သတင်းနှင့် လှုပ်ရှားမှုများ

          ရန်ကုန်တိုင်းဒေသကြီး၊ အနောက်ပိုင်းခရိုင်၊ လှိုင်မြို့နယ်တွင် ဆက်သွယ်ရေးဝန်ဆောင်မှု (အင်တာနက်ဝန်ဆောင်မှု) ဆောင်ရွက်နေသော Myanmar APN Co.ltd အား  အောက်တိုဘာ လ(၂၂)ရက်နေ့၊ နံနက်(၁၀:၃၀)နာရီအချိန်တွင် စားသုံးသူရေးရာဦးစီးဌာနမှ ဈေးကွက်စောင့် ကြည့်စစ်ဆေးခဲ့ကြောင်း သိရသည်။

          ထိုသို့ ဈေးကွက်စောင့်ကြည့် စစ်ဆေးရာတွင် စားသုံးသူရေးရာဦးစီးဌာန၊ ရန်ကုန်တောင် ပိုင်းခရိုင်ဦးစီးမှူးရုံးမှ ဒုခရိုင်ဦးစီးမှူး ဦးဦးသိန်းမောင်နှင့်ဝန်ထမ်းများသည် အနောက်ပိုင်းခရိုင် လှိုင်မြို့နယ် No.204/ 3rd Floor, The Leaf Office Tower, Dhama Thuka Kyaung Street, Hlaing tsp,Ygn ရှိ Myanmar APN Co.ltd သို့ဆက်သွယ်ရေးညွှန်ကြားမှုဦးစီးဌာနမှ လိုင်စင်ရရှိ သည့် လုပ်ငန်းရှင်လုပ်ငန်းရှင်များနှင့် မိုဘိုင်းအော်ပရေတာများ အနေဖြင့် လိုက်နာဆောင်ရွက် ရမည့် အချက်(၁၁)ချက်နှင့်အညီ ဆောင်ရွက်နေခြင်းရှိ/မရှိနှင့် လိုအပ်သည့် စာရွက်စာတမ်း အထောက်အထားများအားရယူခြင်း၊ စားသုံးသူများ၏ နေ့စဉ်လူမှုဘဝ ကိစ္စရပ် အဆင်ပြေချော မွေ့စေရန်အတွက် ဆက်သွယ်ရေးဝန်ဆောင်မှုများ ပေးရာတွင် အမှန်တကယ် သုံးစွဲသူများ နစ်နာမှုမရှိစေရေး သိသင့်သိထိုက်သည့် အချက်အလက်များအား ပွင့်လင်းမြင်သာစွာ ဖော်ပြထား ခြင်းရှိ/မရှိတို့အား စစ်ဆေးဆောင်ရွက်ခဲ့ကြောင်း သိရသည်။

          ထို့အပြင် စားသုံးသူရေးရာဦးစီးဌာန ဒုခရိုင်ဦးစီးမှူးမှ ဆက်သွယ်ရေးညွှန်ကြားမှုဦးစီးဌာန ၏ ညွှန်ကြားချက်များအား အလေးထားလိုက်နာဆောင်ရွက်ကြရန်၊ အင်တာနက်ဝန်ဆောင်မှုများ အား အမှန်တကယ်သုံးစွဲနေသည့် စားသုံးသူများအား နစ်နာမှုမရှိစေရေး သိသင့်သိထိုက်သည့် အချက်အလက်များအား မှန်ကန်ရှင်းလင်းစွာ ကြိုတင်အသိပေး ဆောင်ရွက်ကြရန်၊ စိတ်ကျေနပ် မှုများရှိပါက Call Center သို့ အလွယ်တကူ ခေါ်ဆိုနိုင်စေရေးဆောင်ရွက်ထားကြရန်နှင့် တိုင်ကြားလာမှုများရှိပါက အမြန်ဆုံးဖြေရှင်းဆောင်ရွက်ပေးကြရန် လိုအပ်ကြောင်း ကုမ္ပဏီမှ တာဝန်ရှိသူနှင့် တွေ့ဆုံ၍ အသိပညာပေး ဆွေးနွေးခဲ့ကြောင်း သိရှိရပါသည်။

DOCA(ရန်ကုန်)

   စားသုံးသူရေးရာဦးစီးဌာန၊ မြိတ်ခရိုင်စားသုံးသူရေးရာဦးစီးဌာနမှ ခရိုင်ဦးစီးမှူးနှင့် ဝန်ထမ်း များသည် ၂၀၂၅ ခုနှစ်၊ အောက်တိုဘာ လ၊ (၂၂)ရက်နေ့၊ မွန်းလွဲ(၁း၀၀)နာရီအချိန်တွင် မြရိပ်ညို (၁၂)လမ်း၊ တက္ကသိုလ်ရပ်၊ မြိတ်မြို့ရှိ ပန်ပန်းမုန့်တိုက်လုပ်ငန်းရှင်နှင့်တွေ့ဆုံကာ စားသုံးသူကာကွယ်ရေးဥပဒေပါ ကုန်အညွှန်းအမှတ်အသားဖော်ပြချက်များနှင့်စပ်လျဉ်း၍ တွေ့ဆုံဆွေး နွေးခြင်းဆောင် ရွက်ခဲ့ကြောင်း သိရှိရပါသည်။

  တွေ့ဆုံဆွေးနွေးရာတွင် ကုန်အညွှန်းအမှတ်အသားဖော်ပြချက်များနှင့်စပ်လျဉ်း၍ ‌ဖော်ပြရ ခြင်းအကြောင်းရှင်းလင်းပြောကြားခြင်း၊ စီးပွားရေးလုပ်ငန်းရှင်များလိုက်နာရန်အချက်အလက်တို့ကို ရှင်းလင်းခြင်းနှင့် ဘေးအန္တရာယ်ကင်းစေရန်အတွက် သန့်ရှင်းသပ်ရပ်မှုအား အလေးထား ဆောင်ရွက် ရန်၊ ဘေးအန္တရာယ်ကင်းသောထုတ်ကုန်များထုတ်လုပ်ရောင်းချရန်ပြောကြားခဲ့ပြီး မုန့်လုပ်ငန်းဆောင် ရွက်နေမှုအားကြည့်ရှု့စစ်ဆေးပြီး  အသိပညာပေးလက်ကမ်းစာစောင် ဖြန့်ဝေပေးခြင်းများ ဆောင် ရွက်ခဲ့ကြောင်း သတင်းရရှိပါသည်။

DOCA(တနင်္သာရီ)

  တနင်္သာရီတိုင်းဒေသကြီး၊ မြိတ်မြို့အတွက် စားအုန်းဆီများကို ရန်ကုန်မြို့ဆီကုမ္ပဏီများမှ ဖြန့်ခွဲရောင်းချပေးလျက်ရှိရာ Yadanarbon Global Network Distribution ကုမ္ပဏီမှ (၁၅.၁၀.၂၀၂၅) ရက်နေ့တွင် ထုတ်ယူခဲ့သော ယာဉ်အမှတ် 8J-3237 တွင် စားအုန်းဆီ ပေပါ (၃၈)နှင့် Global Good Pure Group ကုမ္ပဏီမှ (၁၇.၁၀.၂၀၂၅)ရက်နေ့တွင် ထုတ်ယူခဲ့သော ယာဉ်အမှတ် 5S-9017 တွင် စားအုန်းဆီပေပါ (၇၂)တို့သည် (၂၀.၁၀.၂၀၂၅) ရက်နေ့တွင် မြိတ်မြို့သို့ ရောက်ရှိလာခဲ့ပြီး  မြိတ်ခရိုင် စားသုံးသူရေးရာဦးစီးဌာနမှ သွားရောက်စစ် ဆေးခဲ့ပါသည်။ အဆိုပါစားအုန်းဆီများကို ရည်ညွှန်း‌စျေး၊ သယ်ယူပို့ဆောင်ကုန်ကျစရိတ်နှင့် ၂% အမြတ်တို့ဖြင့် လက်လီဆိုင်များသို့ ခွဲဝေရောင်းချပေးသွား မည်ဖြစ်ကြောင်း၊ လက်လီဆိုင်များမှ စားသုံးသူပြည်သူများသို့ ခွဲဝေဖြန့်ဖြူး ရောင်းချပေးသွားမည် ဖြစ်ကြောင်း သိရှိရပါသည်။

DOCA(တနင်္သာရီ)

  တနင်္သာရီတိုင်းဒေသကြီး၊ မြိတ်ခရိုင်စားသုံးသူရေးရာဦးစီးဌာနမှ ဝန်ထမ်းများနှင့်အတူ မြိတ် ခရိုင်ပြည်သူ့ကျန်းမာရေးဦးစီးဌာနတို့ဖြင့် ၂၀၂၅ခုနှစ်၊ အောက်တိုဘာလ(၂၁)ရက်နေ့၊ မွန်းလွဲ(၁း၀၀) နာရီအချိန်တွင် မြိတ်မြို့၊ မြို့မ(၁)ရပ်၊ အလက(၁၀)အခြေခံပညာအထက်တန်းကျောင်း(ခွဲ)သို့သွား ရောက်ပြီး ကျောင်းသား၊ ကျောင်းသူ၊ ဆရာ၊ဆရာမတို့အား ကျန်းမာရေးဆိုင်ရာဗဟုသုတများနှင့် စားသုံးသူများဘေးအန္တရာယ်ကင်းရှင်းစေရေးအတွက် စားသုံးသူကာကွယ်ရေးဆိုင်ရာ အသိပညာပေး ခြင်းနှင့် ကျောင်းပတ်ဝန်းကျင်ရှိမုန့်စျေးတန်းများအား ကွင်းဆင်းစစ်ဆေးခဲ့ကြောင်း သိရှိရပါသည်။

          အသိပညာပေးဟောပြောရာတွင် စားသုံးသူရေးရာဦးစီးဌာနမှ မိမိဌာန၏ မျှော်မှန်းချက်နှင့် ရည်မှန်းချက်များပြောကြားပြီး  စားသုံးသူများအတွက် စားသုံးသူ၏အခွင့်အရေးနှင့် တာဝန်များရှိ ကြောင်း၊ ထုတ်ပိုးထားသောအစားအစာဝယ်ယူပါက ကုန်အညွှန်းအမှတ်အသားများကြည့်ရှု့စစ် ဆေးရန်နှင့် နစ်နာမှုရှိပါကတိုင်ကြားနိုင်ကြောင်း၊ တိုင်ကြားနိုင်သော နည်းလမ်းများနှင့် အချက် အလက်များအား ရှင်းလင်းပြောကြားခဲ့ပြီး ကျန်းမာရေးဦးစီးဌာနမှ ကျောင်းသူ၊ ကျောင်းသားများအား ကျန်းမာရေးစစ်ဆေးပေးခြင်းနှင့် ရာသီပေါ်ရောဂါများ အကြောင်းပြောကြားခဲ့ကြောင်း သတင်းရရှိပါ သည်။ အဆိုပါ အသိပညာပေးပွဲတွင် ကျောင်းသူ၊ ကျောင်းသား၊ ဆရာ၊ ဆရာမဦးရေ (၃၀၀)ဦးခန့် တက်ရောက်ခဲ့ပြီး ဘေးအန္တရာကင်းရှင်းစေရန်အတွက်စားသုံးသူရေးရာဦးစီးဌာနနှင့် ခရိုင်ပြည်သူ့ ကျန်းမာရေးဦးစီးဌာနတို့မှ  ကျောင်းမုန့်စျေးတန်းသို့ ကွင်းဆင်းစစ်ဆေးခဲ့ကြောင်းသိရှိရပါသည်။

DOCA (တနင်္သာရီ)

  စားသုံးသူရေးရာဦးစီးဌာနအနေဖြင့် စားသုံးသူကာကွယ်ရေးလုပ်ငန်းများ ပြည်တွင်း ကုန်သွယ်မှုဖွံ့ဖြိုးတိုးတက်ရေးလုပ်ငန်းများကို တာဝန်ယူဆောင်ရွက်လျက်ရှိသလို Online Shopping ရောင်းချခြင်းဆိုင်ရာ မှတ်ပုံတင်ခြင်းလုပ်ငန်းများကိုလည်း ကုန်သွယ်ရေး ညွှန်ကြားမှု ဦးစီးဌာနနှင့်အတူ ပူးပေါင်းဆောင်ရွက်လျက်ရှိပါသည်။ ဌာနအနေဖြင့် Online Shopping မှတ်ပုံ တင်ခြင်းလုပ်ငန်းပိုင်ရှင်၊ နေရပ်လိပ်စာ၊ ဖုန်းနံပါတ်များ မှန်ကန်မှုရှိ/မရှိ မြေပြင်ကွင်းဆင်းစစ်ဆေး ခြင်းလုပ်ငန်းများကို အချိန်နှင့်တပြေးညီ ဆောင်ရွက်ပေးလျက်ရှိပါသည်။

          စားသုံးသူရေးရာဦးစီးဌာန၊ ပြည်ခရိုင်ဦးစီးမှူး၏ လမ်းညွှန်မှုအရ ပြည်မြို့နယ်တာဝန်ခံနှင့် ဝန်ထမ်းများသည် မိတ်ဖက်ဌာနဆိုင်ရာများဖြစ်ကြသည့် ခရိုင် FDA ၊ မြို့နယ်ပြည်သူ့ကျန်းမာရေး၊ မြို့နယ်ထွေအုပ်၊ မြို့နယ်ရဲတပ်ဖွဲ့တို့မှ တာဝန်ရှိသူများပါဝင်သော ပြည်မြို့နယ်အစားအသောက်နှင့် ဆေးဝါးကြီးကြပ်ကွပ်ကဲရေးကော်မတီဝင်များနှင့်ပူးပေါင်း၍ (၁၃.၁၀.၂၀၂၅)ရက်နေ့၊ နေ့လည် (၁၁:၀၀)နာရီအချိန်တွင် ပြည်မြို့၊ ရွှေကူရပ်ကွက်အတွင်းရှိ Online Shopping ဆိုင်သို့ သွားရောက်၍ အန္တရာယ်ဖြစ်စေနိုင်မည့် တရားမဝင်အလှကုန်၊ လူသုံးကုန်ပစ္စည်းများကို Online media မှ ကြော်ငြာရောင်းချနေမှုများနှင့် ပတ်သက်၍ ရှောင်တခင်ကွင်းဆင်းစစ်ဆေးခြင်းများ ဆောင်ရွက်ခြင်း၊ Online စနစ်ဖြင့် ရောင်းချရာတွင် Online မှတ်ပုံတင်ပြီးမှသာ ရောင်းချပေးရန်နှင့် ဌာနနှင့် အမြန်ဆုံးဆက်သွယ်၍ Online မှတ်ပုံတင်ခြင်းလုပ်ငန်းများဆောင်ရွက်ရန် မှာကြားခဲ့ ကြောင်း သိရပါသည်။

DOCA(ပဲခူး)