သတင်းနှင့် လှုပ်ရှားမှုများ

       ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်၊ ညောင်တုန်း မြို့နယ်ဦး စီးမှူးရုံးမှ တာဝန်ရှိသူများသည် ၂၁.၉.၂၀၂၅ ရက်နေ့က မြို့နယ်အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမတွင် ဌာနဆိုင်ရာများနှင့်အတူ ညောင်တုန်းမြို့နယ် ငရုတ်လုပ်ငန်းရှင်(၁၅) ဦးအား တွေ့ဆုံ၍  လုပ်ငန်းရှင်အသိပညာပေးခြင်း ဟောပြော ဆွေးနွေးခဲ့ကြသည်။

     အဆိုပါဆွေးနွေးပွဲတွင် ဓနုဖြူမြို့နယ်ဦးစီးမှူးရုံးမှ ဦးခိုင်လွမ်းမိုး က စားသုံးသူကာကွယ် ရေးဥပဒေ(၂၀၁၉) စီးပွားရေးလုပ်ငန်းရှင်များ လိုက်နာရမည့် တာဝန်အကြောင်း ကိုလည်းကောင်း ၊ ဓနုဖြူမြို့နယ်တွင် ငရုတ်သီးနှံ စိုက်ပျိုးထုတ်လုပ်နေ၍ ဈေးကွက်ရရှိနေသော ငရုတ်စိုက်ပျိုးထုတ်လုပ်မှု ပိုမိုစိုက်ပျိုးနိုင်ရေးနှင့်  ဈေးကွက်ခိုင်မာရေး၊ ပိုးမွှားအန္တရာယ်ကာကွယ်ရေးနှင့် ပြည်တွင်းမှ ဒေသတွင်း ထွက်ကုန်စည်များကို အရည်အသွေးပြည့်မီစွာစိုက်ပျိုးထုတ်လုပ်နိုင်ရေး၊ ပြည်ပသို့တင်ပို့ ရောင်းဝယ်နိုင် သည်အထိ တိုးမြင့်စိုက်ပျိုးနိုင်ရေးနှင့် ဝန်ကြီးဌာန၏ဆောင်ရွက်မှုများကို ရှင်းလင်းခြင်း ငရုတ် တစ်ဧကစာ စိုက်ပျိုးပျိုးပါက အကြမ်းဖျဉ်း ကုန်ကျစရိတ် (၅)သိန်းမှ (၇)သိန်းကြား ကုန်ကျနိုင်ကြောင်း စိုက်ပျိုးသူ များထံမှ ကွင်းဆင်းသိရှိရ၍ ငရုတ်စိုက်ပျိုးမှု ကုန်ကျစရိတ်သည် ဒေသတစ်ခုနှင့် တစ်ခု ကုန်ကျစရိတ် တူညီမှု မရှိနိုင်ကြောင်း၊ ငရုတ်ပထွက်တိုးရေးနှင့် ငရုတ်ဈေးကွက်ရရှိစေရေး ဌာနများက လည်း ပြည်တွင်ကုန်သွယ်မှု ဖွံ့ဖြိုးတိုးတက်စေရေးကို ဆောင်ရွက် လျှက်ရှိကြောင်း အကျယ်တဝင့် အပြန်အလှန် ဆွေးနွေးခဲ့ကြပြီး စားသုံးသူကာကွယ်ရေးလုပ်ငန်းစဉ် စီးပွားရေးလုပ်ငန်းရှင် သိကောင်းစရာများနှင့် ပတ်သက်၍ အသေးစိတ်ရှိလိုပါက Consumer Call Center 1535 သို့ ဆက်သွယ် မေးမြန်းနိုင်ကြောင်းစသည်တို့ကို အသိပညာပေး ဟောပြောခဲ့ကြောင်း သိရသည်။

DOCA (ဧရာဝတီ)

   ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ်အတွင်း Delivery ဝန်ဆောင်မှု ပို့ဆောင်ရေးလုပ်ငန်းလုပ်ကိုင်သူလုပ်ငန်းရှင်များအား စားသုံးသူကာကွယ်ရေးဥပဒေအရ စီးပွားရေး လုပ်ငန်းရှင်၏တာဝန်များနှင့် သိကောင်းစရာကိစ္စရပ်များ အသိပညာပေး ဟောပြောခြင်းအား ၂၁.၉.၂၀၂၅ ရက်နေ့ နံနက်(၁၀)နာရီက မြို့နယ် စားသုံးသူရေးရာဦးစီးဌာန၊ ရုံးခန်းမတွင် ကျင်းပခဲ့ကြောင်း သိရသည်။

    အဆိုပါဟောပြောပွဲတွင် ပန်းတနော်မြို့နယ် စားသုံးသူရေးရာဦးစီးဌာန မြို့နယ်တာဝန်ခံရုံးမှ ဦးခိုင်လွမ်းမိုးက Delivery လုပ်ငန်းရှင် ပြည့်ဝကုန်စည်ပို့ဆောင်ရေး ခေးခေးလေး ကုန်စည်ပို့ဆောင်ရေး၊ Royal Express လုပ်ငန်းများအား မိမိကုန်စည်နှင့် ဝန်ဆောင်မှုများကို သတ်မှတ်ချက်အတိုင်း လိုက်နာမှုမရှိပဲ လုပ်ငန်းလုပ်ဆောင်နေပါက စားသုံးသူကာကွယ်ရေး ဥပဒေအရ စားသုံးသူတောင်းဆိုနိုင်သည့် အခွင့်အရေး၊ တားမြစ်ချက်ဆိုင်ရာပြဋ္ဌာန်းချက်၊ ဥပဒေပါ ပြဋ္ဌာန်းချက်တစ်ရပ်ရပ်ကို ဖောက်ဖျက်ပါက ကော်မတီအနေဖြင့် အရေးယူဆောင်ရွက်ရ မည့်လုပ်ငန်းစဉ် လျော်ကြေးငွေပေးစေခြင်း၊ ဒဏ်ကြေးငွေချမှတ်ခြင်း၊ ကုန်စည်ဝန်ဆောင်မှုကို ကာလအကန့်အသတ်တားမြစ်ခြင်း၊ လုပ်ငန်းလိုင်စင် ယာယီ/ အမြဲပိတ်သိမ်းနိုင်ရန် အစိုးရဌာနနှင့်ညှိနှိုင်းဆောင်ရွက်ခြင်းတို့ကို ဆောင်ရွက်နိုင်ကြောင်းကို လုပ်ငန်းလုပ်ကိုင်သူ Deliveryလုပ်ငန်းရှင် များအားအသိပညာပေးရှင်းလင်းဆွေးနွေးခဲ့သည်။ စားသုံးသူရေးရာ အချက်အလက်နှင့်ပတ်သက်၍ စားသုံးသူ/စီးပွားရေးလုပ်ငန်းရှင်များက ဦးစီးဌာန၏ Consumer Call Center နံပါတ် 1535 သို့ ရုံးချိန်အတွင်းလည်းကောင်း ဆက်သွယ်မေးမြန်း နိုင်ကြောင်းအား အသိပညာပေးဟောပြောခဲ့ကြောင်း သိရသည်။

     ဝန်ဆောင်မှုလုပ်ငန်းများ များပြားလာ၍ စားသုံးသူများ စိတ်ကျေနပ်မှု ရှိစွာ ဝယ်ယူ နိုင်ရေးအတွက် Deliveryလုပ်ငန်းရှင်များအား စားသုံးသူကာကွယ်ရေးလုပ်ငန်းနှင့်ပတ်သက်၍ ဆက်စပ်လျှက်ရှိသော ဥပဒေပါတားမြစ်ချက်များကို လုပ်ငန်းရှင်များ လိုက်နာဆောင်ရွက်နိုင်ရန်အတွက် အသိပညာပေးလုပ်ငန်းစဉ်များ ဆောင်ရွက်လျှက်ရှိသည်။

DOCA(ဧရာဝတီ)

         မအူပင်ခရိုင်၊ဓနုဖြူမြို့နယ် ဈေးကွက်အတွင်း Danone Specialized Nutrition (Thailand) မှ ထုတ်လုပ်သည့်  DUMEX DUPRO အမှတ်တံဆိပ် ကလေးငယ်ဖော်စပ်စာ ၆၅၀ ဂရမ်အား ဈေးကွက်အတွင်း အတုပြလုပ် ရောင်းချနေမှု ရှိမရှိကို ၂၁-၉-၂၀၂၅ ရက်နေ့ နံနက် ၉နာရီအချိန်တွင် ဓနုဖြူမြို့နယ် ကုန်စုံဆိုင်ကြီးများအား ကွင်းဆင်းစစ်ဆေးဆောင်ရွက်ခဲ့ကြသည်။

          ကွင်းဆင်းစစ်ဆေးဆောင်ရွက်ရာတွင် ဓနုဖြူမြို့နယ်စားသုံးသူရေးရာဦးစီးဌာနမှ ဦးခိုင်လွမ်းမိုးနှင့် ဝန်ထမ်းများ၊ မြို့နယ် ကျန်းမာရေးဦးစီးဌာန၊ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ် စည်ပင်သာယာရေးအဖွဲ့တို့က ပူးပေါင်းစစ်ဆေးခဲ့ကြပြီး ကုန်စုံဆိုင်ကြီး ၈ဆိုင်တွင် ရောင်းချနေသော  DUMEX DUPRO အမှတ်တံဆိပ် ရောင်းချခြင်း မရှိကြောင်းတွေ့ရှိရပြီး ဈေးကွက်အတါင်း အခြားသော ကလေးဖြည့်စွပ်စာ အမှတ်တံဆိပ်များသာ ရောင်းချနေကြောင်း သက်ဆိုင်ရာအစိုးရဌာန၊ အစိုးရအဖွဲ့စည်းများ၏ ထောက်ခံချက်ပါဝင်သော ကုန်စည်များဖြစ်ပြီး ၊ ကလေးအဟာရဖြည့်စွပ်စာ ကုန်စည်များတွင် ကုန်အညွှန်းအမှတ်အသား ဖော်ပြခြင်းနှင့် စပ်လျဉ်း၍ စစ်ဆေးခဲ့ပြီး  ဆိုင်ရှင်များကို စီးပွားရေးလုပ်ငန်းရှင် တာဝန်များအကြောင်း အသိပေးရှင်းလင်းမှာကြားခဲ့ကြောင်း သိရသည်။

DOCA(ဧရာဝတီ)

     ၂၀၂၅ ခုနှစ်၊ အောက်တိုဘာလ၊ ၂၁ ရက်နေ့၊ စားသုံးသူရေးရာဦးစီးဌာန အစည်းအဝေး ခန်းမတွင် မန္တလေးတိုင်းဒေသကြီးအတွင်း စားသုံးဆီဖြန့်ဖြူးမှုအခြေအနေနှင့် ပတ်သက်၍ လုပ်ငန်းညှိနှိုင်းအစည်းအဝေး ကျင်းပဆောင်ရွက်ခဲ့ပါသည်။ အစည်းအဝေးကို နံနက်(၁၀:၀၀)နာရီ အချိန်တွင် စတင်ခဲ့ပြီး စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ညွှန်ကြားရေးမှူးချုပ်မှ အဖွင့်အမှာစကားပြောကြားခဲ့ပြီး စားသုံးသူရေးရာဦးစီးဌာန၊ တိုင်းဒေသကြီး ဦးစီးမှူး က မန္တလေးတိုင်းဒေသကြီးအတွင်း စားသုံးဆီဖြန့်ဖြူးမှုအခြေအနေနှင့်ပတ်သက်၍ ရှင်းလင်းဆွေးနွေးခဲ့ပါသည်။

             အစည်းအဝေးသို့ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၊ စားသုံးသူရေးရာဦးစီးဌာန၊ ညွှန်ကြားရေးမှူးချုပ်၊ ညွှန်ကြားရေးမှူး (ပြည်တွင်းကုန်သွယ်ရေး ဖွံ့ဖြိုးမှုနှင့်သုသေသနဌာနခွဲ)၊ တိုင်းဒေသကြီးဦးစီးမှူး၊ ပြည်တွင်းအခွန်များဦးစီးဌာန၊ မန္တလေးတိုင်း ဒေသကြီးရဲတပ်ဖွဲ့မှူးရုံး၊ စည်ပင်သာယာရေးကော်မတီ (ဈေးနှင့်သားသတ်ဌာန)၊ ဗဟိုစာရင်းအဖွဲ့၊ စက်သုံးဆီနှင့်စားသုံးဆီ ရောင်းချမှုကြီးကြပ်ရေးအဖွဲ့၊ အကောက်ခွန်ဦးစီးဌာန၊ မြို့တော်စည်ပင် သာယာရေးကော်မတီ(စီမံ)၊ အထူးစုံစမ်းစစ်ဆေးရေးဦးစီးဌာန၊  စက်ကြီးကြပ်ရေးနှင့် စစ်ဆေးရေး ဦးစီးဌာန၊ စက်မှုလုပ်ငန်းသုံးဆီ ထုတ်ယူဖြန့်ဖြူးမှုကြီးကြပ်ရေးအဖွဲ့၊ မြန်မာနိုင်ငံစားသောက်ဆိုင် အသင်း၊ စားသောက်ကုန်အသင်း၊ ဆီကုန်သည်နှင့်ဆီလုပ်ငန်းရှင်များအသင်း၊ မန္တလေးတိုင်း ဒေသကြီးအတွင်း စားအုန်းဆီဖြန့်ဖြူးရောင်းချလျက်ရှိသော လက်ကား ကိုယ်စားလှယ် (၅၂)ဦး၊ စုစုပေါင်း အယောက်(၇၀) ခန့်တက်ရောက်ခဲ့ကြပါသည်။

             ထို့နောက် အစည်းအဝေးသို့ တက်ရောက်လာသော ဌာနဆိုင်ရာမှတာဝန်ရှိသူများက စားအုန်းဆီဖြန့်ဖြူးရောင်းချမှုကိစ္စရပ်များအပေါ် ညှိနှိုင်းပေါင်းစပ်ဆောင်ရွက်နိုင်ရေး ဆွေးနွေးခဲ့ကြပါသည်။

           အဆိုပါ လုပ်ငန်းညှိနှိုင်းအစည်းအဝေး အခမ်းအနားကို  နံနက်(၁၁:၃၀) တွင် ရုတ်သိမ်း ခဲ့ကြောင်းသိရှိရပါသည်။

DOCA(မန္တလေး)

        ဧရာဝတီတိုင်းဒေသကြီး၊ စားသုံးသူရေးရာဦးစီးဌာန မြောင်းမြခရိုင် လပွတ္တာမြို့နယ်တာဝန်ခံ ဦးမြင့်ဌေးသည် (၂၃.၉.၂၀၂၅) ရက်နေ့၊ နံနက်(၁၀;၀၀)နာရီအချိန်တွင် လပွတ္တာမြို့နယ်၊တာဝန်ခံရုံးတွင် ပုဂ္ဂလိကမော်တော်ယဉ်စနစ်တကျပြေးဆွဲရေး ကြီးကြပ်မှုကော်မတီဥက္ကဌအား ခေါ်ယူတွေ့ဆုံဆွေးနွေး ခဲ့ပါသည်။

            ထိုသို့တွေ့ဆုံဆွေးနွေးဆောင်ရွက်ရာတွင် လပွတ္တာမြို့နယ်တာဝန်ခံမှ ပုဂ္ဂလိကမော်တောင်ယဉ် စနစ်တကျပြေးဆွဲရေး ကြီးကြပ်မှုကော်မတီအသင်းရုံးအဖွဲ့များအား ချမှတ်ထားသည့်ယဉ်စည်းကမ်း လမ်းစည်းကမ်းများ၏ လမ်းညွှန်ချက်များအား စနစ်တကျလိုက်နာကျင့်သုံးကြရန်၊ ယာဉ်တစ်စီးတွင် သတ်မှတ်ထားသည့် တန်ချိန်ထက်ကျော်လွန်၍ တင်ဆောင်ခြင်းမပြုရန်၊ မော်တော်ယဉ်များ စနစ်တကျ ပြေးဆွဲနိုင်ရေး အသင်းအနေဖြင့်  ကုန်စည်သယ်ယူပို့ဆောင်ရေးကိစ္စများတွင် အဆင်ပြေချောမွေ့မှုရှိ/မရှိနှင့် အသင်းတိုးတက်ရေးအတွက်  မေးမြန်းရာတွင် အသင်းဥက္ကဌမှ အခက်အခဲမရှိဟု ပြောကြားခဲ့ကြောင်း သိရှိရပါသည်။

DOCA (ဧရာဝတီ)