၂၀၂၆ ခုနှစ်၊ မေလ ၃၀ ရက်နေ့၊ နေ့လည် (၁၃း၀၀)နာရီအချိန်တွင် စားသုံးသူရေးရာဦးစီးဌာန၊ ညွှန်ကြားရေးမှူးချုပ် ဦးဆောင်ကျင်းပသော စက်မှုလုပ်ငန်းသုံး စားအုန်းဆီတင်သွင်းဖြန့်ဖြူးခြင်း ဆိုင်ရာကိစ္စရပ်များနှင့်ပတ်သက်၍ လုပ်ငန်းညှိနှိုင်းအစည်းအဝေးအား တိုင်းဒေသကြီးဦးစီးမှူးရုံးရှိ စီမံရေးရာတာဝန်ခံနှင့်ဝန်ထမ်းများမှ Virtual စနစ်ဖြင့် တက်ရောက်ခဲ့ပါသည်။

          အဆိုပါလုပ်ငန်းညှိနှိုင်းအစည်းအဝေးတွင် စားသုံးသူရေးရာဦးစီးဌာန၊ ညွှန်ကြားရေးမှူးချုပ်မှ အဖွင့်အမှာစကားပြောကြားခြင်း၊ ရုံးချုပ်၊စီမံရေးရာဌာနခွဲ ညွှန်ကြားရေးမှူးမှ ပုံသေပိုင်ကိစ္စရပ်များနှင့် ပတ်သက်၍ ရှင်းလင်းဆွေးနွေးခြင်း၊ တက်ရောက်ကြသော တိုင်းဒေသကြီး/ပြည်နယ်များမှ ပုံသေပိုင် စာရင်းများနှင့်ပတ်သက်၍ ဆောင်ရွက်ထားရှိမှုအခြေအနေများအား ရှင်းလင်းတင်ပြခြင်းနှင့် အထွေ ထွေဆွေးနွေးခြင်း၊ ညွှန်ကြားရေးမှူးချုပ်မှ နိဂုံးချုပ်စကားပြောကြားခြင်းများ ဆောင်ရွက်ခဲ့ကြောင်း သိရှိရပါသည်။

DOCA(တနင်္သာရီ)

                 ပဲခူးတိုင်းဒေသကြီး၊ သာယာဝတီခရိုင်၊ သာယာဝတီမြို့နယ်  ဇိမ်ဇာအုပ်စု၊ စမ်းတွင်းရွာ ဘုန်းကြီးကျောင်းအတွင်း ပြုလုပ်သောအသေးစားစက်မှုလက်မှုလုပ်ငန်း၊ စက်ချုပ်ပညာ သင်တန်း ဖွင့်ပွဲအခမ်းအနားကို (၂.၆.၂၀၂၆) ရက်နေ့၊ နံနက် ၁၁:၀၀ နာရီအချိန်တွင် သာယာဝတီမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံဒေါ်အေးသန္တာထွန်း၊ဒုတိယဦးစီးမှူးမှ  အသိပညာပေး ဟောပြောပွဲကို ပြည်သူ(၁၇၈)ဦးနှင့်တွေ့ဆုံ၍စားသုံးသူရေးရာဦးစီးဌာန၊ခရိုင်ဦးစီးမှူးမှ သင်တန်းသူ ၂၅ဦးအား စားသုံးသူကာကွယ်ရေး ဥပဒေပါအကြောင်း အရာများ အသိ ပညာပေး ဆွေးနွေး ဟောပြော ခဲ့ပါသည်။ စားသုံးသူသူရေးဦစီးဌာန ဆိုတာကတော့    ယခင်ကုန်သွယ်လယ်ယာဌာနကို ပြောင်းလဲ၍ဖွဲ့စည်းထားသည့် ဌာနဖြစ်ကြောင်း၊ စားသုံးသူရေးရာဦးစီးဌာနကို ၂၀၁၆ခုနှစ် ဧပြီလ(၁)ရက်နေ့ တွင် စတင်ဖွဲ့စည်းခဲ့ပါကြောင်း  စားသုံးသူရေးရာဦးစီးဌာနရဲ့ ဆောင်ပုဒ်ကတော့ စားသုံးသူအခွင့် အရေး ဦး စားပေး မျှော်မှန်းချက်ကတော့    ပြည်တွင်းကုန်သွယ်မှု ဖွံ့ဖြိုးရေးနှင့် စားသုံးသူ ကာကွယ်ရေးလုပ်ငန်းများဖြင့်နိုင်ငံ့ စီးပွားဖွံ့ဖြိုး တိုးတက်စေရန်တို့ဖြစ်ပြီး ရည်မှန်းချက်(၄) ချက် ကိုလည်း ရှင်းလင်း ဆွေးနွေးခဲ့ ပါသည်။ဆက်လက်၍စားသုံးသူရေးရာဦးစီးဌာနဆိုတာ  စီးပွား/ကူးသန်း ဝန်ကြီးဌာန လက် အောက်မှာရှိတဲ့ ဌာနတစ်ခုဖြစ် ပြီးစားသုံးသူရေးရာဦးစီးဌာနလက်အောက်မှာ တော့ ဌာန ခွဲ(၆)ခု ရှိပါတယ်၊ ဌာနခွဲတိုင်းဟာလည်းဌာနခွဲ အလိုက်လုပ်ငန်းတာဝန်များ လုပ်ဆောင် လျှက် ရှိပါကြောင်း၊   စားသုံးသူကာကွယ်ရေးဥပဒေပါစားသုံးသူ၏ အခွင့်အရေးနှင့်တာဝန်များ၊ ကုန်အညွှန်း အမှတ် အသား ဖော်ပြခြင်းနှင့်စပ်လျဉ်း၍ စားသုံးသူပြည်သူများ သိရှိစေရန်နှင့်  စားသုံးသူရေးရာဦးစီး ဌာနတွင် Online Sale ဖြင့် မှတ်ပုံတင်ခြင်း ဆိုင်ရာလုပ်ငန်းများကိုဌာနမှ တာဝန်ယူ၍ လုပ်ဆောင်ပေးလျှက် ရှိကြောင်း အသိပေးဆွေးနွေးပြောကြားခဲ့ပြီး လက်ကမ်းစာစောင့်များဖြန့်ဝေခဲ့ပါသည်။

DOCA(ပဲခူး)

              ပဲခူးတိုင်းဒေသကြီး၊ တောင်ငူခရိုင်၊ ဖြူးမြို့တွင် စားသုံးသူရေးရာဦးစီးဌာနမှ မြို့နယ် တာဝန်ခံ ဒေါ်သန္တာစိုး သည် ၂၀၂၆ ခုနှစ်၊ ဇွန်လ ၃ ရက်နေ့ ၊နံနက် (၁၀:၀၀) နာရီတွင် ပြန်ကြားရေးနှင့် ပြည်သူ့ဆက်ဆံရေးဦးစီးဌာနရုံး  ၊ လူထုအခြေအနေပြု ဗဟိုဌာန (Community Centre) တွင် စားသုံးသူ နစ်နာဆုံးရှုံးမှုများဖြစ်ပေါ်လာပါက တိုင်ကြားခြင်းနှင့် ဖြေရှင်းဆောင်ရွက်ပေးခြင်းဆိုင်ရာ အသိပညာပေး Talk Show အစီစဉ်ဆောင်ရွက်ခဲ့ပါသည်။

        စားသုံးသူ နစ်နာဆုံးရှုံးမှုများဖြစ်ပေါ်လာပါက တိုင်ကြားခြင်းနှင့် ဖြေရှင်းဆောင်ရွက်ပေးခြင်းဆိုင်ရာ သိသင့်သိထိုက်သည့် အချက်များကို ပြန်ကြားရေးနှင့် ပြည်သူဆက်ဆံရေးဦးစီးဌာနမှ ဦးစီးအရာရှိ ဒေါ်အိမာဟိန်း သိလိုသည်များကို မေမြန်းရာ မြို့နယ်တာဝန်ခံက စားသုံးသူကာကွယ်ရေး ဥပဒေ အခန်း (၁)၊ ပုဒ်မ (၂)ပါ စားသုံးသူကာကွယ်ရေးနှင့်စားသုံးသူ၏ အဓိပ္ပာယ်ဖွင့်ဆိုချက်အကြောင်း၊ စားသုံးသူ ကာကွယ်ရေးဥပဒေ အခန်း(၉)၊ ပုဒ်မ(၂၀)ပါ  စားသုံးသူ၏တာဝန်များအကြောင်း၊ စားသုံးသူ ကာကွယ်ရေး ဥပဒေ အခန်း(၉)၊ပုဒ်မ(၁၉)ပါ  စားသုံးသူ၏ အခွင့်အရေးများဖြစ်သော ကုန်စည် သို့မဟုတ်  ဝန်ဆောင်မှုနှင့် စပ်လျဉ်း၍ အခြေခံလိုအပ်ချက်များပေါ်တွင် စိတ်ကျေနပ်မှုရရှိစေခြင်း၊ ဘေး အန္တရာယ် ကင်းရှင်း စွာ အသုံးပြုခွင့်ရှိခြင်း၊ ကုန်စည်   သို့မဟုတ်   ဝန်ဆောင်မှုကို  ရွေးချယ်ဝယ်ယူ အသုံးပြုရာတွင် လိုအပ်သော  သတင်းအချက်အလက်များ ပြည့်စုံမှန်ကန်စွာသိရှိခွင့်နှင့် ပြေစာ သို့မဟုတ် အထောက် အထားရယူခွင့်ရှိခြင်း၊ စားသုံးသူများ စိတ်ကြိုက်‌ရွေးချယ်ဝယ်ယူနိုင်ခွင့်ရှိခြင်း စသည့် အချက်များ   ကုန်စည်/ဝန်ဆောင်မှုနှင့်စပ်လျဉ်း၍ အာမခံပေးထားမှုအပေါ် စားသုံးသူက တောင်းဆိုနိုင် သည့် အခွင့်အရေးနှင့် စားသုံးသူများအား Consumer Call Center လိုင်းခွဲ(၁) သို့ လက်တွေ့ခေါ်ဆို၍ တိုင်ကြားရမည့် နည်းလမ်းများအကြောင်း၊ ကုန်စည်များကို ဝယ်ယူ သုံးစွဲရာတွင် ကုန်အညွှန်း အမှတ် အသား ပြည့်စုံမှန်ကန်မှုရှိသော ကုန်စည်များကိုသာ ဝယ်ယူ သုံးစွဲရန်၊ စားသုံးသူ နစ်နာ ဆုံးရှုံးမှုများအတွက် တိုင်ကြားရန် CICC ရုံးခန်းများကို ဖွင့်လှစ်ထားရှိမှုနှင့် ဖြေရှင်းပေးနေမှု အခြေအနေများ၊ Call Center  1535 သို့ တိုက်ရိုက်ခေါ်ဆို မေးမြန်း တိုင်ကြားနိုင်ပါကြောင်း အသိပညာပေး ဟောပြောခဲ့ပါသည်။

DOCA(ပဲခူး)

             စားသုံးသူများ၏အခွင့်အရေးများကို အမေရိကန်သမ္မတ ဂျွန်ဖက်(ဖ်)ကနေဒီက ၁၉၆၂ ခုနှစ်၊ မတ်လ ၁၅ ရက်နေ့တွင်ကျင်းပသည့် အမေရိကန်ကွန်ဂရက်အစည်းအဝေးတွင် စတင်ဖေါ်ထုတ်ခဲ့ပြီး ၎င်းနေ့ကို ကမ္ဘာ့စားသုံးသူအခွင့်အရေးများနေ့အဖြစ် သတ်မှတ်ခဲ့ပါသည်။ စားသုံးသူများ၏အခွင့်အရေး အပြည့်အဝ ရရှိစေရေးရည်ရွယ်၍ မြန်မာနိုင်ငံတွင် ၂၀၁၉ ခုနှစ်၊ မတ်လ ၁၅ ရက်နေ့၌ စားသုံးသူ ကာကွယ်ရေးဥပဒေကို ပြဌာန်းခဲ့ပါသည်။ မြန်မာနိုင်ငံတွင်စားသုံးသူကာကွယ်ရေးဥပဒေ ပေါ်ပေါက်လာ သည်နှင့်အညီ စားသုံးသူ များနစ်နာဆုံးရှုံးမှု မဖြစ်ပေါ်စေရန်ရည်ရွယ်၍ ဈေးကွက်များအတွင်းကွင်းဆင်း စစ်ဆေးခြင်း၊ အသိပညာ ပေးခြင်းလုပ်ငန်းများ ဆောင်ရွက်လျှက်ရှိပါသည်။

                 ၂၀၂၆ ခုနှစ်၊ ဇွန် လ ၁ ရက်နေ့တွင် စားသုံးသူရေးရာဦးစီးဌာန၊ တောင်ငူခရိုင်ဦးစီးမှူး ဦးမျိုးအောင်၊ ဦးမင်းဇော် ဒု-ခရိုင်ဦးစီးမှူးနှင့် ဦးနေစိုးထက်၊ ဒု-ဦးစီးမှူးတို့သည် ပဲခူးတိုင်းဒေသကြီး၊ တောင်ငူခရိုင်၊ တောင်ငူမြို့နယ်ရှိ ခရိုင်မီးသတ်ဦးစီးဌာနအစည်းအဝေးခန်းမ၌ စားသုံးသူကာကွယ်ရေး အသိပညာပေး ဟောပြောပွဲ ကျင်းပခဲ့ပါသည်။ အစည်းအဝေးသို့မီးသတ်ဝန်ထမ်းများနှင့် မိသားစုဝင်များ တက်ရောက်ခဲ့ပြီး ဟောပြောပွဲသို့(၃၉)တက်ရောက်ခဲ့ပါသည်။ ခရိုင်မီးသတ်ဦးစီးမှူးမှ အဖွင့်အမှာစကား ပြောကြားခဲ့ပြီး မိမိတို့ဝန်ထမ်းများအနေဖြင့် ယခုဟောပြောမည့် အကြောင်းအရာများအား သေချာစွာ နားထောင်ကြရန် လိုအပ်ပြီး မိမိတို့နားလည်သည့် အကြောင်းအရာများအား ပြန်လည်မျှဝေကြရန် မှာကြားခဲ့ပါသည်။ တောင်ငူခရိုင်ဦးစီးမှူး၊ ဦးမျိုးအောင်မှ ယနေ့ကျင်းပသည့် စားသုံးသူကာကွယ်ရေး အသိပညာပေး ဟောပြောပွဲသို့ တက်ရောက်လာသည့် ဝန်ထမ်းများနှင့်မိသားစုဝင်များအား စားသုံးသူကာကွယ်ရေး ဥပဒေစတင်ပေါ်ပေါက်လာပုံ၊ ကုန်စည်နှင့်ဝန်ဆောင်မှုအကြောင်းများအား ရှင်းလင်းဟော ပြောခဲ့ပြီး ဦးမင်းဇော်၊ ဒု-ခရိုင်ဦးစီးမှူးမှ စားသုံးသူအခွင့်အရေး(၈)ချက်၊ စားသုံးသူနစ်နာဆုံးရှုံးပါက တိုင်ကြားရမည့် လိပ်စာ၊ Hot Line နံပါတ်တို့အား Power Point ဖြင့်ရှင်းလင်းဆွေးနွေးခဲ့ကြောင်း သိရှိရပါသည်။

DOCA(ပဲခူး)

         ရန်ကုန်တိုင်းဒေသကြီး၊ သန်လျင်ခရိုင်၊ သန်လျင်မြို့နယ်၊ ကျိုက်ခေါက်ဘုရားလမ်း၊ အောင်ချမ်းသာရပ်ကွက်ရှိ City Mart Supermarket ဆိုင်အတွင်း ရောင်းချနေသော  အသင့်သောက်အချိုရည်အမျိုးမျိုးနှင့် အသင့်စားမုန့်အမျိုးမျိုးတို့တွင် ကုန်အညွှန်းအမှတ်အသား ပြည့်စုံစွာဖော်ပြထားခြင်းရှိ/ မရှိ အခြေအနေအား မေလ(၂၆)ရက်နေ့၊ နံနက်(၁၄:၀၀)နာရီအချိန်တွင် ကွင်းဆင်းစစ်ဆေးခဲ့ကြောင်း သိရသည်။

        ထိုသို့ ကွင်းဆင်းစစ်ဆေးခဲ့ရာတွင် စားသုံးသူရေးရာဦးစီးဌာန၊  တောင်ပိုင်းခရိုင်ဦးစီးမှူးရုံးမှ ဒုတိယခရိုင်ဦးစီးမှူးဦးဆောင်၍ ကွင်းဆင်းစစ်ဆေးခဲ့ရာ City Mart Supermarket မှ ဆိုင် မန်နေဂျာနှင့်တွေ့ဆုံ၍ အသင့်စားသောက်ကုန်များဖြစ်သည့် အချိုရည်နှင့်အသင့်စားမုန့်များတွင် မဖြစ်မနေဖော်ပြရမည့် ကုန်အညွှန်းအမှတ်အသားများဖြစ်သော အမျိုးအမည်၊ အသားတင်ပမာဏ၊ ထားသိုသိမ်းဆည်းမှုနှင့် ဓာတ်မတည့်ကြောင်းဖော်ပြချက်တို့သည် မြန်မာဘာသာဖြင့် ဖော်ပြထားရမည်ဖြစ်ကြောင်း၊ အဓိကကျသော အခြားစားသောက်ကုန်များသည်လည်း ကုန် အညွှန်းအမှတ်အသားမပြည့်စုံပါက ဖြန့်ဖြူးရောင်းချမှုများ မပြုလုပ်ကြရန်၊ စားသုံးသူပြည်သူများ ဘေးအန္တရာယ်ကင်းရှင်းစေရေးတို့အတွက် စံချိန်စံညွှန်းများနှင့် ကိုက်ညီမှုမရှိသော စားသောက်ကုန်ပစ္စည်းများ ဖြန့်ဖြူးရောင်းချခြင်းများ မပြုလုပ်ကြရန် ဆိုင်မန်နေဂျာအား မှာကြားခဲ့ပြီး City Mart Supermarket ဆိုင်အတွင်း ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ရန်ကုန်)