုံးသူရေးရာဦးစီးဌာန၊ ညီလာခံခန်းမ၌ ကျင်းပပြုလုပ်ခဲ့ရာ ပြည်ထောင်စုဝန်ကြီး ဒေါက်တာပွင့်ဆန်း တက်ရောက်အမှာစကား ပြောကြားခဲ့ပါသည်။

          ပြည်ထောင်စုဝန်ကြီးက အမှာစကားပြောကြားရာတွင် စားသုံးသူရေးရာဦးစီးဌာနနှင့် ဆက်စပ်သည့် ဘာသာရပ်များအပြင် အခြားဝန်ကြီးဌာန (၆)ခု၏ လုပ်ငန်း သဘောတရားများပါ ဆွေးနွေးသွားမည်ဟု သိရှိရကြောင်း၊ စားသုံးသူရေးရာဦးစီးဌာနက ဥပဒေအရ ခန့်အပ်ထားတဲ့ စစ်ဆေးရေးအရာရှိများသည် ဈေးကွက်စောင့်ကြည့် စစ်ဆေးသောအခါ လုံခြုံစိတ်ချရမှုမရှိသည့် ကုန်စည်နှင့်ဝန်ဆောင်မှုများ မည်ကဲ့သို့ စီမံခန့်ခွဲရမည်ဆိုသည့် အကြောင်းအရာများ အဓိက ဆွေးနွေးသွားမည်ဟု သိရှိရကြောင်း၊ ဘေးအန္တရာယ်ရှိသော ကုန်စည်များကို သတိပေးခြင်း၊ သိမ်းဆည်းခြင်းနှင့်တားမြစ်ခြင်း လုပ်ငန်းစဉ်များအတွက် စနစ်တကျနှင့် ဆောင်ရွက်နိုင်ရန် ဆွေးနွေးသွားမည်ဟု သိရှိရကြောင်း၊ ထို့ကြောင့် ဆွေးနွေးပွဲသို့ တက်ရောက်လာကြသည့် စစ်ဆေးရေးမှူးများအနေဖြင့် လက်တွေ့နယ်ပယ်တွင် အတွေ့အကြုံများနှင့် ဘာသာရပ်ဆိုင်ရာ ကျွမ်းကျင်သူများ၏ ဆွေးနွေးချက်များ ပေါင်းစပ်ပြီး နောက်ဆုံးတွင် စံလုပ်ထုံး လုပ်နည်းတစ်ခု ရလာသည်အထိ ဆွေးနွေးကြစေလိုကြောင်း လမ်းညွှန်မှာကြားခဲ့ပါသည်။

          အလုပ်ရုံဆွေးနွေးပွဲ ဖွင့်ပွဲအခမ်းအနားသို့ ဒုတိယဝန်ကြီး၊ အမြဲတမ်းအတွင်းဝန်၊ ညွှန်ကြားရေးမှူးချုပ်များ၊ ဒုတိယညွှန်ကြားရေးမှူးချုပ်၊ ညွှန်ကြားရေးမှူးများ၊ နည်းပြအရာရှိများနှင့် တိုင်းဒေသကြီးနှင့်ပြည်နယ်များက စစ်ဆေးရေးမှူး (၄၉)ဦးတို့ တက်ရောက်ကြပြီး (၅)ရက်တာ ကာလအတွင်း ဆွေးနွေးကြမည်ဟု သတင်းရရှိပါသည်။

စားသုံးသူရေးရာဦးစီးဌာန

အခြေခံမော်တော်ဆိုင်ကယ်ပြုပြင်ထိန်းသိမ်းနည်းသင်တန်း ဖွင့်ပွဲအခမ်းအနား၌ စားသုံးသူအသိပညာပေးဟောပြောခြင်း

     စစ်ကိုင်းတိုင်းဒေသကြီး၊ အသေးစားစက်မှုလက်မှုလုပ်ငန်းဦးစီးဌာနမှ ဦးစီး၍ ၂၀၂၁ ခုနှစ်၊ ဇွန်လ ၈ ရက်မှ ၁၇ ရက်နေ့ထိ ၁၀ ရက်ကြာ တန်ဖိုးမြှင့်စားသောက်ကုန်ထုတ်လုပ်မှု နည်းပညာ သင်တန်းကို သင်တန်းသား(၂၀)ဦးဖြင့်လည်းကောင်း၊ ၂၀၂၁ ခုနှစ်၊ ဇွန်လ ၈ ရက်မှ ဇူလိုင်လ ၇ ရက်ထိ တစ်လကြာ အခြေခံမော်တော်ဆိုင်ကယ်ပြုပြင်ထိန်းသိမ်းနည်းသင်တန်းကို သင်တန်းသား (၂၀)ဦးဖြင့်လည်းကောင်း အရာတော်မြို့နယ်၊ နဘဲလှကျေးရွာ ကမ္ဘာ့ဧကရာဇာသာသနာအေးရိပ်သာကျောင်း၌ ၂၀၂၁ ခုနှစ် ဇွန်လ(၈)ရက်နေ့က ဖွင့်လှစ်ခဲ့ပါသည်။

          သင်တန်းဖွင့်ပွဲအခမ်းအနားသို့ အရာတော်မြို့နယ် မြို့နယ်စီမံအုပ်ချုပ်ရေးအဖွဲ့၊ မြို့နယ် ရဲတပ်ဖွဲ့၊ မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ မုံရွာခရိုင်စားသုံးသူရေးရာ ဦးစီးဌာနနှင့် မိတ်ဖက်ဌာန အသီးသီးမှ တာဝန်ရှိသူ (၁၅)ဦးခန့် တက်ရောက်ခဲ့ပါသည်။ အဆိုပါ အခမ်းအနားတွင် မြို့နယ်စီမံအုပ်ချုပ်ရေးအဖွဲ့ ဥက္ကဌ ဦးရဲထွဋ်နိုင်က အဖွင့်အမှာစကားပြောကြားခြင်း၊  အသေးစားစက်မှုလက်မှုလုပ်ငန်းဦးစီးဌာန၊ တိုင်းဒေသကြီးဦးစီးမှူး ဦးအောင်ဖြိုးက သင်တန်းဖွင့်လှစ်ရခြင်း၏ ရည်ရွယ်ချက်များ ရှင်းလင်းပြောကြားခြင်းနှင့် စားသုံးသူရေးရာဦးစီးဌာန၊ မုံရွာခရိုင်ဦးစီးမှူးရုံးမှ ဒု-ခရိုင်ဦးစီးမှူး ဒေါ်သန်းသန်းတင်က စားသုံးသူကာကွယ်ရေးဥပဒေအကြောင်း သိကောင်းစရာများ၊ စားသုံးသူများအနေဖြင့် သိရှိလိုက်နာရမည့် စားသုံးသူအခွင့်အရေးနှင့်တာဝန်များ၊ ကုန်စည်နှင့်ဝန်ဆောင်မှုများ ဝယ်ယူသုံးစွဲရာတွင် နစ်နာဆုံးရှုံးပါက မိမိတို့ ဦးစီးဌာနသို့ တယ်လီဖုန်းဖြင့်ဖြစ်စေ၊ လူကိုယ်တိုင်ဖြစ်စေ၊ ဌာနပိုင် Website မှတစ်ဆင့်ဖြစ်စေ တိုင်ကြားနိုင်ပါကြောင်း ရှင်းလင်းပြောကြားခဲ့ကြောင်း သိရှိရပါသည်။

စစ်ကိုင်းတိုင်းဒေသကြီး(DOCA)

တရုတ်ဝယ်လက် မရှိတဲ့ စိန်တလုံးသရက်

             ကသာခရိုင်၊ ကသာမြို့နယ်တွင် စိန်တလုံးသရက်စိုက်ဧက (၆၀၀၀)ကျော်ရှိပြီး ရာသီပေါ် စိန်တလုံးသရက်သီးများကို မန္တလေးဈေးကွက်မှတဆင့် တရုတ်ဈေးကွက်ကို တင်ပို့နိုင်မှုမရှိဘဲ ပြည်တွင်းဈေးကွက်ကိုသာ အားကိုးနေရသည်ဟု သိရှိရသည်။

       စိန်တလုံးသရက်ခြံများ၌ တစ်ဧကလျှင် အပင်(၃၀)စိုက်ပျိုးပြီး အပင်လတ် ရှစ်နှစ်သားအရွယ် တစ်ပင်လျှင် အသီး(၁၅၀)ကျော်သီးပါကြောင်း၊ တစ်ဧကကုန်ကျစရိတ်အနေဖြင့် ပေါင်းရှင်း၊ ပိုးသတ်၊ အားဆေးကျွေး၊ အိတ်စွပ်၊ ခူးဆွတ်ခများ အပါအဝင် (၄)သိန်းနီးပါး ကုန်ကျကြောင်း၊ တရုတ်ဝယ်လက် မရှိတဲ့အတွက် ပြည်တွင်းဈေးကွက်ဖြစ်သော ကချင်ပြည်နယ်၊ မိုးကောင်း၊ တနှိုင်း၊ ဖားကန့်နှင့် ဗန်းမောက်မြို့နယ် ဈေးကွက်များကိုသာ တင်ပို့ရောင်းချလျက်ရှိကြောင်း သရက်ခြံ လုပ်ငန်းရှင်တစ်ဦးထံမှ သိရှိရပါသည်။

                                                                                                 စားသုံးသူရေးရာဦးစီးဌာန

                                                                                                    ကသာခရိုင်ဦးစီးမှူးရုံး

COVID-19 သက်ရောက်မှုကြောင့် ထိခိုက်မှုရှိသော စီးပွားရေးလုပ်ငန်းများအား COVID-19 Fund မှ ထုတ်ပေးထားသည့် ချေးငွေများ အကျိုးရှိစွာ အသုံးချမှုအပေါ် စိစစ်ကြပ်မတ်ရေးအဖွဲ့၊ အစည်းအဝေသို့ မွန်ပြည်နယ်စားသုံးသူရေးရာဦးစီးဌာန၊ ပြည်နယ်ဦးစီးမှူး တက်ရောက်ဆွေးနွေး

          မွန်ပြည်နယ်စားသုံးသူရေးရာဦးစီးဌာန၊ ပြည်နယ်ဦးစီးမှူး ဦးခင်အောင်သွင်သည် ၁၀.၆.၂၀၂၁ ရက်နေ့တွင် မွန်ပြည်နယ်၊ သထုံမြို့နယ်၊ အထွေထွေအုပ်ချုပ်ရေးဦးစီးဌာန ခန်းမတွင် ကျင်းပပြုလုပ်သည့်  COVID-19  သက်ရောက်မှုကြောင့် ထိခိုက်မှုရှိသော စီးပွားရေးလုပ်ငန်းများအား COVID-19 Fund မှ ထုတ်ပေးထားသည့် ချေးငွေများ အကျိုးရှိစွာ အသုံးချမှုအပေါ် စိစစ်ကြပ်မတ်ရေးအဖွဲ့၊ အဖွဲ့ဝင်များနှင့် ချေးငွေ ရယူထားသော လုပ်ငန်းရှင်များနှင့်တွေ့ဆုံဆွေးနွေးသည့် အစည်းအဝေးအမှတ်စဉ် (၄/၂၀၂၁) သို့ တက်ရောက်ဆွေးနွေးခဲ့သည်။

          အစည်းအဝေးတွင် COVID-19 သက်ရောက်မှုကြောင့် ဖြစ်ပေါ်လာနိုင်သည့် စီးပွားရေးသက်ရောက်မှုအပေါ် ကုစားရေးလုပ်ငန်းကော်မတီ ဥက္ကဌ၏ လမ်းညွှန်ချက်များအား မွန်ပြည်နယ် ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာနမှ ဒုတိယညွှန်ကြားရေးမှူး ဦးစောလင်းအောင် က ထပ်ဆင့်ရှင်းလင်းပြီး သထုံမြို့နယ်၊ စီမံအုပ်ချုပ်ရေးအဖွဲ့ ဥက္ကဌကိုယ်စား ဦးမင်းတင့်လွင် (မြို့နယ်စီမံအုပ်ချုပ်ရေးအဖွဲ့ဝင်) မှ ရှင်းလင်းတင်ပြခဲ့ကြောင်း သိရှိရသည်။ ဆက်လက်၍ တက်ရောက်လာသူ လုပ်ငန်းရှင်များမှ ဆွေးနွေးခြင်းများအား စိစစ်ကြပ်မတ်ရေးအဖွဲ့ အတွင်းရေးမှူး (မွန်ပြည်နယ်စားသုံးသူရေးရာဦးစီးဌာန၊ ပြည်နယ်ဦးစီးမှူး) မှ ပြန်လည်ဆွေးနွေးခဲ့ပြီး လုပ်ငန်းရှင်များမှ ဖြည့်သွင်းရမည့် အချက်အလက်ပုံစံများကို ဖြည့်သွင်းခဲ့ကြကြောင်း သတင်းရရှိပါသည်။

မွန်ပြည်နယ်(DOCA)

တရုတ်ပြည်သူ့သမ္မတနိုင်ငံသို့ ဆန်/ဆန်ကွဲများတင်ပို့ရေးအတွက် ကုမ္ပဏီများမှတ်ပုံတင်ခွင့် ရရှိရေးဆိုင်ရာသင်တန်း

ရန်ကုန်၊ (၁၆.၆.၂၀၂၁)

           တရုတ်ပြည်သူ့သမ္မတနိုင်ငံသို့ ဆန်/ဆန်ကွဲတင်ပို့ခွင့်ရရှိရန် လျှောက်ထားသည့် ကုမ္ပဏီများ လိုက်နာဆောင်ရွက်ရမည့် စည်းမျဉ်းစည်းကမ်းဆိုင်ရာသင်တန်းကို ယနေ့ နံနက် ၁၀:၀၀ နာရီတွင် မြန်မာလယ်ယာစီးပွားရေးအများပိုင်ကုမ္ပဏီလီမိတက်(MAPCO) Studio ခန်းမ၌ Zoom ဖြင့် ကျင်းပပြုလုပ်ခဲ့ ရာ အဆိုပါအခမ်းအနားသို့ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန ဒုတိယညွှန်ကြားရေးမှူးချုပ် ဦးခင်မောင်လှိုင်၊ စိုက်ပျိုးရေးဦးစီးဌာန ဒုတိယညွှန်ကြားရေးမှူးချုပ် ဦးသက်ဇင်မောင်၊ မြန်မာကုန်ပစ္စည်းစစ်ဆေးရေးနှင့် စမ်းသပ်မှုလုပ်ငန်းလီမိတက်(MITS) အုပ်ချုပ်မှုဒါရိုက်တာ ဦးမြင့်လွင်၊ မြန်မာနိုင်ငံဆန်စပါးအသင်းချုပ် ဥက္ကဋ္ဌ ဦးရဲမင်းအောင်နှင့် တာဝန်ရှိသူများ၊ တရုတ်ပြည်သူ့သမ္မတနိုင်ငံသို့ ဆန်တင်ပို့ရန် လျှောက်ထားသည့် ကုမ္ပဏီများမှ ကိုယ်စားလှယ်များ တက်ရောက်ခဲ့ကြပါသည်။

          အဆိုပါအခမ်းအနားကို အစီအစဉ်နှစ်ပိုင်းဖြင့် ကျင်းပပြုလုပ်ခဲ့ပြီး စိုက်ပျိုးရေးဦးစီးဌာနနှင့် စားသုံးသူရေးရာဦးစီးဌာနမှ တာဝန်ရှိသူများက တရုတ်နိုင်ငံသို့ ဆန်/ဆန်ကွဲတင်ပို့နိုင်ရေးအတွက် ကုမ္ပဏီများမှ လိုက်နာဆောင်ရွက်ရမည့် Protocol များကိုလည်းကောင်း၊  မြန်မာကုန်ပစ္စည်းစစ်ဆေးရေးနှင့်စမ်းသပ်မှုလုပ်ငန်းလီမိတက်(MITS)မှ ဆန်စက်သိုလှောင်ရုံများအား ကွင်းဆင်းစိစစ်မည့် အချက်အလက်များကိုလည်းကောင်း၊ ယခင်နှစ်အစစ်ဆေးခံကုမ္ပဏီများက ၎င်းတို့၏ ဆန်/ဆန်ကွဲတင်ပို့ခြင်း အတွေ့အကြုံများကိုလည်းကောင်း ရှင်းလင်းတင်ပြကြပြီး မြန်မာနိုင်ငံဆန်စပါးအသင်းချုပ် ဒုတိယဥက္ကဋ္ဌ ဦးအာယုက ဆန်/ဆန်ကွဲတင်ပို့မည့် ကုမ္ပဏီများနှင့် ဆန်စက်များ တရုတ်နိုင်ငံ(The General Administration of Customs of the People's Republic of China - GACC) တွင် မှတ်ပုံတင်ခွင့်ရရှိရေး အတွက် ဆောင်ရွက်ရမည့်လုပ်ငန်းစဉ်များအား သက်ဆိုင်ရာဌာနများနှင့် ကုမ္ပဏီများက ပူးပေါင်းပါဝင်၍ ဆောင်ရွက်ပေးကြရန် ဆွေးနွေးပြောကြားခဲ့ကြောင်းသိရှိရပါသည်။

ITQM

ကုန်စည်ပေါ်တွင် ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ စီးပွားရေးလုပ်ငန်းရှင်များနှင့်တွေ့ဆုံရှင်းလင်းဆွေးနွေးပွဲ

         စားသုံးသူရေးရာဦးစီးဌာန   ပဲခူးခရိုင်အတွင်း ကုန်စည်များတွင်  ကုန်အညွှန်းအမှတ်အသားများအား စားသုံးသူကာကွယ်ရေးဥပဒေနှင့်အညီ    ပြည့်စုံစွာ ဖော်ပြပါရှိစေရန်နှင့် ပြည်တွင်းကုန်သွယ်မှု ဖွံဖြိုးတိုးတက်ရေး လုပ်ငန်းများဆောင်ရွက်ရာတွင်   အဆင်ပြေချောမွေ့စေရန် ရည်ရွယ်၍ ဒိုက်ဦး မြို့နယ်ဦးစီးမှူးရုံး၌   (၉.၆.၂၀၂၁) ရက်နေ့တွင် ဒိုက်ဦးမြို့နယ် ရှိ     စီးပွားရေးလုပ်ငန်းရှင်    (၃၅)ဦးနှင့် ဌာနဆိုင်ရာမှ တာဝန်ရှိသူတို့အားဖိတ်ကြား၍    စားသုံးသူကာကွယ်ရေးဥပဒေပါ   ကုန်အညွှန်းအမှတ်အသား ဖော်ပြခြင်းနှင့် စပ်လျဉ်း၍ ရှင်းလင်းဆွေးနွေးခဲ့ပါသည်။

         အဆိုပါဆွေးနွေးပွဲတွင် ပဲခူးတိုင်းဒေသကြီး ဦးစီးမှူးက ၂၀၁၄ခုနှစ်တွင် စားသုံးသူအကာအကွယ် ပေးရေးဥပဒေ ကို စတင်ပြဌာန်းခဲ့ပြီး ၂၀၁၉ ခုနှစ် မတ်လ(၁၅)ရက်နေ့တွင် ပြန်လည်ပြင်ဆင်ပြဌာန်းခဲ့ကြောင်း၊ စားသုံးသူပြည်သူများ ရရှိမည့်အခွင့်အရေးများ သိရှိစေရန် အသိပညာပေးခြင်းလုပ်ငန်းများ   ဆောင်ရွက်လျက်ရှိကြောင်းနှင့်   စီးပွားရေးလုပ်ငန်းရှင်များ   အနေဖြင့် လိုက်နာရမည့်တာဝန်  ၊ လိုက်နာရမည့်အချက်များအား သိရှိစေရန်  ဆွေးနွေးပွဲများပြုလုပ်လျက်ရှိကြောင်း အဖွင့်အမှာစကားပြောကြားပြီး၊ ပြည်သူ့ကျန်းမာရေးဦးစီးဌာန၊ မြို့နယ်ဆရာဝန်ကြီးက ကျန်းမာရေးဆိုင်ရာ အထွေထွေဗဟုသုတများကိုလည်းကောင်း၊ ပဲခူးတိုင်းဒေသကြီးဦးစီးမှူးရုံးမှ   စားသုံးသူရေးရာဌာနခွဲတာဝန်ခံ  ဦးအောင်သိုက် (လက်ထောက်ညွှန်ကြားရေးမှူး) က စားသုံးသူကာကွယ်ရေးဥပဒေပါ  စီးပွားရေးလုပ်ငန်းရှင်များ၏ တာဝန်များ ၊ တားမြစ်ချက်များ၊    ကုန်စည်နှင့်    ဝန်ဆောင်မှုများပေါ်တွင်    အာမခံချက်ပေးရမည့်     အကြောင်းအရာများကို လည်းကောင်း ၊  စားသုံးသူကာကွယ်ရေးဥပဒေအခန်း(၁၈)ပါ ကုန်စည်ပေါ်တွင်ကုန်အညွှန်း အမှတ်အသား ဖော်ပြခြင်း နှင့်   စပ်လျဉ်း၍    ကုန်စည် အမျိုးအစား အလိုက်   သတ်မှတ်ချက်များနှင့်အညီ    ဖော်ပြပါရှိရေးကိုလည်းကောင်း အကျယ်တဝင့်ရှင်းလင်းဆွေး‌နွေးခဲ့ပြီး လုပ်ငန်းရှင်များ၏ မေးမြန်းမှုများအား ပြန်လည်ရှင်းလင်း ဖြေကြားခဲ့ပါကြောင်း သတင်းရရှိပါသည်။

ပဲခူးတိုင်းဒေသကြီး(DOCA)

အိတ်ဖွင့်တင်ဒါခေါ်ယူခြင်း

၁။           စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနပိုင် အောက်ဖော်ပြပါ သိုလှောင်ရုံနှင့် မြေတို့အား အိတ်ဖွင့်တင်ဒါစနစ်ဖြင့် ငှားရမ်းမည်ဖြစ်ကြောင်း ကြော်ငြာအပ်ပါသည်-

                      (၁)နှစ်သက်တမ်းငှားရမ်းခြင်း

Lot -1      (က)  ရန်ကုန်တိုင်းဒေသကြီး၊ လှိုင်မြို့နယ်၊ ဓမ္မသုခကျောင်းလမ်းရှိ မြေ (၉၀' x ၅၀') နှင့် မြေ(၇၉' x ၈၂')

                      (၃)နှစ်သက်တမ်းငှားရမ်းခြင်း

Lot-2       (ခ)   မန္တလေးတိုင်းဒေသကြီး၊ ချမ်းမြသာစည်မြို့နယ်၊ မြို့ဟောင်းရပ်ရှိ သိုလှောင်ရုံ အမှတ် (၁၁) (၁၅၀x၆၀) (သွပ်၊ သွပ်၊ ကွန်)

              (ဂ)   တင်ဒါပုံစံရောင်းချမည့်ရက်       - (၁၅.၆.၂၀၂၁) ရက်မှ (၁၄.၇.၂၀၂၁)ရက်ထိ

                                                                  (ရုံးချိန်အတွင်း)

              (ဃ) တင်ဒါပုံစံရောင်းချရန်               - (၁၄.၇.၂၀၂၁)ရက် ညနေ(၁၆:၀၀)နာရီ

                     ပိတ်မည့်နေ့/အချိန်                

              (င)   တင်ဒါယှဉ်ပြိုင်ရမည့်ရက်/အချိန်-  (၁၅.၇.၂၀၂၁)ရက်နေ့၊ (၁၃:၀၀)နာရီ

              (စ)   တင်ဒါတင်သွင်းရမည့်နေရာ       - စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ရုံးအမှတ်(၃)၊ နေပြည်တော်။

              (ဆ) စာရင်းပေးသွင်းရမည့်နေရာ       - ရုံးအမှတ်(၅၂)၊ နေပြည်တော်

              (ဇ)   တင်ဒါစည်းကမ်းချက်များ         - (၁၇.၆.၂၀၂၁)ရက်နေ့ (၁၁:၀၀)နာရီ

                     ရှင်းလင်းမည့်နေ့/အချိန်/နေရာ     ရုံးအမှတ်(၅၂)၊ နေပြည်တော်

              (ဈ)တင်ဒါပုံစံရောင်းချမည့်နေရာ        - စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံး၊ စီမံရေးရာဌာနခွဲ၊ အမှတ်(၂၂၈/၂၄၀)၊ ဒုတိယထပ်၊ ကမ်းနားလမ်းနှင့်ရွှေဘုံသာလမ်းထောင့်၊ ရန်ကုန်မြို့၊

                                                                         တိုင်းဒေသကြီးဦးစီးမှူးရုံး၊ မန္တလေးမြို့။

              (ည) Deposit ပေးသွင်းမှု                 - တင်ဒါစည်းကမ်း သတ်မှတ်ချက်ပုံစံတွင် ဖော်ပြထားပြီး ဖြစ်ပါသည်။

၂။            စားသုံးသူရေးရာဦးစီးဌာနမှ ငှားရမ်းမည့် သိုလှောင်ရုံနှင့် မြေတို့၏ မျက်မြင်အခြေအနေအား သက်ဆိုင်ရာမြို့နယ်များသို့ သွားရောက်ကြည့်ရှု့နိုင်ပြီး အသေးစိတ်အချက်အလက်များကို သိရှိလိုပါက တင်ဒါပုံစံဝယ်ယူရမည့်နေရာသို့ လူကိုယ်တိုင်ဖြစ်စေ၊ ဖုန်း ၀၁-၂၅၀၄၃၂၊ ၀၂-၄၀၃၆၃၃၈ သို့ ဆက်သွယ် စုံစမ်းမေးမြန်းနိုင်ပါသည်။

                                                                            တင်ဒါစိစစ်ရေးကော်မတီ

                                                            စီးပွားရေးနှင့်ကူးသန်းရောင်းဝယ်ရေးဝန်ကြီးဌာန

ဒေသထွက်ကုန်များတွင် ကုန်အညွှန်းအမှတ်အသား ဖော်ပြထားမှုရှိစေရေး ဆွေးနွေးဟောပြောခြင်း

             ပဲခူးတိုင်းဒေသကြီး သာယာ၀တီခရိုင်အတွင်း၌ ထုတ်လုပ်သည့်ကုန်စည်များပေါ်တွင် ကုန်အညွှန်းအမှတ်အသားများအား စားသုံးသူကာကွယ်ရေးဥပဒေနှင့်အညီ ပြည့်စုံစွာ ဖော်ပြပါရှိစေရန် ရည်ရွယ်၍ သာယာဝတီခရိုင်ဦးစီးမှူးရုံး အစည်းအဝေးခန်းမ၌ (၁၄.၅.၂၀၂၁)ရက်နေ့ နံနက်၁၀:၀၀နာရီအချိန်တွင်  လက်ပံတန်းမြို့နယ်ရှိ     စီးပွားရေးလုပ်ငန်းရှင်(၃၀)ဦးအားလည်းကောင်း၊  (၂၀.၅.၂၀၂၁)ရက်နေ့ နံနက်(၁၀:၃၀)နာရီအချိန်တွင် သာယာ၀တီမြို့နယ်တာ၀န်ခံရုံးခန်းမ၌ သာယာ၀တီမြို့နယ်ရှိ စီးပွားရေးလုပ်ငန်းရှင် (၂၅)ဦးအားလည်းကောင်း၊ ဒေသထွက်ကုန်စည်များ ထုတ်လုပ်ဖြန့်ဖြူး ရောင်းချနေသော စီးပွားရေးလုပ်ငန်းများဖြစ်သည့် ပဲကြီးလှော်လုပ်ငန်း၊ ကရေကရာလုပ်ငန်းများ၊  ရေသန့်လုပ်ငန်းများ၊ ပေါင်မုန့်နှင့်ကိတ်မုန့်လုပ်ငန်းများ ၊ပဲကြော်၊ အာလူးကြော်၊ ငါးမုန့်ကြော် ထုတ်လုပ်ဖြန့်ဖြူးရောင်းချနေသော လုပ်ငန်းရှင်များအားဖိတ်ကြား၍ စားသုံးသူကာကွယ်ရေးဥပဒေပါ ကုန်အညွှန်းအမှတ်အသားများဖော်ပြခြင်းနှင့်စပ်လျဉ်း၍ တွေဆုံဆွေး နွေးခဲ့ပါသည်။

      အဆိုပါဆွေးနွေးပွဲတွင် သာယာဝတီခရိုင်ဦးစီးမှူး ဦးအောင်သိန်းက အဖွင့်အမှာစကား ပြောကြားပြီး၊ သာယာဝတီခရိုင်ဦးစီးမှူးရုံးမှ စားသုံးသူရေးရာဌာနခွဲနှင့်ထုတ်ကုန်လုံခြုံစိတ်ချရမှုဌာနခွဲ တာဝန်ခံ ဒေါ်ခိုင်ခိုင်ရီ(ဒု-ဦးစီးမှူး)က စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်များ၏ တာဝန်များ၊ တားမြစ်ချက်များ၊ ကုန်စည်နှင့်ဝန်ဆောင်မှုများအပေါ် အာမခံချက်ပေးရမည့်အကြောင်း အရာများကိုလည်းကောင်း၊ စားသုံးသူကာကွယ်ရေးဥပဒေ အခန်း(၁၈)ပါ ကုန်စည်များပေါ်တွင် ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ကုန်စည်အမျိုးအစားအလိုက် သတ်မှတ်ချက်များ နှင့်အညီ ဖော်ပြပါရှိစေရေးကိုလည်ကောင်း အကျယ်တဝင့် ရှင်းလင်းဆွေးနွေးခဲ့ပါကြောင်း သတင်းရရှိ ပါသည်။

ပဲခူးတိုင်းဒေသကြီး(DOCA)

“စံပြ” ကြက်မောက်သီး စိုက်ပျိုးရေးဥယျာဉ်ခြံသို့ ကွင်းဆင်းလေ့လာခြင်း

          သထုံခရိုင်အတွင်း လယ်ယာမြေစီမံခန့်ခွဲမှုဦးစီးဌာန၏ စာရင်းများအရ ကြက်မောက်သီး စိုက်ဧက (၄၃၇) ဧက၊ အောင်ဧက (၃၁၇) ဧက ရှိကြောင်းနှင့် အထွက်နှုန်းမှာ (၈၉,၀၀၀) ပိဿာခန့် ရှိကြောင်း သိရှိရပါသည်။ အဆိုပါ စိုက်ဧကများအနက်မှ သထုံခရိုင်၊ သထုံမြို့ ဈေးမသွယ်ကျေးရွာရှိ “စံပြ” ကြက်မောက်သီး စိုက်ပျိုးရေးဥယျာဉ်ခြံသို့ သထုံခရိုင်ဦးစီးမှူးနှင့် ဝန်ထမ်းများသည် ၃.၆.၂၀၂၁ ရက်နေ့တွင် ကွင်းဆင်းလေ့လာခြင်း ဆောင်ရွက်ခဲ့ရာ အဆိုပါ ဥယျာဉ်ခြံအတွင်း ကြက်မောက်သီး ဒေသမျိုး (၂) ဧကခန့် စိုက်ပျိုးထားရှိပြီး အပင်များ၏သက်တမ်းမှာ (၁၁) နှစ်ခန့် ရှိကြောင်း သိရှိရပါသည်။

          ကြက်မောက်သီးပင်များအား သဘာဝဓာတ်မြေဩဇာများ ဖော်စပ်၍ စနစ်တကျ စိုက်ပျိုးထားပြီး အရည်အသွေးကောင်းသော ကြက်မောက်သီးများ သီးပွင့် ရင့်မှည့်၍ ဒေသတွင်းသို့ စတင်ခူးဆွတ်ရောင်းချလျက်ရှိရာ ဈေးနှုန်းအားဖြင့် အလုံးကြီး (၁) လုံးလျှင် (၈၀) ကျပ်၊ အလုံးလတ် (၁) လုံးလျှင် (၆၀) ကျပ်၊ အလုံးသေး (၁) လုံးလျှင် (၄၀) ကျပ်ဖြင့် ရောင်းချလျှက်ရှိကြောင်း ခြံရှင်၏ ပြောပြချက်အရ သိရှိရပါသည်။

          ယခုအချိန်တွင် သထုံခရိုင်အတွင်း ကြက်မောက်သီးများ လှိုင်လှိုင်ပေါ်လျှက်ရှိပြီး ဒေသတွင်းစားသုံးရန် ဖြန့်ဖြူးရောင်းချလျှက်ရှိကြောင်း သိရှိရပါသည်။

 မွန်ပြည်နယ်(DOCA)

Pages

Subscribe to RSS - သတင်းနှင့် လှုပ်ရှားမှုများ